👻 യക്ഷി 👻 – 3

” കേളു ഞാൻ പറഞ്ഞ ഈ കാര്യങ്ങൾക്ക് പുറമെ നീ എനിക്കൊരു സത്യം കൂടി ചെയ്തു തരേണ്ടിയിരിക്കുന്നു. നിന്റെ ആവശ്യങ്ങളെല്ലാം സാധിച്ചതിനു ശേഷം നീ യുഗങ്ങളായി കാമ പരവശയായി ഈ കാവിൽ കുടികൊള്ളുന്ന എന്നെ നീ പ്രാപിക്കുക നീ എന്നെ തൃപ്തി പെടുത്തണം അത് എനിക്ക് നീ സത്യം ചെയ്തു തരണം. എന്റെ ഈ രണ്ടു നിബന്ധനകൾ സ്വീകരിക്കുവാൻ നീ തയ്യാറാണെങ്കിൽ നീ ആഗ്രഹിക്കുന്നതെന്തും നിന്റെ കാൽകീഴിൽ ഉണ്ടാവും ”

യക്ഷിയുടെ വാക്കുകൾ സൂക്ഷ്മതയോടെ കേട്ടുനിന്ന കേളുവിൽ ഒരു ഞെട്ടലുണ്ടായി.

അതൊരിക്കലും ഭയത്താലോ അല്ലങ്കിൽ താൻ കേട്ട കാര്യങ്ങളോടുള്ള അതൃപ്തി കൊണ്ടോ ആയിരുന്നില്ല. താൻ മനസ്സിൽ ആഗ്രഹിച്ച കാര്യങ്ങൾ തന്നെയായിരുന്നു യക്ഷിയിൽ നിന്നും അവൻ കേട്ടത്. അതിപ്പോൾ മയൂരിയുടേതായാലും ആദ്യ കാഴ്ച്ചയിൽ തന്നെ തന്നെ മോഹിപ്പിച്ച അതി സൗന്ദര്യവധിയായ യക്ഷിയുടെ കാര്യത്തിലായാലും ശെരി. അതൊക്കെ കൊണ്ടുതന്നെയാവണം മറിച്ചൊന്നും ആലോചിക്കുക പോലും ചെയ്യാതെ കേളു യക്ഷിയുടെ നിബന്ധനകൾക്ക് മറുപടി നൽകിയത്.

” സമ്മതമാണ്. അവിടുന്ന് അരുളുചെയ്തതും ആവശ്യപ്പെട്ടതുമായ രണ്ടു കാര്യങ്ങളും അടിയൻ സ്വീകരിക്കുന്നു. എന്നാണോ എന്റെ പ്രതികാരം എനിക്ക് പൂർത്തിയാക്കുവാൻ സാധിക്കുന്നത് അന്ന് തന്നെ അവിടുന്നിന്റെ രണ്ടാമത്തെ ആവശ്യവും അടിയൻ സാധിച്ചു തന്നിരിക്കും.

ഈ കേളു ഇതാ എന്റെ മുന്നിൽ നിൽക്കുന്ന സൗന്ദര്യ യക്ഷിക്ക് മുന്നിൽ സത്യം ചെയ്യുന്നു അവിടുന്ന് പറഞ്ഞതും അവിടുത്തെ ആവശ്യങ്ങളും മറിച്ചൊന്നും ആലോചിക്കാതെ അടിയൻ ചെയ്തിരിക്കും ഇത് സത്യം ”

ആദ്യത്തെ നിർദ്ദേശം അവൻ സ്വീകരിക്കുന്നതിൽ മയൂരി ഒരു കാരണം മാത്രമായിരുന്നെങ്കിലിം രണ്ടാമത്തെ യക്ഷിയുടെ ആവശ്യം അവൻ സ്വീകരിച്ചതും സത്യം ചെയ്തതും പൂർണമായും യക്ഷിയുടെ വശ്യതയിൽ അവൻ മുഴുകിയതിനാൽ ആയിരുന്നു. പക്ഷെ അതിന്റെ പ്രതിഫലം എന്തായിരിക്കും എന്ന് ആ നിമിഷം അവൻ അറിഞ്ഞിരുന്നില്ല. തന്റെയുള്ളിൽ കുടികൊള്ളുന്ന ഗുരുവിന്റെ താക്കീത് പോലും ആ മായാ വലയത്തിൽ അകപ്പെട്ടിരുന്ന കേളു ശ്രവിച്ചതുപോലും ഇല്ലായിരുന്നു.

“നാളെ മുതൽ നിന്റെ ദിനങ്ങളാണ് കേളു. നാളെ രാവിലെ തന്നെ മയൂരിയുടെ പിതാവിനോട് നിന്റെ ആവശ്യം നീ അറിയിക്കുക. ഇപ്പോഴുള്ള ഈ വാർഥഖ്യ രൂപത്തിൽ നിന്നും നേരം പുലരുമ്പോഴേക്കും യുവതത്തിലേക്ക് നീ മാറി കഴിഞ്ഞിരിക്കും. ഒരു കാര്യം മാത്രം നീ എപ്പോഴും ആലോചിച്ചു കൊള്ളുക നീ ആരാണന്നുള്ള കാര്യം മയൂരിയല്ലാതെ മറ്റൊരാളും നിനക്ക് ഒരു കുഞ്ഞു ജനിക്കും വരെ അറിയാൻ പാടില്ല. എന്നാണോ നിന്റെ അവകാശി മയൂരിയിൽ ജന്മം എടുക്കുന്നത് അന്ന് മുതൽ ഈ ഗ്രാമത്തിലെ ജനങ്ങൾ നിന്റെ അടിമകളായിരിക്കും. നിനക്ക് മാത്രമല്ല നിന്റെ ഇനിയുള്ള പരമ്പരകൾക്കെല്ലാം.

ഇനി നീ എന്നെ ദർശിക്കുന്നത് നിന്റെ പ്രതികാരം പൂർണമായും അവസാനിച്ചതിനു മാത്രമാവും അന്ന് ആ ദിവസം വരെ നിനക്ക് തുണയായി ഞാൻ ഇവിടെ ഈ കാവിൽ തന്നെ കുടികൊള്ളും.

മംഗളം ഭവതു……”

അത്രയും പറഞ്ഞ ശേഷം യക്ഷി എവിടെ നിന്നോ വന്ന പുകപടലങ്ങളിൽ മാഞ്ഞു. കേളു ഇരുകൈകളും കൂപ്പി തന്നെ കാവിലുള്ള യക്ഷിയുടെ വിഗ്രഹത്തിന് മുന്നിൽ നിന്നു. ശേഷം തനിക്കായി ഒരുക്കിയിട്ടുള്ള വാസസ്ഥലത്തിനകത്തേക്ക് കയറി ഭക്ഷണവും കഴിച്ച ശേഷം ദീർഘമായ നിദ്രയിലേക്ക് വീണു.

“കേളു പ്രതികാരത്തിനായി ഇത്രയും നാൾ കാത്തുനിന്ന നിനക്ക് അതിലേക്ക് ഇനി അധികം ദൂരമില്ല എന്നത് അറിഞ്ഞുകൊള്ളുക. നിന്റെ തപോ ശക്തിയാൽ നീ യക്ഷിയെ പ്രത്യക്ഷ പെടുത്തിയതുവഴി ഒരു ശിഷ്യൻ ഗുരു ആവശ്യപ്പെട്ടത് കൂടി നീ നിറവേറ്റി തന്നിരിക്കുന്നു. ഇനി ചിലപ്പോൾ നിന്നിൽ നിന്നും എന്റെ ശബ്ദം നീ കേട്ടു എന്നിരിക്കില്ല പക്ഷെ എന്നും നിനക്ക് തുണയായി നിന്റെയുള്ളിൽ ഞാൻ ഉണ്ടാവും ”

ദിഗംബരന്റെ ശബ്ദമാണ് ഉറക്കത്തിൽ നിന്നും കേളുവിനെ ഉണർത്തിയത്. തന്റെ ഗുരു പറഞ്ഞതുപോലെ തനിക്ക് വീട്ടാനുള്ള പ്രതികാരത്തിന്റെ നാളുകൾക്ക് ഇനി അധികം താമസമില്ല എന്നയാൾ തിരിച്ചറിഞ്ഞു കഴിഞ്ഞിരുന്നു. മനസാൽ തന്റെ ഗുരുവിനെ ഒരിക്കൽ കൂടി വന്തിച്ചുകൊണ്ട് അയാൾ കിടക്കയിൽ നിന്നും എഴുന്നേറ്റു.

തന്റെ ശരീരത്തിൽ കാര്യമായ മാറ്റങ്ങൾ അനുഭവപ്പെട്ട കേളു പ്രഭാത കർമങ്ങൾ നിറവേറ്റുന്നതിനായി തന്റെ വാസസ്ഥലത്തിനടുത്തുള്ള ഒരു അരുവി ലക്ഷ്യമാക്കി നടന്നു. കണ്ണാടി ചില്ലുപോലെ തെളിഞ്ഞ ആ ജലത്തിൽ തന്റെ പ്രതിബിംഭം കണ്ട കേളുവിൽ അത്ഭുതവും ഒരു ചിരിയും നിറഞ്ഞു.

വർദ്ധഖ്യ രൂപത്തിൽ നിന്നും അയാൾ തികച്ചും ഒരു യുവാവായി മാറി കഴിഞ്ഞിരിക്കുന്നു. ജട നിറഞ്ഞ മുടിയിഴകൾക്ക് പകരം നീണ്ട കറുത്ത മുടിയിഴകളും ചുക്കി ചുളിഞ്ഞ ത്വക്കിന്റെ സ്ഥാനത് തികച്ചും മാറ്റം സംഭവുച്ചുകൊണ്ട് ഒരു യുവാവായി അയാൾ മാറി കഴിഞ്ഞിരിക്കുന്നു. ആരുകണ്ടാലും കൊതിക്കുന്ന ഒരു പുരുഷ സൗന്ദര്യം.

യക്ഷി തന്നോട് പറഞ്ഞതുപോലെ തന്നെ രാവിലെ തന്റെ പ്രഭാത കർമങ്ങളും പ്രാതലും കഴിച്ച ശേഷം അയാൾ മയൂരിയുടെ പിതാവിനെ കാണുന്നതിനായി ഇറങ്ങി. നീണ്ടു നിവർന്നു കിടക്കുന്ന വയലുകളിൽ കൂടി നടക്കുമ്പോൾ ഇതെല്ലാം തനിക്ക് അവകാശപ്പെട്ടതായിരുന്നല്ലോ എന്നും ഇന്ന് ഇതൊക്കെ അനുഭവിക്കുന്നവരെയൊക്കെ നരകിപ്പിക്കാൻ ഒരു ദിവസം ഇനി വിദൂരമല്ല എന്നും അയാൾ മനസ്സിൽ ഉറപ്പിച്ചിരുന്നു.

*******************************************

ഇതേ സമയം മൂപ്പന്റെ വീട്ടിൽ…..

“അച്ഛാ കാവിലെ പൂജകളൊക്കെ കഴിഞ്ഞു ഇനി ഒന്നും അങ്ങോട്ടേക്ക് കൊണ്ടുചെല്ലണ്ട എന്നാണ് ഇന്നലെ സ്വാമി പറഞ്ഞത് ”

മൂപ്പനോടായി മയൂരി പറഞ്ഞു.

മൂപ്പൻ : ആണോ… അപ്പോൾ ഇന്ന് നമുക്ക് എല്ലാവർക്കും കൂടി അങ്ങോട്ടേക്ക് ഒന്ന് പോവാം. നമ്മുടെ ദുരിതങ്ങൾ അകലുവാനായി കഠിന തപസ്സനുഷ്ടിച്ച സ്വാമിയേ കണ്ടു നന്ദി പറയേണ്ടത് ഈ ഗ്രാമവാസികൾ ഓരോരുത്തരുടെയും കടമയാണ്.

മയൂരി : അത് ശെരിയാണ് പക്ഷെ അത് അദ്ദേഹത്തിന് ഇഷ്ടമാണോ എന്നറിയില്ലല്ലോ?

മൂപ്പൻ : അതിപ്പോൾ നമ്മൾ ചെന്നാലല്ലേ അറിയാൻ കഴിയു. പിന്നെ അദ്ദേഹത്തെ ഒന്ന് ദർശിച്ചാൽ തന്നെ ഒരു ഊർജ്ജം ആണ്.

മയൂരി : അതെ അത് ശെരിയാണ്. എന്തെന്നറിയാത്ത ഒരു ചൈതന്യം എപ്പോഴും ആ മുഖത്ത് കാണുവാൻ കഴിയാറുണ്ട്.

മൂപ്പൻ : ശെരിയാണ് നമ്മുടെയെല്ലാം അവസ്ഥ മനസ്സിലാക്കി ദൈവം തന്നെയാണ് അദ്ദേഹത്തെ ഇങ്ങോട്ടേക്കു അയച്ചത് എന്നതിൽ സന്ദേഹമില്ല.

+4

0