💓 ആരതി കല്യാണം 💓 – 7 77അടിപൊളി  

 

 

നേരം ഇരുട്ടിയതും അധികം താമസിക്കാതെ വിളമ്പൽ തൊടങ്ങി…! തലേ ദിവസമായോണ്ട് ഇന്ന് ചിക്കൻ കറിയും നെയ്‌ച്ചോറുമാണ് സ്പെഷ്യൽ, അതിന്റെ കൂടെ ചില്ലി ചിക്കനുമുണ്ട്…! ഏതൊരു കല്യാണപ്പന്തലിലേം പോലെ നാട്ടിലെ പിള്ളാരായ ഞങ്ങൾ തന്നെ വിളമ്പാൻ നിന്നു…! ഇടക്കൊരോ ചിക്കൻ പീസും അകത്താക്കാൻ ഞങ്ങളാരും മറന്നില്ല…! ചിലരൊക്കെ വന്ന് ആരോടോ ദേഷ്യമുള്ള പോലെ തിന്നുന്നത് കണ്ടപ്പോ അത്ഭുതം തോന്നി…! അതൊക്കെ പോട്ടെന്ന് വെക്കാം, ഞാൻ ഇതുവരെ കുടുംബത്തിൽ കാണാത്ത ഓരോ പാഴുകള് വന്ന് അവടെ വെള്ളമ്പട ഇവടെ വെള്ളമ്പട ന്നൊക്കെ പറയണകേൾക്കുമ്പോ ചെള്ള നോക്കി ഒന്ന് കൊടുക്കാൻ തോന്നും…! ഇവറ്റകളെയൊക്കെ കല്യാണം വിളിച്ചിട്ടുണ്ടാണാവോ…?

 

 

 

സമയം കഴിയുന്തോറും കഴിക്കാനുള്ള ആളുകളുടെ എണ്ണം കുറഞ്ഞോണ്ടിരുന്നു…! പിന്നെ ഞങ്ങടെ വീട്ടുകാര് ഓരോരുത്തരായി ഇരിക്കാൻ തൊടങ്ങി…! കല്യാണപെണ്ണും കൂട്ടുകാരും കഴിക്കാനായി വന്നതും എന്നെ അവരെല്ലാം കൂടി നിർബന്ധിച്ച് ചേച്ചിടെ അടുത്ത് പിടിച്ചിരുത്തി…! അവൾക്ക് കരയണമെന്നൊക്കെണ്ട്, പക്ഷെ ആളുകൾടെ മുന്നിൽ ആളാവാൻ വേണ്ടി പിടിച്ചിരികണതാ…! ചോറും കറിയുമൊക്കെ വന്ന് ഞങ്ങളെല്ലാവരും കഴിക്കാൻ തൊടങ്ങി…!

 

 

 

“” അതെ, ഇതിവടത്തെ ലാസ്റ്റ് സപ്പറ…! നാളത്തെ സൂപ്പർഫാസ്റ്റിനു പൊക്കോണം…! മനസ്സിലായോ…!? “” ചിക്കൻ കാലിനെ ശാരീരികമായി പീഡിപ്പിച്ചോണ്ടിരുന്ന ചേച്ചിയോട് സ്വകാര്യം പോലെ ഞാൻ പറഞ്ഞതും അവളെന്റെ കയ്യിൽ മെല്ലെ തല്ലി, ശേഷം നിറഞ്ഞു വന്ന കണ്ണ് എന്നെ കാണിക്കാതിരിക്കാൻ വേണ്ടി മുഖം സൈഡിലേക്ക് തിരിച്ചു…!

 

 

പിറ്റേന്ന് രാവിലെ നേരത്തെ തന്നെ എണീറ്റു…! ഞാനും പിള്ളാരുമൊക്കെ എന്റെ മുറിയിൽ തന്നെയാണ് കെടന്നത്…! അവന്മാരെ ചവിട്ടി എണീപ്പിച്ച് ഒരുങ്ങാൻ പറഞ്ഞയച്ചു…! കുളിച്ചിറങ്ങിയ ഞാൻ നേരെ താഴെ ചെന്നു, അപ്പഴാണ് പെണ്ണുങ്ങൾക്കുള്ള പൂവ് വാങ്ങാനായി അമ്മ എന്നെ പറഞ്ഞയക്കുന്നത്…! പൂവിന് നേരത്തെ തന്നെ ഓർഡർ കൊടുത്തിട്ടൊള്ളൊണ്ട് വലിയ സീനില്ലാണ്ട് സാനം കിട്ടി…! തിരിച്ചെത്തിയ ഞാൻ കല്യാണത്തിന്റെതായ ബാക്കി തെരക്കുകളിൽ പെട്ടുപോയി…! അതുകൊണ്ട് തന്നെ സമയം പോവുന്നതൊന്നും ഞാൻ അറിഞ്ഞിരുന്നില്ല…!

 

 

പത്തെകാലിനാണ് മൂഹൂർത്തം…! ഞാൻ കല്യാണപന്തലിലും വെപ്പുപെരേലുമൊക്കെയായി കറങ്ങി നടന്നു…! കല്യാണപെണ്ണിന്റെ അനിയൻ എന്ന നിലക്ക് ഞാൻ വലിയ പണിയൊന്നും എടുത്തിരുന്നില്ല, എല്ലാ പണികളും അവന്മാരാണ് ചെയ്തിരുന്നത്…! കൊറച്ച് കൊല്ലം കൂടി കഴിഞ്ഞ എന്റെ കല്യാണം ണ്ടാവൂലോ ഈശ്വര…! അലോയ്ക്കുമ്പോ തന്നെ നാണം വരുന്നു…!

 

 

വെറുതെ വായും പൊളിച്ച് നിക്കുമ്പഴാണ് വിച്ചു വന്ന് വെൽക്കം ഡ്രിങ്ക് സെറ്റ് ചെയ്യാൻ പറയുന്നത്…! ഞാൻ കല്യാണപെണ്ണിന്റെ അനിയാനാടാ എന്ന് അവനോട് പറഞ്ഞെങ്കിലും അയിന് ഞാൻ കുനിഞ്ഞിരിക്കണോ എന്ന അവന്റെ മറുപടിയിൽ ഞാൻ ഇളിഭ്യനായി…! പിന്നെ ഞാൻ തിരിച്ചൊന്നും പറയാതെ അവൻ പറഞ്ഞപോലെ പന്തലിനു മുന്നിൽ വെള്ളം കൊടുക്കാൻ നിന്നു, എന്റെ കൂടെയായി അജയ്യും ഉണ്ട്…! പെട്ടന്നാണ് മുറ്റത്തെ വഴിയിലായി ഒരു Q7 വന്ന് നിർത്തുന്നത് കണ്ടത്…! ആരതിടെ അച്ഛനും അമ്മയും ആവണം…!

 

 

 

“” കല്യാണപെണ്ണിന്റെ അനിയൻ ഇവടെ വെള്ളം കൊടുക്കാൻ നിൽക്കാണോ…! “” പിന്നിൽ നിന്ന് ആരോ പറയുന്നത് കേട്ട് ഞാൻ തിരിഞ്ഞ് നോക്കിയതും ആരതിടെ അമ്മയും അച്ഛനും എന്നെ നോക്കി ചിരിച്ച് നിൽക്കുന്നു…!

 

 

 

“” ആഹ് നിങ്ങളോ…! ഏഹ് നിങ്ങളോ…! അപ്പൊ അത്…? “” അവരെ കണ്ട ഞാൻ ഒന്നും മനസിലാവാതെ വിക്കി…! ഇവരിവടെ ആണെങ്കി അപ്പൊ അത്…? എന്റെ പൊട്ടൻകളി കണ്ട് അജയ്യ് എന്നെ വായും പൊളിച്ച് നോക്കുന്നുണ്ട്…! ആരതിടെ അച്ഛൻ പൊട്ടനായകാരണം അങ്ങേർക്കൊന്നും മനസിലായില്ല…! ഞാൻ തിരിച്ച് കാറിലേക്ക് നോക്കിയതും ഡ്രൈവിംഗ് സീറ്റിൽ നിന്ന് ആരതി ഇറങ്ങി വന്നു…! വെള്ളയിൽ ഗോൾഡൻ ഡിസൈനുള്ള സാരിയും അതിനോട് ചേർന്ന ഗോൾഡൻ സ്ലീവ്ലസ് ബ്ലൗസുമാണ് വേഷം, മുടി പിന്നിലേക്ക് കെട്ടിയൊതുക്കി നുണക്കുഴി കാണിച്ചുള്ള അവള്ടെ ചിരി കണ്ടതും പുറത്തായി നിന്നിരുന്ന എല്ലാവരും അവളെ വായും പൊളിച്ച് നോക്കി നിന്നു…! ഇവളെന്താ ഓണപരിപാടിക്ക് പോവാണോ…!? ഈ മൈരിന് നാളെ എക്സമിനു വല്ലതും ഇരുന്ന് പഠിച്ചൂടെ…! അവൾക്കൊപ്പം കോ ഡ്രൈവർ സീറ്റിൽ നിന്നും ആദർശ് ഇറങ്ങി വരുന്നത് കണ്ടതും ഞാൻ ഞെട്ടിപ്പോയി…! ഇവൻ ഇത്രേം പെട്ടന്ന് ഇവളെ വളച്ചോ…? അജയെ നോക്കിയപ്പോ അവന്റെ അവസ്ഥയും മറിച്ചായിരുന്നില്ല…! ഞങ്ങള്ക്ക് നേരെ നടന്നു വന്ന ആരതി എന്നെ നോക്കാതെ അവള്ടെ അച്ഛന്റെ അടുത്തേക്ക് എത്തിയതും,