ആ താഴ്ചയിലേക്ക് വീണുകൊണ്ടിരിക്കുമ്പോയാണ് കണ്ണ് തുറന്നത്. ശരീരം ആകെ വിയർത്ത് നിൽക്കാണ്. കണ്ണാണെ കാണാൻ പറ്റുന്നുമില്ല. ശോസം എടുക്കാൻ പറ്റാത്തോണ്ട് ഇരുന്ന് വലിക്കുന്നുണ്ട്. അതിനിടക്കാനാണ് ആ ഇൻഹീലർ വായിലേക്ക് കിട്ടിയത്. മൂന്നു നാല് പഫ് എടുത്തപ്പോഴാണ് ഒന്ന് നോർമലായത്. സൈഡിൽ ലക്ഷ്മി ഇരിക്കുന്നുണ്ട് എന്റെ പുറവും തടവി.
“താങ്ക്സ് ”
‘ഓ വരവ് വച്ചിരിക്കുണു……. നീ എന്താ കരഞ്ഞോ ‘ അവള് കണ്ണ് തുടച്ചപ്പോഴാണ് ഞാനും ശ്രെദ്ധിക്കുന്നത്. സ്വപ്നത്തിൽ കരഞ്ഞതിന്റെ ആഫ്റ്റർ എഫക്ട് ആയിരിക്കും. ശോസഗതി സാധാരണ നിലയിലായപ്പോ അവള് വെള്ളം എടുത്തു തന്നു. അതും മട മടാന്ന് കുടിച് ടൈംപീസിൽ നോക്കിയപ്പോ ടൈം 5.30.
“എന്താ നോക്കി ഇരിക്കിണെ… വേഗം ഫ്രഷ് ആയിട്ട് വാ കിടക്കാം ”
‘ലക്ഷ്മി കിടന്നോ……’
“അപ്പൊ നീ കിടക്കുന്നില്ലേ ”
‘ആ… നീ ഉറങ്ങിക്കോ.. ഞാൻ ഫ്രഷ് ആയിട്ട് വരാ ‘
അത് കേൾക്കേണ്ട താമസം അവള് പുതപ്പ് കൊണ്ട് മൂടി പുതച് ഉറങ്ങി. ആറ് മണിക്കുള്ള അലാറവും ഓഫ്‌ ചെയ്ത്. ബാൽകണിയിലേക്ക് നടന്നു. ചെറിയ കാറ്റ് വീശുന്നുണ്ട്. ലക്ഷ്മി വരുന്നോണ്ട് തന്നെ സിഗററ്റ് എടുത്ത് ചെടി ചട്ടിയുടെ ഇടയിൽ ഒളിപ്പിച്ചു വച്ചാര്ന്നു. അതിൽ നിന്ന് ഒന്നെടുത്തു വലിച്ചു. വല്ലപ്പോഴുമേ വലിക്കൂ.
“പല നാൾ കള്ളൻ ഒരു നാൾ പിടിയിൽ എന്നാണ് ” അമ്മേടെ വായിൽ നിന്നാണ് ഇത് ആദ്യമായി കേൾക്കുന്നത്. കുട്ടിക്കാലത്ത് സ്ഥിരമായിട്ട് മീൻ കട്ട് കൊണ്ട് പോകുന്ന പൂച്ചയെ പിടിച്ചപ്പോഴാണ് അമ്മ പറഞ്ഞിരുന്നത്. അന്നതിന് ജീവിതത്തോട് ചേർത്തു വെയ്ക്കുമ്പോൾ വലിയ അർത്ഥ തലങ്ങൾ ഒന്നും ഇല്ലായിരുന്നു.
പക്ഷെ ഇന്നതിനെ ജീവിതത്തിന്റെ ഈടുകളിൽ ചേർത്തു നോക്കുമ്പോൾ മനസ്സിന് ഒരു പിടച്ചിലാണ്. ഇത്രയും കാലം അതില്ലാർന്നു.. ജീവിതത്തിലോട്ട് ലക്ഷ്മി വന്നു കയറിയപ്പോ തൊട്ട് തുടങ്ങിയതാണ്. പക്ഷെ അന്നത്തെ ആ ആക്‌സിഡന്റ് ഓർക്കുമ്പോ ഒന്നും എനിക്ക് തെറ്റായിട്ട് തോന്നുന്നില്ല.
ശോ… ചിന്തിച് ചിന്തിച് കാട് കയറി. തീരാറായ സിഗറേറ്റ് കുറ്റിയിൽ നിന്ന് അവസാനത്തെ ഒരു പഫും എടുത്ത് വിട്ട്. അതിനെ കെടുത്തിയിട്ട് തായോട്ടിട്ടു.
നേരെ ട്രേഡ് മില്ലിലേക്ക് കയറി ഓടാൻ തുടങ്ങി. കുറച്ചു നേരം അതിന്മേൽ ഓടിയിട്ട് ഇറങ്ങി.
കോഫി ഉണ്ടാകുമ്പോഴാണ് ഒരാള് പുറകിൽ നിന്ന് കെട്ടിപിടിക്കുന്നത്.
“വിട്…. വിട്.. മേലിൽ അപ്പടി വിയർപ്പാണ് ”
‘അതിനെന്താ’ അതും പറഞ് അവള് പുറത്ത് മുഖം അമർത്തി ശോസം വലിക്കുന്നു.
അതിനിടക്ക് കോഫി ഉണ്ടാക്കൽ പരിപാടി കഴിഞ്ഞിരുന്നു. ഒരു കപ്പിലേക്ക് കോഫി ഒഴിച്ച് അവൾക്ക് കൊടുത്തു.
“എന്നും വർക്ക്‌ ഔട്ട്‌ ചെയ്യുമോ ”
‘ഇവിടെ വന്നാല് സ്ഥിരമായിട്ട് ചെയ്യും…. വാ ബാൽകണിയിൽ ഇരിക്കാം ‘
അവളെ കയ്യും പിടിച് ബാൽകണിയിലെ ഊഞ്ഞാലിൽ കൊണ്ട് പോയി ഇരുത്തി. “കോഫി എങ്ങനെ ഉണ്ട് “
‘ആ… പ്രേതീക്ഷിച്ച ടേസ്റ്റ് ഒന്നും ഇല്ല ‘ ഒരു പുച്ഛ ഭാവത്തില്. കോഫി ഉണ്ടാക്കി കയ്യില് കൊണ്ട് കൊടുത്തതും പോരാ എന്നിട്ട് അതിനെ കുറ്റം പറയുന്നോ
‘എന്നാ ഇത്ര കഷ്ടപ്പെട്ട് കുടിക്കേണ്ട ‘
“ഹാ ഹ.. വെറുതെ പറഞ്ഞതാ കിച്ചൂട്ട. ടേസ്റ്റ് ഒക്കെ ഉണ്ട് ‘എന്താ ആ പല്ല് കാട്ടിയുള്ള ചിരി. പെട്ടന്നാണ് അവളെ ഭാവം മാറിയത്. അടുത്തേക്ക് ചാഞ്ഞുകൊണ്ട് തോളിന് ഒരു കടി. “ഹാ ….എന്റമ്മോ…. എന്താണ് നിനക്ക് വട്ടായോ ”
‘നീ ഇന്ന് സിഗററ്റ് വലിച്ചിരുന്നോ ‘
“ഇല്ല ”
ദാണ്ടേ പിന്നെയും കടി
“ആ… ഒന്ന് മാത്രം… ഇനി വലിക്കില്ല വിട്… എന്താണ് ഇത് യക്ഷി പല്ലോ. നോക്കെ കല്ലിച്ചു കിടക്കുന്നെ ”
‘വേദന ആവാൻ വേണ്ടി തന്നെയാ…എന്നോട് പറഞ്ഞതല്ലേ വലിക്കില്ല എന്ന് പിന്നെന്താ ‘
“ന്നാലും ഇത്ര വേണ്ടിയിരുന്നില്ല….. അല്ല എങ്ങനെ കണ്ടു പിടിച്ചു..”
‘ദാണ്ടേ സിഗേരറ്റിന്റെ ചാരം ‘ അവള് കൈ ചൂണ്ടിയ ഭാഗത്തേക്ക് നോക്കുമ്പോ അതാ കുറച്ച് ചാരം.. കാറ്റ് ചതിച്ചു ഗയ്‌സ്….
“ഇനി വലിച്ചാ ഇനിയും കടിക്കും നോക്കിക്കോ ”
‘ഇല്ലേ… നമ്മളിനി വലിക്കില്ലേ ‘ കടി കിട്ടിയ സ്ഥലത്ത് തടവി കൊണ്ട് പറഞ്ഞു. മുന്നിലുള്ള പന്ത്രണ്ട് പല്ലിന്റെയും രൂപ രേഖ കൃത്യമായിട്ട് പതിഞ്ഞിട്ടുണ്ട്. എന്റെ വേദനജനകമായ മുഖഭാവം കണ്ടിട്ട് ആണെന്ന് തോന്നുന്നു. വയറിലൂടെ ചുറ്റിപ്പിടിച് അവളുടെ അധരങ്ങൾ കൊണ്ട് കടിച്ച ഭാഗത്ത് കൊണ്ട് പോയി ചുംബിച്ചു കൊണ്ടിരുന്നു. ഒടുക്കം ഞാൻ മതി എന്ന് പറഞ്ഞപ്പോഴാണ് നിറുത്തിയത്.
“അല്ല ഇങ്ങനെ ഇരുന്നാ മതിയോ… വാ കഴിക്കാൻ വല്ലതും ഉണ്ടാക്കാം ”
‘കിച്ചു എന്താ സാധാരണ ഉണ്ടാക്കുന്നത് അത് മതി എനിക്കും ‘
“അല്ല അപ്പൊ നീ ഉണ്ടാകില്ലേ ”
‘ഇല്ല… ഇന്ന് നീ തന്നെ ഉണ്ടാക്കണം ‘
“ഓക്കേ…. ന്നാലും പ്രതീക്ഷിച്ചു നീ എന്തേലും ഉണ്ടാക്കി തരുമെന്ന് ”
‘അതിന് ഇനിയും സമയം കിടക്കുന്നില്ലേ കിച്ചൂട്ടാ ‘
അത് പറയുമ്പോ എന്റെ കവിളിൽ പിടിച്ചിട്ട് പിച്ചുന്നു. ഇതെന്താ സാധനം ഹോ…..
പിന്നെ ഞാൻ തന്നെ അടുക്കള എന്ന ഗോദയിലേക്ക് ഇറങ്ങാൻ തീരുമാനിച്ചു.
ഓട്സ് പാക്കറ്റ് എടുത്തു അതാണല്ലോ നമ്മളെ ബ്രേക്ഫാസ്റ്റ്. അപ്പോഴാണ് പാല് എടുത്തില്ലല്ലോ എന്ന ചിന്ത വരുന്നത്. അതും എടുത്തോണ്ട് വന്നു. ഓട്സ് റെഡി ആക്കി. അടുത്തത് ഓംലറ്റ്. രണ്ടണ്ണം അതും തയ്യാറാക്കി ലക്ഷ്മിയെ വിളിക്കാൻ പോയി. പുള്ളി ആണേ ബാൽക്കണിയിൽ നിന്ന് കൊണ്ട് കാര്യമായി ആരോടോ വീഡിയോ കാളിൽ ആണ്.
അടുത്തേക്ക് ചെന്നപ്പോഴാണ് മാമി ആണെന്ന് മനസ്സിലായത്. കുറച് നേരം രണ്ടാളും മാമിനോട് സംസാരിച്ചിരുന്നു.
അതിന് ശേഷം എന്റെ വിപുലമായ ബ്രേക്ഫാസ്റ് തട്ടി ഞാൻ നേരെ കുളിക്കാൻ വിട്ടു. ഇനിയും സംസാരിച്ചിരുന്നാ കമ്പനി ബസ് മിസ്സാവും.
പുറത്തേക്ക് ഇറങ്ങാൻ ഇരിക്കുമ്പോയാണ് പുറകിന്ന് ലക്ഷ്മി വിളിക്കിണെ. അടുത്തത് ഇനി എന്താണാവോ.
“മ്മ്.. എന്താ ”
‘ഒന്ന് കെട്ടിപിടിച് ഉമ്മ വെച്ചിട്ട് പോടാ ‘
“എന്റെ ദൈവമേ…..”
“ഇതും റീൽസിൽ കണ്ടതാണോ “കെട്ടിപിടിക്കുന്നതിനിടക്ക് ചോദിച്ചു.
‘അല്ല…’ചിരിച്ചോണ്ട്
എന്താ ആ ചിരി.
“ന്നാ ശെരി.. 4.00മണിക്ക് വരാം. ഒക്കെ ”
‘ആ ഓക്കേ ഒക്കെ…….’
അങ്ങനെ ആ കാര്യത്തിൽ ഒരു തീരുമാനമുണ്ടാക്കി ഫ്ലാറ്റിന്റെ എൻട്രൻസിൽ ബസിന് വേണ്ടി വെയിറ്റ് ചെയ്യാൻ തുടങ്ങി.
തുടരും…….. 🥀
