🚀🚀മഞ്ജിമ തുടക്കവും ഒടുക്കവും – 2🚀🚀 2അടിപൊളി  

മഞ്ജിമ : അതെ… ഫാത്തിമ : എന്നാൽ ഇതും കൂടെ കേട്ടോ, എന്നിട്ട് ഉറപ്പിച്ചു പറഞ്ഞാൽ മതി.

മഞ്ജിമ : മ്മ്മ്…

ഫാത്തിമ : ഞാൻ പറയുന്നത് എന്തും നിനക്ക് ചെയ്യേണ്ടി വരും. നിന്നെ കൊണ്ട് പറ്റാത്തത് ഞാൻ ഒരിക്കലും ചെയ്യിക്കില്ല. അത് എന്റെ വാക്ക്… ഞാൻ പറയുന്നതിനപ്പുറത്തേക്ക് ഒരു വാക്കോ പ്രവർത്തിയോ നിന്റെ കയ്യിൽ നിന്നും ഉണ്ടാവാൻ പാടില്ല.

മഞ്ജിമ : മ്മ്മ്…

ഫാത്തിമ : കഷ്ടപ്പെടേണ്ടി വരും എന്റെ കൂടെ കൂടിയാൽ, അല്ലേൽ കഷ്ടപ്പെടുത്തും ഞാൻ. അത് നിന്റെ നല്ലതിന് മാത്രം ആവൂ എന്നു മനസ്സിൽ ചിന്തിക്കുക എപ്പോഴും. എനിക്ക് വേണ്ടി പട്ടിയെ പോലെ പണിയെടുക്കേണ്ടി വരും. സമ്മതം ആണോ?..

മഞ്ജിമ : അതെ…

ഫാത്തിമ : നിന്റെ ഫാമിലിയെ കുറിച്ച് ഇപ്പോൾ എനിക്ക് നന്നായി അറിയാം അവർക്ക് നിന്നോടും നിനക്ക് അവരോടും ഉള്ള സ്നേഹവും. പക്ഷെ നീ ഓർത്തോ എന്നറിയില്ല, നിനക്ക് എന്റെ കൂടെ വരേണ്ടി വരും, ഞാൻ എവടെ പറയുന്നോ അവിടെ. താമസം അടക്കം. അതായത്, നിനക്ക് ഇവിടെ നിൽക്കാൻ പറ്റില്ല, മോളെ അടക്കം വിട്ട് പോരേണ്ടി വരും..

ഫാത്തിമ പറഞ്ഞ അവസാന ഭാഗം മഞ്ജിമയുടെ നെഞ്ചിൽ തറച്ചു. മഞ്ജിമ കണ്ണ് തുറിച്ചു ഫാത്തിമയെ നോക്കി എന്ത് പറയണം എന്നറിയാതെ..

ഫാത്തിമ : സ്ഥിരം ആയല്ല ഞാൻ പറഞ്ഞത്. നീ എന്നു എല്ലാം പഠിക്കുന്നോ, എന്നു എല്ലാം ഒറ്റയ്ക്ക് ചെയ്യാൻ പറ്റും എന്നു തെളിയിക്കുന്നോ അതുവരെ ആണ് ഞാൻ പറഞ്ഞത്. അതുവരെ ഞായർ മാത്രം ആവും നിനക്ക് എല്ലാവരുടെയും കൂടെ സ്പെൻഡ്‌ ചെയ്യാൻ പറ്റുകയുള്ളു. മഞ്ജിമ ആലോചനയിൽ മുഴുകി..

ഫാത്തിമ : മഞ്ജു,,,, അപ്സര നിന്റെ ജീവൻ ആണ് എന്നു എനിക്കറിയാം. ഞാനും കടന്നു പോയ ഒരു സീൻ ആണ് അത്. അവളെ പൊന്നു പോലെ നോക്കാൻ നിന്റെ അമ്മ, അച്ഛൻ അനിയത്തി ഉണ്ട്. എന്റെ കുഞ്ഞുങ്ങൾക്ക് എന്റെ ഉമ്മ മാത്രമേ ഉണ്ടായിരുന്നുള്ളു. കുട്ടികാലത്തു അവർക്കു എന്നോട് പരിഭവം ഉണ്ടായിരുന്നു. പക്ഷെ അവരെ ഇന്ന് നല്ലൊരു നിലയിൽ എത്തിക്കാൻ എനിക്ക് പറ്റി. ദുഃഖം ഉണ്ട്, അവരുടെ കുട്ടികാലം മിസ്സായതിൽ, അതുപോലെ അഭിമാനം ഉണ്ട് ഇന്ന് അവർ എത്തി നിൽക്കുന്ന ഉയരവും കാണുമ്പോൾ..

മഞ്ജിമ ഒന്നും മിണ്ടാതെ ആലോചനയിൽ മുഴുകി..

ഫാത്തിമ : ഇനി ആലോചിച്ചു പറഞ്ഞാൽ മതി.. ഒന്നു ഉറപ്പ് തരാം, എന്റെ കൂടെ നിന്നാൽ മഞ്ജു ഒരിക്കലും വഴിയാധാരം ആവില്ല.

മഞ്ജിമ ഉറങ്ങാതെ കൺമിഴിച്ചു കിടന്നു. ഫാത്തിമ തൊട്ടരികിൽ സുഖ നിദ്രയിലും..

മഞ്ജു കണ്ണ് മിഴിച്ചു. പതിയെ എഴുന്നേറ്റു പുറത്തു വന്നു. കണ്ടത് അണിഞ്ഞൊരുങ്ങി ഇരിക്കുന്ന അനിയത്തി അഞ്ജുവിനെ ആണ്.

അഞ്ചു : ഞാൻ വിളിക്കാൻ വരാരുന്നു

ചേച്ചീനെ. വേഗം റെഡി ആവാൻ നോക്ക്. പോവണ്ടേ നമുക്ക്. അമ്മ റെഡി ആയിക്കൊണ്ടിരിക്കാണ്.

മഞ്ജു : എങ്ങോട്ട്?..

അഞ്ചു : അത് ശരി, ചേച്ചിയോട് പറഞ്ഞില്ലേ?, കറങ്ങാൻ പോവാംന്നു ഇത്ത ആണ് പറഞ്ഞത്. ഇന്ന് വർക്ക്‌ ഒന്നുല്ല, കറങ്ങാൻ പോവല്ലേ ന്നു..

മഞ്ജിമ അന്തം വിട്ടു…. അതൊക്കെ എപ്പോൾ ഉണ്ടായി..

മഞ്ജു ഫാത്തിമയെ അന്വേഷിച്ചു നടന്നു. ഫാത്തിമ വീടിനു പുറത്തു അച്ഛന്റെ ഒപ്പം ഉണ്ടായിരുന്നു.

നീല കളർ ചുരിദാർ ആയിരുന്നു വേഷം. മഞ്ജിമ ഫാത്തിമയുടെ അടുത്ത് ചെന്നു ചോദിച്ചു : ഇപ്പോൾ ഇന്ന് പോണ്ടേ?..

ഫാത്തിമ : ഞായർ അല്ലെ, എല്ലാവർക്കും അവധി അല്ലെ.. അമ്മേ,,,, എന്നു വിളിച്ചു അപ്സര ഓടി വന്നു. പുത്തൻ ഉടുപ്പും ഇട്ടു. മഞ്ജിമ അപ്സരയെ പൊക്കി എടുത്തു ഉമ്മ വച്ചു. അപ്സര : കടല് കാണിക്കാം ന്നു പറഞ്ഞു..

മഞ്ജു : ആര്..

അപ്സര ഫാത്തിമയെ ചൂണ്ടി കുസൃതി ചിരി ചിരിച്ചു : ഇത്ത…

ഫാത്തിമ ചിരിച്ചു മഞ്ഞിമയുടെ അടുത്തത്തി അപ്സരയെ കയ്യിൽ എടുത്തു പറഞ്ഞു :എടി കള്ളി പാറൂ. ഇത്തയോ. ആന്റി എന്നു വിളി…

ഫാത്തിമ പറഞ്ഞു : മഞ്ജു റെഡി ആവു. ഞാൻ നോക്കി കൊണ്ട് പാറൂനെ..

മഞ്ജിമക്ക് ഒന്നും മനസ്സിലായില്ലെങ്കിലും കുളിച്ച് റെഡി ആവാൻ ആയി നടന്നു. അരസികൻ ആയ അച്ഛൻ വന്നില്ല, എല്ലാരും പോയി വേണം മൂന്നെണ്ണം ചാമ്പൻ എന്നു വച്ചു തന്നെ ആയിരുന്നു അത്.