“ഇങ്ങനൊരുത്തനെ ഞാനും ഇവിടെ ആദ്യമായിട്ടാ കാണുന്നെ. ഞാനിവിടെ വരാൻ തുടങ്ങിയിട്ട് മാസങ്ങളായി. പല പേരുകളിൽ, പല സമയത്ത്. ഇൻബോക്സിൽ വരുന്നവന്മാരൊക്കെ ഒന്ന് പറഞ്ഞ് രണ്ടാമത്തേതിന് ഡിക് പിക് അയക്കും. സംഭവം നമുക്ക് താൽപര്യമുള്ള വിഷയമൊക്കെത്തന്നെ. പക്ഷെ, ഇയാള് പറഞ്ഞതുപോലെ നമുക്ക് ഇങ്ങനെ സന്തോഷത്തോടെ സംസാരിക്കാനും ആരെങ്കിലും വേണ്ടേ.”
അവളുടെ സംസാരം കേട്ട് എനിക്ക് ചിരി വന്നു. ആവേശം വീണ്ടെടുത്ത ഞാൻ അവളോട് പൂർവാധികം വീര്യത്തോടെ ചാറ്റ് ചെയ്യാൻ തുടങ്ങി. ഉരുളക്കുപ്പേരി പോലെ അതേ ആവേശത്തിൽ നാഗുവും എനിക്ക് മെസേജ് അയച്ചുതുടങ്ങി.
ഭാഗം 3
2021 ജൂൺ
ചാറ്റ്റൂമിലെ നാഗവല്ലിയെ പരിചയപ്പെട്ടിട്ട് ഇന്നേക്ക് രണ്ട് മാസം കഴിഞ്ഞിരിക്കുന്നു. ദീർഘകാലത്തെ പരിചയമുള്ളവരെപ്പോലെ എന്നും, രാത്രിയെന്നോ പകലെന്നോ ഇല്ലാതെ ഞങ്ങൾ മതിമറന്ന് ചാറ്റ് ചെയ്തു. ഇതെവിടെ അവസാനിക്കുമെന്നോ പ്രത്യാഘാതങ്ങൾ എന്താവുമെന്നോ ചിന്തിക്കാൻ പോലും മെനക്കെടാതെ, അല്ലെങ്കിൽ ശ്രമിക്കാതെ, ഭ്രാന്തമായ ആവേശത്തോടെ ഞങ്ങൾ സംസാരിച്ചു. ഞാനെന്റെ പൊളിഞ്ഞ് പാളീസായ പ്രേമത്തിന്റെ കഥകളും ഓൺലൈൻ ക്ലാസിലെ വിശേഷങ്ങളും വിശദമായിത്തന്നെ അവളോട് പറഞ്ഞു. സന്തോഷത്തിന്റെ ഉന്നതിയിൽ അവൾ പലപ്പോഴായി അവളുടെ പല വിവരങ്ങളും എന്നോടും പങ്കുവെച്ചു. മലയാളി ആണെങ്കിലും കുറച്ച് നാളായി അവൾ ചെന്നൈയിലാണ്. അവിടെ ഏതോ ഐ. ടി കമ്പനിയിലാണ് ജോലി. അച്ഛനും അമ്മയുമൊക്കെ നാട്ടിൽ തന്നെ. ഒരു ചേട്ടനുണ്ട്. രണ്ട് വർഷം മുമ്പാണ് ആകെയുണ്ടായിരുന്ന പ്രണയം തകർന്നത്. ഡേറ്റിംഗ് ശ്രമങ്ങളൊക്കെ പാളിപ്പോയി. എന്നെപ്പോലെ കോവിഡ് കാലത്ത് ഗതികെട്ട്, കിട്ടുന്നത് കൊണ്ട് തൃപ്തിപ്പെടാമെന്ന് കരുതി ചാറ്റ്റൂമിൽ കയറിയതാണ് അവളും. അതിനിടയിൽ നാഗവല്ലിയല്ലാതെ ചാറ്റ്റൂമിലെ സ്ഥിരം സാന്നിധ്യങ്ങളായ പലരെയും ഞാനും അവളും ഒരുമിച്ച് കേറി പരിചയപ്പെട്ടു. ചില നോർത്തിന്ത്യക്കാരും ഇന്തോനേഷ്യക്കാരും ഒക്കെ അതിൽ പെടും. ലോബിയിൽ കുണ്ണ പിക് ഇടുന്ന മലയാളി അമ്മാവനെ ഞങ്ങളൊരുമിച്ച് ചൊറിഞ്ഞ് അയാളെ വെറുപ്പിച്ചു. ലോബിയിൽ ഞങ്ങൾ പരസ്പരം ഫ്ലർട്ട് ചെയ്ത് ബാക്കിയുള്ളവരെ അസൂയപ്പെടുത്തി. അവൾ പല പേരുകളിൽ വന്ന് എനിക്ക് മെസേജ് അയച്ച് എന്നെ പറ്റിക്കും. അവളെ കണ്ടുപിടിക്കാൻ എനിക്കും ഹരമായി. അതൊരു സ്ഥിരം കളിയായി മാറി. ഇതിനിടയിൽ എനിക്ക് എപ്പോഴൊക്കെയോ അവളോട് അതിര് കവിഞ്ഞൊരിഷ്ടം തോന്നിത്തുടങ്ങി. പ്രൈവറ്റ് ചാറ്റിൽ കമ്പി പറയാൻ വരുന്നവരോടൊക്കെ അവളുടെ ബോയ്ഫ്രണ്ട് ഞാനാണെന്നും എന്നോട് മാത്രമേ ചാറ്റ് ചെയ്യുകയുള്ളൂ എന്നും അവൾ പറയും. അത് കേട്ട് പല നാറികളും എന്റെ ഇൻബോക്സിൽ വന്ന് തെറി പറയും. ഇതൊക്കെ പരസ്പരം പറഞ്ഞ് ഞങ്ങൾ ഊറിച്ചിരിക്കും. അങ്ങനെ പതിവ് പോലെ ചാറ്റ് ചെയ്തുകൊണ്ടിരുന്ന ഒരു ദിവസം അവൾ പെട്ടെന്ന് നിശബ്ദയായി.
“നാഗവല്ലീ, എവിടെപ്പോയി? കുറേ നേരമായല്ലോ?”
“ഹലോ? നെറ്റ് പോയോ?”
അഞ്ച് മിനിട്ടോളം കഴിഞ്ഞാണ് അവളുടെ റിപ്ലൈ വന്നത്:
“നിനക്കെന്നെ പ്രേമിക്കുന്നതുപോലെ അഭിനയിക്കാമോ?”
അവളുടെ ചോദ്യം കേട്ട് ഞാൻ പകച്ചു. പ്രേമിക്കുന്നതുപോലെ അഭിനയിക്കാനോ? അതെങ്ങനെ? ഞാനവളോട് ഇപ്പോ ഒരുപാട് അടുപ്പം കാണിക്കുന്നുണ്ടല്ലോ. അതോ ഇനി വല്ല അടവുമാണോ?
“എന്താ?”, ഞാൻ ചോദിച്ചു.
“ഒന്നുമില്ല, ഞാൻ പോവാ.”
“നിൽക്കെടീ. പറഞ്ഞിട്ട് പോ. എന്താ അങ്ങനെ ചോദിച്ചത്?”
“ഒന്നുമില്ല. അതപ്പോഴത്തെ ഒരു ഇതിൽ ചോദിച്ച് പോയതാ.”
“അതൊന്നുമല്ല. നീ അങ്ങനെ വെറുതെ ചോദിക്കില്ല. പറഞ്ഞിട്ടേ വിടുന്നുള്ളൂ.”
“എടാ, അത്… നീയെന്നോടിങ്ങനെ അടുത്ത് ഇടപഴകുമ്പോൾ… എനിക്കെന്തോ പോലെ. നീ ശരിക്കും എന്റെ ബോയ്ഫ്രണ്ടായിരുന്നെങ്കിൽ എന്ന് തോന്നിപ്പോയി. വെറുതെ ഒരുതരം ക്രേവിംഗ്. തോന്നിയപ്പോ ഒരാവേശത്തിന് ചോദിച്ചെന്നേയുള്ളൂ. അത് വിട്ടുകള. എനിക്കറിയാം, ഇത് വെറുമൊരു ചാറ്റ് റൂമാണ്. ഇവിടെ ഒന്നും വർക്കൗട്ട് ആവില്ല. ഞാൻ വെറുതെ സില്ലിയായി.”
അവളുടെ മെസേജ് വായിച്ച എനിക്ക് അവളെ കെട്ടിപ്പിടിച്ച് ഉമ്മകൾ കൊണ്ട് പൊതിയാനാണ് തോന്നിയത്.
“നമ്മൾ തമ്മിൽ എന്തോ ഭയങ്കര കണക്ഷൻ ഉള്ളതായി എനിക്ക് തോന്നിയിട്ടുണ്ട്. രണ്ട് മാസം കൊണ്ട് നമ്മളെത്ര ഈസി ആയിട്ടാ പരസ്പരം ഹാപ്പി ആക്കുന്നത്. നിന്നോട് സംസാരിക്കുന്നതുകൊണ്ടാണ് എന്റെ ലൈഫ് മുന്നോട്ട് പോവുന്നത് തന്നെ. അത്രയും രസമാണ് നിന്നോട് സംസാരിക്കാൻ. പലപ്പോഴും നീ മോർ ദാൻ എ ഫ്രണ്ട് ആയിരുന്നെങ്കിലെന്ന് തോന്നിയിട്ടുണ്ട്. പിന്നെ അലമ്പാക്കണ്ടല്ലോ എന്ന് കരുതിയാണ് ഞാൻ മിണ്ടാഞ്ഞത്.”
“ഇതിപ്പോ എന്തിനാ എന്നോട് പറഞ്ഞേ, ദുഷ്ടാ?”
“എന്തേ?”
“ഇത് കേട്ടിട്ട് എനിക്കിനി മനസ്സമാധാനത്തോടെ ഇരിക്കാൻ പറ്റുമോ?”
“വേണ്ട, മനസ്സമാധാനത്തോടെ ഇരിക്കണ്ട. മനസ്സമാധാനം ഞാൻ കളഞ്ഞ് തരാം.”
“ഓഹോ… ”
“ഇനി പറ, ഞാനെന്താ വിളിക്കണ്ടേ?”
ഒരു മിനിട്ട് നിശബ്ദത.
“അനു എന്ന് വിളിച്ചോ.”
അനു… അനു… കൊള്ളാമല്ലോ. അത് വിളിപ്പേരായിരിക്കും. ശരിക്കുള്ള പേരെന്താവും? അനുശ്രീ? അഞ്ജു? അതോ ഇനി അനുരാധയോ? ഞാൻ നിമിഷനേരം കൊണ്ട് കാടുകേറാൻ തുടങ്ങി.
ടു… ടു… അടുത്ത നോട്ടിഫിക്കേഷന്റെ ശബ്ദം കേട്ടാണ് ഞാൻ നോക്കിയത്.
“സോ… വാട്ട് നൗ?”
“ഇനി… ഇനിയെന്താ?” ഞാൻ ശരിക്കും കൺഫ്യൂഷനടിച്ച് ചോദിച്ചു.
“ഇനി, ഇത്രയും കാലം അടക്കിവെച്ച പ്രേമം ഒക്കെ പൊതിഞ്ഞ് ഒരുമ്മ തന്നേ.”
സത്യം പറയാമല്ലോ. പ്രേമിക്കുന്നത് എങ്ങനാ എന്നുവരെ ഞാൻ മറന്നുതുടങ്ങിയിരുന്നു. അനുവിന്റെ മെസേജ് മരുഭൂമിയിലെ മഴ പോലെ എന്റെ മനസ്സിനെ കുളിർപ്പിച്ചു. അതോടൊപ്പം എന്റെ ശ്വാസത്തിന്റെ ചൂട് വർദ്ധിക്കാൻ തുടങ്ങി. വിറക്കുന്ന കൈകളോടെ ഞാൻ ടൈപ്പ് ചെയ്തു.
“Mmmmmwwaaaah”
“പോരാ. ”
“Mmmmmwwaaaah… Mmmmmwwaaaah…”
“ഒട്ടും പോരാ. ”
“Mmmmmwwaaaah… Mmmmmwwaaaah… Mmmmmwwaaaah…”
“ഇയാള് പോര കേട്ടോ.”
“ഇനിയെങ്ങനെയാ?”
“വോയ്സ് അയക്കുമോ?”
“അതിന് ഈ ചാറ്റ്റൂമിൽ വോയ്സ് അയക്കാനുള്ള ഒപ്ഷനില്ലല്ലോ.”
“അതെനിക്കറിയാം. എന്നാപ്പിന്നെ വേറെ ഏതെങ്കിലും ആപ്പിൽ ചാറ്റ് ചെയ്താലോ എന്ന് ചോദിച്ചൂടേ നിനക്ക്? ഓ, ഞാൻ ചോദിക്കണമായിരിക്കും.”
“അല്ല, അങ്ങനല്ല.”
“മതി, മതി. ഞാൻ ചോദിച്ചിരിക്കുന്നു. നിന്റെ മെയിൽ ഐഡി താ. ഹാങ്ഔട്ട്സിൽ കണക്റ്റ് ചെയ്യാം.”
ഞാനവൾക്ക് ഐഡി കൊടുത്തു. അനു എന്നൊരു അക്കൗണ്ടിൽ നിന്ന് ഉടൻ മെസേജ് വന്നു.
“ഹലോ, കാമുകാ…”
“ഹലോ, കാമുകീ…”, ഞാൻ റിപ്ലൈ കൊടുത്തു.
എന്നിട്ട് മൈക് ഓൺ ചെയ്ത് അമർത്തിയൊരുമ്മ കൊടുത്തു: “ഉമ്മ്മ്മ്മ്മ്മ്മ്മ്മ്മാഹ്…….”
