രാഹുൽ :ടാ സോഡാകുപ്പി പോലയാടി മോനേ നീ വലിയ മറ്റവൻ ആകാൻ നോക്കുവാണോടാ ഇന്നത്തെ നിന്റ ഷോ എനിക്കങ്ങ് വല്ലാതെ ഇഷ്ടപ്പെട്ടു അത്തിനുള്ള സമ്മാനവും കൊണ്ട് നിന്നെ ഞാൻ തിരക്കാൻ തുടങ്ങിയിട്ട് എത്ര സമയം ആയെന്ന് അറിയാമോ
പെട്ടെന്ന് തന്നെ സാം എന്തോ ഓർത്തു ശേഷം പതിയെ രാഹുലിന്റെ കൈ ദേഹത്തു നിന്ന് വിടൂവിച്ചു ശേഷം തന്റെ വാച്ചിൽ സമയം നോക്കി
രാഹുൽ :എന്താടാ നിന്റെ മരണ സമയം നോക്കുവാണോ
സാം :ഹേയ് നിന്റെ സമയം ഒട്ടും ശെരിയല്ല അതല്ലേ ഈ സമയം ഈ സ്ഥലത്ത്‌ തന്നെ വന്നത്
രാഹുൽ :എന്താടാ കോപ്പേ പിച്ചും പേയും പറയുന്നത്
അടുത്ത നിമിഷം സാം രാഹുലിനെ പിടിച്ചു വലതു വശത്തുള്ള ജനാലക്ക് നേരേ നിർത്തി
രാഹുൽ :എന്താടാ നീ ചെയ്യുന്നേ
സാം :കുറച്ച് നേരം കൂടി 3,2,1
അടുത്ത നിമിഷം ഗ്രൗണ്ടിൽ നിന്ന് ഉയർന്നു വന്ന ഒരു ഫുട്ബോൾ രാഹുലിന്റെ മുഖത്തേക്ക് വന്നിടിച്ചു
“അമ്മേ ” രാഹുൽ മൂക്കും പൊത്തി താഴേക്കു വീണു
സാം :ഹോ എന്റെ ഓർമശക്തി അപാരം തന്നെ സ്കൂലെ ജനലും സംരക്ഷിച്ചു അവനിട്ടു പണിയും കൊടുത്തു അപ്പോൾ എനിക്ക് കാര്യങ്ങളിൽ മാറ്റം വരുത്താൻ സാധിക്കും ഹ ഹ ഇനി അങ്ങോട്ട് ഈ സാമിന്റെ സമയമാ
ഇത്രയും പറഞ്ഞു കൊണ്ട് സാം ക്ലാസ്സിലേക്ക് നടന്നു
വൈകുന്നേരം സ്കൂൾ ടൈമിന് ശേഷം സാം സ്കൂൾ ഗേറ്റിന് മുൻപിൽ
“അവളെ കാണുനില്ലല്ലോ നേരം കുറേ ആയല്ലോ അവളിത് എവിടെ പോയി ”
പെട്ടെന്നാണ് റിയ അവിടേക്ക് നടന്നു വന്നത്
സാം :ഇത് എവിടെയായിരുന്നു കാത്ത് നിന്ന് മനുഷ്യന്റെ കാല് ഒടിഞ്ഞു
റിയ :നിനക്ക് എന്നെ വിടാൻ ഉദ്ദേശം ഇല്ല അല്ലേ
സാം :അത് ഞാൻ നേരത്തേ പറഞ്ഞല്ലോ എന്ത് വന്നാലും ഞാൻ നിന്റെ അടുത്ത് തന്നെ ഉണ്ടാകുമെന്ന് ഇത് എനിക്ക് രണ്ടാമത് കിട്ടിയ ചാൻസ് ആണ് ഞാൻ അത് നഷ്ടപെടുത്തില്ല
റിയ :ഹോ തുടങ്ങിയല്ലോ പിച്ചും പേയും നീ എന്തെങ്കിലും വലിച്ചു കേറ്റിയിട്ടുണ്ടോടാ എന്തെങ്കിലും ആകട്ടെ എനിക്കെന്താ
ഇത്രയും പറഞ്ഞു റിയ മുൻപോട്ട് നടന്നു സാം പുറകേയും പെട്ടന്ന് തന്നെ റിയ അവിടെ നിന്നു ശേഷം സാമിനെ നോക്കി
റിയ :ഇങ്ങനെ എന്റെ പുറകേ നടക്കരുത്
സാം പെട്ടെന്ന് തന്നെ റിയയുടെ അടുത്തേക്ക് എത്തി
സാം :നിന്റെ പുറകേ നടക്കാനല്ല കൂടെ നടക്കാനാണ് എനിക്കിഷ്‌ടം
റിയ പെട്ടെന്ന് തന്നെ സാമിനെ സൂക്ഷിച്ചു നോക്കി
സാം :എന്താ ഡയലോഗ് കൊള്ളില്ലേ
ഇത് കേട്ട റിയ പതിയെ ചിരിച്ചു
സാം :ഹോ ചിരിച്ചല്ലോ ബാംഗ്ലൂർ ഡെയ്‌സിന് നന്ദി
റിയ :ബാംഗ്ലൂർ ഡെയ്സൊ
സാം :അതൊക്കെ ഭാവിയിലെ കാര്യങ്ങളാ
റിയ :വീണ്ടും തുടങ്ങി
റിയ പതിയെ മുൻപോട്ട് നടന്നു ഒപ്പം സാമും
സാം :(എങ്ങനെയെങ്കിലും ഇവളുടെ പ്രശ്നം എന്താണെന്ന് മനസ്സിലാക്കണം എങ്കിൽ മാത്രമേ എനിക്കിവളെ രക്ഷിക്കാനാകു പക്ഷെ ഞാൻ എങ്ങനെ അത് കണ്ടെത്തും )
റിയ :എന്താ ചിന്തിക്കുന്നേ
സാം :ഹേയ് ഒന്നുമില്ല പിന്നെ റിയ നിനക്ക് എന്തെങ്കിലും വിഷമം ഉണ്ടോ
റിയ :ഉണ്ടെങ്കിൽ?
സാം :ഉണ്ടെങ്കിൽ എന്നോട് പറ പറ്റുമെങ്കിൽ ഞാൻ പരിഹരിക്കാം
ഇത് കേട്ട റിയയുടെ മുഖം വേഗം മാറി
റിയ :എന്റെ പ്രശ്നങ്ങൾ പരിഹരിക്കാൻ നീ ആരാ കുപ്പിയിൽ നിന്ന് വന്ന ഭൂതമോ അവൻ പ്രശ്നം പരിഹരിക്കാൻ വന്നിരിക്കുന്നു
ഇത്രയും പറഞ്ഞു റിയ ദേഷ്യത്തിൽ മുൻപോട്ട് നടന്നു
“(ഹോ എല്ലാം തുലച്ചു നിനക്ക് എന്തിന്റെ കേടായിരുന്നു സാമേ “)
ഇത്തരത്തിൽ സ്വയം പഴിച്ചുകൊണ്ട് സാം റിയക്ക് പിന്നാലെ ഓടി
സാം :റിയ നിക്ക് സോറി ഞാൻ വെറുതെ പറഞ്ഞതാ അല്ലെങ്കിൽ തന്നെ നിനക്ക് എന്ത് പ്രശ്നം വരാനാ
എന്നാൽ റിയ സാം പറയുന്നത് ശ്രദ്ധിക്കാതെ മുൻപോട്ട് നടന്നു
സാം വേഗം തന്നെ റിയയെ കയ്യിൽ പിടിച്ചു നിർത്തി
സാം :നിക്ക് റിയ
അടുത്ത നിമിഷം റിയ സാമിന്റെ കൈ തട്ടി മാറ്റി
റിയ :ആരോട് ചോദിച്ചിട്ടാടാ മൈരേ നീ എന്റെ ദേഹത്ത് തൊടുന്നത് ക്ഷമിക്കും തോറും നീ വലിയ മറ്റവൻ ആകുകയാണോ
റിയ അലറി
സാം :സോറി റിയ ഞാൻ അറിയാതെ
സാമിന്റെ കണ്ണുകൾ പതിയെ നിറഞ്ഞു
റിയ ഒന്നും പറയാതെ മുൻപോട്ട് നടന്നു
അല്പനേരം അത് നോക്കി നിന്ന സാം വേഗം കണ്ണ് തുടച്ചു ശേഷം റിയയുടെ അടുത്തേക്ക് ഓടി
സാം :റിയ
റിയ :നിനക്കെന്താടാ പറഞ്ഞാൽ മനസ്സിലാകില്ലേ
സാം :റിയ നമുക്ക് ഒരു ചായ കുടിച്ചാലോ
റിയ :നിനക്ക് എന്താടാ വട്ടുണ്ടോ
പെട്ടെന്നാണ് അവിടെ ചെറുതായി മഴ ചാറ്റാൻ തുടങ്ങിയത്
സാം :റിയ ദാ മഴ പെയ്യുന്നുണ്ട് നമുക്ക് കുറച്ചു നേരം ആ ചായ കടയിലോട്ട് മാറി നിൽക്കാം കുറച്ച് സമയം പ്ലീസ്
റിയ :ഞാൻ കാശോന്നും എടുത്തിട്ടില്ല
സാം :അത് സാരമില്ല എന്റെ കയ്യിലുണ്ട് ഞാൻ വാങ്ങിതരാം പ്ലീസ് റിയ ഈ ഒരു തവണ മാത്രം
റിയ :ശെരി പക്ഷെ ഞാൻ വന്നാൽ പിന്നെ നീ ഇതുപോലെ എന്റെ പുറകേ നടക്കരുത്
സാം :ശെരി സമ്മതിച്ചു
ഇത് കേട്ട റിയ പതിയെ ചായകട ലക്ഷ്യമാക്കി നടന്നു ഒപ്പം സാമും കുറച്ച് സമയത്തിനുള്ളിൽ തന്നെ അവർ ചായയും പലഹാരങ്ങളും വാങി ടേബിളിനടുത്തിരുന്നു
റിയ :ചോദിക്കുന്നത് കൊണ്ട് ഒന്നും തോന്നരുത് നിനക്ക് എന്തെങ്കിലും പ്രശ്നം ഉണ്ടോ
സാം :ഹേയ് ഒന്നുമില്ല
റിയ :പിന്നെ എന്താ പെട്ടെന്ന് ഇങ്ങനെയൊക്കെ പെരുമാറുന്നത് നിന്നെ ഞാൻ ആദ്യ ദിവസം മുതൽ ശ്രദ്ധിച്ചതാ പക്ഷെ ഇപ്പോൾ നിനക്ക് എന്തോ മാറ്റം
സാം :അതിന് കാരണം നീയാ
റിയ :ടാ എനിക്ക് വേണ്ടി ഇങ്ങനെയൊന്നും ചെയ്യണ്ട ഒടുവിൽ ദുഃഖമായിരിക്കും ഫലം മര്യാദക്ക് പഠിക്കാൻ നോക്ക്
സാം :ഞാൻ ഇങ്ങനെയൊന്നും ചെയ്തില്ലെങ്കിലാണ് എനിക്ക് വിഷമിക്കേണ്ടിവരുക
റിയ :എന്തെങ്കിലും ആകട്ടെ പിന്നെ സോറി
സാം :എന്തിന്
റിയ :കുറച്ച് മുൻപ് നിന്നെ തെറിപറഞ്ഞില്ലേ അതിന് ഞാൻ ഇങ്ങനെയായിപോയി
സാം :ഹേയ് അതൊന്നും പ്രശ്നമില്ല എന്റെ ഭാഗത്തും തെറ്റുണ്ട്
കുറച്ച് സമയത്തിനുള്ളിൽ തന്നെ അവർ ചായ കുടിച്ചു കഴിഞ്ഞു
സാം :അപ്പോൾ ഞാൻ ബില്ല് പേ ചെയ്യാം
സാം പതിയെ പാന്റിന്റെ പോക്കറ്റിൽ തപ്പാൻ തുടങ്ങി
സാം :(ദൈവമേ എന്റെ പേഴ്സ് അത് ഭാവികാലത്തിലാണല്ലോ )
റിയ :എന്താ നിനക്ക് ബാത്ത്റൂമിൽ വല്ലതും പോണോ
സാം :ഹേയ്
റിയ :പിന്നെ എന്താ മുഖം ഇങ്ങനെയിരിക്കുന്നേ
സാം :അത് റിയ എന്റെ കയ്യിൽ പൈസ ഇല്ലെന്നാ തോന്നുന്നേ
റിയ :പൈസ ഇല്ലന്നോ
സാം :അത് ഒരബദ്ധം പറ്റി പേഴ്സ് എടുക്കാൻ വിട്ട് പോയി നിന്റെ കയ്യിൽ വല്ലതും കാണുമോ നാളെ തിരിച്ചു തരാം
റിയ :കോപ്പ് ഏത് നേരത്താണാവോ നിന്റെ കൂടെ വരാൻ തോന്നിയത് എന്റെ കയ്യിൽ ഒന്നുമില്ല എന്ന് നിന്നോട് ഞാൻ നേരത്തേ പറഞ്ഞതല്ലേ
സാം :അപ്പോ നമ്മൾ എന്ത് ചെയ്യും
റിയ :എന്നോടാണോ ചോദിക്കുന്നത്
സാം :ഞാൻ ഇവരോട് നാളെ കൊണ്ട് തരാം എന്ന് പറയാം
റിയ :അതിന് നിനക്ക് ഈ കടക്കാരനെ പരിചയം ഉണ്ടോ
സാം :ഇല്ല
റിയ :പിന്നെ എങ്ങനെയടാ കടം പറയുന്നേ
സാം :എന്നാൽ നമുക്ക് ഓടിയാലോ റിയ
