രൂപ :ശെരി എനിക്ക് നഷ്ടമാ എങ്കിലും പോട്ടേ എനിക്ക് തർക്കിച്ചുനിൽക്കാൻ സമയമില്ല
ഇത്രയും പറഞ്ഞു രൂപ അവിടെ നിന്ന് നടന്നകന്നു
“നഷ്ടം പോലും മൈരത്തി ”
ആദി കലിപ്പിൽ രാജന്റെ അടുത്തേക്ക് എത്തി
രാജൻ :അവൾ പോയോ
ആദി :പോയി എന്റെ 2000 വും കൊണ്ട് പോയി നിങ്ങൾ ഒറ്റ ഒരാളാണ് എല്ലാത്തിനും കാരണം
രാജൻ :ഞാനോ
ആദി :പിന്നെ വേറേ ആരാ അവളുടെ വർക്ക്‌ വേണ്ടന്ന് ഞാൻ അപ്പോഴേ പറഞ്ഞതല്ലേ കോളേജിൽ ഇടാൻ വേണ്ടി പുതിയ ഡ്രസ്സ്‌ വാങ്ങാൻ വെച്ചിരുന്ന പൈസ ആയിരുന്നു എല്ലാം പോയി
രാജൻ :നീ വിഷമിക്കല്ലേ ഇനിയും 2 ആഴ്ച്ചയുണ്ടല്ലോ നമുക്ക് ശരിയാക്കാം
ആദി :കുറേ ശെരിയാക്കും പൊക്കോണം അവിടുന്നു
അതേ ദിവസം രാത്രി
ഗീതു :എന്നിട്ട് നിനക്ക് വേറേ ലാംബ് കിട്ടിയോ
രൂപ :എവിടുന്ന് പിന്നെ അവസാനം അവിന്റെ കയ്യിൽ നിന്ന് രണ്ടായിരം ഇങ്ങ് വാങ്ങി
ഗീതു :എടി ദുഷ്‌ടെ അത് ഇത്തിരികൂടുതൽ അല്ലേ
രൂപ :ഒരു കൂടുതലുമല്ല അവന്റെ അഹങ്കാരത്തിന് അത്രയും വാങ്ങിയാൽ പോര പിന്നെ എനിക്ക് കുറച്ചു കാശിനും ആവശ്യം ഉണ്ടായിരുന്നു
ഗീതു :ഇങ്ങനെ പിശുക്കി പിശുക്കി ഉണ്ടാക്കുന്ന കാശൊക്കെ നീ എന്ത് ചെയ്യും രൂപേ
രൂപ :നീ തന്നെ ഇത് പറയണം എന്റെ അവസ്ഥ നിനക്കും അറിയാവുന്നതല്ലേ
ഗീതു :ഞാൻ വെറുതെ പറഞ്ഞതാടി എന്നാൽ നീ ഫോൺ വെച്ചോ നിന്റെ ആന്റിയെങ്ങാൻ കണ്ടാൽ ഇനി അത് മതിയല്ലോ
രൂപ :ശെരി നീ വെച്ചോ എനിക്ക് കുറച്ച് ജോലി കൂടിയുണ്ട്
ഇത്രയും പറഞ്ഞു രൂപ ഫോൺ കട്ട് ചെയ്തു
രണ്ട് ആഴ്ച്ചകൾക്ക് ശേഷം
“ഹോ ആദ്യ ദിവസം തന്നെ വൈകിയല്ലോ ഈ പാട്ട സ്കൂട്ടർ ഇതാ എല്ലാത്തിനും കാരണം ”
ആദി തന്റെ സ്കൂട്ടറിനിട്ട് രണ്ട് ചവിട്ട് കൊടുത്ത ശേഷം കോളേജ് ക്യാമ്പസിലെ ഏറ്റവും പുറകിലുള്ള ബിൽഡിങ് ലക്ഷ്യമാക്കി ഓടി
“ദൈവമേ ക്ലാസ്സ്‌ തുടങ്ങി കാണല്ലേ ”
ആദി വേഗം ബിൽഡിങ്ങിനുള്ളിലേക്ക് കയറി
“ക്ലാസ്സ്‌ 113 ആണെന്നല്ലേ പറഞ്ഞത് ഇതിപ്പോൾ 108, 109, അപ്പോൾ മുകളിലാണെന്നാ തോന്നുത് ”
ആദി വേഗം തന്നെ അവിടെയുണ്ടായിരുന്ന പടികെട്ടുകളിലൂടെ മുകളിലേക്കോടി
വേഗം തന്നെ ആവൻ ക്ലാസിന് അടുത്തേക്ക് എത്തി
“ഓഹ് ടീച്ചറിന്റെ ശബ്ദം കേൾക്കുന്നല്ലോ ക്ലാസ്സ്‌ തുടങ്ങിയെന്നാ തോന്നുന്നേ ”
ആദി പതിയെ പകച്ചു പകച്ചു വാതിലിനടുത്തേക്ക് എത്തി
“മെയ് ഐ കം ഇൻ മിസ്സ്‌ ”
ആദി ക്ലാസ്സിനുള്ളിൽ സംസാരിച്ചുകൊണ്ട് നിന്ന ടീച്ചറിനോടായി ചോദിച്ചു
മിസ്സ്‌ :എന്താടോ ഇത് ആദ്യ ദിവസം തന്നെ ലേറ്റ് ആണല്ലോ
ആദി :സോറി മിസ്സ്‌ സ്കൂട്ടർ ഒന്ന് കേടായി
മിസ്സ്‌ :ശെരി ശെരി കയറിക്കോ
ആദി പതിയെ ക്ലാസ്സിനുള്ളിലേക്ക് കയറി
മിസ്സ്‌ :എന്താടോ തന്റെ പേര്
ആദി :ആദിത്യൻ.S മിസ്സ്‌
മിസ്സ്‌ :ഉം ആദിത്യൻ എന്നാൽ ഇരുന്നോ
ആദി പെട്ടെന്ന് തന്നെ പുറകിലെ ഒഴിഞ്ഞ ബെഞ്ചിൽ ചെന്നിരുന്നു
മിസ്സ്‌ :അപ്പോൾ നമ്മൾ എല്ലാവരും പരിചയപെടുകയായിരുന്നു അല്ലേ ഞാൻ സ്വപ്ന നിങ്ങളുടെ ട്യുറ്റർ ഇനി ഒരു മൂന്നു വർഷം നിങ്ങൾ എന്നെ സഹിക്കണം പിന്നെ നിങ്ങൾ കെമിസ്ട്രീ സ്റ്റുഡന്റ്സ് ആണെന്നുള്ള കാര്യം മറക്കരുത് തിയറിയോടൊപ്പം തന്നെ പ്രാക്ടിക്കലും ഇമ്പോർട്ടന്റാണ് അതുകൊണ്ട് ലാബ് ഉള്ള ദിവസങ്ങൾ കഴിവതും ഒഴിവാക്കാതിരിക്കാൻ ശ്രമിക്കുക പിന്നെ നമ്മുടെ ബിൽഡിങ് കോളേജിന്റ് പുറകു വശത്ത് മാറിയാണ്‌ സ്ഥിതിചെയ്യുന്നത് അതുകൊണ്ട് തന്നെ എല്ലാവരുടേയും ശ്രദ്ധ എപ്പോഴും ഉണ്ടാകും കുരുത്ത കേടുകൾ കാണിക്കുന്നവരെ അപ്പോൾ തന്നെ ടിസി തന്ന് വീട്ടിൽ വിടും പിന്നെ ഏറ്റവും പ്രധാന കാര്യം പോർഷൻ തീർന്നോ ഇല്ലയോ പരീക്ഷ വരും നിങ്ങൾ എഴുതണം അതുകൊണ്ട് സാറുമാരെയും മറ്റും നോക്കി അവർ പഠിപ്പിച്ചില്ല ഇവർ പഠിപ്പിച്ചില്ല എന്നോന്നും പറയരുത് സ്വയം പഠിക്കാനും ശ്രമിക്കുക എന്നുകരുതി ഞാൻ ക്ലാസ് എടുക്കാതെ ഒന്നും ഇരിക്കില്ല എന്റെ പോർഷൻസ് കൃത്യമായി എടുത്ത് തരും
“മിസ്സ്‌ മെയ് ഐ കം ഇൻ ”
പെട്ടെന്നാണ് വാതിലിൽ നിന്ന് ആ ശബ്ദം കേട്ടത് കുട്ടികൾ എല്ലാം വേഗം അങ്ങോട്ട് നോക്കി വാതിൽക്കൽ നിൽക്കുന്ന ആളെ കണ്ട് ആദി ഒരു നിമിഷം ഒന്ന് ഞെട്ടി
“ഇവൾ ഇവളെന്താ ഇവിടെ ”
അത് രൂപയായിരുന്നു
മിസ്സ്‌ :ഹ കൃത്യസമയത്ത്‌ തന്നെ എത്തിയല്ലോ എന്താ കുട്ടി ഇത് സമയം എത്രയായി
രൂപ :സോറി മിസ്സ്‌ ബസ് കിട്ടിയില്ല
മിസ്സ്‌ :ബസ് കിട്ടിയില്ല സ്കൂട്ടർ പഞ്ചർ ആയി മാരകമായ തലവേദ ഇതൊക്കെ ഞാൻ കുറേ കെട്ടിട്ടുള്ളതാ ഉം ശെരി കയറിക്കോ
രൂപ പതിയെ ക്ലാസ്സിലേക്ക് കയറി
മിസ്സ്‌ :തന്റെ പേര് എന്താ
രൂപ :രൂപാ പ്രസാദ്
മിസ്സ്‌ :ഉം തന്നെ എവിടെയാ ഇരുത്തുക ഉം ദാ തല്ക്കാലം അവന്റെ അടുത്ത് ചെന്നിരുന്നോ അവൻ കുറേ നേരമായി ഒറ്റക്ക് ഇരിക്കുന്നു
മിസ്സ്‌ ആദിയെ ചൂണ്ടി പറഞ്ഞു ആദിയെ കണ്ട് രൂപ ഒരു നിമിഷം ഒന്ന് ഞെട്ടി
മിസ്സ്‌ :എന്താ പോകുന്നില്ലേ
ഇത് കേട്ട രൂപ പതിയെ പുറകിലെ ബെഞ്ചിനരികിലേക്ക് നടന്നു
അടുത്ത നിമിഷം ആദി ബെഞ്ചിൽ നിന്ന് ചാടി എഴുനേൽറ്റു
മിസ്സ്‌ :നിനക്ക് എന്തടാ അവിടെ ഇരിക്ക്
ആദി :ഞാൻ ഇവളുടെ അടുത്ത് ഇരിക്കില്ല മിസ്സ്‌
ആദി എടുത്തടിച്ചത് പോലെ മറുപടി പറഞ്ഞു
മിസ്സ്‌ :അതെന്താ ഇവള് നിന്നെ പിടിച്ചു വിഴുങ്ങോ മിണ്ടാതെ ഇരുന്നോണം അവിടെ കുട്ടി ചെന്നിരിക്ക്
മിസ്സ്‌ രൂപയോടായി പറഞ്ഞു രൂപ പതിയെ ആദിയുടെ അടുത്തേക്ക് ചെന്നിരുന്നു
ശേഷം മിസ്സ്‌ സംസാരം തുടർന്നു
ആദി :നീ എന്താടി ഇവിടെ
ആദി പതിഞ്ഞ സ്വരത്തിൽ രൂപയോട് ചോദിച്ചു
രൂപ :അത് തന്നെയാ എനിക്കും ചോദിക്കാനുള്ളത് നീ എന്താ ഇവിടെ
ആദി :ഇത് എന്റെ ക്ലാസ്സാടി
രൂപ :നിനക്ക് വേറേ വിഷയമൊന്നും കിട്ടിയില്ലേ പഠിക്കാൻ
ആദി :നിനക്ക് കിട്ടിയില്ലേടി
“എന്താ അവിടെ രണ്ടും കൂടി ഇതുങ്ങൾ എനിക്ക് പണി ഉണ്ടാക്കും എന്താ ആദ്യ ദിവസം തന്നെ പുറത്ത് പോണോ “
ഇത് കേട്ട രൂപയും ആദിയും വേഗം തന്നെ മിണ്ടാതെയിരുന്നു
പെട്ടന്നാണ് ക്ലാസ്സിന് പുറത്ത് നിന്ന് ഒരു കുട്ടി മിസ്സിനടുത്തേക്ക് വന്ന് എന്തോ പറഞ്ഞത് അത് കേട്ട ശേഷം മിസ്സ്‌
മിസ്സ്‌ :എനിക്ക് അത്യാവശ്യമായി ഓഫീസ് വരെ ഒന്ന് പോകണം എല്ലാവരും മിണ്ടാതെ ഇരിക്കണം കേട്ടല്ലോ ഇന്ന് എന്തായാലും ഉച്ചവരെ ക്ലാസ്സ്‌ കാണു അത് കഴിഞ്ഞ് വീട്ടിൽ പോകാം നാളെ മുതൽ പ്രോപ്പർ ക്ലാസ്സ്‌ ഉണ്ടായിരിക്കും
ഇത്രയും പറഞ്ഞു മിസ്സ്‌ ക്ലാസ്സിന് പുറത്തേക്കു പോയി
ആദി :എന്തിനാടി നീ ഇങ്ങോട്ട് തന്നെ കെട്ടിയെടുത്തത്
മിസ്സ്‌ പോയ ഉടനെ ആദി രൂപയോടായി ചോദിച്ചു
രൂപ : നീ പോടാ പൊട്ട മെക്കാനിക്കേ നിന്നെ പോലെ മണ്ടമ്മാർക്ക് എന്താ കെമിസ്ട്രിയിൽ കാര്യം
ആദി :അയ്യോ വലിയ ബുദ്ധിമതി ആളെ പറ്റിക്കൽ അല്ലേടി നിന്റെ പണി
രൂപ :അനാവശ്യം പറഞ്ഞാൽ നിന്റെ ഷെയപ്പ് ഞാൻ മാറ്റും ഞാൻ ആരെയാടാ പറ്റിച്ചത്
