മഞ്ജു എന്നെ നോക്കി തറപ്പിച്ചൊന്നു നോക്കികൊണ്ട് പറഞ്ഞു.
“ഓക്കേ …എന്ന പറ..എന്താ എടുക്കാഞ്ഞേ ..”
ഞാൻ ശബ്ദം താഴ്ത്തി പതിയെ തിരക്കി , ഒരുമാതിരി അവളെ കളിയാക്കുന്ന രീതിയിൽ ആയിരുന്നു ആ ചോദ്യം…അത് കണ്ടു മഞ്ജു ഉള്ളിൽ ചിരിച്ചെന്നു എനിക്ക് തോന്നി. അവൾ മുഖം ഒരുവശത്തേക്കു ചരിഞ്ഞു ചിരി അടക്കുന്നുണ്ട്.
“അത് നിനക്കറിയുന്ന കാര്യം അല്ലെ..പിന്നെന്തിനാ ചോദിക്കുന്നെ “
മഞ്ജു എന്നെ നോക്കി .
“മ്മ്..എന്നാലും ആ ദേഷ്യത്തിനു എന്നെ ക്ളാസിൽ നാറ്റിച്ചത് ശരി ആയില്ല “
ഞാൻ സ്വല്പം നാണത്തോടെ, ജാള്യതയോടെ പറഞ്ഞു.
മഞ്ജു അത് കേട്ട് പതിയെ ചിരിച്ചു.
“ആഹ്..ചിലപ്പോ അങ്ങനൊക്കെ ഉണ്ടായെന്നു വരും “
അവൾ ചിരി നിർത്താതെ പറഞ്ഞു .
“അത് ശരി അപ്പൊ മനഃപൂർവം തന്നെ ആണല്ലേ “
ഞാൻ അവൾക്കു നേരെ ചെരിഞ്ഞു ഇരുന്നു കാൽ സീറ്റിലേക്ക് കയറ്റി വെച്ച് ഇരുന്നു .
“ആഹ്..ആണെന്ന് കൂട്ടിക്കോ, “
മഞ്ജു ഗൗരവത്തോടെ എന്നെ ശ്രദ്ധിക്കാതെ പറഞ്ഞു.
“നാശം…ഇത് കൊറേ നേരമായല്ലോ “
മഞ്ജു ആരോടെന്നില്ലാതെ പറഞ്ഞു മുൻപിൽ പൊയ്ക്കൊണ്ടിരുന്ന ഓട്ടോയെ മറികടക്കാൻ പറ്റാത്ത ദേഷ്യത്തിൽ പറഞ്ഞു..പിന്നെ കയ്യമർത്തി അമർത്തി ഹോൺ മുഴക്കി…വേഗത അല്പം കൂട്ടി മുന്നോട്ടെടുത്തു മഞ്ജു ശല്യക്കാരനെ മറികടന്നു …
പിന്നെ കാറിലെ മ്യൂസിക് പ്ലയെർ ഓണാക്കി വോളിയം കൂട്ടി..
“എന്റെ എല്ലാമെല്ലാമല്ലേ
എന്റെ ചേലൊത്ത ചെമ്പരുന്തല്ലേ
നിന്റെ മാറിലെ മായ ചന്ദന പൊട്ടെനിക്കല്ലേ”
എന്ന പാട്ടു പാടിത്തുടങ്ങി. ആ വരികളുടെ ദ്വയാർത്ഥം പ്രസിദ്ധമായതുകൊണ്ട് ഞാൻ മൂളികൊണ്ട് മഞ്ജുവിന്റെ ഷാൾ ഇട്ടു മറച്ച മാറിലേക്ക് നോക്കി..അവളെന്നേയും നോക്കി ..
“ഒലക്ക …ഓരോ കോപ്പിലെ പാട്ടു ഉണ്ടാക്കി വെച്ചേക്കുന്നു “
എന്റെ നോട്ടം മനസിലായ മഞ്ജു അരിശത്തോടെ പറഞ്ഞുകൊണ്ട് പാട്ടു മാറ്റി, എഫ് .എം സ്റ്റേഷൻസ് ആയിരുന്നു . എനിക്കതു കണ്ടു ചിരി വന്നു .
“തൊട്ടുരുമ്മിയിരിക്കാൻ കൊതിയായീ നിന്നെ
കട്ടെടുത്തു പറക്കാൻ കൊതിയായീ”
അടുത്ത പാട്ടും സിറ്റുവേഷന് ആപ്റ്റ് ആയതുകൊണ്ട് ഞാൻ ചിരിച്ചു. മഞ്ജു അതോടു കൂടി ടേപ്പ് ഓഫാക്കി .
“എന്തിനാ നിർത്തിയെ മിസ്സെ..നല്ല പാട്ടല്ലേ അത് “
ഞാൻ ഒന്നുമറിയാത്ത പോലെ പറഞ്ഞു.
“ആണോ…എന്ന എനിക്കത്ര നല്ല പാട്ടു വേണ്ട…”
മഞ്ജു താല്പര്യമില്ലാത്ത പോലെ പറഞ്ഞു.പിന്നെ വണ്ടി സ്വല്പം സ്പീഡ് കൂട്ടി വിട്ടു. ടൌൺ കഴിഞ്ഞപ്പോൾ മഞ്ജു എന്റെ സ്ഥലത്തേക്ക് പോകുന്ന വഴിയിലേക്കാണ് തിരിഞ്ഞത്..ഇന്ന് മഞ്ജു ഞാൻ അന്ന് പോയ രമ്യയുടെ വീട്ടിലേക്കാണ് പോകുന്നതെന്ന് എനിക്ക് തോന്നി. പക്ഷെ ഞാനൊന്നും തിരക്കിയില്ല.
“മ്മ്…പിന്നെ കോളേജിൽ വെച്ച് എന്നെ അവോയ്ഡ് ചെയ്തത് എന്തിനാ ? എനിക്ക് നല്ല ദേഷ്യം വന്നതാ “
ഞാൻ ശബ്ദം അല്പം താഴ്ത്തികൊണ്ട് ചോദിച്ചു.
“അതെ..അവിടെ നീ എന്റെ സ്റ്റുഡന്റ് ആണ്..അത് ആദ്യം ഓര്മ വേണം “
മഞ്ജു ഗിയർ ലിവർ തട്ടികൊണ്ട് എന്നെ ഒന്ന് നോക്കി പേടിപ്പിച്ചു.
“അവിടെ അല്ലെങ്കിലോ ?”
വീണു കിട്ടിയ ഗ്യാപ്പിൽ ഞാൻ പിടിച്ചു കയറാമെന്നു വിചാരിച്ചു ചോദിച്ചു. ആ ചോദ്യം കേട്ടപ്പോൾ മഞ്ജു ഒന്ന് പരുങ്ങി..
“അവിടെ അല്ലെങ്കിലും അങ്ങനെ തന്നെ ..”
മഞ്ജു എങ്ങനെയൊക്കെയോ പറഞ്ഞൊപ്പിച്ചു.
“മ്മ്…മ്മ്…അങ്ങനെ ആയാൽ പറ്റില്ലല്ലോ “
ഞാൻ അതും പറഞ്ഞു മഞ്ജുവിന്റെ ഇടതു കൈക്കു മീതേക്ക് എന്റെ വലതു കൈ ചേർത്ത്. ഗിയർ ലിവറിൽ കൈ ചേർത്ത് പിടിച്ച അവളുടെ കൈകളെ ഞാൻ പെട്ടെന്ന് കടന്നു പിടിക്കുമെന്നു മഞ്ജുവും ഓർത്തില്ല…ഞാൻ ആ കയ്യിൽ പിടിച്ചു പതിയെ തഴുകി..
“ഡാ ഡാ..മര്യാദക്ക് വിട്ടേ ..ഞാനൊരു ചവിട്ടങ്ങു തരും “
മഞ്ജു ദേഷ്യത്തോടെ പറഞ്ഞു.
ഞാൻ വിടാൻ ഭാവമില്ലാതെ , ചിരിച്ചു കാണിച്ചു കൊണ്ട് അവളുടെ കൈ പിടിച്ചു തഴുകി.
പെട്ടെന്ന് മഞ്ജു ബ്രെക് അല്പം ഒന്നാഞ്ഞു ചവിട്ടി. വണ്ടി മുരണ്ടു കൊണ്ട് നിന്നു. ഞാനല്പം മുന്നോട്ടാഞ്ഞു..അതോടെ അവളുടെ കയ്യിലെ പിടുത്തവും മാറി .മഞ്ജു എന്നെ വല്ലാത്തൊരു നോട്ടം നോക്കി .