💓 ആരതി കല്യാണം 💓 – 7 77അടിപൊളി  

“” തനിക്കൊക്കെ എന്തും കാണിക്കാനുള്ള സ്ഥലമാണോടോ ഇത്…? ഏഹ്…! എന്റെ കാരിയറിൽ ഇത്രേം അലമ്പ് ബാച്ച് ഇതുവരെ ഉണ്ടായിട്ടില്ല…! “” ഔ ഫ്രഷ് ഫ്രഷ് ഫ്രഷ്…! ഞങ്ങളെ നോക്കി പ്രിൻസിപ്പൽ അത് പറഞ്ഞപ്പോ എനിക്കങ്ങനെയാണ് മനസ്സിൽ തോന്നിയത്…! ഇയാളിത് എത്രാമത്തെ പ്രാവിശ്യാണാവോ ഈ ഡയലോഗ് തന്നെ പറയണേ…!

 

 

 

“” താനാ ആര്യ ടെ ബ്രദർ അല്ലെ…? “” പ്രിൻസിപ്പളിന്റെ കൊണയൊന്ന് നിന്നതും കൂട്ടത്തിലെ സുന്ദരിയായൊരു മിസ്സ്‌ ചുണ്ടത്തു വിരൽ വച്ച് തന്റെ സംശയം ചോദിച്ചതിന് ഞാൻ അതെന്ന് തലയാട്ടി…! എന്റെ ചേച്ചിയും ഇവിടെ തന്നെയാണ് പഠിച്ചത്…!

 

 

 

“” ആര്യ എന്ത് നല്ലൊരു സ്റ്റുഡന്റായിരുന്നു…! താൻ എന്താ ഇങ്ങനെ ആയെ…? Don’t you feel ashamed…? “”ന്ന് എന്നെ നോക്കി ആ സ്ത്രീ കേറുവോടെ പറഞ്ഞു…! നേരത്തെ സുന്ദരിയായ ടീച്ചർന്ന് ഞാൻ വെറുതെ പറഞ്ഞതാ, ആ മൈരത്തിനെ കാണാൻ അത്രക്ക് ഭംഗിയൊന്നൂല്യ…!

 

 

“” അതല്ലെങ്കിലും അങ്ങനെയാ ശാരി മിസ്സേ, എല്ലാ കുടുംബത്തിലും കാണോലോ പറയിക്കാനായിട്ടൊരു സന്താനം…! “” ഒരു വയ്യസ്സായ പെണ്ണുംപിള്ള കൊറേ പുച്ഛവും വാരിവിതറി മറ്റവളെ താങ്ങിക്കൊണ്ട് പറഞ്ഞതും എനിക്കങ്ങ് കേറി…!

 

 

 

“” ദേ സാറെ, വല്ല സസ്‌പെൻഷനോ ഡിസ്മിസ്സലോ തരാനാണ് വിളിച്ചതെങ്കി അത് നോക്കാം…! അല്ലാതെ ഈ പെണ്ണുമ്പിള്ളേടെ ചൊറി വർത്തമാനം കേൾപ്പിക്കാനാണെങ്കി അതൊന്ന് റെക്കോർടെയ്ത് അയച്ചു തന്ന മതി, ഞാൻ സൗകര്യംപോലെ കേട്ടോളാം…! “” ഉള്ളിലെ ദേഷ്യം ഞാൻ പരമാവധി ഒതുക്കി പ്രിൻസിയോട് പറഞ്ഞതും ആ തള്ളയെന്നെ ഒന്ന് കടുപ്പിച്ചു നോക്കി…!

 

 

പിന്നെ കൊറേ നേരത്തിനു അവിടെ നടന്ന സംഭവങ്ങളും അതിനുള്ള കാരണവുമൊക്കെ പ്രിൻസിപ്പൽ ചോദിച്ചറിഞ്ഞു…!

 

 

 

“” ഞങ്ങടെ ക്ലാസ്സിലെ പെൺകുട്ട്യോളെ ശല്ല്യം ചെയ്യലാണ് സാറേ ഇവന്റെ മെയിൻ പണി…! ഇന്ന് ഞങ്ങടെ ക്ലാസ്സിലെ ആരതിയോട് ഇവനെന്തോ വൃത്തികേട് പറഞ്ഞു, അത് ചോയ്ക്കാൻ ചെന്നപ്പഴാ ഇവന്മാര് ഞങ്ങളെ തല്ലിയെ…! “” എന്ന പച്ച കള്ളം സന്ദീപ് അവടെ നിരത്തിയതും ഞാൻ അവന്മാരെയൊന്ന് നോക്കി…! അവരടെ മുഖത്തും എന്റെയതെ ഞെട്ടലാണ്…! യദുവാണെങ്കി സന്ദീപിനെ കലിപ്പിച്ച് നോക്കുന്നുണ്ട്…!

 

 

 

“” ഇല്ല്യാത്തത് പറഞ്ഞ കണ്ണടിച്ച് ഞാൻ പൊളിക്കും പുന്നാര മോനെ…! “” കലികയറിയ ഞാൻ സന്ദീപിന് നേരെ പാഞ്ഞു ചെന്നെങ്കിലും അതിന് മുമ്പായി ഹരിയും വിച്ചൂവും കൂടി എന്നെ പിടിച്ചു വച്ചു…!

 

 

“” സൈലെൻസ്…! നിങ്ങളവേടെയാണ് നിക്കുന്നതെന്ന ബോധം വേണം…! Understand…! “” പ്രിൻസിപ്പൽ തന്റെ മുന്നിലെ ടേബിളിൽ അടിച്ച് പറഞ്ഞതും ഞങ്ങളൊന്ന് അടങ്ങി…! ശേഷം,

 

 

“” എന്തായാലും ആ കുട്ടിയോട് വരാൻ പറ…! “” ന്നും പറഞ്ഞു പ്രിൻസിപ്പൽ അവളെ വിളിക്കാനായി ഒരാളെ പറഞ്ഞുവിട്ടു…! ഏകദേശം ഒരു അഞ്ചു മിനിറ്റിന് ശേഷം ആരതിയും കൂടെ വേറൊരു പെണ്ണുംകൂടി അകത്തേക്ക് കേറി വന്നു…! കൊറേ കരഞ്ഞതിന് അടയാളമേന്നോണം അവളുടെ കവിളിൽ കണ്ണീരിന്റെ പാടുണ്ട്, പോരാത്തേന് കലങ്ങിയ കണ്ണും അടഞ്ഞ മൂക്കും കൂടിയായപ്പോ ഉഷാറായി…! തല താഴ്ത്തിയാണവൾടെ നിൽപ്…!

 

 

 

“” സന്ദീപ് പറയുന്നു ഇയാള് തന്നോട് എന്തോ വൃത്തികേട് പറഞ്ഞൂന്നൊക്കെ…! ശെരിയാണോ…!? “” എന്നെ ചൂണ്ടി ആരതിയോടായി പ്രിൻസിപ്പാലത് ചോദിച്ചതും ആരതിയെന്നെ തല ഉയർത്തി കടുപ്പിച്ചോന്ന് നോക്കി…! അതിന് മറുപടിയെന്നോണം ഞാൻ തിരിച്ചവളെ നോക്കി പല്ലുകടിച്ചു…! ഇല്ലാന്ന് പറയെടി നായിന്റെ മോളെ…!

 

 

 

“” മ്മ്…! “” ഒരു പൊട്ടികരച്ചിലോടെ ആരതി മൂളിയതും ഞാനടക്കം എന്റെകൂടെയുള്ളവരെല്ലാമോന്ന് ഞെട്ടി…! അവളെ സമാധാനിപ്പിക്കാനെന്നോണം രണ്ടുമൂന്നു ടീച്ചർമാർ അവളുടെ അടുത്തേക്ക് ചെന്നു…! പീഡനകേസിൽ അകത്തിട്ട പ്രതിയെപ്പോലെ ഞാനെല്ലവരടേം മുമ്പിൽ നിന്ന് വിയർത്തു…! മുമ്പ് ടീവിയിലും പേപ്പറിലും മാത്രം വായിച്ചറിഞ്ഞുട്ടുള്ള പല വ്യാജ പരാതികളുടെ വാർത്തയും എന്റെ മുന്നിലൂടെ കടന്ന് പോയി…! ഞാനും അതേപോലെയൊരു വാർത്തയിൽ ഇടംപിടിക്കാൻ പോകുന്നു…! ഈയൊരു സാഹചര്യത്തിൽ എനിക്കവളോട് തോന്നിയ വെറുപ്പിന് കൈയും കണക്കുമില്ലായിരുന്നു…! അവളുടെ ഈ കരച്ചില് പോലും ആളുകളെ കൈയിലെടുക്കാനുള്ള ഒരു അടവ് മാത്രമാണ്…! പുറത്ത് കരച്ചിലാണെങ്കിലും ഉള്ളിൽ അവൾ ചിരിക്കുന്നുണ്ടാവും…!