💓 ആരതി കല്യാണം 💓 – 9 8അടിപൊളി  

“” നീയത്രക്കങ്ങോട്ട് ഒണ്ടാകണമെന്നില്ല…! അതിന് മാത്രം ഒറപ്പ് നിന്റെ സാമാനത്തിനൊണ്ടെങ്കി ഇപ്പൊ വാ…! “” തത്കാലത്തിനു അടിയൊന്നും പൊട്ടാൻ സാധ്യതയില്ലാന്ന് ആശ്വസിച്ചിരിക്കുമ്പഴാണ് യദു ഇടക്ക് കേറി അത് പറഞ്ഞത്…! നായിന്റെ മോൻ കാരണം എന്റെ മറ്റേ കൈയും ഒടിയൂന്ന തോന്നണേ…!

 

യദുന്റെ ഡയലോഗ് കേട്ട് ഇപ്പോ അടിപൊട്ടൂന്ന് വിചാരിച്ചിരിക്കുമ്പഴാണ് ഞങ്ങൾടെ ഇടയിലേക്ക് ഒരു സാറും ഒരു ടീച്ചറും കേറിവരുന്നത്…!

 

“” സസ്‌പെൻഷൻ കഴിഞ്ഞ് കേറീട്ടില്ല, അപ്പഴക്കും തൊടങ്ങിയോ എല്ലാരും കൂടി…! ഇടിയറ്റ്സ്…! “” ഞങ്ങടെ നടുക്ക് നിന്ന് ആ പെണ്ണുമ്പിള്ള ഇംഗ്ലീഷില് തെറിപറഞ്ഞതും മറുപടിയായി ആൽബി,

 

“” അതിന് ഇവിടൊന്നും ഇണ്ടായില്ലല്ലോ മിസ്സ്‌…! ഞങ്ങള് വെറ്തെ സംസാരിച്ച് നിക്കുവായിരുന്നു…! “” ന്ന് പറഞ്ഞതും എല്ലാവരും അതേറ്റുപിടിച്ചു…! അല്ലായിരുന്നെങ്കി പിന്നേം സസ്‌പെൻഷൻ കിട്ടിയേനെ…! അതോടെ അവര് പിന്നേം ഇംഗ്ലീഷിലെന്തൊക്കെയോ തുപ്പിയതും ഞങ്ങള് ക്ലാസ്സിൽ കേറി…! കേറുന്നതിനു മുന്നേ അവറ്റകളെയൊന്ന് തിരിഞ്ഞു നോക്കിയ ഞാൻ ആദ്യം കാണുന്നത് എന്നെ നോക്കി കണ്ണുരുട്ടി നിക്കണ ആരതിയെയാണ്…! അതോട്ടും ഇഷ്ടപ്പെടാതെ ഞാൻ,

 

“” എന്ത്രി…? “” ന്ന് ആംഗ്യം കാണിച്ചത് കണ്ട് അവളെന്നെ നോക്കി പോടാന്നും പറഞ്ഞ് തിരിഞ്ഞ് നടന്നു…! പുന്നാരമോൾടെ അഹങ്കാരം ഞാൻ തീർത്തുകൊടുക്കുന്നുണ്ട്…! മനസ്സിൽ അങ്ങനെ പറഞ്ഞുറപ്പിച്ച ശേഷം ഞാൻ എന്റെ പരിപാടിയിലേക്ക് കടന്നു…!

 

അന്നത്തെ ദിവസ്സവും അതിന് പിന്നാലേയുള്ള ദിവസവും പ്രേത്യേകിച്ച് അലമ്പൊന്നുമില്ലാതെ കടന്നുപോയി…! കൈയിൽ കെട്ടും പിന്നെ ചെറിയ ബുദ്ധിമുട്ടുകളെല്ലാം ഉണ്ടായിരുന്നോണ്ട് ആ ദിവസങ്ങളിൽ ഞാൻ ഒതുങ്ങി തന്നെയാണ് നടന്നിരുന്നത്…!

 

ആക്സിഡന്റിന്റന്നു ആരതി എല്ലാ കുറ്റവും എന്റെ മണ്ടേലിട്ട് തലയൂരിയത് അലോയ്ക്കുമ്പോ എന്നിക്ക് വല്ലാണ്ടങ്ങു പൊളിഞ്ഞുകേറുന്നുണ്ടായിരുന്നു…! അതിന്റെ കൂടെ സ്വന്തം തള്ളേടെ പ്രാക്കും…!

 

ഏകദേശം അഞ്ചുമാസം കഴിഞ്ഞ് എല്ലാം നോർമലായി തുടങ്ങി…! എന്റെ കൈയിലെ കെട്ടഴിച്ചു…! ബോഡിയിലെ പെയിനും ഏകദെശം മാറിന്നും പറയാം…! പുലി പതുങ്ങുന്നത് മൂഞ്ചാനല്ല ചാമ്പാനാണ്ന്ന് പറയണപോലെ ഞാനിത്രേം കാലം ഒതുങ്ങി നടന്നത് ഒന്നും മറന്നിട്ടല്ല, ആരതിക്ക് നല്ലൊരു പണികൊടുക്കാൻ വേണ്ടി തന്നെയാണ്…!

 

പക്ഷെ ഒരു പ്രേശ്നമുണ്ട്…! ഒരു മാസങ്കൂടി കഴിഞ്ഞ ആരതിടെ ഇവടത്തെ പഠിപ്പ് കഴിയും…! ഒരുത്തരത്തിൽ അതിലെനിക്ക് നല്ല സന്തോഷമുണ്ടെങ്കിലും അതിന് മുന്നേ അവൾക്ക് മുട്ടനൊരു പണികൊടുക്കണമെന്ന് വാശിയുള്ളൊണ്ട് ചെറിയൊരു സമ്മർദ്ധവും എന്നിക്കുണ്ട് താനും…!

 

ഇതിന്റെടേക്ക് വേറൊരു സംഭവവും നടന്നു…! സിഗ്മ കളിച്ചുനടന്നെനിക്ക് ഒരു കുട്ടി സെറ്റായി…! പേര് വൃന്ദ…! ഞങ്ങടെ കോളേജിൽ തന്നെ ബി കോമിന് പഠിക്കുന്നു…! ഇവടെ അടുത്ത് തന്നെയാണ് സ്ഥലം…!

 

പാലിന്റെ നിറമാണെന്നൊന്നും ഞാൻ പറയുന്നില്ല…! സാധാരണപോലെ വെളുത്തിട്ടുള്ളൊരു കുട്ടി…! ചെറുതായി നീണ്ട മൂക്കും അതിലൊരു മൂക്കുത്തിയും…! അതിലാണ് ഞാൻ വീണുപോയത്…! പിന്നെ അവള് ചിരിക്കുമ്പോൾ കാണുന്ന നിരയാർന്ന മുല്ലപ്പു പല്ലുകളും…! എന്റെയത്രെയില്ലെങ്കിലും നീണ്ട് അതിനൊത്ത ഷേപ്പും…! ഒരു സുന്ദരികുട്ടി…! എന്റെ വൃന്ദ…!

 

ഒരു ദിവസം കോളേജില് സാധാരണ പോലെ ഞങ്ങള് വെറുതെയിരുന്നു കൊണയടിച്ച് അത് പെണ്ണുവിഷയത്തിലെത്തി…! പറഞ്ഞ് പറഞ്ഞ് അവസാനം എന്റെ മാമന്റെ മോനായ നായിന്റെ മോൻ വിച്ചു എനിക്കൊരു വെല്ലുവിളിയും അങ്ങ് വച്ചു തന്നു…! ” ധൈര്യണ്ടെങ്കി ഒരു പെണ്ണിനെ വളച്ചു കാണിക്കടാന്ന്…! “”

 

ആ വെല്ലുവിളി അപ്പഴത്തെ മാനസികാവസ്ത്തെല് ഞാൻ ഏറ്റെടുക്കേം ചെയ്തു…! അങ്ങനെയാണ് ഞാനിവളെ കാണുന്നത്…! അതും അജയ്യ് ചൂണ്ടികാണിച്ചു തന്നതാണ് കേട്ടോ…!