💓 ആരതി കല്യാണം 💓 – 7 45അടിപൊളി  

“” കഴിഞ്ഞില്ലേ…! ഇനി ഞാൻ പോണ്…! “” കാര്യം കഴിഞ്ഞ ഞാൻ അവള്ടെ കൈയും തട്ടിമാറ്റി തിരിഞ്ഞ് നോക്കാതെ നേരെ വെളമ്പാൻ ചെന്നു…! പിന്നിൽ നിന്ന് അവൾ ചിരിക്കണ ശബ്ദം ഞാൻ കേട്ടെങ്കിലും കാര്യാക്കിയില്ല…!

എന്നെ കണ്ടപാടേ യദു എന്റെ കൈയിൽ സാമ്പാറിന്റെ പാത്രം വച്ചു തന്ന് വെളമ്പാൻ പറഞ്ഞു…! പിന്നൊന്നും നോക്കീല, ഞാൻ ഫുൾ ആക്ടിവായി വെളമ്പാൻ തൊടങ്ങി…! ഞാൻ അപ്പഴേ അമ്മയോട് പറഞ്ഞതാ ബിരിയാണി മതീന്ന്, തള്ള സമ്മതിച്ചില്ല…! നല്ല വൃത്തിയായിട്ട് വെളമ്പിയ കാരണം ഒരു തുള്ളി സാമ്പാറ് പോലും നെലത്തു പോവാതെ ഒക്കെ ഞാൻ മുണ്ടുകൊണ്ട് തടഞ്ഞ് വച്ചു…! ആരേലും കണ്ട മുണ്ടിൽ അപ്പി ആയീന്നെ പറയു, അതെ കളറ്…!

ഓരോരുത്തര് കഴിക്കാനായി വന്ന് പോയി കൊണ്ടിരുന്നു…! പ്രൊഫഷണൽ കാറ്ററിംഗ്കാരെ പോലും വെല്ലുന്ന തരത്തിലുള്ള എന്റെ വേളമ്പല് കണ്ട് എനിക്ക് തന്നെ എന്നോട് തന്നെ അഭിമാനം തോന്നാതിരുന്നില്ല…! അങ്ങനെ സ്വയം അഭിമാനിച്ചോണ്ടിരുക്കുമ്പഴാണ് ചെക്കനും പെണ്ണും ഒപ്പം എന്റെ വീട്ടുകാരും ഭക്ഷണം കഴിക്കാൻ വരുന്നത്…! കൂടെ ആരതിയും നാട്ടിലെ പെൺപിള്ളാരുമുണ്ട്…! ആരതിയെ കണ്ടതും വെളമ്പാൻ നിന്നിരുന്ന നാട്ടിലെ തല മൂത്ത കോഴികൾ ഇതുവരെ കാണിക്കാത്ത ആത്മാർത്ഥതയോടെ പണിയെടുക്കുന്നത് കണ്ട് ഞാൻ വായും പൊളിച്ച് നിന്നു…! കോഴിത്തരം അറ്റ് ഇറ്റ്സ് പീക്ക്…! ഇനി ഇവള് പോയിട്ട് വെളമ്പാൻ നിക്കാം എന്ന് വിചാരിച്ച് ഞാൻ ചോറ് ഇട്ടുക്കൊണ്ടിരുന്ന വിച്ചൂന്റെ അടുത്തേക്ക് ചെന്ന്,

“” എടാ, ഈ സാമ്പാറ് ഇനി വേറാരൊടെങ്കിലും വേളമ്പാൻ പറ, ഞാൻ ഒന്ന് റസ്റ്റ്‌ എടുക്കട്ടെ…! “”

“” പൊക്കോണം…! ഇവടെ മനുഷ്യന് ശ്വാസം വിടാൻ സമയം കിട്ടീട്ടില്ല, അപ്പഴാ അവന്റെയൊരു റസ്റ്റ്‌…! പോയി പണിയെടുക്കട മൈരേ…! “” അവന്റെ വായിൽ നിന്ന് പുളിച്ച ആട്ട് കേട്ടതും ഞാൻ പിന്നൊന്നും മിണ്ടാൻ പോയില്ല, മാമന്റെ മോൻ തല്ലീന്ന് നാട്ടുകാരറിഞ്ഞ നാണക്കേടാ…!

വേറൊരു വഴിയും ഇല്ലാത്തോണ്ട് ഞാൻ തന്നെ വെളമ്പി തൊടങ്ങി…! എല്ലാ സൈഡിലും വെളമ്പിയ ഞാൻ ആരതിടെ സൈഡ് മനഃപൂർവം ഒഴിവാക്കി…! അവടെ വേറാരെങ്കിലും നോക്കിക്കോളും, ന്ന് വിചാരിച്ചിരിക്കുമ്പഴാണ് ഒരു തന്ത വന്ന് ആ കുട്ട്യോൾക്ക് വേലമ്പികൊടുക്കടന്ന് പറഞ്ഞ് എന്നെ അങ്ങോട്ട് വിളിക്കണത്…! അതെന്താ ഞാൻ മാത്രേ സാമ്പാറ് കൊടുക്കണോള്ളൂ…? ചെമ്പില് കൊറേ ഇരികിണ്ടല്ലോ, ഒരു ഗ്ലാസിലു കോരി ഒഴിച്ച് കൊടുത്തൂടെ…! മറ്റു മാർഗമൊന്നും മുന്നിൽ കാണാത്ത ഞാൻ നേരെ ആരതിടെ ഭാഗത്തോട്ട് ചെന്നു…! അവടെ ആരതിയെ മണപ്പിച്ചോണ്ട് വെള്ളത്തിന്റെ ജഗ്ഗും പിടിച്ച് ആദർശ് നിൽക്കുന്നുണ്ട്…!

ടേബിളിന്റെ ഒരറ്റത്തുന്ന് ഞാൻ വിളമ്പി തുടങ്ങി…! ഞാൻ അടുത്തെത്തുന്നത് കണ്ട ആദർശ് എന്നെ നോക്കി വാ പൊത്തി ചിരിച്ചു,

“” നീയെന്താടാ സമ്പാറുകൊണ്ട് പൈയ്ന്റടിച്ചാ…! “” ന്നും പറഞ്ഞവൻ എന്റെ മുണ്ടിലേക്ക് ചൂണ്ടി ഒറക്കെ ചിരിച്ചതും അത് കേട്ട് ആരതിയുൾപ്പടെ പെണ്ണുങ്ങളെല്ലാം ചിരിക്കാൻ തുടങ്ങി…! അല്ലടാ മൈരേ, സാമ്പാറ്കൊണ്ട് ഞാൻ പൂക്കളം ഇട്ട്…! അവനെയൊന്ന് നോക്കി പേടിപ്പിച്ച് ഞാൻ വീണ്ടും പണി തൊടങ്ങി…!

“” ഇന്ന് അടിയൊന്നുംണ്ടാക്കാൻ പോയില്ലേ അഭിയേട്ട…! “” മൊത്തത്തിൽ നാറി നാറാണക്കല്ലായി നിന്നിരുന്ന എന്നോടായി ഞണ്ണികൊണ്ടിരുന്ന നാട്ടിലെ ആറിലോ എഴിലോ മറ്റൊ പഠിക്കണ പെഴച്ചൊരു കുരിപ്പ് ചോദിച്ചതും അവളുമാരെല്ലാം നെഞ്ചും തല്ലി ചിരിച്ചു…! ഈ നത്ത് ആരതി പറഞ്ഞിട്ട് ചോയ്ക്കണതാവും…!

“” മിണ്ടാണ്ടിരുന്നില്ലെങ്കി നിന്റച്ഛനെ ഞാൻ കൊല്ലും…! പിന്നെ അഭിയേട്ടനെന്തിനാ എന്റെ അച്ഛനെ കൊന്നെന്നും ചോയ്ച്ചോണ്ട് വരരുത്…! “” പൊളിഞ്ഞു വന്ന ഞാൻ ആ കുരിപ്പിനോടായി പറഞ്ഞത് കേട്ട് അവരെല്ലാം പിന്നേം ചിരിക്കാൻ തൊടങ്ങി…! ആരതികാണെങ്കി ചിരിച്ചിട്ട് വായിലുള്ളത് ഏറക്കാനും പറ്റണില്ല…! ഈശ്വര ഇങ്ങനേലും ഇവള് തരിപ്പിക്കേറി ഒന്ന് ചത്ത മതിയായിരുന്നു…! വികാരങ്ങളൊക്കെ അടക്കിവച്ച് ഞാൻ വീണ്ടും വിളമ്പി ഒരു കരക്കെത്തിച്ച് മാറിനിന്നു…! പക്ഷെ ആരതി എന്നെ വിടാൻ ഒരുകായിരുന്നില്ല…! സാമ്പാറ് വേളമ്പിക്കൊണ്ടിരുന്ന എന്നെകൊണ്ടവൾ വെള്ളം വരെ കൊടുപ്പിച്ചു…! അതിന് വേണ്ടി അവൾ ആദർശിനോട് പറഞ്ഞ് എന്റെ സാമ്പാർ അവനും അവന്റെ വെള്ളം എനിക്കും എക്സ്ചേഞ്ച് അടിപ്പിച്ചു…! ഇതാവുമ്പോ അവക്കെന്നെ അടുത്ത് കിട്ടോലോ…! അതുമാത്രല്ല, അവളെന്നെ വേറെയാർക്കും വെള്ളം കൊടുക്കാൻ സമ്മതിച്ചില്ലന്നെ…! ഇങ്ങനേംണ്ടാവോ ആളുകള്…! എല്ലാം വെറുമൊരു പെണ്ണിന്റെ ഭീഷണിയിൽ എന്ന് ചിന്തിച്ചപ്പോ എനിക്ക് എന്നോട് തന്നെ പുച്ഛം തോന്നി…! ഇവളെ ശെരിക്കും അങ്ങട്ട് പീഡിപ്പിച്ചാലോ…! അയ്യേ, അത് വേണ്ട, അലോയ്ക്കുമ്പോ തന്നെ ശർദ്ധിക്കാൻ വരണു…! ഇവള് കാരണം എനിക്കെന്റെ ചേച്ചിക്ക് കൊറച്ച് വെള്ളംപോലും കൊടുക്കാൻ പറ്റീല…! ഇത്രേം ഗതികെട്ടവൻ വേറാരെങ്കിലുംണ്ടാവോ ദൈവമേ ന്നും മനസ്സിൽ പറഞ്ഞ് ഞാൻ ചുറ്റുമോന്ന് നോക്കിയതും കുറച്ചപ്പുറത്തായി ഭക്ഷണം കഴിച്ചോണ്ടിരുന്ന ആരതിടെ അച്ഛനെ കണ്ടു…! അപ്പൊ കമ്പനിക്ക് ആളുണ്ട്…!

അവള്ടെ കഴിപ്പ് കഴിഞ്ഞു പോയതും ഞാനൊന്ന് നേരെ ശ്വാസമെടുത്തു…! പിന്നെയെല്ലാം പെട്ടന്നായിരുന്നു…! ഞങ്ങളും ഭക്ഷണം കഴിച്ച് നേരെ പുറത്തോട്ട് വച്ചുപിടിച്ചു…! അവടെ ചേച്ചിയും അളിയനും ഇറങ്ങാൻ നിക്കുന്നുണ്ടായിരുന്നു…! ഞാനും വിച്ചൂവും നേരെ ചേച്ചിടെ അടുത്തേക്ക് ചെന്നു…! അമ്മേം അച്ഛനെയുംമൊക്കെ കെട്ടിപ്പിച്ച് കരഞ്ഞ ചേച്ചി എന്നെ കണ്ടതും അവളെന്നെ ശക്തിയിൽ വാരിപ്പുണർന്നു, ഞാൻ തിരിച്ചും…! ഈ നിമിഷം എന്റെയുള്ളിൽ മറ്റൊന്നും ഉണ്ടായിരുന്നില്ല…! ചേച്ചിക്ക് ഈ ലോകത്ത് ഏറ്റവും കൂടുതലിഷ്ടം എന്നെയാണെന്ന് ശരത്തേട്ടൻ ഒരു പ്രാവിശ്യം പറഞ്ഞിട്ടുണ്ട്…! അത് സത്യമാണെന്ന് എനിക്കുമറിയാം…! പണ്ട് അമ്മയെന്നെ തല്ലാൻ വരുമ്പോ മുന്നിലേക്ക് കേറി നിന്നിരുന്ന ചേച്ചിയെ എനിക്കൊർമയുണ്ട്…! എനിക്ക് എന്തേലും വയ്യായിക വന്ന ചേച്ചിക്ക് ആ ദിവസം ഒറക്കംണ്ടാവില്ല, അത് മാറണ വരെ എന്നെ ചുറ്റിപറ്റി നിക്കും…! ഇതൊക്കെ കാരണമാണ് ചേച്ചിയെന്നെ എന്ത് പറഞ്ഞാലും ഞാൻ തിരിച്ചൊന്നും പറയാതെ കേട്ടുനിക്കുന്നത്…! അവളുടെ കണ്ണുനീർ എന്റെ നെഞ്ചിൽ പടരുന്നത് ഞാൻ അറിഞ്ഞു, ഒപ്പം അവളുടെ തേങ്ങലും…! അവളെ സമാധാനിപ്പിക്കാൻ എന്നോണം ഞാൻ അവളുടെ മുടിയിൽ തലോടി…! ശെരിക്കും ഇവളെന്തിനാ കരയണേ…? ശരത്തേട്ടന്റെ വീട്ടീന്ന് രണ്ടടി വച്ച ഇങ്ങോട്ടേത്തും, അതും പോരാഞ്ഞിട്ട് ഇവളിന്ന് തന്നെ ഇങ്ങോട്ട് വരുവേം ചെയ്യും, പിന്നെ രണ്ട് ദിവസം നിന്നിട്ടൊക്കെയല്ലേ പോവൊള്ളൂ…? അതല്ലേ നാട്ടുന്നടപ്പ്…!