💓 ആരതി കല്യാണം 💓 – 8 33അടിപൊളി  

 

 

 

ഓരോന്നാലോയിച്ചുകൂട്ടി ഞാൻ സീറ്റിലിരുന്ന് ഒറങ്ങിപ്പോയി… ഏറെ നേരത്തെ ഒറക്കത്തിന് ശേഷം കണ്ണുതുറന്ന് നോക്കുമ്പോ എനിക്കിറങ്ങേണ്ട സ്ഥലം എത്തിയിരുന്നു… അവിടന്നൊരു ടാക്സിയും വിളിച്ച് ഞാൻ എന്റെ ഫ്ലാറ്റിന്റെ മുന്നിലെത്തി… ഞാൻ ഇവടെ താമസിക്കുന്നതൊരു അത്യാവിശ്യം വലിയൊരു 2bhk സെറ്റപ്പിലാണ്… സത്യമ്പറഞ്ഞാൽ ഇതെന്റെതല്ല, ശരത്തേട്ടൻ എറണാകുളത്ത് എന്തേലും ആവിശ്യത്തിന് വരുമ്പോ താമസിക്കാൻ വേണ്ടി വാങ്ങിച്ചിട്ടതാണ്…

ഞാനവടെ കേറി ഒരുളുപ്പില്ലാതെ താമസിക്കുന്നൂന്ന് മാത്രം… ഇനി ഏറക്കി വിട്ടാലും ഞാൻപോവില്ല്യ… പക്ഷെ എനിക്കാദ്യം പോവണ്ടതെന്റെ അപാർട്മെന്റിലെക്കല്ല…! തൊട്ടപുറത്തു തന്നെ അജയ്യും അവന്റെ ഭാര്യയും താമസിക്കുണ്ട്… അതെ, അവന്റെ കല്യാണവും കഴിഞ്ഞു… ആ കഥ പിന്നെ പറയാം…! അവന്റടുത്ത് എനിക്ക് വേണ്ടപ്പെട്ട രണ്ടുപേരെ ആക്കിട്ടാ ഞാൻ നാട്ടി പോയെ…!

 

 

അവൻ താമസിക്കുന്നതിന്റെ മുന്നിലെത്തിയ ഞാൻ കാളിങ് ബെൽ അടിച്ചതും അജയ് വന്ന് വാതില് തുറന്നു…!

 

 

“” നീയോ…? കല്യാണങ്കഴിഞ്ഞ് പിറ്റേന്നന്നെ ചാടിപൊന്നോ മൈരേ നീ…! “” എന്നെ കണ്ടപാടേ ഊഞ്ഞാലാട്ടാനുള്ള അവന്റെയാ കണ്ണിച്ചോരയില്ലാത്ത മനസാക്ഷിയെ ഞാൻ മനസ്സിൽ തന്തക്ക് പറഞ്ഞോണ്ട് കടുപ്പിച്ചോന്ന് നോക്കി… എന്നാലും ഇവനിതെങ്ങനറിഞ്ഞു…?

 

 

“” ഞാനെങ്ങനറിഞ്ഞൂന്നാവും…? വിച്ചു വിളിച്ചായിരുന്നു…! അവനാ എല്ലാംബറഞ്ഞെ…! “” എന്റെ സംശയാസ്പദമായ നോട്ടം കണ്ടിട്ടാണെന്ന് തോന്നണു അവൻ എന്നെയൊന്ന് സഹതാപംത്തോടെ നോക്കികൊണ്ട് പറഞ്ഞു…!

 

 

 

“” അവന്മാരെവടെ…! “” ന്ന് ചോദിച്ചതും രണ്ടെണം ഓടിവന്നെന്റെ മേലേക്ക് ചാടി… ഇവരാണ് ഞാൻ പറഞ്ഞ വേണ്ടപ്പെട്ട രണ്ടുപേർ… ടോമിയെന്ന റൊട്ട്വീലറും സിമ്പയെന്ന ഗോൾഡൻ റിട്രീവറും…!

 

 

 

“” മൊതലാളി വന്നൂടാ മക്കളെ…! “” ന്നും പറഞ്ഞ് ഞാനവർടെ തലയിൽ താലോടി… അജയ്യോട് കുറച്ച്നേരംകൂടി സംസാരിച്ച് ഞാൻ രണ്ടെണ്ണത്തിനേം കൂട്ടി എന്റെ ഫ്ലാറ്റിലേക്ക് പോയി… അകം മൊത്തം അലങ്കോലായി കേടാക്കാണ്… വൃത്തിയാക്കാനൊന്നും ഇപ്പെനിക്ക് വയ്യ… ടോമിക്കും സിംബക്കും കഴിക്കാനുള്ളത് വെച്ചുകൊടുത്ത് ഞാൻ ബാത്‌റൂമിൽ കേറി ഫ്രഷായി… പിന്നൊരു ഒറക്കായിരുന്നു…!

 

 

 

പിന്നെ ഒറക്കമേണീച്ചത് നാലുമണിക്കാണ്… പ്രേത്യേകിച്ച് വേറെ പണിയൊന്നുമില്ലാത്ത കാരണം ഞാൻ ഫ്ലാറ്റും പൂട്ടി പൊറത്തോട്ടിറങ്ങി… കൂടെ അജയ്യും ഉണ്ടായിരുന്നു…

 

 

 

“” നല്ല ആൽക്കഹോളിക് വെദർ ലെ…! “” ആൽക്കഹോളിക് പോയിട്ട് പൊറത്തെറങ്ങാൻ പോലും തോന്നാത്തതരത്തിലുള്ള വെദറായിരുന്നിട്ടും രണ്ടെണം വീശാനുള്ള മൂടിലായിരുന്നോണ്ട് ഞാനവനെ പാളിനോക്കി ചോദിച്ചു…!

 

 

 

“” സത്യാളിയെ, ഞാനത് പറയാൻവരായിരുന്നു…! രണ്ടെണം വീശ്യാലോ…? “” ന്നായി അവൻ… കള്ള പന്നി ഇവന് വേണ്ടാന്ന് പറഞ്ഞൂടെ…! ആരേലും എന്തേലും ചോയ്ക്കാൻ കാത്തിരിക്ക…! കള്ളുകുടിയൻ…!

 

 

 

അവന് കുടിക്കണംന്ന് പറഞ്ഞോണ്ട് മാത്രം ഞാനവന്റെ കൂടെ ബാറിലേക്ക് വിട്ടു… അല്ലാതെ എനിക്ക് താല്പര്യൊന്നൂല്യ…! ബാറി കേറി ഈരണ്ടു ബീറും വേറേതോ പേരറിയാത്ത സാമാനൊക്കെ ഒരുമയോമില്ലാതെ വലിച്ച് കേറ്റി…

 

 

 

“” എന്റെ ജീവിതം പോയടളിയ…! ഇതിനുമാത്രം ഞാനെന്ത് തെറ്റാ ചെയ്തേ…? നീ പറ…! “” അടിച്ചസാനം പണിതുടങ്ങിയതും ഫോൺ തിരിച്ചുപിടിച്ച് സമയംനോക്കികൊണ്ടിരുന്ന അജയ്യിയെ തോണ്ടി ഞാൻ ആരാഞ്ഞു…!

 

 

 

“” നീ ടെൻഷനാവാതിരി…! ഇതിലും വലുതെന്തോ വരാനിരുന്നതാ…! ഇതിപ്പൊത്രേയല്ലേ ണ്ടായുള്ളു…! “”

 

 

 

“” ഇതിലും വലുതാ…? ഇതിലും വലുതിനിയെന്ത് വരാനാ…! “” അവന്റെ മറുപടികെട്ട ഞാൻ തലക്ക് കൈകൊടുത്തു പറഞ്ഞു… അലെങ്കിലും ഇവനോടൊന്നും ചോയ്ച്ചിട്ടൊരുകാര്യോല്ല്യ…