ബിൻസി തിരിഞ്ഞു അവനെ ചേർത്ത് പിടിച്ചു.
ഏറെ നേരം കരഞ്ഞ ഹിരൺ കരച്ചിൽ ഒരു വിധം അടക്കി അവളിൽ നിന്നും വിട്ടു മാറി.
കാറിൽ നിന്നും ഒരു കുപ്പി വെള്ളമെടുത്തു ബിൻസി അവനു കൊടുത്തു.
വെള്ളം എടുത്തു മുഖം കഴുകി ബാക്കി വെള്ളം അവൻ തലയിലൂടെ ഒഴിച്ച് തല നനച്ചു.
ഗ്രൗണ്ടിൽ ഉണ്ടായിരുന്ന ഒഴിഞ്ഞ ബെഞ്ചിൽ ബിൻസി ഇരുന്നു. അവൾക്കടുത്തായി ഹിരണും. പതിവിന് വിപരീതമായി അവൻ അകലം പാലിച്ചിരുന്നത് ബിൻസിയും ശ്രദ്ധിച്ചു.
ബിൻസിയുടെ നോട്ടത്തിന്റെ അർത്ഥം അറിഞ്ഞു കൊണ്ടു ഹിരൺ പറഞ്ഞു.
ഇന്ന് അമ്മ എന്നോട് പറഞ്ഞു എന്റെ കൂടെ ഒരു വീട്ടിൽ കഴിയാൻ ഭയം ആണെന്ന്.പപ്പ പറഞ്ഞത് റിൻസിക്കൂ ചീത്ത പേര് ആവും എന്നും അമ്മച്ചിയും ആ വീട്ടിൽ ഉള്ളതാണെന്നുവാണ്. ഇനി ഇച്ചേയി കൂടി അങ്ങനെ എന്തേലും പറഞ്ഞാൽ….
ബിൻസി മറുപടി ഒന്നും പറയാതെ അവനെ തന്നെ നോക്കി നിന്നു.
ഒരു കള്ളം നൂറു പേര് നൂറു വട്ടം പറഞ്ഞാൽ സത്യം ആകും എന്ന് പറയുന്നത് എത്ര ശെരിയ അല്ലെ. അത് കൊണ്ടല്ലേ ഈ പ്രശ്നം ഒക്കെ ഉണ്ടായപ്പോ എനിക്ക് പറയാനുള്ളത് എന്താണെന്നു പോലും കേൾക്കാൻ ആരും തയ്യാറാകാതിരുന്നത്….
ഇച്ചേയി പോലും പറഞ്ഞില്ലേ ഞാൻ നിന്റെ ആരാ എന്ന്…..
മൗനം വെടിഞ്ഞു ബിൻസി സംസാരിച്ചു. അല്ല അവൾ അലറി.
ശെരിയ… ഞാൻ പറഞ്ഞു നിന്റെ ആരാ ഞാൻ എന്ന് ചോദിച്ചു.. നീ നിന്റെ മാനസിക അവസ്ഥയെ കുറിച്ച് പറഞ്ഞല്ലോ. നിന്നെ പറ്റി ഇങ്ങനൊക്കെ കേട്ടപ്പോ ഞാൻ എന്ത് മാത്രം വിഷമിച്ചു എന്ന് നിനക്ക് അറിയാവോ. നിന്നെ നിന്റെ അമ്മ പ്രസവിച്ചു എന്ന് മാത്രേ ഉള്ളു. നിന്നെ കൊണ്ടു നടന്നതും വളർത്തിയത് ഒക്കെ ഞാനാ.അപ്പൊ ആരെങ്കിലും നിന്നെ കുറിച്ച് മോശം പറഞ്ഞാൽ എനിക്ക് അത് സഹിക്കാൻ കഴിയില്ല.അപ്പൊ പിന്നെ ഇന്ന് കേട്ടത് പോലൊക്കെ നിന്നെ കുറിച്ച് കേട്ടാലുള്ള എന്റെ മനസ് എന്താന്ന് നിനക്ക് ഞാൻ പറഞ്ഞു തരണോ. അത് നിന്നെ ഇഷ്ടം ഇല്ലാഞ്ഞിട്ടല്ല. മറ്റാരേക്കാളും എനിക്ക് നിന്നോട് ഇഷ്ടം കൂടുതൽ ഉള്ളത് കൊണ്ടാണ്. എന്റെ മോള് എന്നെ അമ്മേ എന്ന് വിളിക്കുന്നതിന് മുന്നെ അങ്ങനെ വിളിച്ചത് നീയാ. എന്നിട്ട് അവൻ ഇപ്പൊ എന്നോട് അകലം പാലിക്കുന്നു…..
അതും പറഞ്ഞു ബിൻസി ദേഷ്യത്തിൽ മുഖം തിരിച്ചു.
അവളിൽ നിന്നും അകലം പാലിച്ചതിനാലാണ് ഈ പിണക്കം. അതറിഞ്ഞ ഹിരൺ അവളിലേക്ക് ചേർന്നിരുന്ന് വട്ടം കെട്ടിപിടിച്ചു അവളിലേക്ക് ചാഞ്ഞു.
അവന്റെ തലയിൽ തഴുകി കൊണ്ടു അവളും ഇരുന്നു.
ഇച്ചേയ്….
മമ്…
ഇച്ചെയ്ക്ക് തോന്നുന്നുണ്ടോ മോനൂട്ടൻ അങ്ങനൊക്കെ ചെയ്യും എന്ന്… തെറ്റും ശെരിയും ഒക്കെ പറഞ്ഞു തന്നു എന്നെ വളർത്തിയത് ഇച്ചേയി അല്ലെ…..
പിന്നെ എങ്ങനാ മോനൂട്ട നീ ഇതില് പോയി പെട്ടത്….
എനിക്ക് ഇപ്പോളും അത് അറിയില്ല….
വീട്ടിൽ കയറി പെണ്ണുങ്ങളെ പിടിക്കുന്നോടാ എന്ന് ചോദിച്ചായിരുന്നു അടി തുടങ്ങിയത്…..
പിന്നെ പറഞ്ഞത് പെണ്ണ് വിളിച്ചു കയറ്റിയതാണ് എന്ന്. പ്രേമം ആണത്രേ. പിന്നെ ഓരോ ആൾക്കാരും ഓരോ കഥ പറഞ്ഞായിരുന്നു അടി.4 വർഷം ആയി പ്രേമത്തിൽ ആണ്.2 തവണ പെണ്ണ് ഗർഭിണി ആയതാണ്. പയ്യന് പ്രായം കുറവായ കൊണ്ടു അവള് വേറെ കല്യാണത്തിന് സമ്മതിച്ചതാണ്. കഴപ്പ് മൂത്ത് കല്യാണ തലേന്ന് രാത്രി വിളിച്ചു കയറ്റിയതാണ്. കഥകൾക്ക് ഒരു പഞ്ഞവും ഉണ്ടായില്ല. അടിക്കും…..
പിന്നെ അമ്മയും അമ്മച്ചിയുവോക്കെ വന്നപ്പോ പുതിയ കഥ. ഞാൻ പിന്നാലെ നടന്നു ശല്യപെടുത്തിയതാണ്.രാത്രി അവളുടെ ശരീരം തേടി ചെന്നതാണ്. അവള് ഒറ്റയ്ക്ക് കിട്ടിയപ്പോ കയറി പിടിച്ചു. ഹോ സിനിമ കഥ എഴുതുന്നവര് നാണിച്ചു പോകും അമ്മാതിരി ട്വിസ്റ്റ് ആയിരുന്നു….
പക്ഷെ അവൾ ഇതിനു മുന്നെ ഗർഭിണി ആയെന്നും അതിനു കാരണക്കാരൻ ഞാൻ ആണെന്നും ഒക്കെ ഓരോരുത്തര് പറഞ്ഞപ്പോ അത് സത്യം ആയിരുന്നോ എന്ന് അവളോട് ചോദിച്ചതിനു അതെ എന്നായിരുന്നു മറുപടി…..
എന്റെ മോനൂട്ട നീ ഇങ്ങനെ അറ്റവും മൂലയും പറഞ്ഞാൽ എനിക്ക് ഒന്നും മനസിലാവില്ല. എന്താണെങ്കിലും അത് നീ തെളിച്ചു പറ