💓 ആരതി കല്യാണം 💓 – 8 32അടിപൊളി  

“” ആ ആരതി മാഡം, നമ്മളെയൊക്കെ അറിയോ…? “” പെട്ടന്ന് അജയെ കണ്ട ആരതി അവനെ നോക്കി ഒരു ചമ്മിയ ചിരിച്ചിരിച്ചു… ശേഷം അജയ്‌ടെ പിന്നിൽ നിന്നിരുന്ന നിമ്മിയെ സംശയത്തോടെ നോക്കി…

“” ഇതെന്റെ ഭാര്യ, നിമ്മി…! നിമ്മി, ഇതിവന്റെ ഭാര്യ ആരതി…! ആരതി ചേച്ചി കോളേജിൽ ഞങ്ങടെ സീനിയറായിരുന്നു…! നീ ചെലപ്പോ കണ്ടുകാണും”” നിമ്മിയെ പരിചപ്പെടുത്തിയതിന് പിന്നാലെ ആരതിയെ നിമ്മിക്ക് എന്റെ ഭാര്യ എന്ന് പറഞ്ഞ് പരിചയപെടുത്തിയതും പോരാഞ്ഞിട്ട് അവളെന്റെ സീനിയറായിരുന്നുന്ന് കൂടി പറഞ്ഞ അജയ്യേ നോക്കി ഞാൻ പല്ലുകടിച്ചു… ആരതിയാണെങ്കി ചമ്മിനാറി നിക്കുന്നുണ്ട്…! ഈ മൈരനിത് എന്തിന്റെ കേടാ…?

“” നീയെന്ന ആരതിടെ കൂടെ ചെല്ല്…! ഞങ്ങൾക്ക് കൊറച്ച് സംസാരിക്കാനുണ്ട്…! “” അത് കേട്ടതും നിമ്മി ആരതിയേം കൂട്ടി കിച്ചണിലേക്ക് കേറി… പോവുന്നെന് മുന്നേ ആരതിയെന്നെ നോക്കി കണ്ണുരുട്ടാനും മറന്നില്ല… ഇതെന്ത് മൈര്…?

“” നിനക്കെന്താ മൈരേ വയ്യേ…? രാവിലെതന്നെ മനുഷ്യനെ നാണങ്കെടുത്താൻ കുറ്റീം പറിച്ചെറങ്ങിക്കോളും ശവം…! “” അവന്റെ ഷോ കണ്ട് ഇളിക്കേറിയ ഞാൻ അവനെ തെറിയും പറഞ്ഞ് സോഫെലിരുന്നു…

“” എന്നെക്കൊണ്ടിത്രൊക്കെ പറ്റു…! നീയത് വിട്, നമ്മടെ വൈൻ എവടെ…? “” അവൻ സ്വകാര്യം പറയുമ്പോലെ ശബ്ദം താഴ്ത്തി ചോദിച്ചു… ഒരു ഒന്നര മാസം മുന്നേ ഞങ്ങള് കുറച്ച് മുന്തിരി പിഴിഞ്ഞ് വൈൻ ആക്കാൻ വേണ്ടി സെറ്റ് ആക്കി വച്ചിരുന്നു… ഒരു മൂന്ന് മാസെങ്കിലും വച്ചാലെ ഒരു ഫീലുകിട്ടൂന്ന് ഞാനീ കാലനോട് പറഞ്ഞതാ… പക്ഷെ എന്നെ എപ്പോ കണ്ടാലും ഇവനിത് ചോയ്ച്ചോണ്ടിരിക്കും… അതിന്

“” ഇനിയീ കാര്യം ചോയ്ച്ചിങ്ങോട്ട് വന്ന വൊക്കെക്കൂടി ഞാൻ നിന്റണ്ണാക്കില് കേറ്റും…! പറഞ്ഞില്ലാന്ന് വേണ്ട…! “” ന്നായിരുന്നെന്റെ മറുപടി… പിന്നെയവനതിനെ പറ്റി മിണ്ടിയില്ല…

കുറച്ച് നേരം ഞങ്ങള് കൊടികുത്തിയ സംസാരത്തിലായിരുന്നു… അതിൽ പല പല ടോപിക്കും വന്നുപോയി… അവസാനം എത്തിയത് ഇല്ലുമിനാറ്റീലും… ഇലുമിനാറ്റി തൊടങ്ങിയത് ടിപ്പു സുൽത്താനാണെന്ന് അവനും അല്ല അത് ഗാന്ധിജിയാണെന്ന് ഞാനും… ഞാനാണ് ശെരിയെങ്കിൽ അവൻ മൊട്ടയടിക്കൂന്നും അവനാണ് ശെരിയെങ്കി ഞാൻ മൊട്ടയടികൂന്നും ഉള്ള കരാറിൽ ഞങ്ങളെർപ്പെട്ടു…

അതോടെ പ്രശ്നം വഷളായി… ഇതിലൊരു വ്യക്തത വരാൻ വേണ്ടി ഗൂഗിളിനോട് ചോദിക്കാൻ നിന്നെങ്കിലും അവനത് നിരസിച്ചു… ഗൂഗിള് നൊണേ പറയൂത്രെ… ആ ശ്രമം ഉപേക്ഷിച്ച ഞങ്ങൾ നേരെ യദുവിനെ ഫോൺ വിളിച്ചു… പക്ഷേ അവന്റെ ഉത്തരത്തിനോട് ഞങ്ങൾക്ക് യോജിക്കാൻ പറ്റിയില്ല…

ഇലുമിനാറ്റി കണ്ടുപിടിച്ചത് കുഞ്ഞാലി മരക്കാരാണ് പോലും… പൊട്ടൻ…! കൊറേ തപ്പിട്ടും ഉത്തരം കിട്ടാതിരുന്ന ഞങ്ങൾ യുദ്ധകാലാടിസ്ഥാനത്തിൽ ആ ചർച്ച അവസാനിപ്പുകയായിരുന്നു… ഇനിയും ഇതുപോലെ വേറെ ചർച്ചയിൽ ഏർപെട്ടാൽ ഒന്നെങ്കിൽ ഞാൻ അല്ലെങ്കി അവൻ ഇതിലേതെലും ഒരാളെ ജീവനോടെണ്ടാവു… ആ തിരിച്ചറിവ് ഞങ്ങളെ ലുഡോ കളിക്കാൻ പ്രേരിപ്പുക്കുകായായിരുന്നു…

അങ്ങനെ ലുഡോ കളിച്ചിരിക്കുമ്പഴാണ് കിച്ചണിൽ നിന്ന് ഉറക്കെയുള്ള അട്ടഹാസം കേൾക്കുന്നത്… അതാരതിടെ ചിരിയല്ലേ…? ഇവൾക്ക് ഭ്രാന്തായോ…? എന്താ സംഭവന്നറിയാൻ ഞാനും അജയ്യും കിച്ചണിലേക്ക് ചെന്നു…

“” എന്താ…? എന്താണ്ടായേ…? “” അവർടടുത്തെത്തിയതും അജയ്യ് നിമ്മിയോടായി ചോദിച്ചു… ആരതിയാണെങ്കിൽ എന്നെ നോക്കി ചിരി പുറത്ത് വരാതിരിക്കാൻ ചുണ്ട് കടിപ്പിച്ചു നിക്കുന്നുണ്ട്, കയ്യിലൊരു കത്തിയും…!

“” അത് ഇച്ചായൻ എന്നോട് അഭിയേട്ടൻ ഇന്നലെ ചെയ്ത് കൂട്ടിയെതൊക്കെ പറഞ്ഞില്ലേ…? അത് ഞാൻ ചേച്ചിയോട് പറയായിരുന്നു…! “” ഒരു കൂസലുമില്ലാതെ നിമ്മിയത് പറഞ്ഞു നിർത്തീതും ആരതി പിന്നേം ചിരി തുടങ്ങി… ചിരിച് ചിരിച്ചവൾടെ കണ്ണീന്ന് വരെ വെള്ളം വരുന്നുണ്ടായിരുന്നു…

എന്റവസ്ഥ പിന്നെ പറയണ്ടല്ലോ… കാലൻ ഇപ്പൊ വണ്ടിയുമായി വന്ന ഞാൻ സ്പോട്ടില് കേറിപോവും… അത്രക്കും ഞാനിവടെ നിന്ന് ചീഞ്ഞു… ഇതിനെല്ലാം കാരണകാരനായ ആ നായിന്റെ മോനെ ഞാൻ തിരിഞ്ഞുനോക്കിയെങ്കിലും അവന്റെ പൊടിപോലും കണ്ടില്ല… ഹാളിൽ ചെന്ന് നോക്കുമ്പണ്ട് ഒരുത്തൻ പതുങ്ങി പതുങ്ങി പുറത്തേക്കുള്ള വാതിലിന്റടുത്തേക്ക് നടക്കുന്നു…

ആരേലും ഉണ്ടോന്ന് നോക്കാൻ പിന്നിലേക്ക് തിരിഞ്ഞ അവൻ കാണുന്നത് അവനെ തന്നെ നോക്കി കണ്ണുരുട്ടുന്ന എന്നെയാണ്… അതോടെ അതുവരെ നടന്നിരുന്ന അവൻ ഓടാൻ നിന്നതും ഞാൻ,

“” ഓടരുത്…! “” അവന്റെ പിന്നാലെ പാഞ്ഞു ഞാൻ പറഞ്ഞു… ശേഷം അവനെ കൈയിൽ കിട്ടിയ ഞാൻ അവന്റെ പെടലിക്ക് പിടിച്ചു…!

“” നിനക്കോ ബുദ്ധിയില്ല…! നിന്റെ ഭാര്യക്കും അതില്ലാന്ന് ഒരു വാക്ക് നിനക്കെന്നോട് പറയുന്നില്ലെടെ നാറി…! “” ന്നും പറഞ്ഞവനെ ഞാൻ കൊല്ലാൻ നിന്നതും വീണ്ടും കാളിങ് ബെല്ലടിക്കുന്ന ശബ്ദം കേട്ടു…! ഇതാരാ ദൈവോ…? ഇനി ഇവനെ രക്ഷിക്കാനെങ്ങാനും…? അവനെ വിട്ട് വാതില് തുറന്ന ഞാൻ പുറത്ത് നിൽക്കുന്ന ആളെ കണ്ട് നിന്നുപോയി…! ‘ അമ്മ ‘…! പിന്നിലായി ചേച്ചിയും അളിയനും…!

തുടരും…!

ഫ്ലാഷ് ബാക്ക് തീർന്നിട്ടില്ല…! ഇടക്ക് കഥയുടെ പോക്കനുസരിച് ഫ്ലാഷ് ബാക്കും പറയുന്നതാണ്…!

ഈ കഥ വായിക്കുന്നവർ അഭിയുടെ character മനസ്സിലാക്കിയാൽ നന്നായിരിക്കും…! എന്നാലേ കഥ വായിക്കുമ്പോ ചില കാര്യങ്ങളിൽ നിങ്ങൾക്ക് കൺഫ്യൂഷൻ ഒഴിവാക്കാൻ പറ്റു…!

അഭിമന്യു ❤️