👻 യക്ഷി 👻 – 3

“സ്വാമി അത്…..”

മുഴുവപ്പിക്കാൻ സാധിക്കാതെയുള്ള മൂപ്പന്റെ ചോദ്യത്തിൽ നിന്നു തന്നെ കാര്യം മനസ്സിലായ കേളു പറഞ്ഞു തുടങ്ങി.

“ഇതൊരിക്കലും എന്റെ ആവശ്യമല്ല എന്നോട് ദേവി അരുൾ ചെയ്ത കാര്യമാണ് ഞാൻ നിങ്ങളോട് പറഞ്ഞത്. പിന്നെ ആ യുവതിക്ക് പൂർണ സമ്മതമാണ് എങ്കിൽ മാത്രം ഈ വേളി നടക്കുകയുള്ളു ”

കേളു അത് പറയുമ്പോൾ തന്റെ മായാ വലയത്തിൽ അകപ്പെട്ടതുപോലെ കണ്ണെടുക്കാതെ തന്നെ നോക്കി നിൽക്കുന്ന അപ്സര കന്യകയായ മയൂരിയിൽ ആയിരുന്നു അവന്റെ ദൃഷ്ടി.

“അങ്ങ് പറയുന്നതെല്ലാം ഞങ്ങൾക്ക് സ്വീകര്യമാണ് ഇപ്പോൾ ഈ പറഞ്ഞ ആ പെൺകുട്ടി അടിയന്റെ പുത്രിയായ മയൂരി തന്നെയാണ്. അവൾക്ക് സമ്മതമെങ്കിൽ എനിക്ക് യാതൊരു എതിർപ്പും ഇല്ല സ്വാമി 🙏 ഈ കിഴവന് അതിൽ സന്ദോഷം മാത്രമേയുള്ളു ”

അത് പറഞ്ഞ ശേഷം അയാൾ മയൂരിയുടെ നേരെ തിരിഞ്ഞു.

“മോളെ സ്വാമി പറഞ്ഞ ആ പെൺകുട്ടി നീയാണ് നിനക്ക് സമ്മതമാണോ?”

കേളുവിൽ പൂർണമായും വശ്യപ്പെട്ടിരുന്ന മയൂരിക്ക് തന്റെ പിതാവിന്റെ ചോദ്യത്തിനുമറിച്ചൊന്നും ആലോചിക്കാൻ പോലും ഇല്ലായിരുന്നു.

“ഈ ഗ്രാമത്തിനും നമ്മുടെ ജനങ്ങൾക്കും വേണ്ടിയും സ്വാമിയുടെ പത്നിയാവുക ആണ് എന്റെ ജീവിത കർമമെങ്കിൽ എനിക്ക് അതിൽപരം വലിയ ഭാഗ്യം ഇനി വരുവാനില്ല പിതാവേ. എനിക്ക് സമ്മതമാണ് ”

ഇതായിരുന്നു അയാളുടെ ചോദ്യത്തിന് മയൂരിയുടെ മറുപടി.

“സ്വാമി എന്റെ മകൾക്ക് പൂർണ സമ്മതമാണ് അങ്ങ് തന്നെ പറഞ്ഞാലും ഏത് ദിവസമാണ് നിങ്ങൾ തമ്മിലുള്ള വിവാഹം നടത്തേണ്ടതെന്ന് ”

കൈകൾ കൂപ്പി തന്നെ പതിയിരിക്കുന്ന ചതി മനസിലാവാതെ അയാൾ കേളുവിനോടായി പറഞ്ഞു.

“ഇന്ന് ശനിയാഴ്ച ഇന്നേക്ക് അഞ്ചാം നാൾ വ്യാഴാഴ്ച എന്തുകൊണ്ടും നല്ല ദിവസം. അന്ന് തന്നെയായിക്കോട്ടെ ”

കേളുവിന്റെ ഓരോ വാക്കുകളും ദൈവത്തിൽ നിന്നും നേരിട്ട് ലഭിക്കുന്ന വചനങ്ങൾ പോലെയാണ് മൂപ്പൻ ചെവികൊണ്ടത്. അതെ ദിവസത്തേക്ക് തന്നെ ഇരുവർക്കും താമസിക്കാൻ മന വൃത്തിയാക്കിക്കോളൂ എന്ന് കൂടി പറഞ്ഞ ശേഷം കേളു അവിടെ നിന്നും തിരിഞ്ഞു നടക്കുവാൻ തുടങ്ങി.

ആരെയും വാശികരിക്കാൻ തക്കവണ്ണം സൗന്ദര്യവാൻ ആയ കേളുവിനെ ഭക്തിയോടും പ്രണയത്തോടും കൂടി അയാൾ പോവുന്നതും നോക്കി മയൂരി നിന്നു.

***************************************

സ്വാമിയിൽ നിന്നും അറിഞ്ഞ കാര്യങ്ങൾ മൂപ്പൻ നാട്ടിലുള്ള മറ്റു ജനങ്ങളെയും അറിയിച്ചു. തങ്ങളുടെ സുരക്ഷയ്ക്കായി ഇനിയുള്ള കാലം മുഴുവൻ സ്വാമി ഈ ഗ്രാമത്തിൽ വസിക്കുന്നതിലും മയൂരിയെ വിവാഹം ചെയ്യുന്നതിലും ആ ഗ്രാമത്തിലുള്ള ജനങ്ങൾക്കും പൂർണ സമ്മതമായിരുന്നു. അല്ല അവരെയെല്ലാം കൊണ്ട് യക്ഷി അവർ പോലും അറിയാതെ സമ്മതിപ്പിക്കുകയായിരുന്നു.

********************************************

അവിടെനിന്നും തിരിഞ്ഞു നടക്കുന്ന കേളുവിന്റെ മനസ്സ് മുഴുവനും തന്റെ പക മുഴുവനായും വീട്ടുവാനുള്ള ദിവസത്തിനായുള്ള കാത്തിരിപ്പിനോടൊപ്പം തന്നെ ആരെയും മയക്കുവാൻ സാധിക്കുന്നത്ര സൗന്ദര്യവതിയായ മയൂരിയും കയറി കൂടിയിരുന്നു.

“കേളു നിന്നോട് ഞാൻ പറഞ്ഞത് ഓർത്തുകൊള്ളുക മയൂരി എന്നും നിനക്ക് പ്രിയപ്പെട്ടവൾ ആയിരിക്കണം ഒരു നോട്ടം കൊണ്ടുപോലും അവളെ നീ വേദനിപ്പിക്കാൻ പാടുള്ളതല്ല. എന്നും എപ്പോഴും അവളെ സ്നേഹിക്കുന്ന ഒരു ഭർത്താവായിരിക്കണം നീ. നിന്നെ കുറിച്ചുള്ള എല്ലാ കാര്യങ്ങളും അവളെ നീ അറിയിച്ചിരിക്കണം. ഒരു കാലത്തുമവൾ നിന്നെ എതിർക്കുവാൻ വരുന്നതുമല്ല കാരണം അവളിലെ പ്രണയം ഇന്ന് നീയാണ് നീ മാത്രം ”

നടക്കുന്നതിനൊപ്പം കേലുവിനോട് ഒരു അശരീരി പോലെ യക്ഷി പറഞ്ഞു. യക്ഷിയുടെ വാക്കുകൾ മനസ്സാൽ സ്വീകരിച്ചുകൊണ്ട് തന്നെ അവൻ നടന്നു. അവരുടെ വിവാഹ ദിവസം സ്വപ്നം കാണുവാൻ അപ്പോഴേക്കും കേളുവും മയൂരിയും ആരംഭിച്ചു കഴിഞ്ഞിരുന്നു.

നീറുന്ന പകയിലും കേളുവിൽ അവളോടുള്ള പ്രണയം അലതല്ലുവാൻ തുടങ്ങിയിരുന്നു. അവളിലും ഈ ലോകത്ത് മറ്റാരേക്കാളും വലുതായി കേളുവും ഇടം പിടിച്ചു.

*******************************************

ദിവസങ്ങൾ കടന്നു പോയി കൊണ്ടിരുന്നു അവരുടെ വിവാഹ ദിവസം വന്നെത്തി. ഒരു ഉത്സവ പ്രതീതിയോട് കൂടി വാദ്യ മെളെങ്ങളുടെയും ആ നാട്ടിലെ എല്ലാ ജനങ്ങളെയും സാക്ഷിയാക്കി കേളു മയൂരിയുടെ കഴുത്തിൽ താലി ചാർത്തി.

ഇരുവർക്കും താമസിക്കുന്നതിനായി കേളു പറഞ്ഞത് പ്രകാരം മനയിൽ ആ ഗ്രാമത്തിലുള്ളവർ എല്ലാം സഹീകരണങ്ങളും ഒരുക്കിയിരുന്നു. അവർക്കായി ഒരുക്കിയ മണിയറയിലേക്ക് കടന്നു വരുന്ന മയൂരിയെ അവൻ പ്രണയപൂർവ്വം തന്നെ നോക്കി നിന്നു.

കസവു വസ്ത്രം ധരിച്ചു തന്റെ പാതിയായി മാറാൻ കാത്തു നിൽക്കുന്ന മയൂരിയുടെ സൗന്ദര്യത്തിൽ അവൻ എല്ലാം മറന്ന് നോക്കി നിന്നു.

“കേളു നിനക്ക് നഷ്ടപെട്ട നിന്റെ തറവാട് വിവാഹത്തോട് കൂടെ നിന്റെ കരങ്ങളിൽ എത്തി കഴിഞ്ഞിരിക്കുന്നു. കഴിവതും ഇന്ന് തന്നെ നീ ആരാണ് എന്ന് അവളെ അറിയിക്കുക. ഓർക്കുക ഒരിക്കലും അവൾ നിന്നെ വെറുക്കുകയില്ല അവൾ നിനക്കായി വിധിക്കപ്പെട്ടവൾ ആണ്. നിങ്ങൾ രണ്ടാളും പരസ്പരം മനസ്സിലാക്കിയതിനു ശേഷം നിങ്ങൾക്ക് ഒരു ആൺകു

“പിന്നീട് എന്താണ് സംഭവിച്ചത് മുത്തശ്ശി? ”

കേളുവിന്റെ കഥകൾ കേട്ടുകൊണ്ടിരുന്ന രോഹിത് തന്റെ ആകാംഷ മറച്ചുവെയ്ക്കാതെ തന്നെ മുത്തശ്ശിയോട് ചോദിച്ചു.

” പിന്നീട് അങ്ങോട്ട് മുത്തശ്ശന്റെ കാലം ആയിരുന്നു മക്കളെ നഷ്ടപ്പെട്ടതെല്ലാം മുത്തശ്ശൻ നേടിയെടുത്ത കാലം. ആരാണോ തന്നെ കല്ലെറിഞ്ഞു ഓടിച്ചത് അവരോടൊക്കെയുള്ള അടങ്ങാത്ത പക വീട്ടിയ കാലം ”

അത് പറയുമ്പോൾ മുത്തശ്ശിയിൽ ഒരു ഭയം നിഴലിക്കുന്നത് അവൻ കണ്ടിരുന്നു. എന്നിരുന്നാലും അത് കണ്ടതായി ഭവിക്കാതെ അവൻ മുത്തശ്ശിയോട് വീണ്ടും പറഞ്ഞു.

” പിന്നീടെന്താണ് സംഭവിച്ചതെന്ന് ഒന്ന് വിശദമായി പറഞ്ഞു താ മുത്തശ്ശി ”

. അവൻ ബാക്കി കഥകൾ കൂടി കേൾക്കുവാനുള്ള ആകാംഷയോടു കൂടെ തന്നെ മുത്തശ്ശിയോട് പറഞ്ഞു.

” പറയാം കുഞ്ഞേ ”

അത് പറഞ്ഞുകൊണ്ട് മുത്തശ്ശി വീണ്ടും കഥ പറയുവാൻ തുടങ്ങി.

⏩⏩⏩⏩⏩⏩⏩⏩⏭️FLASHBACK

തനിക്ക് മുന്നിൽ നിൽക്കുന്ന സൗന്ദര്യ യക്ഷിയുടെ അങ്കലാവാണ്യത്തിൽ പൂർണമായും വശ്യപ്പെട്ട് കഴിഞ്ഞിരുന്നു കേളു അപ്പോഴേക്കും. പക്ഷെ അപ്പോഴും അവന്റെയുള്ളിൽ പ്രധാന ലക്ഷ്യമായി ഒന്നേ ഉണ്ടായിരുന്നുള്ളു അടങ്ങാത്ത പക. അത് പതിന്മടങ്ങായി തന്നെ തന്റെ പ്രതികാരം നിറവേറ്റുക.

+4

0