💓 ആരതി കല്യാണം 💓 – 8 33അടിപൊളി  

 

 

 

അങ്ങനെയെല്ലാം മനസ്സിൽ കണക്ക്കൂട്ടി ഞാൻ പുറത്തിറങ്ങി, പിന്നാലെ അവളും ഉണ്ടായിരുന്നു… പക്ഷെ പുറത്തിറങ്ങി ചുറ്റും നോക്കിയെങ്കിലും അവന്മാര്ടെ പൊടിപോലും കണ്ടില്ല… ഈ മൈരന്മാരിതവടെ പോയി…? ഞാൻ പന്തലിലും പുറത്തുമെല്ലാം അവരെ നോക്കിനടന്നെങ്കിലും ഒറ്റേണ്ണത്തിനെ പോലും കണ്ടില്ല… പിന്നെയാണ് എനിക്കാ കാര്യം ഓർമവന്നത്, ഇവിടത്തെ പരിപാടിയെല്ലാം കഴിഞ്ഞ് റീസെപ്ഷന് മുന്നേ ഞങ്ങള്ക്ക് സാനമടിക്കാനുള്ള പ്ലാനുണ്ടായിരുന്നു…

എന്നെ കൂട്ടാതവര് ഒറ്റകടിക്കാൻ പോയോ…? എന്നെ കൂട്ടാതെ അവര് പോയീന്നോർത്തപ്പോ എനിക്ക് നല്ല ദേഷ്യം വന്നെങ്കിലും ഞാൻ പുറത്ത് കാണിച്ചില്ല… അല്ലെങ്കിലും കല്യാണപെണ്ണിന്റെ അനിയൻ അടിച്ച്കിറുങ്ങി നടന്ന അതിന്റെ മോശം കുടുംബത്തിനാ… ഞാനൊരു ബുദ്ധിമാൻ മാത്രല്ല നല്ലൊരു കുടുംബിനി കൂടിയാണ്… ഈ കുടുംബിനിന്ന് പെണ്ണുങ്ങൾക്കല്ലേ പറയാ…? അപ്പോ ആണുങ്ങൾക്ക് എന്തോ പറയും…? കുടുംബൻന്നോ…? അതോ കുടുംബിന്നോ…? തത്കാലം കുടുംബിന്ന് പറയാം…

 

 

 

തിരിച്ച് വണ്ടിയിടടുത്തേക്ക് നടക്കുമ്പോ അവനസാവട്ടമെന്നോണം ഞാനവന്മാരുണ്ടോന്ന് ചുറ്റുമോന്ന് നോക്കി… പക്ഷെ നിരാശയായിരുന്നു ഫലം… ഇനിയിപ്പോ വേറെ വഴിയില്ലാത്തോണ്ട് ഞാൻതന്നെയവളെ കൊണ്ടുവാൻ തീരുമാനിച്ചു… ഡ്രൈവിങ് സീറ്റിലേക്ക് കേറുമ്പോ അപ്പുറത്ത് കോ ഡ്രൈവർ സീറ്റിലേക്ക് കേറുന്ന ആരതിയെ നോക്കി ഞാനൊന്ന് പല്ലുകടിച്ചു, ഇവൾക്ക് പിന്നീല്ലെങ്ങാനും കേറീകൂടെ…? അല്ലെങ്കി വേണ്ട, ഞാനിവൾടെ ഡ്രൈവറാന്ന് ഇവൾക്ക് സ്വയമൊരു തോന്നല് വരും…

 

 

 

എത്രേം പെട്ടന്ന് ഇവളെ ആയിട്ടുള്ള എടപാട് തീർക്കാൻ വേണ്ടി ഞാൻ വണ്ടി തൊണ്ണൂറെ തോന്നുറ്റിപ്പത്തിൽ വെച്ച് പിടിച്ചു… ഇനി വണ്ടിയെങ്ങാനും തട്ടി ഇവള് ചാവാണെങ്കി ചാവട്ടെന്നെ… അങ്ങനെയാവുമ്പോ ഞാനും കൂടി ചാവാനുള്ള സാധ്യതയുണ്ട് എന്ന കാര്യം എനിക്കങ്ങ് കത്തീല…

 

 

 

“” നീയെന്നെ പേടിപ്പിക്കാൻ വേണ്ടിട്ടാണോ ഇങ്ങനെ സ്പീഡിൽ പോണേ…? “” ഞാൻ വണ്ടികൊണ്ട് അക്രമം കാണിക്കുന്നത് കണ്ട ആരതി ഒരു പുരികം പൊക്കി എന്നോടത് ചോദിച്ചതും ഞാനവളെ കലിപ്പിച്ചോന്ന് നോക്കി…

 

 

 

“” നിന്നെ പേടിപ്പിക്കാൻ നീയാരെടി ഉമ്മറത്ത് കേറികെടക്കണ പട്ടിയോ…? അവൾടെയൊരു ചോദ്യം… വണ്ടി ഞാൻ ഇഷ്ടോള്ളപോലെ ഓടിക്കും, പറ്റില്ലെങ്കി എറങ്ങി പോടീ…! “” ന്നായി ഞാൻ… എടുത്തടിച്ചപോലെയുള്ള എന്റെ മറുപടിക്കെട്ട് അവളൊന്ന് അടങ്ങുംന്ന് വിചാരിച്ചേനിക്ക് തെറ്റി…

 

 

 

“” എനിക്കറിയാ, നീ സ്പീടീ പോയ ‘ അയ്യോ അഭി മെല്ലെ പോടാ എനിക്ക് പേടിയവണട പ്ളീസ്ടാ ‘ എന്നൊക്കെ പറഞ്ഞ് ഞാൻ നിന്നോട് കേഞ്ചൂന്ന് നീ വിചാരിക്കാണുണ്ടെന്ന്…! പൊട്ടൻ…! “” പേടി അഭിനയിക്കണപോലെ അവളെന്നെയൊന്ന് ആക്കി… സത്യത്തിൽ അത് തന്നെയാണ് എന്റുദ്ദേശമെങ്കിലും അവളത് മനസിലാക്കിയ സ്ഥിതിക്ക് ഇനി വേറെ വല്ല വഴിയും നോക്കാൻ എന്നോണം ഞാൻ അവൾക്ക് മറുപടികൊടുക്കാതെ പിന്നേം വണ്ടിയൊടിക്കൽ തുടർന്നു…!

 

 

 

അവള്ടെ വീട്ടിലെത്തിയ ഞാൻ വണ്ടിയൊതുക്കി ശെരിക്കൊന്ന് ഊണ്ട് നിവർന്നു… രണ്ടുമൂന്നു മിനിറ്റ് അങ്ങനെയിരുന്നിട്ടും പുറത്തിറങ്ങാതെ വണ്ടിയിൽ തന്നെ ഇരുന്നു AC വെന്റ് അങ്ങോട്ടുമിങ്ങോട്ടും തിരിക്കണ ആരതിയെ കണ്ടതും എനിക്കങ്ങ് പൊളിഞ്ഞു…

 

 

 

“” ഏത് മറ്റവനെ കാത്തിരിക്കാണെടി നീ…? “” ഹാൻഡ് റെസ്റ്റിൽ ശക്തിയിൽ ഇടിച്ച് ഞാനിരുന്നു ചീറി… പക്ഷെ അത് കേട്ടിട്ടും അവളുടെഭാഗത്തു നിന്ന് വലിയ പ്രതികരണമൊന്നും ഇല്ലാന്ന് കണ്ടതും ഞാൻ,

 

 

 

“” നിന്നോടാ പറഞ്ഞെ എറങ്ങി പോവാൻ…! “”

 

 

 

“” നീ സിൽമേലൊക്കെ കണ്ടിട്ടില്ലേഭി ഈ ആൺപിള്ളാര് പെൺകുട്ട്യോൾക്ക് ഡോറ് തുറന്നു കൊടുക്കണതൊക്കെ…? “” എന്നെ പാളിനോക്കികൊണ്ട് അവൾ ചെറിയൊരുചിരിയോടെ പറഞ്ഞു… അവള്ടെ ചാട്ടമെങ്ങോട്ടാന്നു മനസിലാക്കിയ ഞാൻ പല്ല് കടിച്ച് വണ്ടിയിൽനിന്നിറങ്ങി നേരെ അവളുടെ ഡോറിന്റെ അടുത്തേക്ക് ചെന്നു… ശേഷം വാതില് തുറന്ന് അവളെ പിടിച്ച് വലിച്ച് പുറത്തിറക്കി… ഉള്ളിലെ ദേഷ്യം മൊത്തം ആ വലിയിൽ തീർത്തതിനാൽ അവളൊന്ന് വെച്ചു പോയിരുന്നു… ശെയ്യ്…! ശവം മോറുംകുത്തി വീണില്ല…!