“നീ ഇറങ്..”
മഞ്ജു എന്നോടായി പറഞ്ഞു.
“എന്തിനു ?”
ഞാൻ ഒന്ന് പേടിച്ചു. ഇനി ഇവിടെ ഇറക്കി വിടാൻ ആണോ സുന്ദരിയുടെ ഉദ്ദേശം .
“ഇറങ്ങീട്ട് പുറകിൽ കേറെടാ..നീ അവിടെ ഇരുന്ന മതി “
മഞ്ജു എന്നെ ഇടം കൈകൊണ്ട് ഉന്തി തള്ളിക്കൊണ്ട് പറഞ്ഞു. ഞാൻ ചിരിയോടെ വാതിൽ തുറന്നു പുറത്തിറങ്ങി .പിന്നെ പുറകിലെ വാതിൽ തുറന്നു അകത്തേക്ക് കയറി .മുൻസീറ്റിനു താഴെ കിടന്ന ബാഗ് മഞ്ജു കയ്യെത്തിച്ചു എടുത്തു പുറകിലേക്ക് ഇട്ടു തന്നു.
“മ്മ്..ഇന്നാ ഇത്തയുടെ വെച്ചോ “
അതും പറഞ്ഞു അവൾ വീണ്ടും മുന്നോട്ടെടുത്തു. ഞാൻ മുൻ സീറ്റിൽ പിടിച്ചു കൊണ്ട് മുന്നോട്ടാഞ്ഞു ഇരുന്നു മഞ്ജുവിനെ നോക്കി .മിററിലൂടെ അവൾ എന്നെയും നോക്കുന്നുണ്ട്.
“മ്മ്…എന്താ ?”
മഞ്ജു സെന്റര് മിററിലൂടെ എന്നെ നോക്കി . ഞാൻ അവളുടെ അടുത്തേക്ക് മുഖം അടുപ്പിച്ചു.
“ഒന്നുമില്ല..നല്ല മണം..ഇന്നേതു സ്പ്രേയാ “
ഞാൻ മഞ്ജുവിന്റെ അടുത്തേക്ക് മുഖം ചേർത്ത് ശ്വാസമെടുത്തുകൊണ്ട് ചോദിച്ചു.
“ഉണ്ട…”
അവൾ ദേഷ്യത്തോടെ എന്നെ ഇടം കൈ പുറകിലേക്കിട്ടു തള്ളിക്കൊണ്ട് പറഞ്ഞു .ആ കൈതലം എന്റെ മുഖത്തു അമർന്നു കൊണ്ട് പുറകിലോട്ടു തള്ളി വീഴ്ത്തി .നല്ല മിനുസമുള്ള കൈവെള്ള ആണ് മഞ്ജുവിന്റെ .
ഞാൻ പിന് സീറ്റിലേക്ക് വീണുകൊണ്ട് ചിരിച്ചു.
“ഉണ്ടയോ..അതേതു കമ്പനി “
ഞാൻ തമാശ എന്നോണം ചോദിച്ചു.
“നിന്റെ അച്ഛനുണ്ടാക്കിയ കമ്പനി ..”
മഞ്ജു തിരിഞ്ഞു ദേഷ്യത്തോടെ പറഞ്ഞു .
“ദേ വേണ്ട വേണ്ട..അച്ഛനെ പറയണ്ട “
ഞാൻ വീണ്ടും മുന്നോട്ടാഞ്ഞു ഇരുന്നുകൊണ്ട് പറഞ്ഞു.
“പറഞ്ഞ നീ എന്നെ അങ്ങ് മൂക്കിൽ കേറ്റും.. പോടാ “
മഞ്ജു എന്നെ കളിയാക്കി.
ഞാനതു ആസ്വദിച്ചെന്നോണം ചിരിച്ചു. അങ്ങനെ ഒന്നും രണ്ടും പറഞ്ഞിരിക്കെ എന്റെ വീടിനോടു വണ്ടി എടുക്കാനായി. സമയം അഞ്ചര , അഞ്ചേ മുക്കാൽ ഒകെ ആയി കാണും .
“എവിടെയാ നിന്റെ വീട് “
മഞ്ജു സ്വല്പം ഗൗരവത്തിൽ തിരക്കി. ഞാൻ പിൻസീറ്റിൽ ചാരി കിടപ്പായിരുന്നു .
“ഇവിടെ അടുത്ത് തന്നെ ..റോഡ് സൈഡ് അല്ല..സ്വല്പം ഉള്ളിലാ “
ഞാൻ മറുപടി നൽകി.
“മ്മ്…”
മഞ്ജു ഒന്നമർത്തി മൂളി .
അങ്ങനെ മഞ്ജു എന്നെ വീട് വരെ എത്തിച്ചു . മെയിൻ റോഡിൽ നിന്നും ടേൺ എടുത്തു കോൺക്രീറ്റ് റോഡിലേക്ക് കയറി . അവിടെ നിന്നും കഷ്ടിച്ച് ഒരു നൂറു ഇരുനൂറു മീറ്റർ കൂടി ഓടി എന്റെ വീടിനു മുൻപിൽ എത്തി.
അമ്മയും പെങ്ങളും ആ സമയം വീടിനു മുൻപിൽ ഉണ്ടാരുന്നു . ആരോ വിരുന്നുകാർ ആണെന്നാണ് അവർ വിചാരിച്ചത്. പക്ഷെ കാറിൽ നിന്നും ഞാൻ ഇറങ്ങിയത് കണ്ടു അവർ ഞെട്ടി. ഗ്ലാസ് താഴ്ത്തിയതോടെ അമ്മയും അനിയത്തിയും മഞ്ജുവിനെ കണ്ടു .
അവർ ഉമ്മറത്ത് തന്നെ ഉണ്ടായിരുന്നത് കൊണ്ട് എന്നെ കണ്ടു അങ്ങോട്ടേക്ക് നടന്നു വന്നു .
“ആഹ്..അമ്മെ ഇതെന്റെ കോളേജിലെ ടീച്ചറാ..ഈ വഴിക്കാണെന്നു അറിഞ്ഞപ്പോ എന്നെക്കൂടി കേറ്റിയതാ”
ഞാൻ ചിരിയോടെ പറഞ്ഞുകൊണ്ട് അമ്മയ്ക്കും അനിയത്തിക്കും മഞ്ജുവിനെ പരിചയപ്പെടുത്തി . മഞ്ജു കാറിൽ ഇരുന്നുകൊണ്ട് തന്നെ അവരെ നോക്കി ചിരിച്ചു കാണിച്ചു .
“ആഹ്…ടീച്ചർ കേറുന്നില്ലേ…എന്തായാലും വന്നില്ലേ ഒരു ചായ കുടിച്ചിട്ട് പോവാന്നെ”
അമ്മ അടുത്തേക്ക് വന്നുകൊണ്ട് സ്നേഹപ്പൂർവം പറഞ്ഞു.
“അയ്യോ അമ്മെ ഇപ്പൊ സമയമില്ല..പിന്നൊരിക്കൽ ആവാം “
മഞ്ജു ആ ക്ഷണം നിരസിച്ചുകൊണ്ട് പറഞ്ഞു.
അനിയത്തി മഞ്ജുവിനെ തന്നെ സൂക്ഷിച്ചു നോക്കുന്നത് ഞാൻ ഒളികണ്ണിട്ടു നോക്കി. അവൾ എന്നെയും ശ്രദ്ധിക്കുന്നുണ്ട്.
“ഓ…അത് പറഞ്ഞാൽ പറ്റില്ല..ഇത്രേം വരെ വന്നിട്ട് ”
അമ്മ വീണ്ടും നിർബന്ധിച്ചു.
മിസ് എന്നെ നോക്കി . ഞാൻ മുഖം കൊണ്ട് ഗോഷ്ടി കാണിച്ചു . വേണ്ട വേണ്ട..പൊക്കോ ..എന്ന് ഭാവിച്ചു .
പക്ഷെ മഞ്ജു ചിരിച്ചുകൊണ്ട് , എന്നെ ഞെട്ടിച്ചു പുറത്തേക്കിറങ്ങി . ഡോർ അടച്ചു, ലോക് ചെയ്തുകൊണ്ട് മഞ്ജു അമ്മക്കടുത്തേക്കു നീങ്ങി. മഞ്ജുവിന്റെ ബാഹ്യ സൗന്ദര്യം കണ്ടു അനിയത്തി അവളെ അത്ഭുതത്തോടെ നോക്കുന്നുണ്ട്. ടീച്ചർ ആണെന്നോ . കണ്ടാൽ പത്തിരുപത്തെട്ടു വയസുണ്ടെന്നോ മഞ്ജുവിനെ കണ്ടാൽ പറയില്ല എന്നത് ഒരു പ്ലസ് പോയിന്റ് ആണ്.