മഞ്ജു ഒരു ചിരി മുഖത്ത് വരുത്താൻ ശ്രമിച്ചുകൊണ്ട് പറഞ്ഞു .
പിന്നെ നാണക്കേടൊന്നും വിചാരിക്കാതെ ചുരിദാറിന്റെ വശങ്ങളിലെ വിടവുള്ള ഭാഗം സ്വല്പം കൂടി പൊക്കി ഉയർത്തി . അവളുടെ തൊവില്ല നിറത്തിലുള്ള വയറും ഇടുപ്പിന്റെ ഭാഗവും എന്റെ മുൻപിൽ തെളിഞ്ഞു. പക്ഷെ അവിടെ ആകെ ചുവന്നു, രക്തം നീലിച്ച പോലെ കിടപ്പുണ്ടായിരുന്നു . ഒരു ഡോക്റ്റർക്കു മുൻപിൽ നിൽക്കും പോലെ മഞ്ജു നനമെത്തും വിചാരിക്കാതെ എനിക്കാ ഭാഗം കാണിച്ചു തന്നു .
ഞാനൊന്നു ഞെട്ടി.
എനിക്കൊന്നും മനസിലായില്ല .
മഞ്ജു ചുരിദാർ നേരെയിട്ടു .പിന്നെ എന്നെ നോക്കി ചിരിച്ചു .
“ഇതെന്ന പറ്റി മഞ്ജുസേ നേരെചൊവ്വേ പറ “
ഞാൻ അവളുടെ അടുത്തേക്ക് നീങ്ങി നിന്നു.
അടുപ്പിൽ വെള്ളം തിളച്ചു തുടങ്ങിയിരുന്നു .
അവളെന്നെ നോക്കി . പിന്നെ ചുണ്ടിൽ ഒരു ചിരി വിടർത്തി .
“എനിക്ക് ഒരുപാട് പ്രേശ്നങ്ങളുണ്ട് , അതിലൊന്നാണ് നീ ..”
മഞ്ജു ചിരിയോടെ പറഞ്ഞു നിർത്തി എന്നെ നോക്കി .
“പക്ഷെ നിന്റെ ഈ കുട്ടിക്കളി ഒക്കെ എനിക്കിഷ്ടമാ ..”
മഞ്ജു പറഞ്ഞു നിർത്തിയപ്പോൾ എനിക്ക് സന്തോഷം അടക്കാനായില്ല. ഒടുക്കം മഞ്ജു തുറന്നു സമ്മതിച്ചിരിക്കുന്നു . ഞാൻ സത്യം ആണോ എന്ന ഭാവത്തിൽ അവളെ നോക്കി. ആ മുഖത്തും വേറെ ഭാവ വ്യത്യസങ്ങൾ ഒന്നുമില്ല .
“ഇഷ്ടമല്ലാത്ത ഒരാളേയുള്ളു..നവീൻ “
മഞ്ജു അത് സ്വല്പം സങ്കടത്തോടെ ഈർഷ്യയോടെ പറഞ്ഞപ്പോ എനിക്കെന്തോ വല്ലായ്മ ഫീൽ ആയി. മഞ്ജുവും നവീനും തമ്മിൽ എന്തൊക്കെയോ പ്രോബ്ലംസ് ഉണ്ടെന്നു എനിക്ക് തോന്നി .
“ആദ്യമൊക്കെ വെറും സൗന്ദര്യ പിണക്കം , പിന്നെ പിന്നെ അവൻ എന്നെ പർപ്പസ്സ്ഫുളി ഇൻസൾട്ട് ചെയ്തു തുടങ്ങി , പിന്നെ അത് വാക്ക് തർക്കം ആയി.. കുടിച്ചു വന്നുള്ള ഉപദ്രവം ആയി …കുറെയൊക്കെ ഞാൻ സഹിച്ചു . ഇനി വയ്യെന്ന് തോന്നിയപ്പോ ഡൈവോഴ്സിന് ശ്രമിച്ചു .”
മഞ്ജു തിളച്ചു കൊണ്ടിരിക്കുന്ന പാത്രത്തിലെ വെള്ളത്തിൽ നിന്നുയരുന്ന കുമിളകൾ നോക്കി കൊണ്ട് ആരോടെന്നില്ലാതെ പറഞ്ഞു. ഞാനിതെല്ലാം അണ്ടി പോയ അണ്ണാൻ കണക്കെ കേട്ട് നിന്നു . അവരുടെ ഒന്നിച്ചുള്ള ജീവിതം അത്ര സുഖകരമല്ല എന്ന് മാത്രം അതിൽ നിന്നും എനിക്ക് മനസിലായി.
“എന്നിട്ട് ?”
ഞാൻ ആകാംക്ഷയോടെ ചോദിച്ചു .
“എന്നിട്ടെന്താ ..ഞാൻ നോട്ടീസ് അയച്ചു . ആ ദേഷ്യത്തിന് ഇവിടെ വന്നു എന്നെ കുറെ ചീത്ത വിളിച്ചു..ഞാൻ തിരിച്ചും പറഞ്ഞു ..പിന്നെ ..”
മഞ്ജു ഒന്ന് പറഞ്ഞു നിർത്തിക്കൊണ്ട് തിളച്ച വെള്ളത്തിലേക്ക് ചായപ്പൊടി ഇട്ടു . ആ തിളച്ചു മറിയുന്ന വെള്ളത്തിന്റെ നിറം അതോടെ ഇരുണ്ടു ..അതിലെക്കൽപ്പം പഞ്ചസാരയും ഇട്ടു .
“നീ കട്ടൻ കുടിക്കില്ല..ഇവിടെ പാലൊന്നും ഇരിപ്പില്ല “
വിഷയത്തിൽ നിന്നും വ്യതിചലിച്ചുകൊണ്ട് അവളെന്നോട് ചോദിച്ചു .
“മ്മ്..അതൊക്കെ കുടിക്കും..എന്നിട്ടെന്തുണ്ടായെന്നു പറ “
ഞാൻ ഒരു കഥ കേൾക്കും പോലെ ആവേശത്തോടെ തിരക്കി .
“മ്മ്…പിന്നെ കുറച്ചു വയലൻസ് ആയി..എന്റെ തല പിടിച്ച അവൻ ചുമരിൽ ഇടിച്ചു..അങ്ങനെ പറ്റിയതാണ് ഈ കാണുന്നത് “
മഞ്ജു ചിരി വരുത്തിക്കൊണ്ട് നെറ്റിയിലെ ബാൻഡ് ഐഡിൽ തൊട്ടു കാണിച്ചു കൊണ്ട് പറഞ്ഞു .
“പിന്നെ …പിന്നെ അവൻ കസേര എടുത്തു എന്നെ അടിച്ചു ..ഫൈബറിന്റെ കസേര ആയോണ്ട് ഇടുപ്പെല്ലു പൊട്ടിയില്ല , ചെറിയ ചതവിൽ ഒതുങ്ങി …അങ്ങനെ ആ വിഷമത്തിൽ ഇരിക്കുമ്പോഴാ നിന്റെ ഒലിപ്പീരു ..അപ്പൊ പിന്നെ ദേഷ്യം വരാതെ ഇരിക്കോ”
അവൾ വളരെ ലാഘവത്തോടെയാണ് അതെല്ലാം പറയുന്നതെന്ന് എനിക്ക് തോന്നി. ചിലപ്പോൾ അതെല്ലാം പരിചയിച്ചതുകൊണ്ടാകും . പക്ഷെ കോളേജിൽ കാണുന്ന മഞ്ജുവിന്റെ മുഖവും ആറ്റിറ്റ്യൂടും കണ്ടാൽ പറയില്ല ഇങ്ങനെ ഒരു പേർസണൽ ലൈഫ് ഉണ്ടെന്നു .
ഞാനതു കണ്ടു ചുണ്ടിൽ ചിരി വരുത്തി അവളെ വല്ലായ്മയോടെ നോക്കി . ഇത്ര പാവം ആയിരുന്നല്ലേ ടീച്ചർ !
അവൾ ഇലക്ട്രിക് സ്റ്റവ്വ് ഓഫ് ആക്കികൊണ്ട് , ഒരു ചില്ലു ഗ്ലാസ് എടുത്തു . പിന്നെ അതിന്മേലേക്കു ഒരു അരിപ്പ എടുത്തു വെച്ചു ശ്രദ്ധയോടെ ചായ പത്രം അതിലേക്കു ചെരിച്ചു. ചായ അരിപ്പയിലൂടെത്തട്ടി ഒഴുകി ഗ്ലാസിൽ നിറയാൻ തുടങ്ങി. തേയില ചണ്ടി അരിപ്പയിൽ തടഞ്ഞു നിന്നു . നല്ല കടും നിറത്തിലുള്ള കട്ടൻ ചായ റെഡി !