💓 ആരതി കല്യാണം 💓 – 8 32അടിപൊളി  

“” ആ…! “” ഞാൻ മറുപടി നൽകി…!

“” അത് നന്നായി…! പിന്നെ മോനെ…! സംഭവിക്കാള്ളതൊക്കെ സംഭവിച്ചു…! ഇനിയത് പറഞ്ഞിട്ട് കാര്യല്ല്യ…! അതോണ്ടിനി മക്കള് നല്ലമ്പോലെ സഹകരിച്ച് മുന്നോട്ട് പോണം…! ട്ടോ…! “” ഒരു ഉപദേശമന്നപോലെ അച്ഛനത് പറഞ്ഞു…! ഇതിനോടെനിക്ക് യോജിക്കാൻ പറ്റില്ലെങ്കിലും എതിർത്തുപറയാൻ ശേഷിയില്ലാത്ത കാരണം ഞാൻ സമ്മതമെന്ന കണക്കെ മൂളി…!

“” അപ്പോ ശെരി…! സമയം കിട്ടുമ്പോ വീട്ടിക്കൊക്കെ വിളിക്ക്…! “” ന്നും പറഞ്ഞ് ഫോൺ വച്ചു…! അച്ഛൻ അവസാനം പറഞ്ഞെതെനിക്ക് നന്നായി കൊണ്ടു…! പൊതുവെ ഞാനും അച്ഛനും സംസാരൊക്കെ കൊറവാണ്…! അത് ഇഷ്ടല്യാത്തൊണ്ടോന്നും അല്ല… പക്ഷെയെന്തോ ഒരു പേടി…! അച്ഛനെന്നെ ജീവിതത്തിലിതുവരെ തല്ലീട്ടില്ല… എന്തിന് പറയുന്നു, ഒന്ന് ചീത്തപോലും പറഞ്ഞിട്ടില്ല…! എപ്പഴും എന്നോട് സ്നേഹത്തോടെ മാത്രേ സംസാരിച്ചിട്ടുള്ളു…! അത് ഞാനെന്ത് തല്ലുകൊള്ളിത്തരം കാണിച്ചാ പോലും…! ഞാൻ ജീവിതത്തിൽ ഏറ്റവും ബഹുമാനിക്കുന്നതെന്റെ അച്ഛനെയാണ്…! അതുകൊണ്ടൊക്കെയാവും ഞാൻ അച്ഛനോട് ഒരു ഗ്യാപ്പിട്ട് നിന്നതൊക്കെ… ഇനി പെട്ടന്നൊരു ദിവസം എന്നോട് ദേഷ്യപ്പെട്ട എനിക്കത് സഹിക്കാൻ പറ്റിയില്ലെങ്കിലോ…!

അച്ഛന് ഞാൻ ഇവളെയായി സഹകരിക്കാന്നുള്ള രീതിയിൽ മറുപടി നൽകിയെങ്കിലും അതൊന്നും ഞാൻ പാലിക്കാൻ പോണില്ല… ഇവളെയായിട്ടന്റെ പട്ടി സഹകരിക്കും…! ഫോൺ വെച്ചതും ഞാൻ തിരിഞ്ഞ് ടേബിളിൽ നോക്കി… അവളവടെ ഉണ്ടായിരുന്നില്ല… ഇവളീ ഉപ്പ്മാവൊക്കെ ഒറ്റയടിക്ക് മിണിങ്ങിയ…?

റൂമിന്റെ വാതില് തുറന്ന് ഒരു ബ്ലാക്ക് ഫോർമൽ ഡ്രെസ്സുമിട്ട് ആരതി ഇറങ്ങി വന്നു… മുടി പിന്നിലേക്ക് കെട്ടിവച്ച് കാതിൽ ചെറിയൊരു കമ്മലും കഴുത്തിൽ നേർത്തൊരു മാലയും… അപ്പഴാണൊരു കാര്യം ശ്രേദ്ധിച്ചത്, അവള്ടെ കഴുത്തിൽ ഞാൻ കെട്ടിയ താലിയില്ല, നെറുകയിൽ സിന്ദൂരവും…! ഒരുകണക്കിനത് നന്നായി… ഇവളെ അല്ലാതെ കാണുമ്പോ തന്നെ എനിക്ക് പൊളിയും, അതിന്റെകൂടെ ആ താലിമാലേം സിന്ദൂരോം കൂടി കണ്ട എനിക്ക് ചെലപ്പോ പ്രഷർ കേറാനുള്ള വലിയ സാധ്യതയുണ്ട്…!

“” യെടി…! നിന്നോ…! “” അവളോട് രണ്ട് വർത്താനം പറയാൻ നിന്നതും വീണ്ടും ഫോണടിച്ചു… ഇവര് മനുഷ്യനൊരു ഡയലോഗ് മുഴുവനാക്കാൻ സമ്മതിക്കില്ലേ…? ഫോൺ നോക്കുമ്പോ ശരത്തേട്ടനാണ്…!

“” ഹലോൺ…! “” ഫോണെടുത്ത വഴിക്കെ അവളെയൊന്ന് നോക്കി ഞാൻ അരിശത്തോടെ ചോദിച്ചു…!

“” അച്ഛൻ വിളിച്ചിരുന്നൂലെ…? “” വീട്ടീന്ന് വിളിച്ച കാര്യമറിഞ്ഞിട്ടാവും ഈ തിരക്കൽ…!

“” ആ…! “”

“” ഞാനറിഞ്ഞു…! ഞാനാ റൂമിന്റെ ചാവി കൊടുത്തേ…! ആരതിനെ അങ്ങട്ടാക്കാൻ എല്ലാരുങ്കൂടി വരാൻ നിന്നതാ…! അച്ഛനാ പറഞ്ഞെ വേണ്ട അവളൊറ്റക്ക് പോട്ടെന്ന്…! “”

“” എന്തിന്…? ഇവളേന്തിനാ ഇങ്ങട്ട് കെട്ടിയെടുപ്പിച്ചേ…? “” ഞാൻ അവക്ന്യതയോടെ ചോദിച്ചു…!

“” അവൾക്കവടെല്ലേ ജോലി…! ഏതോ ഐ ട്ടി കമ്പനിലാന്നാ പറഞ്ഞെ…! കൂടുതലൊന്നും എനിക്കും അറിയാൻവയ്യ…! “” അവളിങ്ങോട്ട് വന്നതിന്റെ ദേഷ്യം കൊറെയൊക്കെ ഞാൻ ശരത്തേട്ടന്റെ മേൽ തീർത്തു…! കുറച്ച് നേരം കൂടി സംസാരിചിട്ടാണ് ഞാൻ ഫോൺ വച്ചത്…!

ഇവൾക്ക് വേറെ വല്ലോടത്തും പോയി നിന്നൂടെ… മനുഷ്യനെ മെനകെടത്താൻ… വീണ്ടും ഞാനവളെ തെറിപറയാൻ വേണ്ടി തിരിഞ്ഞതും ആരതിയെ കണ്ടില്ല… പോയീന്ന് തോന്നണു…! എല്ലാങ്കഴിഞ്ഞിങ്ങ് വരട്ടെ… സൽക്കരിക്കുന്നുണ്ട് ഞാനവളെ…!

ഇവിടെ ഇരുന്നിട്ടൊരു സമാധാനോം കിട്ടണില്ല… ഉണ്ടായിരുന്നതൊക്കെ ഒരുത്തി വന്നപ്പോ പോയി… പൊറത്തേക്കൊക്കെയൊന്ന് പോയ കുറച്ച് ആശ്വാസം കിട്ടൂന്ന് തോന്നിയതും ഞാൻ ടോമിക്കും സിംബക്കും കഴിക്കാനുള്ളത് ഓട്ടോമാറ്റിക് ഫീഡിങ് മെഷീനിൽ ഇട്ടുകൊടുത്ത് ഇറങ്ങി…!

രാത്രിവരെ ജോലി ആവിശ്യത്തിനും അല്ലാതെയുമൊക്കെയായി അലച്ചില് തന്നെയായിരുന്നു… അതിന്റെ ക്ഷീണം മാറ്റാൻ വരുന്നവഴി ബാറിൽ കേറി രണ്ട് ബീറും അടിച്ചു… ബിയറ് മാത്രയൊണ്ട് ഇന്നലത്തെയത്ര സീനൊന്നും ഉണ്ടായിരുന്നില്ല… അതിനാൽത്തന്നെ അത്യാവശ്യത്തിനൊക്കെയുള്ള ബോധമേനിക്കുണ്ടായിരുന്നു…

തിരിച്ച് എത്തുമ്പോ അകത്ത് ആരതിയുണ്ടാവുമെന്നുള്ള ഓർമ്മയൊന്നും എനിക്കില്ലായിരുന്നു… അകത്ത് കേറിയ ഞാൻ കാണുന്നത് ടീവിയും ഓണാക്കി ഹാളിലെ സോഫെലിരുന്ന് ലെയ്സ് കെട്ടുന്ന ആരതിയെയാണ്… പിന്നെ ഞാൻ വീടോ…? നേരെ ചെന്ന് ടിവി ഓഫാക്കി…! ശേഷം സോഫെലിരുന്ന അവളെ പിടിച്ച് വലിച്ചെഴുന്നേൽപ്പിച്ചു…

“” എന്താടി നിന്റുദേശം…? ഏഹ്…? ആരോട് ചോയ്ച്ചിട്ടാടി നീ ഇങ്ങോട്ട് കെട്ടിയെടുത്തെ…? “” കലികയറിയ ഞാൻ അവള്ടെ കൈയിലെ പിടി മുറുക്കി ചോദിച്ചു… ആദ്യമൊന്ന് ഞെട്ടിയ അവൾ എന്റെ ചോദ്യം കേട്ടതും മുഖം മാറി…!

“” കൈയീന്ന് വിഡ്ര…! “” കണ്ണെല്ലാം ചുവ്വന്നുവന്നവൾ കൈ വിടുവിക്കാൻ ശ്രേമിച്ചുകൊണ്ട് എനിക്ക് നേരെ ചീറി…!

“” വീട്ടില്ലെങ്കി നീയെന്നെയങ്ങ് വലിച്ചു കേറ്റും…! “” അവള്ടെ ഭീഷണിക്ക് പുല്ല് വിലകൊടുത്ത് ഞാൻ പറഞ്ഞതും അവൾ എന്നെ ശക്തിയായി തള്ളി…! അതോടെ ഒന്ന് വച്ചുപോയ ഞാൻ കൈയിലെ പിടിവിട്ടു…!

“” കള്ളുംകൂടിച്ചു വന്ന് എന്റെ മെക്കട്ട് കേറാൻ വന്ന ഈ ആരതിയാരാന്ന് നീയറിയും…! “” എനിക്ക് നേരെ വിരൽ ചൂണ്ടി അവളുനിന്ന് ചാടി… ശേഷം വീണ്ടും തുടർന്നു,

“” നിനക്കെന്താ അറിയണ്ടേ… എന്റുദേശം ന്താന്നല്ലേ…? എന്ന നീ കേട്ടോ…! നിന്നെ ഞാൻ നരകിപ്പിക്കും അഭി…! അന്ന് കോളേജിൽ വച്ച് നാണംകെടുത്തിയ പോലെ പിന്നേം ഞാൻ നിന്നെ എല്ലാർടേം മുന്നിലിട്ട് നാറ്റിക്കും…! കരയിപ്പിക്കും…! “” എന്തോ മനസ്സില് വച്ചു പറയുന്നത് പോലെ അവൾ എന്നെ നോക്കി പറഞ്ഞു… അവൾക്കെന്നോടുള്ള ദേഷ്യവും വെറുപ്പുമെല്ലാം അവളുടെ മുഖത്ത് ഞാൻ കണ്ടു… ഞാനൊരിക്കലും ഓർക്കാൻ ആഗ്രഹിക്കാത്ത കാര്യങ്ങളാണ് അരതീ ഇപ്പൊ പറഞ്ഞത്… ഒരു നിമിഷം അന്ന് നടന്നതെല്ലാം എന്റെ മനസ്സിലൂടെ കടന്നുപോയി…! അതോടെയെന്റെ ടെമ്പറ് തെറ്റി…! “” പ്ടെ “” അവളുടെ ചിറി നോക്കി ഞാനൊന്ന് കൊടുത്തു…! അടികൊണ്ടവൾ പിന്നിലെ സോഫയിലേക്ക് കുണ്ടിയും കുത്തി വീണ് കവിള് പൊത്തിയെന്നെ നോക്കിയതും ഞാൻ,

“” ഇനിയാ കാര്യം നീ മിണ്ടിയ…! “” പിന്നെയെനിക്കവടെ നിക്കാൻ തോന്നിയില്ല… ഞാൻ നേരെ റൂമ് തുറന്നകത്തുകേറി… ടോമിയും സിമ്പയും ഇതൊന്നുമറിയാതെ കട്ടിലിനു സൈഡിലായി കെടക്കുന്നുണ്ട്… അതെനിക്ക് പിടിച്ചില്ല… ഞാൻ രണ്ടിനേം തട്ടി വിളിച്ച് ലീഷ് കെട്ടി പുറത്തോട്ടിറക്കി… ആരതി സോഫയിൽ മുഖവും പൊത്തി കരയുന്നുണ്ട്… കൊറച്ചെരം കരയട്ടെ…! ശവം…!