ശ്യാം ;”ഗുഡ് മോർണിംഗ് മിസ് “
ശ്യാം എന്നെ ഓവർ ടേക്ക് ചെയ്തുകൊണ്ട് പറഞ്ഞു.
“മോർണിംഗ് “
മഞ്ജു തിരികെ പറഞ്ഞുകൊണ്ട്, വണ്ടിയുടെ സെറ്റ് ഉയർത്തി അടിയിൽ നിന്നും ബാഗ് എടുത്തു .
“എന്ത് പറ്റി മിസ്സ് . തലയിലൊരു ഒട്ടിപ്പ് “
ശ്യാം തിരക്കി. ഞാൻ ചുമ്മാ മഞ്ജുവിനെ അടിമുടി നോക്കി അങ്ങനെ നിന്ന് .മ്മ്..ഈ ചുരിദാറിൽ , പ്രേത്യേകിച് കറുപ്പ് നിറത്തിൽ നല്ല സുന്ദരി ആയിട്ടുണ്ട്. കണ്ണെഴുതിയിട്ടുണ്ട്, കത്തിൽ ഒരു കമ്മൽ ഉണ്ട്, അത് തന്നെ മൂന്നു നാരുകൾ പോലെ തൂങ്ങി കിടക്കുന്നു. ഓരോ സ്വർണ നാരിന്റെ അറ്റത്തും ഒരു ചെറിയ ഗോളവും ! നെറ്റിയിലൊരു ചെറിയ കറുത്ത വട്ടപ്പൊട്ടും ! ചുണ്ടിൽ ഇന്നത്ര ചായം പൂശിയിട്ടില്ല. ബാം പോലെ എന്തോ തേച്ചതിന്റെ തിളക്കം മാത്രം ഉണ്ട് .
“ആഹ്..ഒന്നുമില്ല…തല ഒന്നിടിച്ചതാ “
മഞ്ജു നെറ്റിയിൽ പതിയെ തടവിക്കൊണ്ട് പറഞ്ഞു. ജാൻ കയ്യും കെട്ടി അവളെ ശ്രദ്ധിക്കുന്നത് കണ്ടപ്പോൾ മഞ്ജുവിന് ചെറിയ നാണം വന്ന പോലെ എനിക്ക് തോന്നി.
“മ്മ് ..”
ശ്യാം മൂളി.
“ആഹ്..എന്ന ഞാൻ പൊക്കോട്ടെ “
മഞ്ജു എന്നെയും ശ്യാമിനെയും നോക്കി കൊണ്ട് പറഞ്ഞു. ഞങ്ങൾ തലയാട്ടി സമ്മതം കൊടുത്തു. മഞ്ജു ബാഗ് എടുത്തു വലതു തോളിൽ ഇട്ടു തിരിഞ്ഞു. ഞങ്ങളും തിരിഞ്ഞു നടന്നു . ഞാൻ മഞ്ജുവിന്റെ ആ നടത്തം ഒന്ന് പിന് തിരിഞ്ഞു നോക്കി..ആ സമയം അവളും ! ഞങ്ങളുടെ കണ്ണുകൾ തമ്മിലുടക്കി.
മഞ്ജു ഞാൻ നോക്കുമെന്നു പ്രതീക്ഷിച്ചു കാണില്ല..അവളുടെ മുഖത്ത് ഒരു നാണം വിടരുന്നത് ഞാൻ കണ്ടു . ഞാൻ ചിരിയോടെ ശ്യാമിനെ ചേർത്ത് പിടിച്ചു മുന്നോട്ടു നടന്നു .
അന്നത്തെ ദിവസം ഞാൻ ഹാപ്പി ആയി . മഞ്ജുവിനെ വീണ്ടും കണ്ട ദിവസം . ഉച്ചക്ക് ലൈബ്രറിയിൽ വെച്ച് കൂട്ടിമുട്ടാം എന്ന് ഞാൻ മനസ്സിലുറപ്പിച്ചു .അന്ന് ഏറ്റവും അവസാനത്തെ പിരീഡ് അന്ന് മഞ്ജുവിന്റേത്. അതുവരെ കാണാതെ ഇരിക്കാൻ എനിക്ക് ആവുമായിരുന്നില്ല.
ഇന്റെർവെല്ലിനു ഒരു ശ്രമം നടത്തി നോക്കിയെങ്കിലും നടന്നില്ല. മഞ്ജു സ്റ്റാഫ് റൂമിൽ ആയിരുന്നു. മറ്റു ടീച്ചേഴ്സുമായി വർത്താനം പറഞ്ഞു കാളി ചിരി ആയി ഇരിപ്പുണ്ട്.
അപ്പോൾ ഇനി ഉച്ചക്ക് പതിവുള്ള ലൈബ്രറി കൂടി കാഴ്ച നോക്കാം എന്ന് ഞാൻ മനസ്സിലുറപ്പിച്ചു . ഉച്ചയൂണും കഴിഞ്ഞു ഞാൻ നേരെ ലൈബ്രറി റൂമിലെത്തി. പ്രസാദ് അണ്ണൻ ലീവ് ആണ് . അതിന്നൊരു സൗകര്യം ആയി , പുള്ളി ലീവ് ഉള്ളപ്പോ ഇൻചാർജ് മഞ്ജുവിന് ആണ് .
ഞാൻ ലൈബ്രേറിയൻ ഇരിക്കുന്ന ഡയസിനടുത്തു ചെന്ന് അകത്തേക്ക് എത്തിച്ചു നോക്കി. ഒന്ന് രണ്ടു പെൺപിള്ളേർ മാത്രം ഉണ്ട്. പിന്നെ ഞങ്ങളുടെ സ്ഥിരം ഏരിയയിൽ മഞ്ജുവും നിൽപ്പുണ്ട്. അവളെ കണ്ടതും എന്റെ മനസും മുഖവും വിടർന്നു.
ഞാൻ ലക്ഷ്യ സഥാനത്തേക്കു ഒച്ചയുണ്ടാക്കാതെ പമ്മി പമ്മി നടന്നു. മഞ്ജുവിന്റെ പുറകിൽ ചെന്ന് ഒച്ചയുണ്ടാക്കി ഒന്ന് പീഡിപ്പിച്ചു നോക്കാം എന്നായിരുന്നു ഉദ്ദേശം .പക്ഷെ ഞാൻ തൊട്ടു പുറകിൽ എത്തിയത് അറിഞ്ഞെന്ന പോലെ മഞ്ജു ഞെട്ടി തിരിഞ്ഞു.പുസ്തകം കയ്യിലുണ്ട്.
“മ്മ്..എന്താ ?”
മഞ്ജു എന്നെ നോക്കി ഗൗരവം വിടാതെ ചോദിച്ചു.
“ഒന്നുമില്ല “
ഞാൻ ചുമൽ ഉയർത്തി കണ്ണടച്ചുകൊണ്ട് പറഞ്ഞു.
“മ്മ്…ഡാ ഒന്ന് ഡീസെന്റ് ആയി നിന്നോണം..ഇവിടെ ഒകെ ആൾക്കാരുണ്ട് ”
മഞ്ജു എന്നോടായി ശബ്ദം താഴ്ത്തി പറഞ്ഞു.
ഞാൻ ചിരിയോടെ തലയാട്ടി.
മഞ്ജു എന്നെ വിശ്വാസക്കുറവോടെ നോക്കികൊണ്ട് സ്റ്റാറിന്റെ ഭാഗത്തേക്ക് നീങ്ങി . അവളുടെ അടുത്ത് നിക്കുമ്പോൾ നല്ല സുഖമുള്ളൊരു പെർഫ്യൂമിന്റെ ഗന്ധം എനിക്ക് കിട്ടുന്നുണ്ട്. മുൻപ് ഉപയോഗിച്ചിരുന്ന പെർഫ്യൂം അല്ല ഇതെന്ന് എനിക്ക് തോന്നി .
ഞാൻ അവളുടെ പുറകിൽ പോയി നിന്ന്. എനിക്ക് തൊട്ടു മുൻപിൽ കൈകൾ അല്പം ഉയർത്തിപ്പിടിച്ചു മഞ്ജു ബുക്ക്സ് തിരയുന്നുണ്ട്. ഞാൻ ഷെൽഫിൽ ചാരി നിന്ന് എല്ലാം നോക്കി കാണുന്നുമുണ്ട് . ഞാൻ വല്ല കുരുത്തക്കേടും ചെയ്യുമോ എന്ന ഭയത്തിൽ അവൾ ഇടക്കിടെ തിരിഞ്ഞു നോക്കുന്നുമുണ്ട് .അത് കാണുമ്പോൾ എനിക്ക് ചിരി വരും.