“” ഇവരാണ് സാർ ഇപ്പോൾ അവിടെ സ്ഥിരമുള്ള താമസക്കാർ…….”
റോയ് മാത്യു ഇരുവരെയും സർക്കിളിന് പരിചയപ്പെടുത്തി… ….
“” ഇയാൾക്ക് എന്തെങ്കിലും പ്രശ്നമുണ്ടായിരുന്നോ… ഈ ചന്ദ്രദാസിന്… “
“” അയാളു വീട്ടുകാരുമായിട്ടൊന്നും സുഖത്തിലല്ല സാറേ… വന്നതിൽ പിന്നെ എങ്ങോട്ടും പോയിട്ടില്ല… എന്തെങ്കിലും ചോദിച്ചാൽ പോലും ചിരിക്കാറേയുള്ളൂ… “
സാമുവൽ വക്കീലാണ് മറുപടി പറഞ്ഞത്…
“” ഇയാൾ ആളെങ്ങനെ……… ? അതായത് സ്ത്രീകളോട്… …. “
“ ചന്ദ്രദാസ് അത്തരമൊരാളല്ലായിരുന്നു… “”
പ്രമോദ് പറഞ്ഞു……
“” പക്ഷേ, ആയിരുന്നു.. അയാൾ സൂയിസൈഡ് ചെയ്തതൊന്നുമല്ല… “
“” പിന്നെ……..?””
മൂവരും ഒരേ സമയത്താണ് ചോദിച്ചത്……
“” പോസ്റ്റ്മോർട്ടം റിപ്പോർട്ടിൽ അങ്ങനെയാണ്…”
സർക്കിൾ കസേരയിലേക്ക് ചാഞ്ഞു കൊണ്ട് തുടർന്നു…
“” വർഷങ്ങൾ കുറേ ആയില്ലേ… അയാളാണെങ്കിൽ കൂടെ ഭാര്യ ഇല്ലാത്തൊരാളും… …. ട്രാക്കിനപ്പുറത്തുള്ള ഏതോ സ്ത്രീയുമായി അയാൾക്ക് ബന്ധമുണ്ടാകാം… അതു കഴിഞ്ഞ് വരുന്ന വഴിയായിരിക്കാം അയാൾക്ക് മരണം സംഭവിച്ചിരിക്കുന്നത്… ഇറ്റ്സ് മീൻ കാർഡിയാക് അറസ്റ്റ്…….”
പ്രമോദും സാമുവലും മുഖത്തോടു മുഖം നോക്കി…
“” ചിലപ്പോഴൊക്കെ അയാളെ കാണാറില്ല എന്നല്ലാതെ… ….”
സാമുവൽ സർക്കിളിന്റെ മുഖത്തേക്കു നോക്കി…
“” മരിച്ചു കുറേ മണിക്കൂറുകൾക്കു ശേഷമാണ് അയാളുടെ ബോഡിയിൽ ട്രെയിൻ കയറിയിട്ടുള്ളത് …… ചിലപ്പോൾ അയാൾ വീണു കിടന്ന ട്രാക്കിൽ ട്രെയിൻ അപ്പോഴാകാം വന്നിട്ടുണ്ടാവുക…… അത് കൂടുതൽ അന്വേഷിച്ചാലേ പറയാൻ സാധിക്കൂ… ….”
സി. ഐ തുടർന്നു…
“” ബോഡി വലിച്ചിഴച്ചിട്ടുണ്ട്… അത് ചിലപ്പോൾ വല്ല നായ്ക്കളാകാനും ചാൻസുണ്ട്……………”
“” അയാൾ ഹാർട്ട് അറ്റാക്ക് വന്ന് മരണപ്പെട്ടതാണെങ്കിൽ ഈ കേസ് അങ്ങനെ തന്നെ ക്ലോസ് ചെയ്ത് റെയിൽവേ പൊലീസിന് ഹാൻഡ് ഓവർ ചെയ്യുന്നതല്ലേ സർ ഉചിതം… ?””
സാമുവൽ വക്കീൽ സർക്കിളിനെ നോക്കി…
“” ഞങ്ങൾക്കെളുപ്പമതാണ്… ഇനി ഇതിന്റെ പേരിൽ പിന്നാലെ ആരെങ്കിലും വന്നാലാണ് ബുദ്ധിമുട്ട്…………”
സി.ഐ. ചിരിച്ചു…
“” ഭാര്യയും മകനും മകളുമുണ്ട്… അവരെ അറിയിച്ചപ്പോൾ നല്ല റെസ്പോൺസല്ല കിട്ടിയത്…… പിന്നെ ഇയാളുടെ ഒരു ബ്രദർ വരാമെന്നു പറഞ്ഞിട്ടുണ്ട്… “
റോയ് മാത്യു പറഞ്ഞു……
“” അവരോട് നിങ്ങൾ സംസാരിക്ക്‌… സമ്മതമാണെങ്കിൽ ഓഫീസിൽ ചെന്ന് സൈൻ ചെയ്യാൻ പറഞ്ഞേക്കണം………”…”
സർക്കിൾ എഴുന്നേറ്റു…
“ അത് ശരിയാക്കാം സർ… മരണപ്പെട്ടവന്റെ വെടിക്കഥ അറിഞ്ഞിട്ട് എന്തു കാര്യം…….? മാത്രമല്ല അത് ഞങ്ങളെയാ കൂടുതൽ ബാധിക്കുക…””
ചിരിയോടെ സാമുവൽ വക്കീൽ എഴുന്നേറ്റു… ….
😉 😉 😉 😉 😉
ശ്യാം പറഞ്ഞതു കേട്ട് പ്രമോദ് തല കുനിച്ചിരുന്നു… ….
“” ഒരു തരത്തിൽ ഞാനാണ് ലയയെ രക്ഷിച്ചത്……””
പ്രമോദ് ശബ്ദിച്ചില്ല…
തന്റെ മകൾ എന്തുമാത്രം മാറിപ്പോയെന്നറിഞ്ഞ് ആ പിതാവിന്റെ മനം നീറിപ്പുകഞ്ഞുകൊണ്ടിരുന്നു…
ചന്ദ്രദാസിന്റെ മരണ ശേഷം ലയയിൽ പ്രകടമായിരുന്ന മാറ്റങ്ങൾ അയാളുടെ ചിന്തകളിൽ മിന്നിമറഞ്ഞു……
മറവി……………..
ചിന്തകൾ……….
വിഷാദ ഭാവം…..
രാത്രി കിടക്കാൻ പിരിയുമ്പോൾ കണ്ടിരുന്ന ഭയം……….
“” അന്ന് മഴയായിരുന്നു… കറന്റുമില്ലായിരുന്നു… ആരും കാണാതിരുന്നത് നമ്മുടെ ഭാഗ്യം… “
പ്രമോദ് അനങ്ങിയില്ല… ….
ഇതിൽപ്പരം ഒരു നാണക്കേട് വരാനില്ല…
തന്റെ ഇന്നോളമുള്ള അദ്ധ്യാപകവൃത്തിക്കിടയിലോ ജീവിതത്തിലോ ഒരിക്കലും ഇത്ര കൊടിയ അപമാനം പേറി ഇരിക്കേണ്ടി വന്നിട്ടില്ല…
“” ഞാൻ എന്നെ ന്യായീകരിക്കുകയല്ല സർ…
ഞാനും ഒരു പുരുഷനല്ലേ… …. “
അതെ…
ശ്യാം ഒരു പുരുഷനാണ്……
തന്റെ മകൾ ശ്യാമിനടുത്തേക്കാണ് വന്നത്…
അവൾ സ്ത്രീയായി , എന്ന കാര്യം താനോ ഭാര്യയോ ഓർത്തതുമില്ല…
ആദ്യം തന്നേക്കാൾ പ്രായമുള്ളൊരാൾ… !
പിന്നെ വിവാഹിതനായൊരാൾ…….!
ഏത് പാഠമാണ് താൻ മകൾക്കു പഠിപ്പിച്ചു കൊടുക്കാൻ മറന്നതെന്നോർത്ത് ആ അച്ഛൻ ഹൃദയമുരുകി വിലപിച്ചു…
“” ശ്യാം………..”
ഒടുവിൽ പ്രമോദ് കസേരയിൽ നിന്ന് എഴുന്നേറ്റു…
അയാൾ ഒരടി ശ്യാമിനരികിലേക്ക് നടന്നടുത്തു…
“” ഈ വർഷം എന്തായാലും തിരികെ നാട്ടിലേക്ക് പോകണമെന്ന് കരുതിയതാണ്… ഇനിയതല്പം നേരത്തെയാക്കാം………..””
അയാളുടെ ശബ്ദം ഇടറിയിരുന്നു…
ശ്യാം അയാളെ നോക്കുക മാത്രം ചെയ്തു.
പ്രമോദ് ശ്യാമിന്റെ കൈകൾ കൂട്ടിപ്പിടിച്ച് തന്റെ നെഞ്ചോടു ചേർത്തു… ….
“” ആരുമറിയരുത് ഇത്… ഒരാളും… ആകെക്കൂടി ഉള്ള ഒന്നാ…””
ശ്യാമിന്റെ ഹൃദയത്തിലും നീരുറവ പൊട്ടിത്തുടങ്ങി…
“” ശ്യാമും അച്ഛനാകാൻ പോകുവല്ലേ… ….അതോർത്തെങ്കിലും… “
പ്രമോദിന്റെ നെഞ്ചകം തകരുന്നത് ശ്യാം അറിഞ്ഞു…
നാളെ തനിക്കുമിത് സംഭവിച്ചേക്കാം…
“” ഞാനാരോടും പറയില്ല സർ…………”
തപ്തമായ ഹൃദയത്തോടെ ശ്യാം അയാളുടെ കൈ കൂട്ടിപ്പിടിച്ചു…
“” മാത്രമല്ല, ഇതിന്റെ പേരിൽ ഞാൻ ലയയെ ബ്ലാക്ക് മെയിൽ ചെയ്യാനൊന്നും വരില്ല… “
താൻ ആഗ്രഹിച്ച വാക്കുകൾ കേട്ടതും പ്രമോദ് മുഖമുയർത്തി…
നനഞ്ഞ മിഴികൾക്കിടയിലും അയാളുടെ മുഖത്തെ അല്പമാത്രമായ പ്രസന്നത കണ്ട് ശ്യാമിനും മനസ്സു നിറഞ്ഞു…
“” യാത്ര പറച്ചിലൊന്നും ഉണ്ടാവില്ല… അടുത്ത ദിവസം തന്നെ ഷിഫ്റ്റ് ചെയ്യും… കുറച്ചു കാലം ലീവെടുക്കണം… “
പ്രമോദ് പറഞ്ഞു……
ശ്യാം തലയാട്ടി……
“” വൈഫ് വരുമ്പോൾ എന്തെങ്കിലും കള്ളം പറഞ്ഞേക്കണം.. അവളും ലയയും കൂട്ടായിരുന്നു എന്നാ എനിക്ക് തോന്നിയിട്ടുള്ളത്… “”
“” ചെറുതായിട്ട്……..””
ശ്യാം ഒരു നനഞ്ഞ ചിരി ചിരിച്ചു…
“” കാണാം എന്ന് പറയുന്നില്ല… കാണാതിരിക്കാൻ ആഗ്രഹിച്ചാണ് പോകുന്നത്… “
ശ്യാമിൽ നിന്നും കൈകൾ സ്വതന്ത്ര്യമാക്കി പ്രമോദ് പിന്നോട്ടു നീങ്ങി…
“” ഞാൻ ശ്യാമിന്റെ വാക്കുകളെ വിശ്വസിക്കുന്നു… ….”
ബദ്ധപ്പെട്ട് ഉണ്ടാക്കിയെടുത്ത ഒരു ചിരി ശ്യാമിനു സമ്മാനിച്ചു കൊണ്ട് പ്രമോദ് പുറത്തേക്കിറങ്ങി… ….
😢 😢 😢 😢 😢
ഇന്ന് പുലർച്ചെ……….;
കസവു ബോർഡറുള്ള ചുരിദാറും ടോപ്പുമണിഞ്ഞ്, ഷാൾ നെഞ്ചിനു മീതെ വിടർത്തിപ്പിടിച്ച് ലയ ഹാളിലേക്കു വന്നു…
“” കൊള്ളാമോ അച്ഛാ……….?””
സെറ്റിയിലിരുന്ന് ന്യൂസ് ചാനൽ ശ്രദ്ധിച്ചിരുന്ന പ്രമോദ് തലയുയർത്തി നോക്കി…
“” കൊള്ളാം………. “
പ്രമോദ് പറഞ്ഞുകൊണ്ട് വിരലുയർത്തി…
“” നീ സാരിയാണ് ഉടുക്കുന്നതെന്ന് പറഞ്ഞിട്ട്… ? “”
കിച്ചണിൽ നിന്ന് പ്രഭ ഹാളിലേക്ക് വന്നു…
“ ആ സാരിക്കിച്ചിരി നീളം കൂടുതലാ… ചുറ്റിയിട്ടു തീരണ്ടേ… “
ലയ ഷാളെടുത്ത് പകുതിയാക്കി മാറിലേക്കിട്ടു……
“ അത് കൊള്ളാം…””
പ്രഭയോടൊപ്പം പ്രമോദും ചിരിച്ചു…
ലയയുടെ വിവാഹം ഉറപ്പിച്ചിരുന്നു…
വിദേശത്ത് ജോലിയുള്ള വിശാലാണ് വരൻ…
മാട്രിമോണി വഴിയായിരുന്നു ചടങ്ങുകളെല്ലാം പുരോഗമിച്ചത്……
വിവാഹ ശേഷം ലയയും ദുബായിലേക്ക് പറക്കും.