ലക്ഷ്മി – 6അടിപൊളി  

“നല്ല ടേസ്റ്റ് ആണല്ലോ ”

‘ഹോ… മതിയട ‘ ഞാൻ പുള്ളിയുടെ പാചകത്തിനെ പൊക്കി പറിയുകയാണ് എന്ന് വിചാരിച്ചിട്ട്. അങ്ങനെ കഴിപ്പും കഴിഞ്ഞ് ഞാൻ അവിടെത്തെ സോഫയിൽ പോയി കിടന്നു. അവര് റൂമിൽ പോവുകയും ചെയ്തു. ലക്ഷ്മിയെ വിളിച്ചാലോ എന്നുണ്ട് പക്ഷെ അത് ഓവറായി പോകും എന്നുള്ള മനസ്സിന്റെ തോന്നലിൽ ആ ശ്രേമം ഉപേക്ഷിച് ഒന്ന് മയങ്ങാൻ തീരുമാനിച്ചു. നൈറ്റ്‌ അല്ലെ ഡ്യൂട്ടി.. അതും അധിക സമയവും നിന്നോണ്ട് ആയിരിക്കും. പിന്നെ എണീക്കുന്നെ വൈകുന്നേരമാണ്. അവിടെന്ന് ഒരു സുലൈമാനിയും കുടിച് തിരികെ റൂമിലേക്ക് തന്നെ തിരിച്ചു വിട്ടു.



ഫ്ലാറ്റിന്റെ കോമ്പൗണ്ടിൽ കുട്ടികൾ അവരുടേതായ കളികൾ കളിക്കുന്നുണ്ടുണ്ട്.വേറെ സ്ഥലത്തു പ്രായമായ ആന്റിമാർ ഇരുന്നു കൊണ്ട് സൊറ പറയുന്നുണ്ട്. ഇതിലെന്നും ശ്രദ്ധ കൊടുക്കാതെ നേരെ വിട്ടു സ്വിച്ച് അമർത്തിയാൽ തായോട്ടും മുകളിലോട്ടും സഞ്ചരിക്കുന്ന യന്ത്രത്തിലോട്ട്……

അതിനുള്ളിൽ നിന്നും ഇറങ്ങി റൂമിന് നേരെ നടന്നു. സുജിൻ ചേട്ടൻ എത്തിയിട്ടില്ല.7 മണി ആകും അവരെത്താൻ. അടുക്കളയിൽ പോയി രാത്രി ഞണ്ണാനുള്ള വക ഉണ്ടാക്കുന്നതിലേക്ക് ആവശ്യമായ സാധനങ്ങൾ ഉണ്ടോ എന്ന് നോക്കി. രണ്ട് തക്കാളിയും ഒരു വലിയ ഉള്ളിയും പച്ചമുളകും കേട് കൂടാതെ ഇരിക്കുന്നുണ്ട്. പിന്നെ ഒന്നും നോക്കിയില്ല. തൊലി കളഞ്ഞു നല്ലവണ്ണം കഴുകി നൈസ് ആയിട്ട് അരിഞ്ഞു.

കുക്കർ വച്ച് ചൂടാക്കി അതിൽ നല്ല സൺഫ്ലവർ ഓയിൽ ഒഴിച് ചൂടാക്കി കുറച് കടുക് അങ്ങട് വിതറി.കടുക് പൊട്ടി തുടങ്ങിയപ്പോ പിന്നെ എല്ലാം ശട പടെ ന്നായിരുന്നു. അവസാനം ആവശ്യത്തിന് വെള്ളവും ഒഴിച് മൂടിവച്ചു.

ചൂളം വിളി തുടങ്ങിയപ്പോ എന്റെ ചിന്തകളും കാട് കയറാൻ തുടങ്ങി. നടപ്പായതും നടപ്പാക്കാനിരിക്കുന്നതും എല്ലാം. അവസാനം എത്തി നിന്നത് ലക്ഷ്മിയിൽ ആയിരുന്നു. അകാരണമായി ഒരു പുഞ്ചിരി എന്റെ ചൊടികളിൽ ഉദിച്ചു. അവളുടെ ആ ഭരണ സ്വഭാവം. അത് ഓർക്കുന്തോറും ചുണ്ടിൽ തത്തി കളിച്ചിരുന്ന പുഞ്ചിരി മാറി അവിടെ ചെറിയ ശബ്ദത്തോടെയുള്ള ചിരി വരുവാൻ തുടങ്ങി. അപ്പോഴാണ്…. മുതലാളി വച്ച വെള്ളം എല്ലാം തീർന്നു എന്ന് പറഞ്ഞു ഒരു നീളൻ വിസിലടി. അത് കേൾക്കേണ്ട താമസം ഗ്യാസ് ഓഫ് ചെയ്ത് നേരെ മുറിയിലോട്ട് പോയി ബെഡിലേക്ക് ഊളിയിട്ടു.

ലാപ്പെടുത്തു കുറച്ചു നേരം മെയിലിൽ കയറി ചാറ്റ് ചെയ്തു. കുറച്ച് നേരം എന്നായിരുന്നു വിചാരിച്ചേ… പക്ഷെ അതിൽ നിന്ന് ഇറങ്ങി നേരെ യൂയുബിലേക്ക് വിട്ടു. ചെറിയ ഷോർട്സുകളിൽ നിന്ന് തുടങ്ങി അര മണിക്കൂർ വരെയുള്ള ഷോർട്സ്ഫിലിമുകളിലേക്ക് എത്തി. അവസാനം കണ്ട് കണ്ട് മടുത്തു അത് ഷട്ഡോൺ ചെയ്തു. പിന്നെയും ആലോചന. അതിനും വിരാമമിട്ട് മൊബൈലെടുത്തു നെറ്റ് ഓൺ ചെയ്തു. ദാണ്ടേ റ്റിങ് റ്റിങ് റ്റിങ് എന്ന് പറഞ്ഞുകൊണ്ട് ചറപറാന്ന് വാട്സ്ആപ്പ് മെസ്സേജ്. കൂടെ വാട്സ്ആപ്പ് കാളും. വേറെ ആരും അല്ല ലക്ഷ്മി കുട്ടി എന്നുള്ള പ്രൊഫൈലിൽ നിന്നും ആണ് ഇത്ര തോനെ… അധികവും മുഖം ചുവന്നുള്ള ഇമോജികൾ. ഈൗ പെണ്ണിന്റെ കഥ.

ദാണ്ടേ വീണ്ടും ഒരു വീഡിയോ കാൾ. എടുക്കണോ വേണ്ടയോ എന്നുള്ള മനസ്സിന്റെ തീരുമാനത്തിന് വേണ്ടി വിരലുകൾ ഒരു നിമിഷം നിശ്ചലമായി. വേറൊന്നുകൊണ്ടല്ല. ഒരു ചടപ്പ്…. വീഡിയോ കാൾ ആയത് കൊണ്ട്….. അവസാനം എടുക്കാം എന്നുള്ള തീരുമാനം ഉദ്ധീപനം വഴി വിരലിൽ എത്തിയപ്പോ ആ വിരൽ താനെ പച്ച വൃത്തം മുകളിലേക്ക് ചലിപ്പിച്ചു.

“എന്താടാ തെണ്ടി നിനക്ക് ഫോൺ എടുത്താ ”

ആള് കലിപ്പിലാണെന്ന് തോന്നുന്നു. ഞാൻ ഒന്ന് ചിരിച്ചു കൊടുത്തു.

“എവിടെ ആയിരുന്നു ഇത്ര നേരം ”

‘ഇവിടെ ഉണ്ടാർന്നു. ‘

“പിന്നെന്താ ഓൺലൈനിൽ വരാഞ്ഞേ ”

‘എനിക്കറിയില്ലല്ലോ… ലക്ഷ്മിയെ നീ ഒരു ദിവസം മൂന്നു നേരം ഒക്കെ വിളിക്കും എന്ന്.’

“പിന്നെ ആരാ നിന്നെ വിളിക്കണ്ടേ… ചേച്ചി എന്നെയാ നിന്റെ കാര്യങ്ങൾ ഒക്കെ നോക്കാൻ ഏല്പിച്ചത്.. “വലിയ കാര്യത്തിൽ ആണ് പറയുന്നേ

‘ഞാൻ എന്താ പിഞ്ചു കുട്ടിയാ…….’ചിരിച്ചോണ്ട്

“കിണിക്കല്ലേ.. കിണിക്കല്ലേ…..’

കുറച്ച് നേരം രണ്ടാളും കണ്ണും കണ്ണും നോക്കിയിരുന്നു.കുളിച് ഇരിക്കുകയാണെന്ന് തോന്നുന്നു. തലയിൽ ഒരു മുണ്ട് ഒക്കെ ചുറ്റിയിട്ടുണ്ട്.ചുവപ്പ് കളർ ടീഷർട്ട് ആണ് ധരിച്ചിരിക്കുന്നത്. അതിന് പുറത്തേക്ക് നിൽക്കുന്ന നേർത്ത താലിയും.

“എന്തെടുക്കുകയായിരുന്നു “ഇത്തവണ ശബ്ദം നേർപ്പിച്ചു കൊണ്ടാണ്

‘ലാപ്പിൽ നോക്കി ഇരിക്കയിരുന്നു. ക്ലാസ്സ്‌ കഴിഞ്ഞോ ‘

“ആ….. ഇപ്പൊ വന്നതേ ഉള്ളു “

‘ഭക്ഷണം കഴിച്ചോ ‘

“ആ… കിച്ചു എന്താ കഴിച്ചേ ഉച്ചക്ക് ”

‘നെയ്ച്ചോറും കോഴിക്കറിയും ‘

“ഹാഹ…. ഇതൊക്കെ ഉണ്ടാക്കുമോ ”

‘അയ്യോ ഇത് ഞാനല്ല ഉണ്ടാക്കിയത് ‘

“പിന്നെ ”

‘റമീസീക്കയും പിന്നെ റംസീനത്തയും ‘

“ആരാ അവരൊക്കെ ”

പിന്നെ അവരെ പരിചയപെടുത്താലും വിശേഷം പറച്ചിലും ഒക്കെയായി. അവസാനം ഞാൻ തന്നെ നിര്ബന്ധിച്ചു ഫോൺ വച്ചു. ഇതിന് ഒരു അവസാനം വേണ്ടേ.. പഠിക്കട്ടെ… പഠിക്കേണ്ട ടൈം ആണ് ഇപ്പൊ അതും പറഞ്ഞാണ് ഫോണ് വച്ചത്. പുള്ളികാരിക്ക് അത് അത്ര ഇഷ്ട പെട്ടില്ല.. എന്നാലും വച്ചു. അപ്പോഴും പറയാ ഉറങ്ങാനാവുമ്പോ വിളികാന്ന്.. ഇനിയും എന്ത് പറയാൻ ആവോ

രാത്രി കുക്കറിലിരിക്കുന്ന തക്കാളിചോറും നല്ല മാങ്ങാ അച്ചാറും കൂടി തട്ടി. പിന്നെ മാമിക്ക് ഫോൺ ചെയ്തു സമയം. അവസാനം 1.00 ആവാൻ നേരത്ത് ഫ്ലാറ്റിന്റെ എൻ‌ട്രൻസിൽ പോയി കമ്പനി വണ്ടിക്ക് വെയിറ്റ് ചെയ്തു. അതിലും കയറി നേരെ കമ്പനി പോയി. പിന്നെ എട്ട് മണിക്കൂർ നില്കാതെ പണി തന്നെ. ഓരോന്ന് ചെക്ക് ചെയ്ത് ഉറപ്പു വരുത്തുക. ഇതൊക്കെത്തന്നെയാണ് ഹൈദരാബാദ് വന്നാലുള്ള റൂട്ടിൻ ലൈഫ്. ഇടക്ക് റമീസീക്കന്റെ വിളി വരും. എന്തേലും സ്പെഷ്യൽ ഉണ്ടാക്കുമ്പോൾ. പിന്നെ അവിടെ പോയി ഞണ്ണും അത്രന്നെ.

 




 

മാസങ്ങൾ അങ്ങനെ കൊഴിഞ്ഞു പോയി. ഇതിനിടക്ക് ലീവ് ഒക്കെ കിട്ടിയാർന്നു. നാട്ടിൽ ഇടക്ക് പോയി വരുമായിരുന്നു. അതൊന്നും ആരെയും അറിയിച്ചിട്ടില്ല. വേറെ പല പേർസണൽ കാര്യങ്ങൾക്ക് ആയിരുന്നു അത്. രാത്രി ഷിഫ്റ്റ്‌ രാവിലെ ആയി. മാത്രമല്ല ഉറങ്ങുന്നത് വരെ പോയിരുന്ന ഫോൺ വിളി രാത്രിയും കഴിഞ്ഞ് അർദ്ധ രാത്രി വരെ പോയി. മാത്രമല്ല ചിലപ്പോൾ നോട്ടി സംസാരം വരെ വരുമായിരുന്നു. ആദ്യം ഉണ്ടായിരുന്ന ചമ്മലും മറ്റും ഒക്കെ കാല ക്രമേണ തേഞ്ഞു മാഞ്ഞു പോയിരുന്നു. ഇപ്പൊ രണ്ടാൾക്കും പരസ്പരം അടുത്ത് കണ്ടാ മതിയെന്നായി. അങ്ങനെ ഇരിക്കവേയാണ് മാമിയുടെ ഫോണ് വിളിക്കിടെ ഒരു ആശയം വന്നത്. ക്രിസ്മസ് ഒക്കെ വരുവല്ലേ.. ലക്ഷ്മിക്ക് ഒരു രണ്ട് ആഴ്ച ലീവ് ആണെന്ന്. അതു കൊണ്ട് അവളെ അങ്ങട്ട് കൊണ്ടുപോയിക്കൂടെ എന്ന്. പിന്നെ അതിന്റെ കാര്യങ്ങൾ റെഡി ആക്കുന്ന തിരക്കിലായിരുന്നു.ഒരു ഫ്ലൈറ്റ് ടിക്കറ്റ് ബുക്ക്‌ ചെയ്തു. മാമനും മാമിയും അവളെ എയർപോർട്ടിൽ കൊണ്ട് വിടാം എന്നൊക്കെ തീരുമാനിച്ചു.

Leave a Reply

Your email address will not be published. Required fields are marked *