അതൊക്കെ സാധാരണ അല്ലേ ഉമ്മ
ഹ്മ് എന്റെ കുട്ടിയുടെ കൈ മുറിഞ്ഞെന്ന തോന്നുന്നേ..
എന്നിട്ട് അവരെവിടെ.
ഉപ്പയുടെ കൂടെ ഉണ്ട്..
ഹ്മ് പിന്നെന്താ അവരുടെ വല്ലിപ്പയും വല്ലിമ്മയും ഉണ്ട് പിന്നെന്താ..
ആ മോളെ നാളെ സബി വരും എന്ന് ഉപ്പ പറഞു ശരിയാണോ.
അതേ ഉമ്മ..
ഇന്നത്തോടെ ക്ലാസ്സെല്ലാം തീർന്നു ഇനി എവിടെയെങ്കിലും പ്രാക്ടീസ് ചെയ്യണം എന്നാ പറയുന്നേ…
അപ്പോയെക്കും ഉപ്പയും അങ്ങോട്ട് വന്നു.
ആ മോനെ മറ്റെന്നാൾ നി ഒന്ന് പോയി വരുമോ എനിക്ക് നിങ്ങളെപ്പോലെ ഇപ്പോഴത്തെ മോഡൽ ഒന്നും അറിയില്ലല്ലോ.
ഹ്മ് ഞാൻ പോകാം ഉപ്പ.
ഏതായാലും അഞ്ച് ദിവസം ഞാൻ ലീവ് ആണ്..
ഹ്മ് അതേതായാലും നന്നായി.
ഹാ പിന്നെ നാളെ സബിയെ വിളിച്ചോണ്ട് വന്നേക്കണേ..
അവളിങ്ങോട്ട് ആണോ വരുന്നേ.
ഇവിടെ വന്നു നിൽക്കാൻ ആണ് അവൾക്ക് ആഗ്രഹം..
നാളെ പോയി വിളിച്ചോണ്ട് വരണം നീയും ഇവളും കൂടെ പോയാൽ മതി.
Ok
ഹാ പിന്നെ അവളുടെ പ്രാക്ടിസിന്നു ഞാൻ ഏർപ്പാടാക്കിയിട്ടുണ്ട്.
അടുത്ത ആഴ്ച മുതൽ പോകേണ്ടി വരും.
അതെവിടെയ.
ഇവിടെ അടുത്ത എന്റെ ഫ്രണ്ട് ഒരു ഡോക്ടർ ഇല്ലേ അവരുടെ ഹോസ്പിറ്റലിൽ തന്നെയാ..
ഹ്മ് അതേതായാലും നന്നായി..
കുറച്ചു കഴിഞ്ഞു നമുക്ക് വേറെ എന്തെങ്കിലും ഒക്കെ നോക്കാം ഇപ്പൊ അവളൊന്നു എക്സ്പീരിയൻസ് ആയിക്കോട്ടെ അല്ലേ മോളെ..
അതിനെന്താ ഉപ്പ നിങ്ങൾ എന്ത് തീരുമാനിച്ചാലും അവൾക്കും ഞങ്ങൾക്കും സന്തോഷമേ ഉള്ളു.
നിങ്ങടെ ഉപ്പാനോട് ഞാൻ സൂചിപ്പിച്ചിരുന്നു.
ആ നല്ല ആളോടാ..
മോളെ അവനും ആഗ്രഹം കാണില്ലേ നിങ്ങൾ നന്നായി കാണാൻ.
ഹ്മ് എന്ന് പറഞ്ഞോണ്ട് സലീന അടുക്കളയിലേക്ക് പോയി.
ഞാനും മക്കളും കൂടെ അവിടെ ഇരുന്നു കൂടെ ഉമ്മയും ഉപ്പയും.
ചായയും എടുത്തോണ്ട് സലീനയും അങ്ങോട്ടേക്ക് വന്നു.
ആ ഞാനിപ്പോ പറഞ്ഞെ ഉള്ളു ചായ കിട്ടിയിരുന്നേൽ എന്ന്..
അവൾ അതിനാണ് പോയിരിക്കുന്നത് എന്നറിഞ്ഞു കൊണ്ടു തന്നെയാ ഞാനിവിടെ ഇരുന്നേ. എന്ന് പറഞ്ഞു ഉമ്മ.
എന്നാലിനി തർക്കം വേണ്ട ദേ ചായ കുടിച്ചോളൂ എന്ന് പറഞ്ഞു കൊണ്ടു അവൾ ഞങ്ങൾക്ക് മുന്നിലേക്ക് ചായ നീട്ടി…
ഞാൻ കടയിലൊന്നു പോയി വരാം മോളെ എന്നും പറഞ്ഞോണ്ട് ഉപ്പ ഇറങ്ങി.
ഞാൻ വീണ്ടും മുകളിലേക്കു കയറി.
എന്റെ ഫോണും എടുത്തു നോക്കി കിടന്നു..
മക്കളുടെ വിളി യാണ് എന്നെ ഉണർത്തിയത് രണ്ടുപേരും കൂടെ എനിക്കരികിലായി കിടന്നു
കുറച്ചുനേരം ഫോണെല്ലാം മാറ്റിവെച്ചു ഞാൻ അവരുടെ കൂടെ കൂടി..
ഞങ്ങൾ ഓരോന്ന് ചെയ്യുന്നതും നോക്കി സലീന ഡോറിന് അടുത്ത് വന്നു നിന്നു.
കുറെ നേരം ഞങ്ങളെയും നോക്കി നില്കുന്നത് കണ്ട് ഞാൻ അവളെയും വിളിച്ചു ഞങ്ങളുടെ കൂടെ കൂട്ടി.
ഞങ്ങൾ നാലുപേരും കൂടി വളരെ സന്തോഷത്തോടെ കുറച്ചുനേരം ചിലവഴിച്ചു..
മക്കൾ രണ്ടുപേർക്കും വലിയ സന്തോഷം ഉള്ളത് പോലെ.
അവരുടെ കളിയും ചിരിയും കണ്ടപ്പോൾ.
ഉമ്മയുടെ വിളി കേട്ടുകൊണ്ടാണ് ഞങ്ങൾ താഴെക്കിറങ്ങിയത്..
താഴെ എത്തിയതും മക്കൾ രണ്ടുപേരും ഉമ്മയുടെ കൂടെ കൂടി ഞാൻ പുറത്തേക്കു പോയേച്ചും വരാം സലീന എന്നും പറഞ്ഞോണ്ട് ഞാനിറങ്ങിയതും
സലീന എന്നെ വിളിച്ചു ഒന്ന് രണ്ട് ഐറ്റംസ് വാങ്ങാൻ ഏല്പിച്ചു.
മക്കളും കൂടെ കൂടി പിന്നെ വാങ്ങാതെ നിവർത്തിയില്ലല്ലോ.
ഉമ്മയും അവരുടെ കൂടെ.
ഹ്മ് എന്നു തലയാട്ടികൊണ്ട് ഞാൻ പുറത്തേക്കിറങ്ങി
പുറത്തിറങ്ങി അങ്ങാടിയിലേക്ക് എല്ലാം ഇറങ്ങി.
ഒരുപാട് നാളായി ഇങ്ങിനെ ഒന്നിറങ്ങിയിട്ടു.
അങ്ങാടിയിലുള്ള ഫ്രണ്ട്സിനൊക്കെ കണ്ട് സംസാരിച്ചു നിന്നതും നേരം പോയതറിഞ്ഞില്ല.
അവരുടെ എല്ലാം കളി തമാശകൾ കേട്ടു കുറെ നേരം ഇരുന്നു..
ജോലികഴിഞ്ഞാൽ സലീനയും കുട്ടികളും എന്ന ചിന്ത മാത്രം മനസിലുണ്ടായിരുന്നുള്ളു അതുകൊണ്ട് തന്നെ കുറെ നാളായി ഇതുപോലെ ഒന്ന് വന്നിരുന്നിട്ടു
അതവരുടെ വാക്കുകളിലും പ്രതിഫലിച്ചു.
സലീനയെ കെട്ടിയതോടെ നി ആളാകെ മാറി സൈനു ഒരു വിവരവും ഇല്ലല്ലോ ഒന്നുകാണാൻ പോലും കിട്ടാറില്ല എന്നൊക്കെ ഓരോരുത്തർ പറഞ്ഞോണ്ടിരുന്നു.