വേണ്ടിയിരുന്നില്ല ഈഗോ എന്ന് പറഞ്ഞപ്പോൾ ആൾക്ക് ശെരിക്കും കൊണ്ടു.
എന്നാലും അവൾ പറഞ്ഞതും റോങ് അല്ലെ?
അഞ്ചു ഇഷ്ടം പറഞ്ഞതിൽ ഇത്രക്ക് തെറ്റ് എന്താ ഉള്ളത്?
ആ എന്തേലും ആവട്ടെ എനിക്ക് അവളെ വിശ്വാസം ആണ് വേറെ ആരെന്തു പറഞ്ഞാലും ഇപ്പോൾ എനിക്കെന്താ 😒
അങ്ങനെ ഓരോന്ന് ആലോചിച്ചിരുന്നു ഉറങ്ങി പോയതറിഞ്ഞില്ല.
എന്റെ തലയിൽ എന്തോ ഇഴയുന്നത് പോലെ തോന്നിയിട്ടണ്‌ ഞാൻ എഴുന്നേൽക്കുന്നത്.
കണ്ണ് തുറന്ന് നോക്കുമ്പോൾ കാണുന്നത് ഐഷുവിനെ ആണ്.
ഞാൻ അവളുടെ മടിയിലാണ് കിടക്കുന്നത്.
അവളുടെ കൈകൾ എന്റെ തലയിൽ ഇഴയുന്നു.
അല്ലേലും അതങ്ങനെ ആണ് ഞങ്ങൾ തമ്മിൽ എപ്പോഴും വഴക്കിടും എന്നാൽ ആരേലും ഒരാൾ അങ്ങോട്ട് മിണ്ടി അതങ്ങു തീർക്കും.
മിണ്ടാതിരിക്കാൻ രണ്ടാൾക്കും കഴിയാറില്ല എന്നതാണ് ശെരി.
ഞാൻ എഴുന്നേറ്റത് പോലും അറിയാതെ ഏതോ ബുക്കും വായിച്ചിരിക്കുക ആണ് കക്ഷി.
ഞാൻ : അല്ല പിണങ്ങി പോയിട്ട് കുരുപ്പ് എപ്പോഴാ വന്നത് 😂
ഐഷു : ആ എഴുന്നേറ്റോ?
അത് പിന്നെ ഞാൻ എന്തിനാ നിന്റെ പ്രൈവസിയിൽ കൈകടത്തുന്നത് എന്ന് തോന്നി. അതാ സോറി പറയാം എന്ന് കരുതി ഇങ്ങോട്ട് വന്നത്.
വന്നപ്പോൾ സാർ നല്ല ഉറക്കം പിന്നെ നിന്റെ ഉറക്കം കളയണ്ട എന്ന് കരുതി നിന്റെ ഒരു ബുക്കും വായിച്ചിവിടെ ഇങ്ങനിരുന്നു.
ഞാൻ : അപ്പോൾ എന്റെ തല എങ്ങനെ നിന്റെ മടിയിലെത്തി?
ഐഷു : ആ ബെസ്റ്റ് നിനക്ക് വീണപ്പോൾ ബോധവും പോയോ ചെക്കാ.
തല വേദനിക്കുന്നു എന്നും പറഞ്ഞു എന്റെ മടിയിൽ കയറി കിടന്നത് നീ തന്നെ അല്ലെ?
ഞാൻ : ഞാനോ? ആ ചിലപ്പോൾ ഉറക്കത്തിൽ ആയിരിക്കും
ഐഷു : ആ എന്തേലും ആവട്ടെ. വേദന ഉണ്ടോടാ?
ഞാൻ : തലക്ക് ചെറിയ ഒരു നീറ്റൽ അത്രേയുള്ളൂ.
ഐഷു : അഹ്, എന്തിനാ വെറുതെ വഴക്കിനൊക്കെ പോയത് അല്ലാതെ തന്നെ കൊല്ലാൻ കാത്തിരിക്കുന്നവരാ ചുറ്റും
ഞാൻ : കൊല്ലാനോ ആരെ നീ എന്തൊക്കെയാ ഈ പറയുന്നത്?
ഐഷു : അത്.. ഏയ്യ് ഒന്നുല്ലടാ ആ ഒരു ഫ്ലോയിൽ അങ്ങ് പറഞ്ഞതാ 😊
ഞാൻ: കൊള്ളാം നല്ല ഫ്ലോ ഞാൻ വെറുതെ പേടിച്ചു. അല്ല ചെറിയച്ഛൻ വന്നില്ലേ?
ഐഷു : ആ ഇപ്പോഴെങ്കിലും തിരക്കിയല്ലോ?
ഇല്ല രാത്രി വരും.
ഞാൻ : അഹ്. പിന്നെ എന്തൊക്കെ ഉണ്ട് വിശേഷങ്ങൾ ഒക്കെ? കുറെ ആയല്ലോ കണ്ടിട്ട് ഇങ്ങോട്ടേക്കു.
ഐഷു : ഓ നമുക്ക് എന്ത് വിശേഷം നിങ്ങൾക്കൊക്കെ അല്ലെ വിശേഷങ്ങളൊക്കെ.
ഞാൻ ഒരു ട്രിപ്പിൽ ആയിരുന്നു അതാ.
ഞാൻ : ആ എന്താ മോളെ ഇടക്കൊക്കെ ട്രിപ്പെന്നും പറഞ്ഞു പോകുന്നുണ്ടല്ലോ എന്താ നിന്റെ ഡോക്ടർ പഠിപ്പിന്റെ കൂടെ വല്ലവന്റെയും തലയിൽ കേറിയോ?
ഐഷു : ഓ നമ്മളെയൊക്കെ തലയിൽ വെക്കാൻ ആരാടാ ഉള്ളത്.
ഒരുത്തനെ ഒന്ന് പ്രേമിച്ചു വന്നതായിരുന്നു…
ഞാൻ : ഏഹ് നിനക്കും പ്രേമവോ 😳 പറ പറ ആരാ കക്ഷി
ഐഷു : ഓ അതിനി പറഞ്ഞിട്ടൊന്നും കാര്യമില്ല അവനു വേറെ ആളുണ്ട്
ഞാൻ : കൊള്ളാം… മൂഞ്ചി അല്ലെ 😂
ഐഷു : ആ അങ്ങനെയും പറയാം.
അങ്ങനെ അവളുമായി സംസാരിച്ചിരുന്നു നേരം പോയതറിഞ്ഞില്ല.
അമ്മയെയും അച്ഛനെയും പോലെ തന്നെ എന്നെ കെയർ ചെയ്യുന്ന വേറെ ആരേലും ഉണ്ടോ എന്ന ചോദ്യത്തിന് ഫസ്റ്റ് മറുപടി ഇവളായിരിക്കും.
കാര്യം ഞങ്ങൾ എപ്പോഴും ഉടക്കും എങ്കിലും അവൾക്ക് എന്നെ വല്യ ഇഷ്ടം ആണ്.
എന്തും പറയാൻ ഉള്ള ഒരു സ്പേസ് അത് ഞങ്ങൾക്കിടയിൽ ആദ്യം കണ്ട ദിവസം മുതൽ ഉണ്ട്.
പലപ്പോഴും ഒരു ബ്രോ സിസ്റ്റർ റിലേഷൻ എന്നതിലുപരി അവൾക്ക് ഞാൻ ആരോ ആണെന്ന് തോന്നിയിട്ടുണ്ട് എങ്കിലും അത് എന്റെ തോന്നൽ തന്നെയാവും എന്ന മട്ടിൽ ആയിരുന്നു അവളുടെ പെരുമാറ്റം.
“എടാ ഞാൻ ഇറങ്ങിയേക്കുവാ കോളേജിൽ നാളെ മുതൽ പോണം. ഇടക്ക് വിളിക്കാം കേട്ടോ.”
അതും പറഞ്ഞവൾ പോവാൻ തയ്യാറെടുത്തു.
ഞാൻ : എന്നാ ശെരി പോയിട്ട് വിളിക്ക്.
പിന്നെ ആ ചെക്കന്റെ പ്രേമം എങ്ങാനും പൊളിഞ്ഞാൽ പിന്നെ കാത്തുനിൽക്കാതെ പറഞ്ഞേക്കണം കേട്ടോ.
ഐഷു : ആ നോക്കട്ടെ അത് അങ്ങനെ പൊട്ടും എന്ന് തോന്നുന്നില്ല.
അതും പറഞ്ഞുകൊണ്ട് അവൾ റൂമിൽ നിന്നും പുറത്തേക്ക് പോയി.
ഈ റെസ്റ്റിൽ കിടക്കുന്നത് മഹാ ബോറായിട്ടുള്ള പരുപാടി ആണ് കേട്ടോ.
പ്രത്യേകിച്ച് നമുക്ക് ഒരു പ്രേമം കൂടി സെറ്റ് ആയി കഴിഞ്ഞാൽ അവരെ എങ്ങനെ എങ്കിലും കാണണം എന്ന ചിന്ത മാത്രം ആയിരിക്കും മനസ്സിൽ.
പിന്നെ പറയണ്ടല്ലോ മണിക്കൂറുകൾ പോലും ദിവസം കണക്കെ കടന്നു പോവു.
എന്റെ അവസ്ഥയും മറ്റൊന്നും അല്ലായിരുന്നു.
ഫോൺ കോൾസ്, രാവിലെയും വൈകുന്നേരവും പതിവ് തെറ്റിക്കതെ വരുന്ന കൂട്ടുകാരും മാത്രമായിരുന്നു എന്റെ ഈ സമയത്തുള്ള ഏക നേരം പോക്ക്.
രാത്രി ആയി കഴിഞ്ഞാൽ അഞ്ജലി മെസ്സേജ് അയക്കും എന്തെങ്കിലും ഒക്കെ അങ്ങോട്ടും ഇങ്ങോട്ടും സംസാരിക്കും വിളിക്കാൻ അവൾക്ക് പേടിയായിരുന്നു.
ചില ദിവസങ്ങളിൽ മേഘ മിസ്സും വരും കാണാൻ വേറെ പ്രത്യേകിച്ച് പരിപാടികൾ ഒന്നും ഇല്ലാതെ വീട്ടിൽ തന്നെ കഴിച്ചുകൂട്ടുന്ന പാട് എന്റമ്മോ അത് ഒരു ഒന്നൊന്നര പണി ആണ്.
പിന്നെ ഏക ആശ്വാസം അമ്മയും അച്ഛനും ആണ് ഇപ്പോൾ രണ്ടാളും എന്റെ അരികിൽ തന്നെ ആണ്.
അമ്മ ഭക്ഷണം ഉണ്ടാക്കാനും അച്ഛൻ ഹോസ്പിറ്റലിലേക്കും മാത്രം പോവുന്ന സമയം മാത്രമേ എന്നെ തനിച്ചിരുത്തിയിട്ടുള്ളു.
ഏകദേശം ഒരു 2 രണ്ടര മാസം വീട്ടിൽ തന്നെ കഴിച്ചു കൂട്ടേണ്ടി വന്നു.
ഒരു വിധത്തിൽ എല്ലാം ശെരിയായി കഴിഞ്ഞപ്പോൾ കോളേജിലേക്ക് പോവാൻ ഞാനും തയ്യാറായി കഴിഞ്ഞിരുന്നു.
ഇനി അടിപിടിക്ക് പോവില്ല എന്നും ക്ലാസ്സിൽ കയറിക്കോളാം എന്നാ നിബന്ധനയിലും ഞാൻ കോളേജിലേക്ക് പോവാൻ റെഡി ആയി.
ഈ കാലയളവിനുള്ളിൽ തന്നെ ഞാനും അഞ്‌ജലിയും നല്ലപോലെ അടുത്തിരുന്നു.
കണ്ണൂരുള്ള ഒരു വലിയ തറവാട്ടിൽ ആണ് അവളുടെ ജനനം.
അമ്മ ജാനകി. അക്കാൻ ശ്രീധരൻ.
അവൾക്ക് ഒരു അനിയത്തിയും ചേട്ടനും
ഇത്രയും ആയിരുന്നു അവളുടെ കുടുംബം.
അനിയത്തിയും ആയിട്ടും ഇടക്ക് സംസാരിച്ചിട്ടുണ്ട്. ബാക്കിയൊക്കെ രാത്രിയിലുള്ള ചാറ്റിങ്ങിൽ പറഞ്ഞ അറിവ് മാത്രം.
കോളേജിലേക്ക് പോവാൻ തന്നെ പ്രധാന കാരണം അവൾ ആയിരുന്നു.
ഇഷ്ടം ആണെന്ന് പറഞ്ഞതിന് ശേഷം ഇതുവരെ ഒന്ന് നേരിൽ കാണാൻ കഴിഞ്ഞിട്ടില്ല അത് കൊണ്ട് തന്നെ അവളെ കാണാൻ എന്റെ നെഞ്ച് കൊതിച്ചിരുന്നു. ഞാനും…..
TO PRESENT……
‘ടിങ് ടോങ്…… ടിങ് ടോങ്..’
ആരോ കോളിങ് ബെൽ അമർത്തിയ ശബ്ദം കേട്ടാണ് ഓർമകളിൽ നിന്നും ഞാൻ ഉണർന്നത്.
അല്ലേലും പഴയ ഓർമ്മകൾ എന്നും എന്റെ സ്വബോധത്തെ മറച്ചിരുന്നവ ആയിരുന്നു.
തലേ ദിവസത്തെ കെട്ടിറങ്ങിയിട്ടില്ല എന്ന് തോന്നുന്നു തലക്കകത്തുനിന്നും വല്ലാത്ത വേദന.
