നമ്പൂതിരി : താൻ താൻ ചെയ്ത തെറ്റുകൾ താൻ താൻ അനുഭവിക്കണം… അതെ എത്ര ജന്മം കഴിഞ്ഞാലും അനുഭവിച്ചേ പറ്റു…
ഇവിടുത്ത ഉണ്ണിയുടെ ജാതകം അസുര ജാതകം ആണ്… അത് മനസ്സിലാക്കി ഉണ്ണിയുടെ മുത്തച്ഛൻ ആ ജാതകം ആരും അറിയാതെ മാറ്റി എഴുതിച്ചു…. അതുകൊണ്ടാണ് കവടി നിരത്തിട്ടും കാര്യപ്രേശ്നങ്ങൾക്കൊന്നും ഒരു വ്യക്തത കിട്ടാഞ്ഞത്…
കൊടുംപാതകങ്ങൾ ചെയ്ത ആ കാരണവരുടെ പുനർജൻമം ആണ് ഇവിടുത്തെ ഉണ്ണി.. അത് പോലെ തന്നെ ഇവിടുത്തെ വലിയ നമ്പൂതിരിയും ചെറിയ നമ്പൂതിരിയും ആ കാർന്നോരുടെ വിശ്വസ്ത ശിങ്കിടികൾ ആയിരുന്നു….
ഇപ്പോഴാണ് എനിക്ക് മനസ്സിലായത് എന്ത് കൊണ്ടാണ് ഒരാൾ കിടപ്പിലായതും മറ്റേയാളുടെ കാൽ കരിയാതയിരിക്കുന്നതെന്നും… അവർ ചെയ്ത പാപങ്ങൾ അവർ തന്നെ അനുഭവിക്കണം…
വിധി ആരാലും തടുക്കാൻ പറ്റില്ല… അസുര നിഗ്രഹം തന്നെയാണ് ഇനി ഇവിടെയുള്ളത്.. അത് നടക്കുക തന്നെ ചെയ്യും…
പെട്ടന്ന് ഒരു ശിങ്കിടി ഓടി വന്ന മനോജ് ഒളിച്ചിരിക്കുന്ന സ്ഥലം കണ്ടു പിടിച്ചെന്ന് പറഞ്ഞത്….
എല്ലാവരും അങ്ങോട്ടേക്ക് പോയി…അവിടെ മനോജ് കൈയിൽ ഒരു കത്തി പിടിച്ചു എല്ലാവരുടെയും നേരെ ആക്രോശിക്കുകയാണ് …
ഏത് നായ്ക്കടാ എന്നെ പിടിക്കേണ്ടത്….
വിനാശകാലേ വിപരീത ബുദ്ധി എന്നാണല്ലോ….
അടുത്ത ചെന്ന് 2 3 പേരെ വെട്ടി പരിക്കേൽപ്പിച്ചിട്ടുണ്ട്….
അവൻ അവിടുന്ന് ഓടി പോകുന്നത് ഞാൻ ഇവിടിരുന്ന കണ്ടു… എന്റെ മനസ്സിൽ ഇപ്പൊ ഒറ്റ ചിന്തയെ ഉള്ളു…
പ്രതികാരം………..
ഞാൻ ഇരുന്നേടത്ത് നിന്ന് കൊടുംകാറ്റ് പോല്ലേ മനോജ് ഓടുന്ന ദിശയിലേക്ക് ഓടിയടുത്തു….
എന്റെ ഓട്ടത്തിന്റെ വേഗം കണ്ട മനോജിന്റെ പുറകെ ഓടിയവരും, നടുമുറ്റത്തിരുന്നവരും അന്ധാളിച്ചു നോക്കികൊണ്ട് നിൽക്കുകയാണ്…
അത്രെയും വേഗത എവിടുന്ന് വന്നെന്നു എനിക്കുമറിയില്ല… പക്ഷെ ഞാൻ ഇതൊന്നും ശ്രദ്ധിക്കുന്നില്ല… എന്റെ മുന്നിൽ മനോജ് മാത്രമേയുള്ളു…
ഞാൻ മനോജിന്റെ മുന്നിൽ കൊടുംകാറ്റ് പോല്ലേ വന്നു നിന്നു…
ഞാൻ പെട്ടന്ന് വരുന്നത് കണ്ട അവനും ഒന്ന് വിരണ്ടു….
എന്നെ നേരത്തെ കെട്ടിയിട്ട അതെ സ്ഥലത്താണ് ഞങ്ങൾ ഇപ്പോൾ….
അവൻ മനോനില വീണ്ടെടുത്ത എന്റെ നേരെ കുതിച്ചു ചാടി… ഞാൻ ഒഴിഞ്ഞുമാറി അവൻ ഓടി വന്ന അതെ വേഗതയിൽ തന്നെ അവനെ പൊക്കിയെടുത്തു എറിഞ്ഞു….. അവൻ തെങ്ങേൽ പോയിടിച്ചു നിലത്തു വീണു…
എന്റെ രൗദ്ര ഭാവം കണ്ടിട്ട് ആരും ഞങ്ങളെ തടയാൻ വന്നില്ല… എല്ലാവരും നോക്കി നിൽക്കുയാണ്…
എവിടുന്നാണ് എന്നറിയില്ല മഴയും പെയ്യാൻ തുടങ്ങി….
അവൻ വീണ്ടും എഴുന്നേറ്റു വന്ന എന്നെ വെട്ടി… ഞാൻ ഒഴിഞ്ഞു മാറി… അവൻ വീണ്ടും വെട്ടി ഞാൻ ഒഴിഞ്ഞുമാറി അവന്റെ ഇടുപ്പ് നോക്കി ഒന്ന് ഇടിച്ചു…
അവൻ നടുവും തല്ലി താഴെ വീണു.. അവന്റെ കൈയിൽ നിന്ന് കത്തി താഴെ പോയിരുന്നു…
അതെന്റെ കാൽച്ചുവട്ടിൽ ആണ് വീണത്…
അവൻ വീണ്ടും എഴുന്നേറ്റ് എന്നെ അടിക്കാൻ വന്നു…
ഞാൻ കാൽ കൊണ്ട് കത്തി വായുവിലേക്ക് ഉയർത്തിയെരിഞ്ഞു, കൈകൾ കൊണ്ട് പിടിച്ചു അവന്റെ വലത്തേ കൈ അറുത്ത മാറ്റി… അതിലും വേഗത്തിൽ തന്നെ അവന്റെ 2 കാലുകളും വെട്ടി മാറ്റി….
അവൻ നിലം പൊത്തി വീണു… വലത്തു കൈയും രണ്ട് കാലും അവന്റെ ശരീരത്തിൽ നിന്ന് വേർപെട്ടിരുന്നു…
നിന്റെ ജീവൻ ഞാൻ വിട്ടു തരുന്നു… ഈ ഭൂമിയിൽ നീയിനിയും ഇഴഞ്ഞ ജീവിക്കും….
ഞാൻ കത്തി താഴേക്കിട്ടു… ആകാശത്തേക്ക് നോക്കി അലറിവിളിച്ചിട്ട്…. തളർന്നു വീണു….
ആരൊക്കയോ ഓടി വന്ന എന്നെയും മനോജിനെയും എടുത്തോണ്ട് പോയി…
ഞാൻ പിറ്റേന്നാണ് പിന്നെ കണ്ണ് തുറക്കുന്നത്…
എനിക്ക് ബോധം ഇല്ലാത്തത് കൊണ്ട് നേരത്തോട് നേരം വെയ്ക്കാൻ കഴിയാത്തത് കൊണ്ടും അച്ഛന്റെ ചിത ബ്രെഹ്മദത്തൻ നമ്പൂതിരിയുടെ നേതൃത്വത്തിൽ ദഹിപ്പിച്ചിരുന്നു….
ഞാൻ കണ്ണ് തുറന്ന് ഉടനെ ആയ പോയി ബ്രെഹ്മദത്തൻ നമ്പൂതിരിയെ കൂട്ടികൊണ്ട് വന്നു…
നമ്പൂതിരി : കിടന്നൊള്ളു… ഇപ്പൊ എങ്ങനെയുണ്ട്…
ഞാൻ എഴുന്നേറ്റിരുന്നു… തലക്ക് എന്തോ ഒരു മന്ദിപ്പുണ്ട്…അല്ലാതെ കുഴപ്പമില്ല…