👨‍❤️‍👨👨‍❤️‍👨ശ്രീയുടെ ആമി – 5👨‍❤️‍👨👨‍❤️‍👨 30അടിപൊളി  

അത്കൊണ്ട് ഹോട്ടലിൽ വച്ച് അവർ ബന്ധപ്പെട്ടിട്ടുണ്ടെങ്കിൽ ആമി തന്നെ എന്നോടത് പറയണം എന്നവൻ കട്ടായം ഉറപ്പിച്ചു. അതറിയാതെ ആമിയുമായി ബന്ധപ്പെട്ടാൽ കാര്യങ്ങൾ അതിൽ ഒഴുകി നീങ്ങും.

അവൾ പറയുന്നത് സത്യമാണോ കള്ളമാണോ എന്നറിയാതെ ആ മൂഡിൽ താനത് ആസ്വദിച്ച് ഉത്തമനായ മണ്ടനാകും. പിന്നെ ചോദിക്കേം ഇല്ല. വീണ്ടും മനസ്സിൽ സംശയം വളരും. കാരണം അത്രയും സമയം ഹോട്ടലിൽ ചിലവഴിച്ചിട്ട് വേറൊമൊരു ബ്ലോജോബിൽ നിർത്താൻ വേണ്ടി റിതിൻ അത്ര മണ്ടനൊന്നുമല്ല. അത് കൊണ്ട് കാര്യങ്ങൾ രണ്ടിലൊന്നറിഞ്ഞിട്ട് മതിയെന്ന് ശ്രീ ഉറപ്പിച്ചു.

ആമിയുടെ അനക്കങ്ങൾ നിന്നപ്പോൾ അവളുറങ്ങിയെന്ന് കരുതി അവനും കണ്ണടച്ചു. ശ്രീയുടെ മനസ്സിനെ എന്താണിപ്പോൾ നിയന്ത്രിക്കുന്നത് എന്നറിയാതെ ദേഷ്യത്തോടെ കണ്ണടച്ച് കിടന്ന ആമിയുടെ ചിന്തകൾ വേരിറങ്ങിയിരുന്നു.

അടുത്ത ദിവസം ആറു മണി ആയപ്പോൾ തന്നെ ഇരുവരും ഉണർന്നു. ഇന്നലെ രാത്രി തന്നോട് കാണിച്ച അവഗണന മനസ്സിലുള്ളത് കൊണ്ട് ആമിക്ക് ശ്രീയോട് പിണക്കമുണ്ട്. പക്ഷെ ശ്രീയുടെ ഇപ്പോഴുമുള്ള പെരുമാറ്റ വ്യത്യാസത്തിന്റെ കാരണമറിയാതെ പിണക്കം കാണിച്ചാൽ അത് പണിയാകുമെന്ന് അവൾ ഓർത്തു. പുറകിലവന്റെ കെട്ടിപിടിത്തം കിട്ടിയപ്പോഴാണ് അരക്ക് മുകളിലെ നഗ്നത അവൾക്ക് മനസിലായത്. ശ്രീയുടെ കൈയെടുത്തു മാറ്റി അവൾ ചിണുക്കം കാണിച്ചു. അതിന്റെ കാരണം അവന് അറിയുന്നത് കൊണ്ട് മുഖത്ത് പുഞ്ചിരിയാണ് വന്നത്.

“എടി..”

അവളൊന്നും മിണ്ടിയില്ല.

“ആമി…”

“മ്മ്..”

“ഞാൻ ഇന്നും ലീവാണ്.”

അത് കേട്ട് ഞെട്ടലോടെ അവളവന് നേരെ തിരിഞ്ഞു.

“എന്തേ..?”

“അമ്മാവന്റെയടുത്തു പോണം.. ഡിസ്ചാർജ് ചെയ്ത് വന്നിട്ട് പോയില്ലല്ലോ..”

“അതിന് ഉച്ചക്ക് ലീവ് എടുത്താൽ പോരെ..?”

“അങ്ങനെ ലീവെടുത്തു വരേണ്ടെന്ന് അമ്മാവൻ കഴിഞ്ഞ പ്രാവിശ്യമേ പറഞ്ഞിരുന്നു.”

“എങ്കിൽ ഞാനും പോണില്ല.. ലീവ് ആണ്..”

“എന്തേ..?”

“ഞാനും വരുന്ന് ഏട്ടന്റെ കൂടെ..”

“എങ്കിൽ നിന്റെ വീട്ടിലും പോകാം..”

അതിലവൾക്ക് നല്ല സന്തോഷം തോന്നി. പ്രകടിപ്പിക്കാൻ വേണ്ടി കെട്ടിപിടിച്ച് അവന്റെ കവിളിൽ ചുംബനം നൽകി. ഈ സമയം എന്തെങ്കിലും നടക്കുമോ എന്നറിയാൻ തന്റെ അർദ്ധ നഗ്നമേനി വച്ച് അവളൊരു ശ്രമം നടത്താനൊരുങ്ങിയപ്പോഴും ആമുഖ രതിലീലകൾ അല്ലാതെ വേറെ നീക്കങ്ങളൊന്നും അവൻ നടത്തിയില്ല.

അതവളുടെ മനസ്സിനെയാകെ പിടിച്ചുലച്ചു. ശ്രീ അവളിൽ നിന്നും മനസ്സ് കൊണ്ട് അകന്നു പോവുകയാണോ എന്ന ചിന്തയുടെ പിരിമുറുക്കം അവളിൽ ആഴത്തിൽ തന്നെ എത്തി. അതവൾക്ക് താങ്ങാനായില്ല. ടോപ് എടുത്തിട്ട് കിച്ചണിലേക്ക് പോകുന്ന ആമിയുടെ നിരാശയും സങ്കടവും ഉദ്ദേശിക്കുന്നത് പോലെ ശ്രീക്കും മനസ്സിലാകുന്നുണ്ട്.

 

ഓഫീസിൽ ലീവ് അറിയിച്ച് ഏകദേശം പത്തു മണിയോടെ അവർ ആമിയുടെ വീട്ടിലെത്തി. എല്ലാവർക്കും വലിയ സന്തോഷമായിരുന്നു. ചേച്ചിയെ കണ്ടതിൽ അനിയത്തിക്ക്, മകളെ കണ്ടതിൽ അച്ഛനും അമ്മക്കും നല്ല സന്തോഷം. മകളുടെ ആനന്ദദായകമായ ജീവിതം അവർക്ക് ആഹ്ലാദം തന്നെയാണ്. ശ്രീയോട് അവർക്ക് നല്ല മതിപ്പാണ്. മകനോടെന്ന പോലെ ശ്രീയോടുള്ള ആമിയുടെ അച്ഛന്റെയും അമ്മയുടെയും സ്നേഹം അവൾ വീക്ഷിക്കുന്നുണ്ട്. ശ്രീയോടുള്ള അവളുടെ ബഹുമാനം വർദ്ധിച്ചത് പോലെ തോന്നി. അതോടൊപ്പം മനസ്സിൽ വലിയ കുറ്റബോധവും നിറഞ്ഞു.

റിതിൻ ഓഫീസിൽ വന്നത് മുതൽ തനിക്ക് സംഭവിച്ച മാറ്റങ്ങളും ശ്രീ അറിയാതെ അഫ്ഫയർ തുടങ്ങിയതും അതാവസാനം സെക്സിൽ വരെ എത്തിയ കാര്യങ്ങൾ കൂടെ ഓർമയിൽ വന്നപ്പോൾ അവൾ വല്ലാതെയായി. ഒന്നും വേണ്ടിയിരുന്നില്ലെന്ന തോന്നലിൽ കരച്ചിൽ ഉള്ളിലൊതുക്കി അവൾ ബാത്‌റൂമിൽ കയറി. അണപൊട്ടിയ വികാരത്തിൽ തേങ്ങലുകൾ കൂടിയപ്പോൾ കണ്ണീരിൽ തന്നെ അവസാനിച്ചു.

കൂടുതൽ സമയം കണ്ണുകൾ കലങ്ങിയിരുന്നാൽ കൺപോളകളിൽ നീര് വരുമെന്ന് അവൾക്കറിയാം. പക്ഷെ വിഷമം താങ്ങാനാവുന്നില്ല. സമയം നീണ്ടപ്പോൾ പുറത്തു നിന്നുള്ള അമ്മയുടെ വിളിയിലാണ് അവളൊന്ന് തല ഉയർത്തിയത്. സ്വരം ഇടറാതെ മറുപടി പറഞ്ഞൊപ്പിച്ച് കുറച്ചു നേരം കൂടെ അവളവിടെയിരുന്നു. കരച്ചിൽ നിന്നപ്പോൾ ആകെ മൂകമായിപ്പോയി. പക്ഷെ ഇതുപോലെ പുറത്തു വന്നാൽ ശ്രീ എന്തായാലും കണ്ടുപിടിക്കും. അമ്മയ്ക്കും മനസിലാകും.