ഈ കാലയളവിനുള്ളിൽ തന്നെ അവൾ അച്ഛനും അമ്മയുമായും കൂടുതൽ അടുത്തു.
എന്തിനു ഇപ്പോൾ എന്നേക്കാൾ കൂടുതൽ അവരെ സ്നേഹിക്കുന്നതും ശ്രദ്ധിക്കുന്നതും അവളാണോ എന്നുപോലും തോന്നാറുണ്ട്.
ഫൈനൽ ഇയർ ആയതുകൊണ്ട് കൂടുതൽ ഉഴപ്പും കറക്കവും ഒന്നും വേണ്ടന്നാണ് അവളുടെ ഓർഡർ. 😊
അങ്ങനെയിരിക്കെ ഒരു ദിവസം കോളേജ് കഴിഞ്ഞു വീട്ടിലേക്ക് വന്ന ഞാൻ കാണുന്നത് എന്തോ കാര്യമായ ചർച്ച ചെയ്യുന്ന അച്ഛനെയും കുറുപ്പ് സാറിനെയുമാണ്.
എന്താണ് കാര്യം എന്ന് ഞാൻ അന്വേഷിച്ചു എങ്കിലും രണ്ടുപേരും ഒന്നും വിട്ട് പറയുന്നുണ്ടായിരുന്നില്ല.
സമയമാവുമ്പോൾ പറയാം എന്ന് മാത്രമായിരുന്നു മറുപടി.
പിന്നെ പതിവിലും വിപരീതമായി കുറച്ചു സീരിയസ് ആയിട്ട് ആയിരുന്നു അവർ സംസാരിച്ചിരുന്നത് അതുകൊണ്ട് തന്നെ കൂടുതൽ ഒന്നും ചോദിക്കാൻ നിൽക്കാതെ ഞാൻ മുറിയിലേക്കും പോയി.
രാത്രി ഭക്ഷണം കഴിക്കുമ്പോൾ പോലും അച്ഛന്റെ മുഖത്ത് എന്തൊക്കെയോ ഭയം അല്ലങ്കിൽ ടെൻഷൻ ഉള്ളത് എനിക്ക് മനസ്സിലായിരുന്നു.
എന്താ കാര്യം എന്ന് ചോദിക്കണം എന്നുണ്ടായിരുന്നെങ്കിലും എന്നോട് ഒന്നും മറച്ചുവെക്കാത്ത അച്ഛൻ തന്നെ ഇങ്ങോട്ട് പറയും എന്നറിയിവുന്നത് കൊണ്ട് ഞാൻ ഒന്നും തന്നെ അങ്ങോട്ട് ചോദിക്കാൻ മുതിർന്നില്ല.
ഞാൻ പ്രതീക്ഷിച്ചതുപോലെ തന്നെ രാത്രി അമ്മ ഉറങ്ങിയതിനു ശേഷം അച്ഛൻ എന്റെ മുറിയിലേക്ക് വന്നു…..
അച്ഛൻ : മോനെ…. നീ ഉറങ്ങിയോ?
ഞാൻ : ഇല്ല എന്താ അച്ഛാ?
അച്ഛൻ : നീ തിരക്കിലല്ല എങ്കിൽ ഒന്ന് വാ നമുക്ക് ഒന്ന് പുറത്തേക്ക് പോവാം.
ഞാൻ : എനിക്ക് എന്ത് തിരക്ക് വാ പോവാം.
അച്ഛൻ : ഇതാ വണ്ടി എടുത്തോ
അതും പറഞ്ഞുകൊണ്ട് കാറിന്റെ കീ എന്റെ നേരെ നീട്ടി.
ഞാൻ അതുവാങ്ങി പോർച്ചിലേക്ക് പോയി വണ്ടിയും എടുത്ത് പുറത്തേക്കിറക്കി.
അമ്മ അറിയാൻ പാടില്ലാത്ത കാര്യം ആണെന്ന് എനിക്കുറപ്പായിരുന്നു പക്ഷെ എന്താ അത് എന്നറിയാനുള്ള ഒരു ആകാംഷ എന്നിൽ നിറഞ്ഞു നിന്നു.
എന്റെ ആകാംഷ മറച്ചുവെക്കാതെ തന്നെ കോ ഡ്രൈവർ സീറ്റിൽ ഇരിക്കുന്ന അച്ഛനോടായി ഞാൻ ചോദിച്ചു തുടങ്ങി.
ഞാൻ : എന്താ അച്ഛാ…. എന്താ പ്രശ്നം?
അച്ഛൻ : പ്രേശ്നവോ ഒന്നുല്ലടാ
ഞാൻ : അത് കള ഒന്നുമില്ലേലും ആദ്യമായൊന്നും അല്ലല്ലോ മാധവൻ സാറേ ഞാൻ കാണുന്നത് കാര്യം പറയുന്നേ…
അച്ഛൻ : അത്… അത് മോനെ നിന്നോട് കുറച്ചു കാര്യങ്ങൾ സംസാരിക്കാൻ തന്നെയാണ് ഞാൻ ഈ രാത്രിയിൽ നിന്നെയും വിളിച്ചിറങ്ങിയത്.
പക്ഷെ അത് നിന്നോട് പറഞ്ഞാൽ അവർ നിന്നെയും എന്തേലും ചെയ്യുമോ എന്നൊരു പേടി അതാ അച്ഛൻ ഒന്നും പറയാത്തത്.
ഞാൻ : ആര് എന്ത് ചെയ്യുമെന്ന് 😳അച്ഛൻ എന്തൊക്കെയാ ഈ പറയുന്നത് എനിക്കൊന്നും സംഭവിക്കത്തില്ല കാര്യം പറ.
അച്ഛൻ : അത് മോനെ… നിനക്കറിയാല്ലോ ജയദേവന്റെ കാര്യം അവൻ ഈ ഇടയായി കമ്പനിയിൽ ഒരുപാട് തിരുമറികൾ നടത്തിയിട്ടുള്ളതായി എന്റെ ശ്രദ്ധയിൽ പെട്ടിരുന്നു.
അത് ഞാൻ അവനോട് ചോദിച്ചിരുന്നു എങ്കിലും പലതും പറഞ്ഞു ഒഴിഞ്ഞുമാറുകയാണ് അവൻ ചെയ്തത്.
പക്ഷെ ഇപ്പോൾ അവൻ ഓരോ ആവശ്യങ്ങളുമായിട്ട് വരാൻ തുടങ്ങി.
(ജയദേവൻ അച്ഛന്റെ ഏറ്റവും ഇളയ സഹോദരൻ ആണ്. കൂടപ്പിറപ്പാണ് എന്ന് പറഞ്ഞിട്ടൊന്നും ഒരു കാര്യവുമില്ല അച്ഛനെയും ചെറിയച്ഛനെയും പോലെയൊന്നുമല്ലായിരുന്നു അയാളുടെ സ്വഭാവം. സ്വന്തം താല്പര്യങ്ങൾക്കും ലാഭത്തിനും വേണ്ടി എന്തും ചെയ്യാൻ മടിക്കാത്ത സ്വഭാവം. എന്നെ വീട്ടിലേക്ക് കൊണ്ടുവന്നപ്പോൾ അത് എതിർത്തത് തന്നെ ഇയാളായിരുന്നു. തീർത്തും ഒരു അസുരൻ സ്വന്തം സ്വാർത്ഥതക്ക് വേണ്ടി കൂടപ്പുറപ്പുകളെ പോലും ഇല്ലാതാക്കാൻ മടിയില്ലാത്തവൻ ആണ് അയാൾ എന്ന് എനിക്ക് പണ്ടേ അറിയാമായിരുന്നു. അത് വഴിയേ പറയാം )
ഞാൻ : എന്താ അങ്കിൾ പറയുന്ന ആവശ്യങ്ങൾ?