Related Posts
പ്രിയ ചങ്ങാതിമാരെ നിങ്ങൾ തന്ന സപ്പോർട്ടിന് ആദ്യമേ നന്ദി പറയട്ടെ….. ഒരിക്കലും പ്രേതീക്ഷിച്ചിരുന്നില്ല ഇങ്ങനെ സപ്പോർട്ട് ഉണ്ടാവും എന്ന്.
മോഡൽ എക്സാമിന്റെ ഇടക്കാണ് ഇത് എഴുതിയത്. അത് കൊണ്ട് തന്നെ അതിന്റെ റീഫ്ലക്ഷൻ ആൻസർ ഷീറ്റിലും ഉണ്ട്. ഒരാഴ്ച കൂടി കഴിഞ്ഞാൽ മെയിൻ എക്സാമാണ്. ഇനിയും പഠിച്ചില്ലേ സപ്ല്ലി വന്ന് കോഞ്ഞാട്ടം ആവും. എന്തായാലും പകുതിക്ക് വച്ച് നിറുത്തി പോകില്ല.
തെറ്റുകൾ ഉണ്ടേൽ കമന്റ് ബോക്സിൽ അറിയിക്കാൻ മറക്കരുതേ
കഴിവതും അടുത്ത part ഇടാൻ നോകാം. ടൈം കിട്ടുവാണേൽ
സ്നേഹത്തോടെ മാതു
ഡോർ തുറക്കുമ്പോൾ അവൾ ഒരുവട്ടം കൂടി എന്നെ നോക്കി ചിരിച്ചു. എന്തോ ഞാനും തിരിച്ച് ഒരു പുഞ്ചിരി നൽകി. ശേഷം അവൾ അതിൽക്കയറി വണ്ടി സ്റ്റാർട്ട്‌ ചെയ്തു. അപ്പോളാണ് ഒരു ലോറി ശര വേഗത്തിൽ അവളുടെ കാർ നിർത്തിയിട്ടിരുന്ന ദിശയിൽ വരുന്നത്. എന്റെ നെഞ്ച് ഒന്ന് കാളി കണ്ണടച്ചു തുറക്കുമ്പോൾ ആ ലോറി അവളുടെ കാർ ഇടിച് കഴിഞ്ഞിരുന്നു.ആ ലോറിയും അവൾ ഇരിക്കുന്ന കാറും ഒരുമിച്ച് താഴിച്ചയിലേക്ക് വീണു.ഞാൻ എന്റെ തൊണ്ട പൊട്ടുമാർ കരഞ്ഞു നിലവിളിച്ചു………
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°° ഞാൻ ഞെട്ടി എണീറ്റു…ശോസം എടുക്കാൻ പറ്റുന്നില്ല……സ്വപ്നം ആയിരുന്നോ ‘കിച്ചു.. ഡാ.. എന്താടാ പറ്റിയെ ‘ മാമി ഉണ്ടായിരുന്നോ ഇവിടെ… കുറച്ച് അപ്പുറത് മാമനും ഉണ്ട്. ഞാൻ ഇൻഹീലർ ഇരിക്കുന്ന സ്ഥലത്തേക്ക് ചൂണ്ടി കാണിച്ചു.മാമി മാമനോട് ‘ഏട്ടാ ആ ഇൻഹീലർ എടുത്തേ’ മാമൻ വേഗം അത് എടുത്ത് എനിക്ക് തന്നു. രണ്ട് ഡോസ് എടുത്തപ്പോ തന്നെ ഒന്ന് നോർമലായി. അന്ന് ആ ആക്‌സിഡന്റ് നടന്നെ പിന്നെ ഇടക്ക് ശോസമുട്ട് ഉണ്ടാവാറുണ്ട്. അധികവും ഞെട്ടുന്ന അവസ്ഥകളിൽ അത് കൊണ്ട് തന്നെ ഈ സാധനം ഡോക്ടർ എഴുതി തന്നു. മാമി എന്നെ ചേർത്തുപിടിച് പുറവും തടവി അവിടെ തന്നെ ഇരുന്നു. ‘ഏട്ടൻ പോയി ഉറങ്ങിക്കോ ഞാൻ വന്നോളാം ‘ “കിച്ചു പ്രശനം ഒന്നും ഇല്ലല്ലോ ” ഞാൻ ഇല്ല എന്ന് തലയാട്ടി. മാമൻ അങ്ങനെ തായെക്ക് പോയി.കുറച്ചു നേരത്തിനു ശേഷം മാമി എനിക്ക് കുറച്ച് വെള്ളം തന്നു കൊണ്ട് ചോദിച്ചു “എന്താ കിച്ചു പറ്റിയെ ” ‘ഒരു സ്വപ്നം കണ്ടു ‘ “മ്മ് ” അധിക ദിവസവും ഞാൻ അന്നത്തെ ആക്‌സിഡന്റ് സ്വപ്നം കണ്ട് ആണ് ഞെട്ടി ഉണരൽ.അത് മാമിക് അറിയാവുന്നത് കൊണ്ട് തന്നെ വേറെ ഒന്നും ചോദിച്ചില്ല.
“ഞാൻ ഇവിടെ കിടക്കണോ ” ‘വേണ്ട എനിക്ക് കുഴപ്പല്ലിയ ‘ “ന്നാ പ്രാർത്ഥിച്ച് കിടന്നോ….. എന്തെങ്കിലും ആവശ്യമുണ്ടെങ്കിൽ വിളിച്ചട്ടോ ” ‘മ്മ് ‘ അങ്ങനെ മാമി പോയി ശരീരം ആകെ വിയർപ് ഒട്ടിയിട്ടുണ്ട്. ഞാൻ ബാത്‌റൂമിൽ പോയി ഷവർ ഓൺ ചെയ്ത് അതിന്റെ അടിയിൽ നിന്നു. ഉറങ്ങുമ്പോ സ്വപ്നം കണ്ട് പേടിച് ഞെട്ടി ഉണരാർ ഒക്കെ ഉണ്ട് മിക്കവാറും അന്നത്തെ ആക്‌സിഡന്റ് ആയിരിക്കും കാണുക . ഇന്ന് എന്താ ആ പെണ്ണിനെ കണ്ടേ എന്ന് അറിയില്ല.. ആ എന്തേലും ആവട്ടെ… അങ്ങനെ ശരീരം തുടച് ഒരു ബോക്സറും ഇട്ട് ഞാൻ വീണ്ടും നിദ്രയെ പുൽകി.
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
രാവിലെ ആരോ മുടിയിൽ പിടിച്ച് വലിക്കുന്ന പോലെ തോന്നിയപ്പോൾ ആണ് കണ്ണ് തുറന്നത്.നിവി ആയിരിക്കും മാമന്റെ രണ്ടാമത്തെ സന്താനം. ആദ്യത്തേത് സ്കൂളിൽ പോയിട്ടുണ്ടാകും വിദ്യ. “ആരാടാ എന്റെ മുടിയിൽ പിടിച് വലിക്കുനെ ” അത് കേട്ടപ്പോ ചെറുക്കൻ ചിരിച് കൊണ്ട് കയ്യും ബാക്കിൽ കെട്ടി പിന്നിലേക്ക് പോയി.ഞാൻ ദേഷ്യപ്പെട്ടാലൊന്നും പുള്ളിക് ഒരു വിഷയം അല്ല. ഇങ്ങനെ ചിരിച്ചോണ്ട് നിക്കും. എന്നെ നല്ല ഇഷ്ടമാണ് ചെക്കന്. ലീവിന് വന്നാൽ അധിക നേരവും എന്റെ കൂടെ ആയിരിക്കും. ഞാൻ ഇന്നലെ വാങ്ങിയ ടോയ് അവന് എടുത്ത് കൊടുത്തിട്ട് ഫ്രഷ് ആയി ഒരു ട്രൗസറും ടീഷർട്ടും ഇട്ട് അവനെയും എടുത്ത് തയാത്തേക്ക് പോയി. ഹാളിൽ ആരും ഇല്ല. മാമൻ പോയിട്ട് ഉണ്ടാകും. ഞാൻ നിവിയെയും തോളത്തു വച്ച് പുറത്തേക്ക് ഇറങ്ങി ലവ് ബേർഡ്സിനും വളർത്തു മീനിനും തീറ്റ കൊടുത്തു കുറച്ച് നേരം അവിടെ തന്നെ നിന്നു. ‘കിച്ചു കഴിക്കാൻ വാ …. ആ ചെറുക്കനേം കൂട്ടിക്കോ ‘ “ദാ വരണു……വാടാ നിവി കുട്ടാ ” ഞാൻ അവനെയും എടുത്ത് അടുക്കളയിലേക്ക് പോയി. “മാമി കഴിച്ചോ?” ‘ആ ഞാൻ കഴിച്. എന്റെ വയറ്റിൽ ഉള്ള ആൾക്കെ സമയത്തിന് ഭക്ഷണം കിട്ടണം ഇല്ലേ എന്നെ ചവിട്ടി ഒരു പരുവമാക്കും… നീ അവന് വാരി കൊടുക്ക്, അവൻ കഴിച്ചിട്ടില്ല ‘ “അയ്യോ എന്റെ നിവിക്കുട്ടൻ കഴിച്ചില്ലേ ” ഞാൻ അവനെ അടുക്കളയിലെ സ്ലാബിൽ ഇരുത്തി ഒരു പ്ലേറ്റിൽ കേസ്രോളിൽ നിന്ന് നല്ല രണ്ട് നൂലപ്പവും നല്ല മധുരമുള്ള തേങ്ങാപ്പാലും ഒഴിച് സ്റ്റൂൾ എടുത്ത് അവന്റെ നേർക് ഇരുന്ന് നിവിക്ക് വാരികൊടുത്തു ഞാനും കഴിക്കാൻ തുടങ്ങി. മാമി അവിടെ ഉച്ചകത്തേക്കുള്ള ഭക്ഷണം ഉണ്ടാകുകയാണ്. വയർ കുറച്ച് പുറത്തേക്ക് തള്ളി നിക്കുന്നുണ്ട്. “മാമി വീട്ടിൽ പൊക്കൂടെ ” ‘അതെന്താടാ ഞാൻ ഇവിടെ നിക്കുന്നത് നിനക്ക് ഇഷ്ടപെടുന്നില്ലേ ‘ “അതല്ല, വെറുതെ ഇവിടെ കിടന്നു ഈ വയറും വച്ച് കഷ്ടപ്പെടേണ്ടല്ലോ ” ‘മോനെ കിച്ചു. ആകെ രണ്ട് ആഴിച്ചേ നീ ഇവിടെ ഉണ്ടാകു അത് കഴിഞ്ഞിട്ട് ഞാൻ പോയപ്പോരേ…… പിന്നെ ഇതൊന്നും അത്ര വലിയ പണി ഒന്നും അല്ല. പിന്നെ നീ ഇവന്റെ മുടി ഒന്ന് വെട്ടിച്ചു കൊണ്ട് വരണം. ‘ “Aa” അങ്ങനെ രണ്ട് ദിവസം വലിയ സംഭവ വികാസങ്ങൾ ഒന്നും ഇല്ലാതെ കടന്ന് പോയി. രാവിലെ എണീക്ക, ഫുഡ്‌ കഴിക്ക ബുക്ക് വഴിക്ക ചെറുക്കന്റെ കൂടെ കളിക്ക. വിദ്യാമോളെയും നിവിയെയും കൂട്ടി കറങ്ങാൻ പോകുക ഇതൊക്ക തന്നെ.
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°° അങ്ങനെ ഞായറാഴ്ച കുളിച് മാറ്റി ഒരു വൈറ്റ് ഷർട്ടും. ബ്ലാക്ക് പാന്റും ഷൂസും ഇട്ട് ഞാൻ കല്ലിയാണതിനു പോകാൻ ഒരുങ്ങി. തായെക്ക് പോകുമ്പോ എല്ലാവരും എന്നെ കാത്ത് നിക്കുന്നുണ്ടായിരുന്നു. “ഡാ ന്നാ നീ ഓടിച്ചോ ” ഇതും പറഞ് മാമൻ എന്റെ നേരെ ചാവി എറിഞ്ഞു. ഞാൻ അതും പിടിച് വണ്ടിയിൽ കയറി സ്റ്റാർട്ട്‌ ചെയ്ത് അവരുടെ മുന്നിൽ കൊണ്ട് പോയി നിർത്തി.എല്ലാവരും കയറി ഞാൻ പ്രാർത്ഥിച്ച് കൊണ്ട് വണ്ടി മുന്നോട്ടെടുത്തു. “ഡാ നോക്കി കണ്ടും ഒക്കെ ഓടിക്കിട്ടോ. അവളെ വയറ്റിൽ ഒരാളുള്ളതാ ” ‘ആ… ആല്ല മാമി ഇതാരുടെ കല്യാണത്തിനാ പോകുന്നെ ‘ “നീ ഇപ്പോളെങ്കിലും ചോദിച്ചല്ലോ….. എടാ അത് എന്റെ അച്ചുമാമൻ ഇല്ലേ അവരുടെ ഭാര്യയുടെ പെങ്ങളെ മോളെ കല്യാണത്തിന് ആണ് നമ്മള് പോകുന്നത് ”
