അങ്ങനെ ഒരു അര മണിക്കൂർ കഴിഞ്ഞ് ഞങ്ങൾ കല്യാണ വീട്ടിലെത്തി അവരെ അവിടെ ഇറക്കി ഞാൻ വണ്ടി പാർക്ക്‌ ചെയ്യാൻ പോയി. വീട്ടിൽ വച്ച് ആയത് കൊണ്ട് തന്നെ പാർക്കിംഗ് കിട്ടാൻ കുറച്ച് വെയിറ്റ് ചെയ്യേണ്ടി വന്നു. അങ്ങനെ അതും കഴിഞ്ഞ് ഞാൻ നേരെ കല്യാണ വീട്ടിലോട്ട് നടന്നു. അവിടേക്ക് കയറുമ്പോൾ തന്നെ കുറച്ച് ആളുകൾ അവിടെന്ന് ഇറങ്ങി പോകുന്നത് കണ്ടു. മുഹൂർത്തതിന്റെ മുന്നേ ഭക്ഷണം കൊടുക്കൽ തുടങ്ങിയോ… അതോ മുഹൂർത്തം കഴിഞ്ഞോ.. എന്ന പിന്നെ ഭക്ഷണം കഴിക്കാം എന്ന് വിചാരിച്ചു ഭക്ഷണം കൊടുക്കുന്ന സ്ഥലത്ത് എത്തിയപ്പോ അവിടെ ഒരു മനുഷ്യ കുഞ്പോലുമില്ല..ഇവരൊക്കെ എവിടെ പോയി. ഞാൻ നേരെ മണ്ഡപത്തിന്റെ അടുത്തേക്ക് പോയി. അവിടെ ഉണ്ട് എല്ലാരും. മാമിയും മാമനും ആരോടൊക്കെയോ സംസാരിക്കുന്നുണ്ട്.മാമി എന്നെ കണ്ടപ്പോൾ മാമനെ തോണ്ടി എന്നെ കാണിച്ച് കൊടുത്തു. ഞാൻ കണ്ണ് കൊണ്ട് എന്താ. എന്ന് ചോദിച്ച്. മാമൻ നേരെ എന്റെ അടുത്ത് വന്ന് എന്റെ കയ്യും പിടിച് ഒരു സൈഡിലേക്ക് മാറി നിന്നു. “എന്താ… ഇവിടെ എന്തെങ്കിലും പ്രശ്നം ഉണ്ടോ.. ഞാൻ വരുമ്പോൾ ആളുകൾ ഒക്കെ ഇറങ്ങി പോകുന്നത് കണ്ടു.” ‘എടാ അതെ കല്യാണം മുടങ്ങി ‘ “അയ്യോ.. അതെന്ത് പറ്റി ” ‘പെണ്ണിന് കണ്ട് വച്ച ചെക്കന് വേറെ ഒരാളെ ഇഷ്ടായിരുന്നു എന്ന്. ഇന്ന് രാവിലെ പുള്ളി ഒരു ലെറ്ററും എഴുതി മുങ്ങി. അതോടെ കല്യാണം മുടങ്ങി ‘ “ഓഹ്…… നന്നാ നമ്മക് പോവല്ലേ ” ‘എടാ ഞാൻ പറഞ് തീർന്നില്ല…. പെണ്ണിന് 24 വയസ്സിന്റെ ഉള്ളിൽ കല്യാണം നടക്കണമല്ലോ അല്ലെങ്കിൽ 46വയസ്സ് കഴിഞ്ഞാലേ മംഗല്ല്യ ഭാഗ്യം ഉണ്ടാവുള്ളു എന്ന്.’ “അതിന് ഇപ്പൊ നമ്മൾക്ക് എന്താ.. അവർ ആരേലും കണ്ട് പിടിച്ചു കെട്ടിക്കോളും ” ‘അതല്ലടാ ഞാൻ ഒന്ന് പറയട്ടെ.. അവൾക് മൂന്നു ദിവസം കഴിഞ്ഞാൽ 24വയസാകും.ഈ കുറച്ച് ടൈമിന്റെ ഉള്ളിൽ എവിടെന്നാ ആളെ കണ്ടുപിടിക്കാ…. അതോണ്ട് നിന്റെ മാമി ഒരു ചെറുക്കൻ ഉണ്ട് ഹൈദരാബാദിലാണ് ജോലി, അടുത്ത ബന്ധുക്കളായിട്ട് കുറച്ച് പേരെ ഉള്ളു എന്നൊക്കെ പറഞ്ഞിരുന്നു.’ “അതാരാ ” ചെറിയ ഒരു പണി വരുന്നുണ്ടോ എന്ന് എനിക്ക് തോന്നാതിരുന്നില്ല ‘അത് വേറെ ആരും അല്ല…. നിന്നെ ആണ് അവള് പറഞ്ഞത് ‘ “എന്ത് ഞാനോ ” ‘എടാ ഏതായാലും ഒരു ടൈം ആവുമ്പോൾ കല്യാണം നടത്തണം. നിന്റെ കുറച്ച് നേരത്തെ ആയിക്കോട്ടെ… അങ്ങനെ അങ്ങ് വിചാരിച്ച മതി.’ “മാമൻ എന്താണ് ഈ പറയുന്നേ എനിക്ക് ആകെ 22വയസ്സേ ആയിട്ടുള്ളു.” ‘എടാ വയസ്സ് ഒക്കെ ഇപ്പോഴത്തെ കാലത്ത് ഒരു പ്രശനം വല്ലതും ആണോ… നീ അങ്ങട് സമ്മതിക്ക് ഡാ…. ബാക്കി വരുന്ന വഴിൽ വച്ച് കാണാം ‘ “എന്റെ പൊന്നു മാമ എനിക്ക് കല്യാണം കഴിക്കണം എന്ന പോലും വന്നിട്ടില്ല. പിന്നെ ഞാൻ ഒട്ടും സ്റ്റബിൾ അല്ല ” ‘നീ എന്ത് സ്റ്റാബിൾ എല്ലാന്ന്. ഏല്ലാം ശെരിയാകും. അവള് ആണെങ്കിൽ അവരോട് ഒക്കെ പറഞ്ഞു നിനക്ക് പ്രശനം ഇല്ലന്ന് ‘ ഇനിയിപ്പോ എന്ത് പറഞ്ഞാ ഇത് മുടക്കുക എന്ന് ആലോചിച്ചപ്പോൾ ആണ് ഒരു ഐഡിയ വന്നത് “അതിന് ജാതകം ഒക്കെ നോക്കണ്ടേ… എന്റേത് എനിക്ക് അറിയില്ല.” ‘അത് അവൾക് അറിയാം. നിന്റെ ജാതകവും അവളുടേത്തും പത്തിൽ 8 പൊരുത്തം ഉണ്ട് എന്നാ പറയുന്നത്… നീ ഇനി വേറെ ഒന്നും ചിന്തിക്കല്ലേ… നീ സമ്മതിച്ചില്ലേ അവള് ആകെ നാണം കെടും.’ ഞാൻ മാമിയെ നോക്കി. അവിടെ ഞാൻ സമ്മതിക്കോ ഇല്ലേ എന്നുള്ള ആശങ്ക ആണ്. പിന്നെ മാമിയുടെ അടുത്ത് നിൽക്കുന്നവരെ അപ്പോളാണ് ഞാൻ ശ്രെദ്ധിക്കുന്നത്. എല്ലാവരും എന്നെ നോക്കി നിക്കുന്നുണ്ട്. ‘മ്മ് ശെരി ‘ “ന്നാ വാ… നിന്റെ ഈ ഡ്രസ്സ്‌ ഒക്കെ ചേഞ്ച്‌ ചെയ്യണം ” പിന്നെ ഒക്കെ ശടപാടെന്നായിരുന്നു.അതിനിടക്ക് അവളുടെ അച്ഛൻ വന്ന് എന്നെ പുണർന്നു കുറച്ച് സെന്റി ഒക്കെ അടിച്. എന്റെ മനസ്സ് അപ്പോളും നൂല് പോയ പട്ടം പോലെയായിരുന്നു.ഡ്രെസ്സും ചേഞ്ച്‌ ചെയ്ത് കുറച്ച് മേക്കപ്പും ഇട്ട് തന്ന് എന്നെ മണ്ഡപത്തിൽ ഇരുത്തി. ഞാൻ മാമിയെ നോക്കി. നല്ല പുഞ്ചിരിച്ചോണ്ട് നിക്കുന്നു. എല്ലാം ഒപ്പിച് വച്ചിട്ട് നിന്ന് ചിരികിണെ കണ്ടില്ലേ. കുറച്ച് ആളുകളെ ഇപ്പോ ഉള്ളു. ആദ്യമായിട്ടാന് എല്ലാവരുടെയും മുമ്പിൽ ഇങ്ങനെ നില്കുന്നത്. നെഞ്ച് പട പാടാന്ന് അടിക്കിണ്ട്. സൈഡിൽ ഫാൻ ഉണ്ടെങ്കിലും വിയർപ് നെറ്റിയിലൂടെ ഒഴുകി പോവുന്നത് ഞാൻ അറിയുന്നുണ്ട്.എന്റെ തൊട്ട് പിറകിൽ മാമൻ ഉണ്ട് അതോണ്ട് ബോധം പോവാനുമാത്രമുള്ള പേടി ഇല്ല എന്ന് പറയാം. ന്നാലും ഒരു പേടി ‘മുഹൂർത്ത ടൈം തീരാറായി. കുട്ടിയെ വിളിക്യാ ‘ “ശ്രീജേ മോളെ കൊണ്ട് വാ “
ആരാണാവോ ഞാൻ കെട്ടാൻ പോകുന്ന ആൾ. സൈഡിലൂടെ ഒരു പെണ്ണ് വന്ന് എന്റെ അടുത്ത് ഇരിക്കുനത് ഞാൻ അറിഞ്ഞു. എല്ലാവരും നില്കുന്നത് കൊണ്ട് മുഖത്ത് നോക്കാനുള്ള ധൈര്യം ആ ടൈമിൽ ഇല്ല എന്ന് തന്നെ പറയാം. ദൈവമേ മാമൻ ഒരു താലി എടുത്ത് എനിക്ക് തന്നു. ഇത് ഒക്കെ എപ്പോ ഒപ്പിച്….ഞാൻ വിറക്കുന്ന കൈകൾക്കൊണ്ട് അത് വാങ്ങി ഞാൻ അവളുടെ കഴുത്തിലേക്ക് വച്ച് മുഖത്തേക്ക് നോക്കി. ഞാൻ ആകെ അമ്പരന്ന് പോയി. ഇത് അവളല്ലേ എന്റെ ബൈക്ക് മറിച്ചിട്ട പെണ്ണ്. ഇവളെ ആണോ ഞാൻ കെട്ടാൻ പോണേ. ഇത് ഇപ്പൊ എങ്ങനെ കെട്ടുക എന്നുള്ള ആക്ഷനും ഇട്ട് നിൽക്കുന്ന എന്നെ കണ്ടിട്ട് പുറകിൽ നിൽക്കുന്ന കുറച്ചു ആളുകൾ കെട്ടേണ്ട രീതി പറഞ്ഞു തന്നു. അങ്ങനെ അതും കെട്ടി ഞാൻ അവിടെ നിന്നപ്പോ എന്നോട് അവളുടെ കയ്യും പിടിച് മൂന്നു വട്ടം ചുറ്റാൻ പറഞ്ഞു. അങ്ങനെ 22മത്തെ എന്റെ കല്യാണം കഴിഞ്ഞു. പിന്നെ ഫോട്ടോ സെക്ഷൻ, സദ്യ, കുടുംബക്കാരെ പരിജയപെടേൽ.ഒരു ചാവിയിട്ട് തിരിച്ച കളിപ്പാട്ടം പോലെ. ഇതിനിടയിൽ ഞാൻ അവളോടും അവള് എന്നോടും ഒന്നും സംസാരിച്ചിട്ടില്ലായിരുന്നു. ആരോ അവളുടെ പേര് വിളിച്ചപ്പോളായിരുന്നു അവളുടെ പേര് പോലും ഞാൻ അറിഞ്ഞത്. എന്റെ അമ്മയുടെ പേര് പോലെ തന്നെ ആയിരുന്നു അവളുടെയും പേര്. ലക്ഷ്മി.
പരിപാടി ഒക്കെ കഴിഞ്ഞ് ഞങ്ങൾ പോവാൻ തിരിച്ചു. അവളുടെ അച്ഛൻ വന്ന് എന്റെ കയ്യ് ചേർത്ത് പിടിച് “പൊന്നു പോലെ നോക്കണേടാ.”ഞാൻ എല്ലാവർക്കും ഒരു പുഞ്ചിരി നൽകി കാറിൽ കയറി. മാമൻ ആണ് വണ്ടി എടുത്തത് മുന്നിൽ മാമി ഇരുന്നു. ബാക്ക് സീറ്റിൽ ഞാനും എന്റെ മടിയിൽ നിവിയും സൈഡിൽ ലക്ഷ്മിയും ഞങ്ങളെ രണ്ടാളുടെയും ഇടക്ക് വിദ്യായും.
കാറിൽ പോകുമ്പോ മാമൻ നമുക്ക് ഒരു റിസപ്ഷൻ വെക്കാം എന്ന് പറഞ്.മാമിയും അതിന് മാമിയും സപ്പോർട്ട്. ഹോ ഇനിയും ഒരുങ്ങി കെട്ടി എല്ലാവരുടെയും മുന്നിൽ നിക്കണമല്ലോ. പിന്നെയും മാമനും മാമിയും ഒക്കെ അവളോട് ഓരോന്ന് സംസാരിക്കുന്നുണ്ട്. നിവി എന്റെ മടിയിൽ കിടന്ന് ഉറക്കം പിടിച്ചിട്ടുണ്ട്. അങ്ങനെ വീട്ടിൽ എത്തി ഞാൻ നേരെ നിവിനെ മാമിയുടെ റൂമിൽ കൊണ്ട് പോയി കിടത്തി നേരെ എന്റെ റൂമിൽ പോയി. ഒരു ടൗവലും എടുത്ത് ഫ്രഷ് ആവാൻ കയറി. ശവറിന്റെ ചുവട്ടിൽ നിന്ന് അത് ഓൺ ചെയ്തു. തലയിലൂടെ വെള്ളം വീണപ്പോൾ തന്നെ പകുതി ആശ്വാസമായി.ഒരു നിമിഷം മതി ജീവിതം മാറി മറിയാൻ എന്ന് കേട്ടിട്ടേ ഉള്ളു. അത് ഇപ്പൊ അനുഭവിച്ചു. ഇനി എന്താകുവോ എന്തോ. കുറച്ച് കഴിഞ്ഞ് ബാത്‌റൂമിൽ നിന്ന് ഇറങ്ങി ഒരു കാർഗോ പാന്റും ടീഷർട്ടും ഇട്ട് തായെക്ക് പോയി. തായെ സോഫയിൽ അവളും മാമിയും ഇരുന്നു സംസാരിക്കുന്നുണ്ട്.കൂടെ എന്റെ കുറച്ച് ബന്ധുക്കൾ ഒക്കെ വന്നിട്ടുണ്ട്.എന്നെ കണ്ടപ്പോൾ മാമി “ഡാ നീ എവിടെക്കാ ” ‘ഒന്ന് പുറത്ത് പോയിട്ട് വരാം’ “അതികം വൈകണ്ടാട്ടോ” അതിന് മറുപടി ഒന്നും പറയാതെ ബൈക്കും എടുത്ത് പോയി. നേരെ കവിന്റെ അടുത്തേക്ക് പോയി. കവിൻ ആരാന്നല്ലേ.. എന്റെ കൂടെ പത്താം ക്ലാസ്സ് വരെ കൂടെ പഠിച്ച ചെങ്ങായ്‌ ആണ്. ലീവിന് വരുമ്പോ ഇടക്ക് അവന്റെ അടുത്തേക്ക് പോകാറുണ്ട്. അവൻ അവന്റെ അച്ഛന്റെ സൂപ്പർ മാർക്കറ്റ് നോക്കി നടത്തുകയാണ് കൂടെ ഏതോ കോഴ്സ് ചെയ്യുന്നുണ്ട് . ഞാൻ നേരെ അവന്റെ കേബിനിലോട്ട് പോയി.അവൻ ഒരു കോളിൽ ആയിരുന്നു. എന്നോട് ഇരിക്കാൻ പറഞ്ഞു.കാൾ ചെയ്ത് കഴിഞ്ഞിട്ടു അവൻ “ഡാ ഫുഡ്‌ അടിക്കാൻ പോയാലോ. ഉച്ചക്ക് ഒന്നും കഴിച്ചില്ല. കുറച്ച് പണി ഉണ്ടായിരുന്നു.. നീ വാ ” അവൻ എന്റെ കയ്യും പിടിച് പുറത്തേക്ക് നടന്നു. അങ്ങനെ എന്റെ ബൈക്കിൽ കേറി നേരെ ഒരു ഹോട്ടലിൽ കയറി
“ഡാ നീ എന്താ മൂഡ് ഓഫ്‌ ആയി ഇരിക്കുന്നെ… എന്തേലും പ്രശനം ഉണ്ടോ ”
