“ആഹ്…എന്താ കുഴപ്പമുണ്ടോ ?”
ഞാൻ തിരിച്ചു ചോദിച്ചു.
“കുഴപ്പം ഒന്നുമില്ല..അവനു ഈ സ്ഥലം അറിയുമോ അതിനു ?”
മഞ്ജു സംശയം പ്രകടിപ്പിച്ചു .
“അതൊക്കെ ഞാൻ പറഞ്ഞു കൊടുത്തോളം..എന്റെല് ബാലൻസ് ഇല്ല “
ഞാൻ അവളോടായി പറഞ്ഞു.
“മ്മ്…അവന്റെ നമ്പർ പറ..ഞാൻ അടിച്ചു തരാം “
മൊബൈൽ എന്നെ ഏൽപ്പിക്കാൻ എന്തോ മടി ഉള്ള പോലെ പറഞ്ഞു മഞ്ജു എന്നെ നോക്കി.
ഞാൻ പറഞ്ഞു കൊടുത്ത നമ്പർ ഡയൽ ചെയ്ത ശേഷം മഞ്ജു ഫോൺ എനിക്ക് നീട്ടി. ശ്യാം മൂന്നു നാല് റിങ് കഴിഞ്ഞു ഫോൺ എടുത്തു.
ശ്യാം ;”ഹാലോ ആരാ ?”
പരിചയമില്ലാത്ത നമ്പർ ആയതുകൊണ്ട് ശ്യാം തിരക്കി.
“അളിയാ ഞാനാ..കവിൻ”
ഞാൻ മഞ്ജുവിനെ നോക്കികൊണ്ടാണ് സംസാരിക്കുന്നത്. മഞ്ജു നെറ്റിയിലെ മുറിവിന്മേലുള്ള ബാൻഡ് ഐഡിൽ കൈ അല്പം പൊക്കി തടവിക്കൊണ്ട് എന്നെ നോക്കി .കറുത്ത ചുരിദാർ ആയതുകൊണ്ട് അവളുടെ കക്ഷത്തെ വിയർപ്പു എനിക്ക് കാണാൻ സാധിക്കുന്നില്ല .
ശ്യാം ;”ആ..നീയോ എന്താടാ ? ഇതേത് നമ്പർ ?”
അവൻ സംശയം പ്രകടിപ്പിച്ചു.
“ഇതൊരു ഫ്രണ്ടിന്റെ നമ്പറാ..എടാ ഞാനിപ്പോ നമ്മുടെ പള്ളിപ്പടി കഴിഞ്ഞുള്ള ,വലത്തോട്ടേക്കു പോകുന്ന കോൺക്രീറ്റ് റോഡ് ഉള്ള വഴിയില്ലേ..അവിടെ പെട്ട് കിടക്കുവാ..നീ ഒന്ന് വണ്ടി എടുത്തു വന്നേ ?”
ഞാൻ ഒറ്റശ്വാസത്തിൽ പറഞ്ഞു.
ശ്യാം ;”അവിടെ എന്താ പരിപാടി “
അവൻ വീണ്ടും സംശയം പ്രകടിപ്പിച്ചു .
“അതൊക്കെ വന്നിട്ട് പറയാം..നീ പള്ളിപടിക്കൽ എത്തിയ വിളി..ഡാ പിന്നെ എളുപ്പം വരണം “
ഞാൻ അവനെ ഒന്നോർമ്മപെടുത്തി.
“മ്മ്…ഞാൻ വീട്ടിലെത്തി കുറച്ചായെ ഉള്ളു…കുളി കഴിഞ്ഞിട്ട് ഇറങ്ങാം “
അവൻ പറഞ്ഞു .
“മ്മ്മ് ..എന്ന പെട്ടെന്ന് നോക്ക് “
ഞാൻ ധൃതി കൂട്ടി .
ശ്യാം ;”നീ ഒന്ന് പെടക്കാതിരിക്കു മൈരേ..ഞാൻ വരാം”
ശ്യാം ദേഷ്യത്തോടെ പറഞ്ഞുകൊണ്ട് ഫോൺ വെച്ചു.
ഞാൻ അതോടെ ഫോൺ തിരികെ മഞ്ജുവിന് നീട്ടി. അവൾ വലതു കൈ നീട്ടികൊണ്ട് അത് വാങ്ങി .
“എന്ത് പറഞ്ഞു അവൻ ?”
മഞ്ജു എന്നോടായി തിരക്കി.
“വരും…”
ഞാൻ പതിയെ പറഞ്ഞു .
“എന്ന നീ ഇരിക്ക് ഞാൻ ചായ എടുത്തിട്ട് വരാം “
അതും പറഞ്ഞു മഞ്ജു പതിയെ എഴുനേറ്റു . ഇടുപ്പിനു കൈ തങ്ങിയാണ് അവൾ എഴുന്നേറ്റത് . സ്വല്പം വേദന ഉണ്ടെന്നു തോന്നുന്നു .
“അല്ല..ഈ കാര്യം പറഞ്ഞില്ലാലോ “
ഞാൻ അവളോടൊപ്പം എഴുനീറ്റുകൊണ്ട് ചോദിച്ചു .
“ഏതു കാര്യാടാ?”
മഞ്ജു എന്നെ നോക്കി .
ഞാൻ അവളുടെ അടുപ്പിലേക്ക് കൈചൂണ്ടി കാണിച്ചു . അത് കണ്ടപ്പോൾ അവളുടെ കണ്ണിൽ ഒരു സന്തോഷവും സങ്കടവുമെല്ലാം മാറി മാറി വിടർന്ന പോലെഎനിക് തോന്നി. അവളുടെ വിഷമങ്ങൾ ഒരാൾ തിരക്കുന്ന സന്തോഷം..സംഭവിച്ചതിന്റെ ദുഃഖം ! അങ്ങനെ എല്ലാമുണ്ട് ആ നോട്ടത്തിൽ.
“ഒന്നുമില്ലെടാ ..നീ അറിയണ്ട “
മഞ്ജു പതിയെ പറഞ്ഞുകൊണ്ട് തിരിഞ്ഞു അടുക്കളയിലേക്കായി നടന്നു.
“ഹാ..അത് പറഞ്ഞ പറ്റില്ല “
ഞാൻ പിന്നാലെ നടന്നു .മഞ്ജു എന്നെ തിരിഞ്ഞു നോക്കികൊണ്ട് ചിരിച്ചു മുൻപേ നടന്നു .ഞങ്ങൾക്കിടയിൽ എന്തോ അടുപ്പം കൈവന്ന പോലെ എനിക്ക് തോന്നി.
മഞ്ജുവും ഞാനും നേരെ അടുക്കളയിലെത്തി. സാമാന്യം നല്ല വൃത്തിയുള്ള കിച്ചൻ . മഞ്ജു പൈപ് തുറന്നു ഒരു പിടിയുള്ള പാത്രത്തിൽ വെള്ളം നിറച്ചുകൊണ്ട് കറണ്ട് അടുപ്പിലേക്ക് വെച്ചു .
പിന്നെ അത് ഓണാക്കി തിളക്കാനായി കാത്തു നിന്നു.
“ഒന്നും പറഞ്ഞില്ല..”
ഞാൻ വീണ്ടും അവളെ നോക്കി .
“പറയണോ?”
അവളെന്നെ ചെറു ചിരിയോടെ നോക്കി .
ഞാൻ വേണമെന്ന് മൂളി.
ഒരു നിമിഷം ആലോചനയിൽ മുഴുകി മഞ്ജു ഒരു ദീർഘ ശ്വാസമെടുത്തു . പിന്നെ പതിയെ പറഞ്ഞു.
“ഇറ്റ്സ് ആ ഗിഫ്റ്റ് ഫ്രം നവീൻ “
അവൾ പറഞ്ഞത് കേട്ട് എനിക്കൊന്നും മനസിലായില്ല. നവീൻ എന്നയാൾ മഞ്ജുവിന്റെ ഭർത്താവാണെന്നു മാത്രം അറിയാം.ഞാൻ മഞ്ജുവിന്റെ മുഖത്തേക്ക് സൂക്ഷിച്ചു നോക്കി. ഒരു തരാം നിസ്സംഗ ഭാവം അവളിൽ തളം കെട്ടി നിൽപ്പുണ്ട്.
“എന്ന് വെച്ച..?”
ഞാൻ അവിടെയുണ്ടാരുന്ന സ്ലാബിലേക്കു ചാരി നിന്നുകൊണ്ട് ചോദിച്ചു .
“എന്നെ കെട്ടിയ ആളുടെ സമ്മാനം ആണെന്ന് “