“ഉമ്മ്മ്മ്മാഹ്…”
“ഉമ്മ്മ്മ്മ്വാഹ്…”
പരസ്പരം ഉമ്മ കൊടുത്ത് കൊടുത്ത്… അവളെന്നെ ഉമ്മകൾ കൊണ്ട് പൊതിയുന്ന ശബ്ദം കേട്ട് കേട്ട് എപ്പോഴോ ഞാൻ ഉറക്കത്തിലേക്ക് വഴുതിവീണു.
ഫോണിൽ തുടർച്ചയായി നോട്ടിഫിക്കേഷൻ വരുന്ന ശബ്ദം കേട്ടാണ് എഴുന്നേറ്റത്. ക്ലോക്കിൽ നോക്കിയപ്പോൾ ഉച്ച കഴിഞ്ഞ് രണ്ട് മണി. എന്താണ് ഈ നേരത്ത്? ഫോൺ അൺലോക്ക് ചെയ്ത് നോക്കി. വോയ്സ് കോൾ കട്ടായിട്ട് മണിക്കൂറുകളായി. ചാറ്റിൽ അവളയച്ച കുറേ :kiss ഇമോജികളുണ്ട്. ഒപ്പം ഒരുപാട് ‘ഐ ലവ്യൂ’കളും. പക്ഷെ, എന്നെ ഞെട്ടിച്ചത് മറ്റൊന്നാണ്. ഹാങ്ഔട്ട്സിലെ അവളുടെ യൂസർനെയിം മാറ്റിയിരിക്കുന്നു: അഞ്ചലി.
അഞ്ചലി… ഞാൻ മനസ്സിൽ പറഞ്ഞു. അഞ്ചലി എന്ന് പേരായ, ഞാനിതുവരെ കണ്ടിട്ടില്ലാത്ത എന്റെ കാമുകിയുടെ രൂപം സങ്കൽപിച്ചുതുടങ്ങിയപ്പോൾ തന്നെ അടുത്ത സെറ്റ് നോട്ടിഫിക്കേഷനുകൾ വരാൻ തുടങ്ങി. മുഴുവൻ വാട്സാപ്പിൽ നിന്നാണ്. കർത്താവേ… ക്ലാസ് ഗ്രൂപ്പിൽ പതിവില്ലാതെ 300-ലധികം മെസേജുകൾ. ഞാൻ വേഗം ഗ്രൂപ്പ് ഓപ്പൺ ചെയ്ത് തുടക്കത്തിലേക്ക് പോയി. ഒരു പി.ഡി.എഫ് ആണ് എല്ലാത്തിന്റെയും തുടക്കം. ആകാംക്ഷയോടെ ഞാനത് ഓപ്പൺ ചെയ്തു. ആദ്യത്തെ വരികൾ വായിച്ച എന്റെ കണ്ണുകൾ തിളങ്ങി. അടുത്ത മാസം 15-ന് കോളേജ് തുറക്കാൻ പോവുന്നു. ഘട്ടം ഘട്ടമായി വിദ്യാർത്ഥികളെ കോളേജിലേക്ക് വിളിച്ചിരിക്കുന്നു. എന്റെ ഡിപ്പാർട്ട്മെന്റിലെ ആദ്യ ബാച്ചിൽ ഞാനുമുണ്ട്. ഈ മാസം 28-നും 30-നും ഇടക്ക് ഹോസ്റ്റലിൽ റിപ്പോർട്ട് ചെയ്യണമെന്നാണ് ഓർഡർ.
യെസ്! രോഗി ഇച്ഛിച്ചതും വൈദ്യൻ കൽപിച്ചതും മിൽക്ക്!!!
(തുടരും)