👻 യക്ഷി 👻 – 3

” കേളു നിന്റെ കഠിനമായ വൃതം എന്നെ തൃപ്തി പെടുത്തിയിരിക്കുന്നു. പറഞ്ഞാലും നിനക്ക് എന്താണ് ഞാൻ സാധിച്ചു തരേണ്ടത്? ”

തനിക്ക് മുന്നിൽ കൈകൾ കൂപ്പി ഇരിക്കുന്ന കേളുവിനോടായി യക്ഷി ചോദിച്ചു.

” എല്ലാം അവിടുന്നിനു അറിയാമായിരിക്കുമല്ലോ? എനിക്ക് നഷ്ടപ്പെട്ടതെല്ലാം എനിക്ക് തിരികെ ലഭിക്കണം. എന്നോട് ഈ ഗ്രാമത്തിലെ നിവാസികൾ ചെയ്തതിനൊക്കെയും എനിക്ക് പകരം ചോദിക്കണം ”

തന്നോട് യക്ഷി ചോദിച്ചതിന് മറുപടിയെന്നോണം കേളു പറഞ്ഞു.

” ഈ സൗന്ദര്യ യക്ഷി നിനക്കിത വരം നൽകുന്നു നീ ആഗ്രഹിക്കുന്നതെല്ലാം നിന്റെ കാൽകീഴിൽ വന്നു ചേരും നിന്റെ പകയുടെ കാഡിന്യം ഈ ഗ്രാമ വാസികൾ ഒന്നടങ്കം നിന്റെ ഇഷ്ടപ്രകാരം അത് ഏത് വിധത്തിലായാലും അനുഭവിച്ചിരിക്കും.

പക്ഷെ അതിനൊക്കെ മുൻപ് നീ രണ്ടു കാര്യങ്ങൾ ചെയ്യേണ്ടതുണ്ട് അത് ചെയ്താൽ മാത്രമേ നീ ആഗ്രഹിച്ചതൊക്കെയും നിനക്ക് ലഭിക്കുകയുള്ളു. ”

ആവശ്യം അറിയിച്ച കേളുവിനുള്ള യക്ഷിയുടെ മറുപടി ഇപ്രകാരമായിരുന്നു.

യക്ഷി പറഞ്ഞതിന് മറുപടിയായി കേളു വീണ്ടും പറഞ്ഞു…..

” എന്താണ് ഞാൻ ചെയ്യേണ്ടത് അരുൾ ചെയ്താലും ദേവി. ഞാൻ ആഗ്രഹിച്ചതൊക്കെ നടക്കുന്നതിനു എന്ത് ചെയ്യുവാനും ഞാൻ തയ്യാറാണ് എത്ര കഠിനമായ വൃതവും തപസ്സും അനുഷ്ഠിക്കുന്നതിനും എന്തിനും ഞാൻ തയ്യാർ. അരുൾ ചെയ്താലും 🙏”

തന്റെ ആവശ്യം അത്രക്ക് വലുതായതുകൊണ്ട് തന്നെ യക്ഷി പറയുന്ന ഏതൊരു കാര്യവും അവന് സ്വീകാര്യമായിരുന്നു.

” കേളു കഠിന വൃതവും തപസ്സുമെല്ലാം ഇതിനോടകം തന്നെ നീ അനുഷ്ഠിച്ചു കഴിഞ്ഞിരിക്കുന്നു ഇനി നീ ചെയ്യേണ്ടത് ജീവിതം ആണ്. നിനക്കൊരു ആനന്ദരാവകാശി ഉണ്ടാവുക എന്ന ഒരു കാര്യമായിരിക്കണം നീ ആദ്യം ചെയ്യേണ്ടത്.

അതിനായി നീ ഈ ഗ്രാമത്തിൽ തന്നെയുള്ള രതിസുഖം പേരിനു പോലും അറിഞ്ഞിട്ടില്ലാത്ത കന്യകയായ ഒരു പെൺകുട്ടിയെ വേളി കഴിക്കേണ്ടതുണ്ട് അതാണ് നിന്റെ ആവശ്യം നിറവേറാനുള്ള പ്രഥമ കർമം. ”

കേളുവിനോടായി യക്ഷി അത് പറയുമ്പോൾ അങ്ങനെ ഒരു പെൺകുട്ടി ആരായിരിക്കും എന്നത് മാത്രമായിരുന്നു കേളുവിന്റെ ചിന്ത.

അതും മറച്ചുവെക്കാതെ തന്നെ അവൻ യക്ഷിയോടായി ചോദിച്ചു.

” അങ്ങ് അരുളുചെയ്തതുപോലെ ഒരു പെണ്ണ് അതാരാണ് എന്ന് കൂടി അടിയന് കാട്ടി തന്നാലും. ഒപ്പം ഞാൻ ചെയ്യേണ്ട രണ്ടാമത്തെ കാര്യം കൂടി അരുളിയാലും ”

അതിനു യക്ഷി….

” നിന്റെ കണ്മുന്നിൽ തന്നെയുണ്ട് കേളു അവൾ. നിനക്ക് ഈ പൂജ ചെയ്യുന്നതിനാവശ്യമായ എല്ലാ സാധനങ്ങളും ഒരുക്കി നൽകിയ ആ യുവതിയാണ് നിനക്ക് ഉത്തമയായ സ്ത്രീ. ചെറുപ്പത്തിലേ അനാഥയായ അവളെ ഈ ഗ്രാമത്തിലെ തലവൻ എടുത്തു വളർത്തിയതാണ് നിന്റെ അതെ കുളത്തിൽ ജനിച്ച അവൾ ജന്മം കൊണ്ട് ഈ നാട്ടുകാരി അല്ല എങ്കിലും വളർന്നത് ഈ ഗ്രാമത്തിലെ പെണ്ണായിട്ടാണ് അവൾ തന്നെയാണ് നിനക്ക് ഉത്തമയായ പെണ്ണ്.

പിന്നെ നീ ഏറ്റവും കൂടുതൽ ശ്രദ്ധിക്കേണ്ട കാര്യം അത് ഗ്രാമത്തിലുള്ള മാറ്റാരോട് വേണമെങ്കിലും നിനക്ക് എന്തും ചെയ്യുവാനും പ്രവർത്തിക്കാനും എങ്ങനെ വേണമെങ്കിലും അവരെയെല്ലാം ദ്രോഹിക്കാനും ഞാൻ വരം നൽകി കഴിഞ്ഞു. പക്ഷെ ആ പെൺകുട്ടിയെ മാത്രം നീ യാതൊരു വിധത്തിലും ദുഖിതയാക്കുവാൻ പാടുള്ളതല്ല. അവൾക്ക് എന്നും ഉത്തമനായ സ്നേഹനിധിയായ ഒരു ഭർത്താവ് തന്നെയായിരിക്കണം നീ. എന്നാണോ നീ കാരണം അവൾ ദുഖിക്കേണ്ട അവസ്ഥ ഉണ്ടാവുന്നത് അന്നത്തോട് കൂടെ നിനക്ക് എന്നിൽ നിന്നും ലഭിച്ച ഈ വരവും നഷ്ടമാവുന്നതാണ്. കാരണം അവൾ എനിക്ക് ഏറെ പ്രിയപ്പെട്ടവളായി മാറി കഴിഞ്ഞു. ”

യക്ഷിയുടെ വാക്കുകൾ വേദ വചനങ്ങൾ പോലെ അവൻ സ്വീകരിച്ചു. ആദ്യ കാഴ്ച്ചയിൽ തന്നെ അതി സൗന്ദര്യത്തിൽ മുങ്ങി നിൽക്കുന്ന ശിൽപ്പം കണക്കെ തോന്നിക്കുന്ന മയൂരിയിൽ അവന് കണ്ണുണ്ടായിരുന്നെങ്കിലും അവളെ തന്നെ തന്റെ പാതിയായി സ്വീകരിക്കാൻ കഴിയുമെന്ന് അവൻ ചിന്തിച്ചിരുന്നില്ല. തന്നോട് യക്ഷി അരുൾ ചെയ്ത കാര്യങ്ങൾക്ക് മറുപടിയെന്നവണ്ണം കേളു പറഞ്ഞു തുടങ്ങി.

” എല്ലാം ദേവി പറയുന്നതുപോലെ അടിയൻ പ്രവർത്തിച്ചുകൊള്ളാം. അങ്ങ് പറഞ്ഞ രണ്ടാമത്തെ നിബന്ധന കൂടി അരുൾ ചെയ്താലും ദേവി 🙏”

യക്ഷി പറഞ്ഞ രണ്ടാമത്തെ നിബന്ധന കൂടി അറിയുവാനുള്ള ആകാംഷയോടു കൂടെ അവൻ ചോദിച്ചു.

അവന്റെ ചോദ്യത്തിന് മറുപടിയായി യക്ഷി പറഞ്ഞു തുടങ്ങി.

” കേളു ഞാൻ പറഞ്ഞ ഈ കാര്യങ്ങൾക്ക് പുറമെ നീ എനിക്കൊരു സത്യം കൂടി ചെയ്തു തരേണ്ടിയിരിക്കുന്നു. നിന്റെ ആവശ്യങ്ങളെല്ലാം സാധിച്ചതിനു ശേഷം നീ യുഗങ്ങളായി കാമ പരവശയായി ഈ കാവിൽ കുടികൊള്ളുന്ന എന്നെ നീ പ്രാപിക്കുക നീ എന്നെ തൃപ്തി പെടുത്തണം അത് എനിക്ക് നീ സത്യം ചെയ്തു തരണം. എന്റെ ഈ രണ്ടു നിബന്ധനകൾ സ്വീകരിക്കുവാൻ നീ തയ്യാറാണെങ്കിൽ നീ ആഗ്രഹിക്കുന്നതെന്തും നിന്റെ കാൽകീഴിൽ ഉണ്ടാവും ”

യക്ഷിയുടെ വാക്കുകൾ സൂക്ഷ്മതയോടെ കേട്ടുനിന്ന കേളുവിൽ ഒരു ഞെട്ടലുണ്ടായി.

അതൊരിക്കലും ഭയത്താലോ അല്ലങ്കിൽ താൻ കേട്ട കാര്യങ്ങളോടുള്ള അതൃപ്തി കൊണ്ടോ ആയിരുന്നില്ല. താൻ മനസ്സിൽ ആഗ്രഹിച്ച കാര്യങ്ങൾ തന്നെയായിരുന്നു യക്ഷിയിൽ നിന്നും അവൻ കേട്ടത്. അതിപ്പോൾ മയൂരിയുടേതായാലും ആദ്യ കാഴ്ച്ചയിൽ തന്നെ തന്നെ മോഹിപ്പിച്ച അതി സൗന്ദര്യവധിയായ യക്ഷിയുടെ കാര്യത്തിലായാലും ശെരി. അതൊക്കെ കൊണ്ടുതന്നെയാവണം മറിച്ചൊന്നും ആലോചിക്കുക പോലും ചെയ്യാതെ കേളു യക്ഷിയുടെ നിബന്ധനകൾക്ക് മറുപടി നൽകിയത്.

” സമ്മതമാണ്. അവിടുന്ന് അരുളുചെയ്തതും ആവശ്യപ്പെട്ടതുമായ രണ്ടു കാര്യങ്ങളും അടിയൻ സ്വീകരിക്കുന്നു. എന്നാണോ എന്റെ പ്രതികാരം എനിക്ക് പൂർത്തിയാക്കുവാൻ സാധിക്കുന്നത് അന്ന് തന്നെ അവിടുന്നിന്റെ രണ്ടാമത്തെ ആവശ്യവും അടിയൻ സാധിച്ചു തന്നിരിക്കും.

ഈ കേളു ഇതാ എന്റെ മുന്നിൽ നിൽക്കുന്ന സൗന്ദര്യ യക്ഷിക്ക് മുന്നിൽ സത്യം ചെയ്യുന്നു അവിടുന്ന് പറഞ്ഞതും അവിടുത്തെ ആവശ്യങ്ങളും മറിച്ചൊന്നും ആലോചിക്കാതെ അടിയൻ ചെയ്തിരിക്കും ഇത് സത്യം ”

ആദ്യത്തെ നിർദ്ദേശം അവൻ സ്വീകരിക്കുന്നതിൽ മയൂരി ഒരു കാരണം മാത്രമായിരുന്നെങ്കിലിം രണ്ടാമത്തെ യക്ഷിയുടെ ആവശ്യം അവൻ സ്വീകരിച്ചതും സത്യം ചെയ്തതും പൂർണമായും യക്ഷിയുടെ വശ്യതയിൽ അവൻ മുഴുകിയതിനാൽ ആയിരുന്നു. പക്ഷെ അതിന്റെ പ്രതിഫലം എന്തായിരിക്കും എന്ന് ആ നിമിഷം അവൻ അറിഞ്ഞിരുന്നില്ല. തന്റെയുള്ളിൽ കുടികൊള്ളുന്ന ഗുരുവിന്റെ താക്കീത് പോലും ആ മായാ വലയത്തിൽ അകപ്പെട്ടിരുന്ന കേളു ശ്രവിച്ചതുപോലും ഇല്ലായിരുന്നു.

+4

0