💓 ആരതി കല്യാണം 💓 – 7 77അടിപൊളി  

 

 

 

“” ഇതെന്തൊരു പോക്കാ ആരു ചേച്ചി…? ദേ നോക്ക്, ഞങ്ങളെല്ലാവരും നിന്റെ മോഡലിംഗിന്റെ രഹസ്യം അറിയാൻ വേണ്ടി കാത്ത് നിക്കുമ്പോ നീയിങ്ങനെ വയറ്റീന്ന് പോണപോലെ പോയ എങ്ങനെ ശെരിയാവും…?”” ഒരു ആരാധകൻ എന്നപോലെ അവളുടെ മുന്നിൽ ചെന്ന് നിന്ന എന്റെ ചോദ്യം കേട്ട് അവളുടെ മുഖമൊന്ന് ചുളിഞ്ഞു…! ശേഷം കൈയിൽ ചുരുട്ടിപിടിച്ചിരുന്ന വാഴയിലയിൽ പൊതിഞ്ഞ ചന്തനകുറി എന്റെ നേർക്ക് എറിഞ്ഞ് എന്നെ പല്ലുകടിച്ചു നോക്കി…! അപ്പൊ രാവിലെ അമ്പലത്തിലൊക്കെ പോയിട്ടുള്ള വരവാണ്…! ഞാൻ നിലത്ത് വീണ ആ വാഴയിലയിൽ പൊതിഞ്ഞ ചന്ദനം കയ്യിലെടുത്തു…! എന്നിട്ട് അതൊരു മൈക്‌പോലെ പിടിച്ചു,

 

 

 

“”ഈ മോഡലിംഗ് നിന്റെ രക്തത്തിൽ ഒള്ളതാണോ ആരു ചേച്ചി…? അതോ കൊല്ലങ്ങളായിട്ടുള്ള പരിശീലനത്തിനോടുവിൽ കൈവരിച്ചതോ…!? “” ആരാധകനിൽ നിന്നും ഒരു അവതാരകനായി മാറിയ എന്റെ വായിൽ നിന്നും അവരാതം മാത്രം വരുന്നത് കണ്ട ആദർശ് പെട്ടന്ന് ഞങ്ങളുടെ ഇടയിലേക്ക് കേറി നിന്നു, നീയെവടന്ന് വന്നു മരഭൂതമേ…!? അതിന് പിന്നാലെ ഹരിയും വിച്ചൂവും കൂടി വന്ന് എന്നെ പിന്നിലേക്ക് വലിക്കാൻ തുടങ്ങി…!

 

 

 

“” അഭി നിർത്ത്…! “” ന്നും പറഞ്ഞ് ആദർശ് ആരതിക്ക് നേരെ തിരിഞ്ഞു…!

 

 

 

“” സോറി ആരതി, അവന് വേണ്ടി ഞാൻ തന്നോട് ക്ഷമചോതിക്കുന്നു…! ഇനി തനിക്ക് അവന്റെയൊ ഞങ്ങള്ടെയോ ഭാഗത്ത് നിന്ന് ഒരു ശല്യവും ഉണ്ടാവാതെ ഞാൻ നോക്കിക്കോളാം…! “” അഭമാന ഭാരത്തിൽ തല താഴ്ത്തി കരഞ്ഞിരുന്ന ആരതിടെ തോളിൽ കൈവച്ചു അവനത് പറഞ്ഞപ്പോ ഞാൻ യദുവിനെ ഒന്ന് നോക്കി…! അവനെ കണ്ടാലറിയാം ആദർശിന്റെ കാട്ടികൂട്ടൽ എന്നെപോലെതന്നെ അവനും ഇഷ്ടപ്പെട്ടിട്ടിലാന്നുള്ളത്…! ഒരു ഗ്യാപ് കിട്ടിയപ്പോ ഗോളടിക്കാൻ നോക്കാണല്ലേ മൈരേ നീ…! ഇതിപ്പോ ഞാനും യദുവും വില്ലനായ പോലെണ്ടല്ലോ…! ആ വില്ലെനെങ്കി വില്ലെൻ…! ഹരിയും അജയുംകൂടി കൂടി നിന്നവരെയെല്ലാം ഓടിച്ചുവിട്ട് അവസാനം എന്നേം അവടന്ന് പിടിച്ച് വലിച്ച് കൊണ്ടുപോവാൻ നോക്കിയതും ഞാൻ ഇപ്പൊ വരാന്നും പറഞ്ഞ് വീണ്ടും ആരതിടെ അടുത്തേക്ക് നടന്നു…!

 

 

 

“” മോളെ ആരതി…! ഇത്രേം ചെറിയ പണിക്ക് നീയിങ്ങനെ മോങ്ങിയ എങ്ങനെ ശെരിയാവും…! ഇനിയും എന്തോരം പണിവരാനുള്ളതാ…! “” കരഞ്ഞു കലങ്ങിയ അവളുടെ കണ്ണിൽ നോക്കി ഞാൻ ഒരു സ്വകാര്യം പോലെ പറഞ്ഞ് അവടെ നിന്നും തിരിച്ചു നടന്നു…!

 

 

 

“” എന്തോ ഒന്ന് മറന്നല്ലോ…! “” ഞാൻ കൈയിലുണ്ടായിരുന്ന ചന്ദന കുറിയിൽ നിന്ന് കുറച്ച് വിരലുകൊണ്ട് തൊണ്ടിയെടുത്ത് അവളുടെ നെറ്റിയിൽ ഉണ്ടായിരുന്ന പരന്ന കുറി മായ്ച്ചതിന് ശേഷം അത് ചാർത്തി…!

 

 

 

“” ഹാപ്പി ബിർത്തഡേ…! “” അവള്ടെ മുഖത്ത് നോക്കിയൊന്ന് ഇളിച്ച് ഞാൻ തുടർന്നു,

 

 

 

“” നീയന്നേനെ കൊറേ ഊഞ്ഞാലാട്ടീതല്ലെടി…! അതിന്റെയൊരു സുഖം നീയുംകൂടി ഒന്ന് അറിയ്…! ഇനി നിനക്ക് ഈ കൊല്ലം വെച്ചടി വെച്ചടി കേറ്റായിരിക്കും…! “”

 

 

 

അതെ…! ഇന്നവൾടെ പിറന്നാളാണ്…! അന്നവളെ വീട്ടിലാക്കി തിരിച്ച് വന്നപ്പോ അമ്മ ചേച്ചിയോട് പറയുന്നത് ഞാൻ കേട്ടിരുന്നു…! അതുകൊണ്ട് തന്നെയാണ് അവൾക്കിന്ന് ഈ പണികൊടുക്കണം എന്ന് ഞാൻ വാശിപിടിച്ചത്…! ഈ പിറന്നാൾ ദിനം അവളൊരിക്കലും മറക്കരുത്…! എന്റെ ആ പ്രവർത്തി അവള്ടെ കരച്ചിലിന്റെ ആഴം കൂട്ടിയതല്ലാതെ കുറച്ചില്ല…!

 

 

 

“” പിന്നെ വേറൊരു കാര്യം കൂടി…! ഇതിന് പ്രതികാരം വീട്ടാൻ നിന്റെ ആ രണ്ട് കാമുകന്മാരെങ്ങാനും എന്റടുത്തു വന്ന…! “” ബാക്കി വന്ന ചന്തനം പൊതിഞ്ഞ ഇല ബലമായി അവള്ടെ കൈയിലേക്ക് വച്ച് ഒരു ഭീഷണിപ്പോലെ ഞാനവളോട് പറഞ്ഞതും അവൾ പല്ലുകടിച്ചെന്നെ നോക്കി…!

 

 

 

അവിടന്ന് നടന്ന് പുറത്തിറങ്ങുന്നതിനിടക്ക് സന്ദീപും ആൽബിയും കൂടി ഓടിപിടിച്ച് ക്ലാസ്സിലേക്ക് വന്നു…! എന്നെ തുറിച്ചുനോക്കിയ അവരെ ഒന്ന് പുച്ഛിച്ച് ഞാൻ നേരെ എന്റെ ക്ലാസ്സിലേക്ക് വിട്ടു…!