ദിവസങ്ങളും മാസങ്ങളിൽ വീണ്ടും കടന്നു പോയികൊണ്ടേ ഇരുന്നു. ഇതിനിടയിൽ അഞ്ജലിയുമായി മര്യാദക്ക് ഒന്ന് സംസാരിക്കാൻ പോലും സാധിച്ചിരുന്നില്ല എങ്കിലും എന്റെ അവസ്ഥ അവൾക്ക് മനസ്സിലായിരുന്നു അതിലൊന്നും യാതൊരു വിധ പരാതികളും അവൾക്കില്ലായിരുന്നു. അല്ല അവൾ അതൊന്നും പുറമെ കാണിച്ചിരുന്നില്ല.
അങ്ങനെ ഇരിക്കുമ്പോൾ ആണ് കോളേജിൽ നിന്നും ഒരു ടൂർ പ്ലാൻ ചെയ്തത്. സെക്കന്റ്‌ ഇയർ പിള്ളേരും ഞങ്ങൾ ഫൈനൽ ഇയർ പിള്ളേരും ഒരുമിച്ച് ഒരു 3ഡേയ്‌സ് ടൂർ. കൊടൈക്കനാൽ ആണെന്നാണ് കിട്ടിയ വിവരം.
ടൂർ പോകുന്നതിൽ ഞാൻ സന്തോഷിച്ചിരുന്നു എങ്കിലും ഇപ്പോഴത്തെ അവസ്ഥയിൽ അച്ഛനെയും അമ്മയെയും തനിച്ചാക്കി പോവുന്നത് അത്രക്ക് സുരക്ഷിതമായ കാര്യം അല്ലാത്തതുകൊണ്ട് ഞാൻ അതിൽ നിന്നും ഒഴിയാൻ പരമാവതി ശ്രമിച്ചുകൊണ്ടേ ഇരുന്നു.
ഈ കാലയളവിനുള്ളിൽ എന്തൊക്കെയോ മറിമായം സംഭവിച്ചതുപോലെ ആഷിക്കും ഹബീബും ഗായത്രിയെയും സ്നേഹയെയും വളച്ചിരുന്നു. അതുകൊണ്ട് തന്നെ അവന്മാർ എന്നെ ടൂർ പോകാൻ നിർബന്ധിച്ചുകൊണ്ടേ ഇരുന്നു.
അങ്ങനെ ഇരിക്കെ ഒരു ദിവസം എന്റെ വീട്ടിൽ..
ആഷിക് : അളിയാ അവസാന വർഷം ആണ് ചിലപ്പോൾ ഇനി മറ്റുള്ളവരെ ഒന്നും കാണാൻ പോലും കിട്ടിയെന്ന് വരില്ല അതുകൊണ്ട് പോവാടാ…
ഞാൻ : എടാ നിങ്ങൾ പൊക്കോ എനിക്ക് അങ്ങനെ വരാൻ പറ്റില്ല കുറച്ചു പ്രോബ്ലെംസ് ഉണ്ട് അതൊക്കെ ഒന്ന് സെറ്റ് ആക്കിയാൽ മാത്രേ എനിക്ക് മനസ്സമാധാനം കിട്ടു അതാ.
ഹബീബ് : ഞങ്ങൾക്ക് അറിയാത്ത എന്ത് പ്രോബ്ലം ആണ് നിനക്കുള്ളത് അത് കൂടി പറ
ഞാൻ : എടാ ഞാൻ പറയാം…. എല്ലാത്തിനും അതിന്റേതായ സമയം ഉണ്ട്.
ആഷിക് : ശെരി… എന്തായാലും ഇത്രയും നാൾ എല്ലായിടത്തും ഒരുമിച്ചല്ലേ പോയത്?
നീ വരുന്നില്ലേ ഞങ്ങളും പോവുന്നില്ല എന്താ ഹബീബെ?
ഹബീബ് : അത് ശെരിയാ നമുക്കും പോവണ്ട
ഞാൻ : നിങ്ങൾ പൊക്കോ അവളുമാർ ഒരുപാട് ആഗ്രഹിക്കുന്നുണ്ടാവും നിങ്ങളുടെ കൂടെ നടക്കാൻ എന്റെ സിറ്റുവേഷൻ അതായതുകൊണ്ടാ അല്ലേൽ ഞാനും വന്നേനെ
ആഷിക് : ആയിക്കോട്ടെ പക്ഷെ നീയില്ലാതെ ഞങ്ങൾ പോവുന്നില്ല
ഞാൻ : ഡാ..
ഹബീബ് : ഒരു ഡായും ഇല്ല പോണില്ല അത്രതന്നെ 😠
അങ്ങോട്ടേക്ക് അപ്പോൾ കയറിവന്ന അമ്മ എന്താ സംഭവം എന്ന് പോലും മനസിലാവാതെ ഞങ്ങളെ നോക്കി നിന്ന്. എന്താണ് സംഭവം എന്ന് മനസ്സിലാവാഞ്ഞിട്ടാവും പുള്ളിക്കാരി ഞങ്ങളോട് ചോദിക്കാൻ തുടങ്ങി.
അമ്മ : എന്താ മക്കളെ മൂന്നാളും കൂടെ ഒരു പരിഭവം പറച്ചിൽ?
ഞാൻ : ഏയ് ഒന്നുല്ല അമ്മേ ഞങ്ങൾ ചുമ്മാ 😊
ആഷിക് : അല്ലമ്മേ കാര്യമുണ്ട് അടുത്ത ആഴ്ച കോളേജിൽ നിന്നും ടൂർ പോവുന്നുണ്ട് അവസാന വര്ഷമല്ലേ എല്ലാരും കൂടി ഒന്നടിച്ചുപൊളിക്കാം എന്നൊക്കെ കരുതി ഇരുന്നപ്പോഴാണ്
അമ്മ : എന്തുപറ്റി… ടൂർ ഉണ്ടേൽ പോണം ഇപ്പോഴല്ലേ ഇതൊക്കെ ഒന്ന് ആഘോഷിക്കാൻ പറ്റു.
ഹബീബ് : അതെല്ലേ പ്രശ്നം അമ്മയുടെ മോൻ ഇപ്പോൾ വരുന്നില്ല എന്നാ പറയുന്നേ. അപ്പോൾ പിന്നെ ഞങ്ങളും കരുതി പോവണ്ടാ എന്ന് ഇവന് ഇവിടെ എന്തൊക്കെയോ ചെയ്ത് തീർക്കാൻ ഉണ്ടെന്നാ പറയുന്നത്.
ആഷിക് : അമ്മക്ക് അറിയാല്ലോ ഞങ്ങൾ ഇവൻ ഇല്ലാതെ എങ്ങും പോവാറില്ല എന്ന് അപ്പോൾ പിന്നെ ഇതും അങ്ങ് പോട്ടെ എന്ന് കരുതി
അമ്മ : എന്താ മോനെ ഇത് പോവാൻ പാടില്ലാരുന്നോ ഈ സമയത്തൊക്കെ അല്ലെ ഒന്ന് എൻജോയ് ചെയ്യാൻ പറ്റു.
ഞാൻ : അമ്മേ അത് എനിക്ക് എന്തോ ഒരു താല്പര്യമില്ല അതാ 😊
അമ്മ : അതൊക്കെ ശരിയായിക്കോളും ദേ കണ്ടില്ലേ നീ പോവുന്നില്ല എന്ന് പറഞ്ഞുകൊണ്ട് ഇവരും കൂടി പോവണ്ടന്ന് വെച്ചത്? അത് വേണ്ട മക്കള് പോയി ഒന്ന് അടിച്ചുപൊളിച്ചിട്ടൊക്കെ വാ 😊
ഞാൻ : അമ്മ അത്…..
അമ്മ : ഒരു അതും ഇല്ല പിള്ളേരെ നിങ്ങൾ കോളേജിൽ പറഞ്ഞേക്ക് ഇവനും ഉണ്ടെന്ന് അവൻ വരും 😊
ആഷിക് : 😃😊
വൈകുന്നേരം അച്ഛൻ വന്നപ്പോഴും അമ്മ ആ കാര്യം പറഞ്ഞു. അച്ഛനും എന്നോട് പോണം എന്ന് തന്നെയാണ് പറഞ്ഞത് പക്ഷെ എങ്ങനെ എനിക്ക് മനസമാധാനത്തോടെ പോവാൻ പറ്റും. ഞാൻ എന്റെ ഉള്ളിലുള്ളത് മറച്ചുവെക്കാതെ തന്നെ അച്ഛനോട് കാര്യം പറഞ്ഞു.
അച്ഛൻ :മോനെ നീ പറയുന്നതൊക്കെ എനിക്ക് മനസ്സിലാവുന്നുണ്ട് പക്ഷെ അങ്ങനെ ഭയപ്പെട്ടു ജീവിക്കാൻ ആണങ്കിൽ പിന്നെ അതിനല്ലേ സമയം ഉണ്ടാവു.
ഞാൻ : അച്ഛാ എന്നാലും ഞാൻ പോയാൽ എങ്ങനെ….
അച്ഛൻ : അതൊന്നും ഇല്ല നീ ഇപ്പോൾ അടിച്ചുപൊളിച്ചു ജീവിക്കണ്ട പ്രായം ആണ് കുറച്ചുനാളുകൾ കൂടി കഴിഞ്ഞാൽ ഇതിനൊന്നും പറ്റി എന്ന് വരത്തില്ല. ഇനി ഞങ്ങൾ ഇവിടെ ഒറ്റക്കാണ് എന്ന് കരുതിയാണ് എങ്കിൽ ആ പേടി വേണ്ട. ഞങ്ങളും ഒരു യാത്ര പോവാൻ നിക്കുവാ എന്താ അത് പോരെ
ഞാൻ : യാത്രയൊ എങ്ങോട്ട്?
അച്ഛൻ : എങ്ങിട്ടേക്ക് എന്തിനു അതൊക്കെ പിന്നെ പറയാം. ഇനി ഞങ്ങൾ പറഞ്ഞില്ലെങ്കിലും വഴിയേ നീ അതൊക്കെ അറിയും. നിന്റെ പേടി ഞങ്ങൾ രണ്ടാളും ഒറ്റക്ക് ഇവിടെ നിന്നാൽ എന്തേലും പറ്റും എന്നല്ലേ ആ പേടി ഇനി എന്തായാലും വേണ്ട കേട്ടോ.
ഞാൻ : പക്ഷെ ഇപ്പോഴും നിങ്ങൾ ഒറ്റക്ക് തന്നല്ലേ പോണേ?
അച്ഛൻ :അല്ലടാ ഞങ്ങളുടെ ഒപ്പം ഔസപ്പ് അച്ഛനും ജൂലിയും ഉണ്ട്. പിന്നെ എന്തേലും ഒക്കെ ഉണ്ടേൽ ഉടനെ അറിയിക്കാൻ അവൾ തന്നെ ധാരാളം ആണല്ലോ.
ഞാൻ : ഓ അപ്പോൾ ഞാൻ അറിയാൻ പാടില്ലാത്ത എന്തോ കാര്യത്തിനുള്ള പോക്കാണ് അല്ലെ 😊
അച്ഛൻ : ഒരിക്കലും അല്ല നീ അറിയേണ്ട കാര്യം തന്നെയാണ് പക്ഷെ അത് അറിയാനുള്ള സമയം ആയിട്ടില്ല എന്ന് മാത്രം.
ഞാൻ : ശെരി ശെരി അപ്പോൾ ഞാനും ട്രിപ്പ്‌ പോവാം അല്ലെ?
അച്ഛൻ : പിന്നല്ലാതെ. അതെ വേറെ ഒരു കാര്യം പറഞ്ഞേക്കാം ആ കൊച്ചും ട്രിപ്പിനു വരുന്നുണ്ടെന്നൊക്കെ അറിയാം പണിയൊന്നും ഒപ്പിക്കരുത് കേട്ടോ 😂
ഞാൻ : അയ്യേ ഒരു അച്ഛൻ മകനോട് പറയുന്ന കാര്യം ആണോ ഇത് ശേ മോശം 😂
അച്ഛൻ : നിന്നോടൊക്കെ പറഞ്ഞില്ലേൽ ആണ് മോശം 😂😂
ഞാൻ : 🥴🥴🥴🥴🥴🥴
അങ്ങനെ ഞാനും ട്രിപ്പിനു പോകാൻ തന്നെ തീരുമാനിച്ചു. പിന്നീടുള്ള ദിവസങ്ങൾ കാര്യമായ പ്രേശ്നങ്ങൾ ഒന്നും ഉണ്ടാവാത്തതുകൊണ്ട് ഇനി ഒന്നും സംഭവിക്കാൻ വഴിയില്ല എന്ന് തന്നെയായിരുന്നു എന്റെ വിശ്വാസം. ഞാൻ ട്രിപ്പിനു വരുന്നുണ്ടെന്ന് അറിഞ്ഞപ്പോൾ തന്നെ അഞ്ജലിക്കും ഒരുപാട് സന്തോഷമായിരുന്നു. പക്ഷെ എന്തിനു വേണ്ടിയാണ് അച്ഛനും അമ്മയും ഈ യാത്ര പോവുന്നത് എന്ന് മാത്രം എനിക്ക് ഇതുവരെ മനസ്സിലായില്ല. ജൂലിയോടും ഔസപ്പ് അച്ഛനോടും ചോദിച്ചിട്ടു ഒരു വിവരവും ലഭിച്ചില്ല എന്ന് മാത്രമല്ല രണ്ടാളും എന്തൊക്കെയോ എന്നിൽ നിന്നും മറക്കുന്നത് പോലെ എനിക്ക് തോന്നുകയും ചെയ്തു.
