💓 ആരതി കല്യാണം 💓 – 7 77അടിപൊളി  

 

 

 

“” എന്തൊരാശ്വാസം…! അലോയ്ക്കുമ്പോ തന്നെ കുളിര് കോരണു…! ഹോ…! ഇന്നെനിക്ക് സുഖായിട്ടൊന്ന് ഒറങ്ങണം…! “” മുന്നിലെ ഡെസ്കിലേക്ക് കാലും കേറ്റിവച്ചു പിന്നിലേക്ക് ചാരിയിരുന്നോണ്ട് ഞാൻ പറഞ്ഞു…!

 

 

 

“” ഇത് കൊറച്ച് കൂടിപ്പോയഭി…! എന്തൊക്കെ പറഞ്ഞാലും അവളൊരു പെണ്ണല്ലേ…! “” ഇന്നത്തെ എന്റെ പ്രഹസനമൊന്നും ഇഷ്ടപ്പെടാതെ വിച്ചു എന്നോട് പറഞ്ഞു…!

 

 

 

“” ഹും പെണ്ണ്…! “” അതിന് ഞാനൊന്ന് പുച്ഛിച്ച് കണ്ണടച്ചു കിടന്നു…!

 

 

 

“” നിങ്ങളൊക്കെ കൂടിട്ടാ ഇവനെ ഇങ്ങനെ വഷളാക്കണേ…! ഞാൻ വന്നിലായർന്നെങ്കി കാണായിരുന്നു…! പാവം…! അതിന്റെ മുഖം കണ്ടപ്പോ സഹിക്കണില്ല…! “” വിച്ചൂന്റെ അടുത്തിരുന്ന ആദർശ് അത് പറഞ്ഞോണ്ട് അവിടന്ന് എണീറ്റു…!

 

 

 

“” ഡാ കോഴി മൈരേ…! നീ വലിയ ആളാവാതെ അവടെ ഇരി…! “” അവന്റെ പ്രഹസനം ഇഷ്ടപ്പെടാതെ യദു ബെഞ്ചിൽ നിന്ന് എണീറ്റ ആദർശിനെ നോക്കി വിരലുകൊണ്ട് ഇരിക്കാൻ പറഞ്ഞു…!

 

 

 

“” എന്നെ നിങ്ങള് കോഴീന്നൊ താറാവ് ന്നോ എന്ത് വേണേലും വിളിച്ചോ, പക്ഷെ നീയൊക്കെ ഇന്നീ ചെയ്തത് കുറച്ച് ഓവറായിപോയി…! “” ഒരു പൊടിക്കടങ്ങാതെ ആദർശ് വീണ്ടും നന്മമരമായി നിന്നതും എനിക്ക് പൊളിഞ്ഞോടങ്ങി…! പക്ഷെ പ്രതികരിക്കാതെ ഞാൻ അതെല്ലാം കെട്ടിരുന്നതെ ഒള്ളു…!

 

 

 

“” അല്ല മോനെ, എന്താ നിന്റുദേശം…? നിനക്കെന്താ ലഭാണോ…!? ഐ മീൻ പ്രണയം…!? “” അവന്റെ ചാട്ടമെങ്ങോട്ടാന്നു മനസ്സിലാക്കിയപോലെ അജയ്യ് അവനോടായി ചോദിച്ചു…! അത് കേട്ട് എനിക്ക് ചിരിവരാതിരുന്നില്ല…! വിച്ചൂനെ നോക്കിയപ്പോ അവനും ചിരി കടിച്ച് പിടിച്ച് നിക്കുന്നുണ്ട്…!

 

 

 

“” അങ്ങനെ ചോദിച്ച എനിക്കറിയില്ല…! പക്ഷെ അവളെ കാണുമ്പോ എന്റെ ഉള്ളിൽ എന്തോപോലെ…! എന്നെക്കാളും വയസ്സ് കൂടുതലല്ലേ, അതിന്റെയൊരു ചമ്മലുള്ളോണ്ട, അല്ലെങ്കി ഞാൻ നേരെ കേറി മുട്ടിയേനെ…! “‘ മുഖത്ത് വന്ന നാണം മറക്കാൻ വേണ്ടി തല താഴ്ത്തി അവൻ പറഞ്ഞു…!

 

 

 

“” വയസ്സൊന്നും കാര്യാക്കണ്ട…! നീയവളെ തന്നെ നോക്കിക്കോ, വളയും എനിക്കൊറപ്പാ…! “” ഏതൊരു കൂട്ടുകാരനേം പോലെ ഞാൻ അവന് പൂർണ പിന്തുണ പ്രഖ്യാപിച്ചു…! അവൻ പ്രണയിക്കട്ടെ…! പിന്നെ അവള്ടെ തന്തയിത് അറിഞ്ഞ് അവനെ കോട്ടെഷൻ കൊടുത്ത് കൊല്ലാൻ നോക്കുമ്പോ പഠിച്ചോളും…!

 

 

 

“” ആരതിയെ പ്രണയിക്കുന്നതൊക്കെ കൊള്ളാം, എന്നും പറഞ്ഞ് അവളെന്റെ മെക്കട്ട് കേറാൻ വന്ന ഞാൻ നോക്കിന്നിക്കില്ല…! ഇതിപ്പോ പറയാൻ കാരണം, നീ അവളെന്റെ പെണ്ണാന്നൊക്കെ കോണച്ചോണ്ട് അവളെ സപ്പോർട്ടേയ്ത് മുന്നിൽ വരാണ്ടിരിക്കാനാ…! വന്ന നിനക്കും കിട്ടും…! “” ഞാനൊരു മുന്നറിയിപ്പ് പോലെ പറഞ്ഞ് വീണ്ടും ചാരിയിരുന്നു…! പെട്ടന്നേതോ ഒരുത്തൻ ക്ലാസ്സിലേക്ക് കേറിവന്നു…! ഇവൻ അന്ന് ഞങ്ങടെ ടീമിൽ കളിച്ചവനല്ലേ…!? അത് മാത്രല്ല ഇവൻ ഹോസ്റ്റലിൽ അജയിടെ റൂം മേറ്റ്‌ കൂടിയാണ്…!

 

 

 

“” എന്താടാ കണ്ണാ…!? സീനെന്താ…!? ഏഹ്…?”” ഓടിയതിന്റെ കിതപ്പിൽ മുട്ടിൽ കൈകുത്തി ശ്വാസമെടുത്തോണ്ടിരുന്ന അവനെ പിടിച്ച് നേരെ നിർത്തി അജയ് ചോദിച്ചതിന്,

 

 

 

“” എടാ തേർഡ് ഇയറിലെ പിള്ളാര് ഇവനെ തല്ലാൻ വേണ്ടി വരുന്നുണ്ട്…! അവര് ഒരുപാട് പേരുണ്ടട അളിയ…! നമ്മളെന്ത് ചെയ്യും…!? “” എന്നെ ചൂണ്ടി അവനത് പറഞ്ഞതും യദുവും ഹരിയുമെല്ലാം ബെഞ്ചിൽ നിന്ന് ചാടിയിറങ്ങി…! ശേഷം എന്നെയൊന്ന് നോക്കി…! പക്ഷെ എനിക്കത് കേട്ട് വലിയ പേടിയൊന്നും തോന്നിയില്ല, കാരണം ഞാനിത് പ്രതീക്ഷിച്ചിരുന്നു…! ക്ലാസ്സിൽ കൊറേ പെൺപിള്ളേരുള്ളതാ, അവരടെ മുന്നിൽ വച്ച് ഒരു പ്രശ്നം വേണ്ടാന്ന് തോന്നിയതും ഞാൻ എണീറ്റ് പുറത്തോട്ട് നടക്കാൻ തുടങ്ങി…! പക്ഷെ അതിന് മുന്നെത്തന്നെ സന്ദീപും ടീംസും ഞങ്ങൾടെ ക്ലാസ്സിലെത്തിയിരുന്നു…! മുന്നിലായി തന്നെയുണ്ടായിരുന്ന സന്ദീപ് ശടവേഗത്തിൽ എന്റെ കോളറിൽ പിടിച്ച് ചെമരിനോട് ചേർത്തു…! പെട്ടന്നുള്ള അവന്റെയാ പ്രവർത്തിയിൽ ഞാനൊന്ന് വച്ചുപോയി…!