ആദി :എടി എന്റെ 2000 രൂപ പറ്റിച്ചോണ്ട് പോയവൾ ആല്ലേടി നീ
രൂപ :അത് എന്റെ ലാംബ് പൊട്ടിച്ചോണ്ട് അല്ലേടാ
ആദി :ജാമുന്റെ കാലത്തെ ലാംബിന് എന്തിനാടി 2000 അത് ആക്രിക്കാർ പോലും എടുക്കില്ല
രൂപ :ടാ..
ആദി :എന്താടി…
“നിങ്ങൾ ഒന്ന് നിർത്തുന്നുണ്ടോ ”
ആരുടെയോ ശബ്ദം കെട്ടപ്പോഴാണ് രൂപക്കും ആദിക്കും പരിസരബോധം വീണത് അവർ പെട്ടെന്ന് ചുറ്റും നോക്കി അവിടെ അവർ കണ്ടത് തങ്ങളുടെ വഴക്ക് കണ്ട് മിഴിച്ചിരിക്കുന്ന മറ്റ് കുട്ടികളെയാണ്‌
“എന്താടി ഇത് ”
രൂപ വീണ്ടും ആ ശബ്ദം കേട്ടു ശേഷം പതിയെ തിരിഞ്ഞു നോക്കി അത് ഗീതു ആയിരുന്നു
രൂപ :ഗീതു..
ഗീതു :ആദ്യ ദിവസം തന്നെ ലേറ്റ് എന്നിട്ട് വഴക്കും നിനക്ക് എന്താടി പറ്റിയത് നമ്മൾ ക്ലാസ്സിലാ നിനക്ക് ബോധം ഇല്ലേ
രൂപ :അത് പിന്നെ ഇവൻ
ഗീതു പതിയെ ആദിയുടെ അടുത്തേക്ക് എത്തി
ഗീതു :എന്താ ഇത് വല്ല ചന്തയുമാണോ
ആദി :അത് കുട്ടി ഞാൻ
ഗീതു :ശെരി ശെരി രണ്ടും മതിയാക്കിക്കോ രൂപേ വാ എന്റെ കൂടെ ഇരിക്കാം
ഗീതു പതിയെ രൂപയെ വിളിച്ചുകൊണ്ട് തന്റെ ബെഞ്ചിലേക്ക് നടന്നു ആദിയെ ഒന്നു കൂടി ചിറഞ്ഞു നോക്കിയ ശേഷം രൂപ പതിയെ മുന്നോട്ട് നടന്നു
ആദി പതിയെ ബെഞ്ചിൽ ഇടിച്ചു കൊണ്ട് അവിടെ ഇരുന്നു
കുറച്ചു സമയത്തിനു ശേഷം മുന്നിലെ ബെഞ്ചിൽ നിന്ന് ഒരു പയ്യൻ പതിയെ ആദിയുടെ അടുത്തേക്ക് വന്നിരുന്നു
“എന്താ ബ്രോ പ്രശ്നം ”
അവൻ ആദിയോടായി ചോദിച്ചു
ആദി :ഒരു പ്രശ്നവും ഇല്ല
“ഹേ അല്ല ഈ ക്ലാസ്സ്‌ മുഴുവൻ കണ്ടുതല്ലേ നിങ്ങളുടെ വഴക്ക് അത് ബ്രോയുടെ ex ലവറോ മറ്റോ ആണോ”
ആദി :ലവറോ അവളോ ഒന്ന് പോയേടാ അതിനേക്കാൾ തൂങ്ങി ചാകുന്നതാ നല്ലത്
“പിന്നെ എന്താ ബ്രോ പ്രശ്നം ”
“ഹയ് ഇത് വല്യ ശല്യം ആയല്ലോ നിന്നെ ഇങ്ങോട്ടേക്ക് ആരെങ്കിലും വിളിച്ചോ ഒന്ന് പോയേ എനിക്ക് വട്ട് പിടിച്ചു നിക്കുവാ ”
“ബ്രോ വലിയ ദേഷ്യക്കാരൻ ആണല്ലേ എന്തായാലും എനിക്ക് ഇഷ്ടപ്പെട്ടു ഞാൻ അജാസ് ബ്രോയുടെ പേര് ആദിത്യൻ എന്നല്ലേ ”
ആദി :ഉം
അജാസ് :എന്നെ അജുന്ന് വിളിച്ചോ
ആദി :നിനക്ക് എന്തടാ അജുന്ന് വിളിക്കാൻ നീ എന്റെ ആരാ
അജാസ് :ഇനി ആദിത്യന്റെ ബെസ്റ്റ് ഫ്രണ്ട് ഞാൻ ആണല്ലോ
ആദി :അത് നീ തീരുമാനിച്ചാൽ മതിയോ
അജാസ് :ആദിത്യാ ഞാൻ നിന്നെ പോലെ ഒരാളെ നോക്കി നടക്കുവായിരുന്നു എന്നെ കൈ വിടരുത് ഇത്രയും വർഷം ബുദ്ധി ജീവിയായി നടന്നു മടുത്തു ഡിഗ്രി എങ്കിലും എനിക്ക് അടിച്ചു പൊളിക്കണം നിന്റെ കൂടെ നടന്നാൽ അത് നടക്കും എന്ന് തോന്നുന്നു പ്ലീസ് എന്നെ കൂടെ കൂട്ടണം ”
ആദി :ഇത് വലിയ പുലിവാൽ ആയല്ലോ
അജാസ് :ഒരു പുലിവാലുമില്ല നമ്മൾ ഇനി ഫ്രണ്ട്സ് എന്താ
ആദി :എന്തെങ്കിലുമാകട്ടെ
ഇത്രയും പറഞ്ഞു ആദി ഏറ്റവും മുന്നിലെ ബെഞ്ചിൽ ഇരിക്കുന്ന രൂപയെ ഒന്നു കൂടി നോക്കി
അജാസ് :എന്ത് നോട്ടമാ ആദി ഇത് അവള് ഭസ്മമാകാതിരുന്നാൽ മതിയായിരുന്നു
ഇത് കേട്ട ആദി നോട്ടം അജാസിലേക്ക് മാറ്റി
അജാസ് :ഹോ നമ്മളില്ലേ..
കുറച്ച് മണിക്കൂറുകൾക്ക് ശേഷം
അജാസ് :ആദി അപ്പോ ഇറങ്ങിയാലോ
ആദി :ഉം വാ ഇനി ഇവിടെ നിന്നിട്ടെന്തിനാ ക്ലാസ്സ്‌ ഒക്കെ കഴിഞ്ഞല്ലോ
ഇത്രയും പറഞ്ഞ് ആദി ക്ലസ്സിന് പുറത്തേക്കു നടന്നു ഒപ്പം അജാസും
അജാസ് :ആദി നമ്മുടെ സീനിയേഴ്സൊക്കെ പാവങ്ങളാണല്ലേ ഞാൻ കരുതി റാഗിങ്ങ് ഒക്കെ കാണുമെന്നു പക്ഷെ അതൊന്നും ഉണ്ടായില്ല നല്ല രീതിയിലല്ലെ അവർ നമ്മളോട് പെരുമാറിയത്
ആദി :ഉം അതൊന്നും നോക്കണ്ട ഫ്രഷേസ് ഡേയ്ക്ക് പണിതരാൻ വേണ്ടിയായിരിക്കും ഈ സ്നേഹമൊക്കെ
അജാസ് :നെഗറ്റീവ് അടുക്കല്ലേ അളിയാ
ആദി :അളിയനോ എപ്പോ
അജാസ് :ഓഹ് നീ വന്നേ ഞാൻ ഒന്നും പറഞ്ഞില്ല പോരേ
കുറച്ചു നേരത്തിനുള്ളിൽ തന്നെ അവർ ബിൽഡിങ്ങിന് പുറത്തേക്കെത്തി
അജാസ് :ആദി നീ എങ്ങനെയാ പോകുന്നത് ബസ്സിലാണോ
ആദി :അല്ല ബൈക്ക് ഉണ്ട്
അജാസ് :അത് പൊളിച്ചു അപ്പൊ ഇനി ബസ് സ്റ്റോപ്പ്‌ വരെ നടക്കണ്ട
കുറച്ച് നേരത്തിനുള്ളിൽ തന്നെ അവർ ആദിയുടെ ബൈക്കിനടുത്തേക്കെത്തി
അജാസ് :ഇതാണോ ബൈക്ക് ഞാൻ കരുതി വല്ല പുതിയ മോഡലുമായിരിക്കുമെന്ന് ഇത് ഏത് കാലത്തുള്ള വണ്ടിയാ വിറ്റിട്ട് വേറേ വാങ്ങാൻ നോക്കളിയാ
ആദി :നീ എന്റെ കയ്യിന്ന് എന്തെങ്കിലും വാങ്ങിച്ചുകൂട്ടും അജാസേ നിനക്ക് വാ അടച്ചു വെക്കാൻ അറിയില്ലേ ഏത് നേരവും എന്തെങ്കിലും ചലച്ചോണ്ടിരിക്കും
ഇത്രയും പറഞ്ഞു ആദി വണ്ടി സ്റ്റാർട്ടാക്കാൻ തുടങ്ങി
ആദി :ഹയ് ഇതിനിതെന്ത്‌ പറ്റി രാവിലെ ശെരിയാക്കിയതല്ലേ
ഇത്രയും പറഞ്ഞു ആദി വീണ്ടും വണ്ടി സ്റ്റാർട്ടാക്കാൻ തുടങ്ങി
അജാസ് :ഞാൻ പറഞ്ഞില്ലേ ആദി ഇതൊക്കെ എസ്‌പയറി ഡേറ്റ് കഴിഞ്ഞ സാധനമാ
ആദി :പോടാ കൊപ്പേ ഇന്ന് സർവീസ് ചെയ്തതേയുള്ളു എന്റെ പൈസ..
ഇതേ സമയം ഗീതുവും രൂപയും
ഗീതു :രൂപേ നീ ഇത് എന്ത് ഭാവിച്ചാ എന്തിനാ ഇങ്ങനെ എല്ലാവരോടും തല്ലുണ്ടാക്കുന്നത്
രൂപ :ഞാൻ അതിന് എന്ത് ചെയ്തെന്നാ
ഗീതു :എന്ത് ചെയ്തെന്നോ ഇന്ന് ക്ലാസ്സിൽ എന്തായിരുന്നു പ്രഫോമൻസ് ആദ്യ ദിവസം തന്നെ നാണം കെട്ടില്ലേ
രൂപ :അതിന് ഞാൻ ആണോ കാരണം ആ പൊട്ടമെക്കാനിക്ക് അവനാ എന്നെ ചൊറിയാൻ വന്നത്
പെട്ടെന്നാണ് പാർക്കിങ്ങ് ഏരിയയിൽ വണ്ടി സ്റ്റാർട്ടാക്കാൻ ശ്രമിക്കുന്ന ആദിയെ രൂപ കണ്ടത്
രൂപ :ഇത് അവനല്ലേ ഗീതു നീ വന്നേ
ഗീതു :നിനക്കെന്താടി എന്തിനാ ഇപ്പോ അങ്ങോട്ടേക്ക് പോകുന്നത്
എന്നാൽ രൂപ ഗീതു പറയുന്നത് കേൾക്കാതെ അങ്ങോട്ടേക്കു നടന്നു
“ടാ ആദി ദേ ആരാ വരുന്നതെന്ന് നോക്കിയേ”
അജാസ് മുന്നിലേക്ക് കൈ ചൂണ്ടിക്കൊണ്ട് പറഞ്ഞു
“നാശം ഈ കോപ്പത്തി എന്തിനാ എന്റെടുത്തേക്കുവരുന്നത് ”
രൂപപെട്ടെന്ന് തന്നെ ആദിയുടെ അടുത്തേക്ക് എത്തി ശേഷം ആദിയേയും സ്കൂട്ടറിനേയും ഒന്ന് നോക്കിയ ശേഷംപതിയെ ചിരിച്ചു
“എന്തിനാടി ഇളിക്കുന്നെ ഇവിടെ ആരെങ്കിലും തുണിയില്ലാതെ നിൽപ്പുണ്ടോ ”
ആദി രോഷത്തിൽ അവളോടായി പറഞ്ഞു
“അല്ല എന്റെ ലാംബ് ജാമ്പവാന്റെ കാലത്തെതാണ് എന്ന് പറഞ്ഞ ആളിപ്പോൾ ജാംബവാന്റെ അച്ഛന്റെ കാലത്തുള്ള ബൈക്കും കൊണ്ട് നിൽക്കുന്നത് കണ്ടപ്പോൾ അറിയാതെ ചിരിച്ചു പോയതാ ”
“എടി കോപ്പേ നിനക്കെന്തിന്റെ കടിയാടി നിനക്കെന്താ ചാവണോ ”
“കോപ്പ് നിന്റെ മറ്റവള് ധൈര്യമുണ്ടെങ്കിൽ എന്നെ ഒന്ന് തൊട്ട് നോക്ക് നീ വിവരമറിയും ”
“ടീ.. അല്ലെങ്കിൽ വേണ്ട നിന്നെപോലുള്ള കച്ചറകളോട് സംസാരിക്കാൻ എനിക്ക് താല്പര്യമില്ല ”
“എന്തടാ പേടിച്ചു പോയോ”
“പോടി മൊട്ടച്ചി ”
ഇത്രയും പറഞ്ഞു ആദി വീണ്ടും കിക്കറിൽ ആഞ്ഞു ചവിട്ടി പെട്ടെന്ന് തന്നെ ബൈക്കിന്റെ കിക്കർ ഒടിഞ്ഞു താഴെക്കു വീണു
“ഹാ ഹാ ”
ഈ കാഴ്ച കണ്ട രൂപ പൊട്ടിചിരിക്കാൻ തുടങ്ങി
“കോപ്പ് മാനം കളയാനായിട്ട് ”
ഇത്രയും പറഞ്ഞു ബൈക്ക് അവിടെ വച്ച ശേഷം ആദി മുന്നോട്ടേക്കു നടന്നു
