💓 ആരതി കല്യാണം 💓 – 8 32അടിപൊളി  

“” ഏതാടാ പട്ടി നിനക്ക് പ്രാന്തായോ…? “” തലയിണ കട്ടിലേക്കിട്ട് ചാടിയെണീറ്റ ആരതി ഫാനിലേക്കും അവളേം മാറി മാറി നോക്കുന്ന എന്നോടായി അലറി…!

“” അപ്പൊ…! നീ…! നീ ചത്തില്ലേ…? “” വീണിടത്ത് നിന്നെണീക്കാതെ മൊത്തം കൺഫ്യൂഷനടിച്ചിരുന്ന ഞാൻ അവളെ അടിമുടിയൊന്ന് നോക്കി ചോദിച്ചു…!

“” ഓഹോ…! അപ്പൊ എന്നെ കൊല്ലാൻ വേണ്ടിട്ടാണല്ലേ നീയീ വാതിലും പൊളിച്ച് കേറി വന്നത്…! നാശംപിക്കാൻ…! “” ചന്തിവരെയുള്ളവളുടെ നീണ്ട കാർകുന്തൽ വാരിക്കട്ടി ഞാൻ ചവിട്ടിപൊളിച്ച വാതിലിന്റെ ലോക്കിലേക്ക് ചൂണ്ടിയവൾ നിന്ന് തുള്ളി…!

“” അല്ലതിപ്പ…! അല്ല ഞാൻ…! പിന്നെ…! “” എന്ത് പറയണംന്നറിയാതെ ഞാൻ കുഴഞ്ഞു… അവള് കേറി തൂങ്ങിന്ന് വിചാരിച്ചിട്ട ഞാൻ വാതില് പൊളിച്ച് വന്നെന്ന് എനിക്ക് പറയാമ്പറ്റില്ലാലോ…! അതോടെ ഞാൻ ട്രാക്ക് മാറ്റി ചാടിയേണീറ്റു…!

“” ആരോട് ചോയ്ച്ചിട്ടാടി നീ എന്റെ കട്ടിലികേറി കെടന്നേ…? “” ഉള്ളിലെ ചമ്മല് പുറത്തുകാണിക്കാതെ ഞാൻ അവൾക്ക് നേരെ ഒച്ചയിട്ടു… അല്ലെങ്കിലും എന്റെ ചോദ്യം ന്യായാമാണല്ലോ…!

“” നിന്റെ കട്ടിലൊക്കെ പണ്ട്…! ഇനിയിതെന്റെ കട്ടിലുങ്കൂടിയ…! “” കേറിവന്നിട്ട് രണ്ടുദിവസങ്കൂടി ആയിട്ടില്ല, അപ്പഴേക്കും എന്റെ കട്ടിലിനു വേണ്ടിയുള്ള അവള്ടെ അവകാശവാതം എനിക്ക് ഇഷ്ടപ്പെട്ടില്ല…!

“” അത് നീയോറ്റക്കങ്ങു തീരുമാനിച്ച മതിയ…? ഇതെന്റെ ഫ്ലാറ്റ…! ഇതെന്റെ റൂമും…! “” ഞാൻ വിട്ടുകൊടുക്കാതെ കട്ടിലില്ലേക്ക് ചാടി കെടന്ന് പറഞ്ഞു…!

“” നിന്റെ ഫ്ലാറ്റോ…! ഇതേ ആര്യേച്ചിടെ പേരിലുള്ള ഫ്ലാറ്റ…! നിനക്കുള്ളപോലെ ഇപ്പൊ എനിക്കും ഇതിൽ അവകാശണ്ട്…! “” എനിക്കുപിന്നാലേ അവളും കട്ടിലേക്ക് കേറി കിടന്ന് പറഞ്ഞതും ഞാൻ പൂച്ച വെള്ളത്തിൽ വീണപോലെ ചാടിയേണീറ്റവളെ നോക്കി…! അത് ശെരി അപ്പൊ എല്ലാം അറിഞ്ഞിട്ടാണല്ലേ…? അവള് പറഞ്ഞപോലെ ഇതെന്റെ പേരിലുള്ള ഫ്ലാറ്റല്ല…! എറണാകുളത്ത് എന്തേലും ബിസിനസ്‌ ആവിശ്യത്തിന് വരുമ്പോ നിക്കാൻ ചേച്ചിടെ പേരിൽ ശരത്തേട്ടൻ എടുത്ത ഫ്ലാറ്റാണ്…!

“” വെണ്ണേലീ മൂലേലെവേടേലും കേറി കെടന്നോ…! “” അവള്ടെ പ്രവർത്തിയിൽ ഞെട്ടിത്തരിച്ചു നിന്ന എന്നോട് ഒരു തലയിണ എടുത്ത് നടുവ്വിൽ വച്ച് ബെഡിന്റൊരു മൂല ചൂണ്ടിയവൾ പറഞ്ഞു…! ഇവളത്രക്കായോ…!

“” നിന്റെകൂടെന്റെ പട്ടി കെടക്കും…! “”ന്നും പറഞ്ഞ് ഞാൻ നേരെ കട്ടിലിൽ കെടന്നൊരു തലയിണ എടുത്ത് കൈയിൽ പിടിച്ചു… ശേഷം ഒരു ലോഡ് പുച്ഛത്തോടെ അവളെ നോക്കി… പക്ഷെ അവളാണെങ്കി ഞാൻ നോക്കിയതിനേക്കാളും പത്തിരട്ടി പുച്ഛം മുഖത്ത് ഫിറ്റുചെയ്ത് എന്നെ തിരിച്ചും നോക്കുന്നുണ്ട്… പിന്നെ ഞാനവടെ നിന്നില്ല, നേരെ റൂമിന്റെ പുറത്തിറങ്ങി സോഫെല് കേറി കെടന്നു… അവള്ടെ കൂടെ കെടക്കണേലും ബേധം ഇവടെ കെടക്കണതാണ്…! ശവം…!

എന്താണെന്നറിയില്ല, രാവിലെ ഞാൻ നേരത്തെ എണീറ്റു… ഒറക്കമൊന്നും ശെരിയാവാത്തപോലെ… എണീറ്റപാടെ ഞാൻ കണ്ടത് നിലത്ത് കിടക്കുന്നിരുന്ന കയറാണ്… എന്നാലും ചാവാനല്ലെങ്കി പിന്നെന്തിനാ ഇവളീ കയറുവാങ്ങ്യെ…? അപ്പഴാണ് ഞാനാ കാര്യം ഓർക്കണേ… ഇതവള് വാങ്ങിയ കയറല്ല… ഞാൻ തന്നെ വാങ്ങിയതാണ്… അതും ബാൽക്കണിയിൽ അഴല കെട്ടാൻ… ശെയ്യ്…! ഞാൻ വെറുതെ തെറ്റിദ്ധരിച്ചു…!

നേരത്തെ എണീറ്റ് വെറുതെയിരിക്കണ്ടല്ലോന്ന് വിചാരിച്ച ഞാൻ പഴേപോലെ ജിമ്മിൽ പോവ്വാൻ തീരുമാനിച്ചു… ഇവടെ വന്നതിന് ശേഷം ഇത്രേം കാലം ഞാൻ ജിമ്മിൽ പോയിരുന്നു… പക്ഷെ ഒന്ന് രണ്ടാഴ്ചയായി പാലക്കാരണങ്ങൾകൊണ്ടും അത് മുടങ്ങുകയായിരുന്നു… അങ്ങനെ ജിമ്മിൽ പോവാൻ തന്നെ ഉറപ്പിച്ചു ഞാൻ നേരെ ഒരു ട്ടവിലും മുൻപേ വാങ്ങിവച്ച ക്രീയേറ്റിനും എടുത്തിറങ്ങി…

കുറച്ച് ദിവസം പോവാത്തതോണ്ട് തന്നെ ഇന്നത്തെ ദിവസം ബോഡി നല്ല ട്ടയേർഡ് ആയിരുന്നു… ഇനി ചാവാറായതാണാന്ന് പോലും എനിക്ക് തോന്നാതിരുന്നില്ല… എന്നിരുന്നാലും പണ്ടും ജിമ്മിൽ പോവാറുണ്ടായിരുന്നത് കാരണം ഇപ്പഴും അതിന്റെഒരിത് എന്റെ ബോഡിയിൽ കാണാമായിരുന്നു… എനിക്കാണേൽ പറയാൻ ഇത് മാത്രേ ഒള്ളു…

തിരിച്ച് ഫ്ലാറ്റിൽ പോവുന്ന വഴി ഞാൻ അജയ്യേ വിളിച്ച് ഇന്നലെ നടന്നതൊക്കെ പറഞ്ഞു… ഞാൻ പറയുന്നതെല്ലാം കേട്ട് അവൻ തലമറന്ന് ചിരിച്ചതല്ലാതെ എന്റെ ദുഃഖത്തിൽ അവൻ പങ്കുചേർന്നില്ല… കള്ള നായിന്റ മോൻ…! ഫ്ലാറ്റിലെത്തി അകത്ത് കേറിയ ഞാൻ എന്റെ കൈയിലെ ട്ടവിലും വലിച്ചെറിഞ്ഞ് സോഫെലിരുന്നു… കിച്ചണിൽ എന്തോ ശബ്ദമൊക്കെ കേൾക്കുന്നുണ്ട്… ഇവള് പോയില്ലേ…? ഇന്നിനി ഞായറാഴ്ച വല്ലതുമാണോ…? ആഹ് എന്തെലാവാട്ടെ…! കൊറച്ചുനേരംകൂടി ഇരുന്ന് ഞാൻ നേരെ ബാത്റൂമിൽ കേറി… ശേഷം ഫ്രഷായിറങ്ങിയതും കാളിങ് ബെൽ അടിക്കുന്ന ശബ്ദം കേട്ടു…

ആരാ രാവിലെതന്നെന്ന് ചിന്തിച്ച് വാതില് തുറന്നതും അജയ് പുറത്ത് ഇളിച് നിക്കുന്നു… കൂടെ അവന്റെ ഭാര്യ നിമ്മിയും ഉണ്ട്…! ഞാനാ കാര്യം വിട്ടുപോയി…! ഏകദെശം എട്ടുമാസം മുൻപ് അജയ്‌ടേം കല്യാണം കഴിഞ്ഞതാണ്…! ഭാര്യടെ പേര് നിമ്മി ലുക്ക…! ഞങ്ങൾ തേർഡ് ഇയർ പഠിക്കുന്ന സമയത്താണ് ഇവര് തമ്മിൽ കാണുന്നതും ഇഷ്ടത്തിലാവുന്നതും… നിമ്മി അന്ന് ഫസ്റ്റ് ഇയറായിരുന്നു…

ഒരുദിവസം ഞങ്ങൾ ക്യാന്റീനിൽ ചായ കുടിക്കാൻ വേണ്ടി കേറി ചെല്ലുമ്പഴാണ് ഒരു പെണ്ണ് ഓടി വന്ന് അജയ്‌ടെ ദേഹത്ത് തട്ടി വീഴുന്നത്… ഇങ്ങോട്ട് വന്നിടിച്ച പെണ്ണിനെ അവൻ രണ്ട് തെറി പറയാൻ നിന്നതും ഞങ്ങള് കാണുന്നത് നിലത്തു കിടന്ന് വേറക്കുന്ന നിമ്മിയെയാണ്… ഫിറ്റ്സോ അഭസ്മരോ അങ്ങനെയെന്തോ ആയിരുന്നത്രെ… അതോടെ അജയ്‌ടെ ഗ്യാസ്പോയി, ഞങ്ങടേം…

ശേഷം അവളെ ഹോസ്പിറ്റലിൽ കൊണ്ടൊവുന്നു ചികിൽസിക്കുന്നു ഫ്രൂട്ട് വാങ്ങി കൊടുന്നു അങ്ങനെന്തൊക്കെയായിരുന്നു പുകില്… പിന്നെ അവര് തമ്മിൽ കാണാലായി സംസാരിക്കലായി മെല്ലെ ആ പെണ്ണിവന്റെ തലേലും ആയി… വേറെ വേറെ മതമായോണ്ട് രണ്ടുപേർടേം വീട്ടില് സീനായി… പ്രേത്യേകിച്ച് അജയ്‌ടെ… അതോടെയവൻ വീട് വീട്ടിറങ്ങി എന്റെ തൊട്ടടുത്ത ഫ്ലാറ്റ് എടുത്ത് അവളേം കൂട്ടി പൊറുതീം തൊടങ്ങി…!

“” എന്താണാളിയ ടെൻഷനോക്കെ മാറിയ…? “” കേറിവന്നപാടെ എന്നിക്കിട്ടൊന്ന് താങ്ങി അവൻ ചോദിച്ചു… അതിനവനെയൊന്ന് ചൂഴ്ന്നു നോക്കിയതല്ലാതെ ഞാനൊന്നും പറഞ്ഞില്ല… സ്വന്തം ഭർത്താവിനെ തെറിവിളിച്ച ആ കൊച്ചിനത് ഇഷ്ടപ്പെട്ടില്ലെങ്കിലോ…!

“” നിങ്ങള് വാ…! “” സാധാരണ എന്നോട് ചോയ്ക്കാതെയാണ് അവൻ കേറിവരാറ്… പക്ഷെ ഇന്ന് അകത്ത് കേറാതെ പുറത്ത് തന്നെ നിന്ന അവനെ ഞാൻ അകത്തേക്ക് വിളിച്ചു… ആരാ വന്നെന്നറിയാൻ കിച്ചണിൽ നിന്ന് ആരതി ഒരു കൈലും പിടിച്ച് ഹാളിലേക്ക് വന്നതും അജയ്,