പ്രേമവും കാമവും 3

Premavum Kaamavum Part 3 | Author : Bhageera

[ Previous Part ] [ www.kambi.pw ]

കമ്പികുട്ടനിലെ എല്ലാ വായനക്കാർക്കും ഒരു നല്ല ദിവസം നേർന്നുകൊണ്ട് തുടങ്ങട്ടെ. പിന്നെ നിന്റെ ഒരു ശുഭദിനം ആർക്ക് വേണം എന്ന് ചിലരെങ്കിലും ചിന്തിച്ചിട്ടുണ്ടാകും, സാരമില്ല അത് നിങ്ങളുടെ തെറ്റല്ല ഇടക്ക് എനിക്കും ഇങ്ങനെയൊക്കെ തോന്നാറുണ്ട്.. അപ്പോ നമുക്ക് കാര്യത്തിലേക്ക് കടക്കാം ..

ആദ്യം ഒരു നന്ദി പ്രസംഗമാവാം, അല്ലേ ? എന്തായാലും പ്രസംഗത്തിനൊന്നും ഞാൻ മുതിരുന്നില്ല എങ്കിലും നന്ദി പറയാതെ തുടങ്ങാനുമാവില്ല , നന്ദി നിങ്ങളുടെ സ്നേഹങ്ങപുഷ്പങ്ങൾ അക്ഷരങ്ങളുടെ രൂപത്തിൽ കമന്റ് ബോക്സിൽ നിക്ഷേപിച്ച പ്രിയ വായനക്കാർക്ക് പ്രേമവും കാമവും എന്ന എന്റെ ആദ്യ കഥയ്ക്ക് വിചാരിച്ച ഒരു സ്വീകാര്യത ലഭിച്ചില്ല എന്നതിൽ ഞാൻ ചെറിയ ഒരു വിഷമത്തോടെയാണ് ഈ ഭാഗം എഴുതാൻ തുടങ്ങുന്നത് ,

ചിലപ്പോൾ എന്റെ തന്നെ തെറ്റായിരിക്കാം ഈ സൈറ്റിൽ ഏറ്റവും കൂടുതൽ വായനക്കാരുള്ള നിഷിദ്ധ സംഗമം എന്ന കാറ്റഗറി തെരഞ്ഞെടുക്കാത്തത്, ചിലപ്പോൾ എന്റെ തന്നെ തെറ്റായിരിക്കാം രണ്ട് ഭാഗങ്ങളെഴുതിയിട്ടും ഒരു കാമകേളി പോലും ഉൾപ്പെടുത്താത്. ആരൊക്കെ സ്വീകരിച്ചാലും ഇല്ലെങ്കിലും ആ തെറ്റുകൾ തുടർന്നുകൊണ്ട് മൂന്നാം ഭാഗത്തിലേക്ക് കടക്കട്ടെ.

പ്രിയ വായനക്കാരെ ഇത് നിങ്ങൾക്കുള്ള കഥയാണ് പതിഞ്ഞ താളത്തിൽ നിങ്ങുന്ന കഥ . സെക്സ് രംഗങ്ങളെക്കാൾ അവയിലോട്ട് അടുപ്പിക്കുന്ന സാഹചര്യങ്ങളെ ഇഷ്ടപ്പെടുന്ന വിരലിലെണ്ണാവുന്ന ചിലർക്ക് വേണ്ടി അത്തരം കഥകൾ ഇഷ്ടപ്പെടുന്ന ഒരാളെഴുതുന്ന കഥ.

കഥ ഇതുവരെ..

33 വയസ്സുള്ള ലേഖ വീട്ടിലെ ബോറഡി മാറ്റാനായാണ് ടൗണിലെ ബുക്ക് സ്റ്റാളിൽ ജോലിക്ക് പോകുന്നത്, ഭർത്താവ് ചെന്നെയിൽ കോൺട്രാക്ടർ ആണ്. അവൾ ജോലി ചെയ്യുന്നിടത്ത് അരുൺ എന്ന ഒരു പയ്യൻ പുതുതായി ജോലിക്ക് വരുന്നു , ഭർത്താവിന്റെ സാമിപ്യം അന്യമായി കൊണ്ടിരിക്കുന്ന ലേഖ അരുണുമായി പെട്ടെന്ന് തന്നെ അടുക്കുന്നു.

നാട്ടിലെ കൂട്ടുകാർക്കിടയിൽ വെള്ളമടി കമ്പനിക്കിടയിൽ നാട്ടുകാരുടെ ഉറക്കം കെടുത്തുന്ന വൃന്ദ എന്ന അപ്സരസ്സിനെ കുറിച്ചുള്ള സംസാരങ്ങൾക്കിടയിൽ ലേഖയും ഒരു സംസാര വിഷയമാകുന്നു. കൂട്ടുകാരുടെ നിർബന്ധവും തന്റെ ഉൾപ്രേരണയും അരുണിനെ ലേഖയുമായി മറ്റൊരു തരത്തിലുള്ള റിലേഷൻഷിപ്പിലേക്ക് നയിക്കാൻ പ്രേരിപ്പിക്കുന്നു അവൻ അതിനായുള്ള കരുക്കൾ നീക്കി തുടങ്ങുന്നു..

തുടർന്ന് വായിക്കുക…..

പ്രേമവും കാമവും (ഭാഗം 3)

ഞായർ .. ചിലപ്പോഴൊക്കെ തോന്നിപ്പോകാറുണ്ട് ഇത്രയേറെ മനോഹരമായ ഒരു ദിവസം ആഴ്ചയിലുണ്ടോ എന്ന്. സ്കൂളിൽ പഠിക്കുന്ന കാലത്ത് ഏറ്റവും ഇഷ്ടപ്പെട്ട ദിവസമായിരുന്നു, ഏറ്റവും വെറുക്കപ്പെടുന്ന ദിവസം തിങ്കളാഴ്ചയും

അന്നും ഒരു ഞായറാഴ്ചയായിരുന്നു.. പതിവിന് വിപരീതമായി നല്ല രീതിക്ക് കഴിച്ചതിനാൽ കണ്ണ് തുറക്കാൻ പോലും ആകാതെ അരുൺ ബെഡിൽ തന്നെ കിടന്നു. എങ്കിലും അവൻ എങ്ങനെയൊക്കെയോ ഫോണേടുത്ത് ലേഖയ്ക്ക് ഒരു ഗുഡ് മോണിംഗ് മെസ്സേജ് ഇട്ടു കൂടെ ഒരു ഹാർട്ട് സ്മൈലിയും ഒരു കിസ്സ് സ്മെലിയും .. മെസ്സേജ് ഡെലിവർ ആയോ എന്നുപോലും നോക്കാതെ അവൻ വീണ്ടും പുതപ്പ് വലിച്ച് മുഖത്തേക്കിട്ടു..

ടും.. ടും… ഡാ… അരുണേ… ഡാ….

അന്തരീക്ഷത്തിൽ നിന്നും അശരീരി പോലെ ഒരു ശബ്ദം അവന്റെ കർണപടങ്ങളെ തുളച്ച് കടന്നു പോയി.. അല്ല അശരീരിയല്ല വീണ്ടും ആ ശബ്ദം അവന്റെ മൂറിയിൽ മുഴങ്ങി.

ഡും ഡും…

വാതിലിൽ ആരോ ആഞ്ഞ് മുട്ടുന്നുണ്ട് അരുൺ മെല്ലെ കണ്ണ് തിരുമ്മി എഴുന്നേറ്റു ഉടുത്തിരുന്ന കാവി മുണ്ട് തപ്പാൻ തുടങ്ങി. വളരെ ഭദ്രമായി കട്ടിലിനടിയിൽ ഒളിച്ചിരുന്ന മുണ്ടും എടുത്തുട് വാതിൽ തുറന്നു. ഭദ്രകാളിയെ പോലെ ഉറഞ്ഞ് തുള്ളി നിൽക്കുകയാണ് അരുണിന്റെ അമ്മ.

സമയമെത്രയായെടാ ..

“എട്ടര” അവൻ ഭിത്തിയിലെ ക്ലോക്കിലേക്ക് ഒന്നു പാളിനോക്കികൊണ്ട് പറഞ്ഞു

എട്ടെര പോലും അതിനൊരു ബാറ്ററി വാങ്ങിയിടാൻ അച്ഛനോടും മോനോടും പറഞ്ഞിട്ട് ആഴ്ച ഒന്നായി. ആരോട് പറയാൻ ആര് കേൾക്കാൻ അമ്മ പിറുപിറുത്തു..

ദാ നോക്ക് അരുണിന്റെ ഫോണെടുത്ത് അവന്റെ നേരെ നീട്ടി പത്ത് കഴിഞ്ഞു, എന്നിട്ടും അവന് തല പൊന്തിയില്ല. അതെങ്ങനാ ഇന്നലെ നാല് കാലിലല്ലെ കേറി വന്നത് .

താൻ എന്ത് പറഞ്ഞിട്ടും കാര്യമില്ലെന്നറിയാവുന്നത് കൊണ്ട് അരുൺ ഒരു പാവത്താനെ പൊലെ അമ്മ പറയുന്ന വഴക്കും കേട്ടിരുന്നു.

നീ വേഗം കുളിച്ച് റെഡിയായേ എനിക്ക് വീട് വരെ ഒന്ന് പോണം.

അമ്മ ബസ്സിനാറ്റം പോയ്ക്കോ എനക്ക് കയ്യേല ആകെ ഒരു ഞാറാഴ്ചയാ ഇള്ളേ..

പിന്നേ ബസ്സിന് പോകാൻ ആണല്ലോ നിന്നെ പെറ്റ് പോറ്റി ഇത്രേം ഒക്കെ ആക്കിയത്. നിനക്ക് അരമണിക്കൂർ സമയമുണ്ട് വേഗം റെഡിയായി താഴേക്ക് വാ… ആ ശബ്ദത്തിന് നേരത്തെതിനെക്കാൾ ഒരല്പം ഗാംഭീര്യമുണ്ടായിരുന്നു. പ്രപഞ്ചത്തിലെ പോരാളിയുടെ ആ ശബ്ദത്തെ അനുസരിക്കുക എന്നത് മാത്രമായിരുന്നു അരുണിന്റെ മുന്നിലുള്ള ഏക വഴി ..

അരുൺ പെട്ടെന്ന് തന്നെ കുളിച്ച് റെഡിയായി താഴേക്ക് വന്നു. മേശപ്പുറത്തുള്ള ഭക്ഷണം എടുത്ത് കഴിക്കുന്നതിനിടെ അവൻ ഫോണെടുത്തു നോക്കി. ഗ്രൂപ്പിലൊക്കെ ഒരു പാട് മെസ്സേജുകൾ വന്നിട്ടുണ്ടായിരുന്നു അവൻ അതൊന്നും വക വെക്കാതെ ലേഖേച്ചി എന്നെഴുതിയ ചാറ്റ് ഓപ്പൺ ചെയ്തു

മോണിംഗ് ഒരു ഹഗ് സ്മൈലിയും..

ചായ കുടിച്ചോ…

‘ഭാഗ്യം കിസ്സ് അയച്ചതിന് ആംഗ്രി റിയാക്ഷൻ ഒന്നുല്ല. ‘

ദേ കുടിക്കുന്നു, ചേച്ചിയോ ?

സൺഡെ ആയിട്ട് എന്താ പരിപാടി?

അപ്പോഴേക്കും അമ്മ റെഡിയായി വന്നതിനാൽ ചായ കുടിച്ചെന്നു വരുത്തി അരുൺ അമ്മയ്ക്കൊപ്പം ഇറങ്ങി.

നമ്മൾ ഒത്തിരി ഇഷ്ടത്തോടെ ചെന്നുകേറിയ ഒരിടമായിരിക്കും അമ്മവീട്. വേനലവധിക്കും ഓണം വിഷു ഉത്സവം തുടങ്ങിയ വിശേഷ അവസരങ്ങളിലും . നമ്മളെ കാത്ത് ചുരുണ്ടുതുടങ്ങിയ തൊലിയുള്ള കൈകളും നീട്ടി നാട്ടുവഴിയിലേക്ക് നോക്കി ഇരിപ്പുണ്ടാകും രണ്ട് കണ്ണുകൾ അത് മുത്തശ്ശന്റെയോ, മുത്തശ്ശിയുടെയോ ആവാം. കണ്ടാലുടനെ വാരി പുണരുന്ന് മുറുക്കാൻ ചവച്ച് ചുവന്ന ചുണ്ടുകൊണ്ടൊരുമ്മ പതിവായിരിക്കും , കുറച്ച് ദിനങ്ങൾ അവിടെ ചിലവഴിച്ച ശേഷം അമ്മാവൻ വാങ്ങി തന്ന പുതിയ ഉടുപ്പുമിട്ട് പിന്നെ വരാമെന്ന് പറഞ്ഞ് മടങ്ങുമ്പോഴും ആ തിണ്ണയിൽ തന്നെയുണ്ടാകും നാട്ടുവഴിയിലേക്ക് കണ്ണുകൾ പായിച്ച് ഒരു കിളവനോ, കിളവിയോ. അവർ നമുക്ക് എത്രമാത്രം പ്രിയപ്പെട്ടവരായിരുന്നെന്നത് അവരുടെ വിടവാങ്ങലിനു ശേഷമാണ് നാം ശരിക്കും മനസ്സിലാക്കുക.