🚀🚀മഞ്ജിമ തുടക്കവും ഒടുക്കവും – 2🚀🚀 2അടിപൊളി  

ഫാത്തിമയിൽ വിശ്വാസം അർപ്പിച്ചു അമ്മ ഉഷ ശാന്തം ആയി ഫോൺ കട്ട്‌ ചെയ്തു, കുറച്ചു അപ്പുറത്ത് തന്റെ മകളുടെ അവസ്ഥ അറിയാതെ..

തിരിച്ചു ഇപ്പോൾ…

കാർ മുന്നോട്ട് പോയികൊണ്ടിരുന്നു. മഞ്ജിമ അമ്മക്ക് ഫോൺ ചെയ്തു കാറിൽ ഇരുന്നു. ഇറങ്ങി എന്നും എത്താൻ ലേറ്റ് ആവും എന്നും, കഴിച്ചേ വരൂ എന്നും, കൂടെ ഫാത്തിമ ഇന്ന് അവിടെ ആവും സ്റ്റേ ചെയ്യുക എന്നും പറഞ്ഞു.

അമ്മ ഉഷ : അയ്യോ ഇവിടെ സ്ഥലം.. ഫാത്തിമ മഞ്ജിമയുടെ കയ്യിൽ നിന്നും ഫോൺ വാങ്ങി പറഞ്ഞു : ഒരു പായ കിട്ടുമോ, കിടക്കാൻ കുറച്ചു ഒരു 6, 7 അടി സ്ഥലവും. അത്രേം മതി എനിക്ക്.. ഉഷ : അയ്യോ അങ്ങിനെ ഒന്നും പറയരുത്. ഗസ്റ്റ് വന്നാൽ നോക്കാൻ ഒക്കെ ഞങ്ങൾക്ക് അറിയാം..

ഫോൺ കട്ട്‌ ആയി… വണ്ടി ആദ്യം വന്നു ചെന്നു നിന്നത് പേര് കേട്ട ഒരു സിൽക്‌സിൽ ആയിരുന്നു.

ഫാത്തിമയുടെ പിറകെ യന്ത്രികം ആയി മഞ്ജിമയും നടന്നു. സിൽക്‌സിലെ സ്റ്റാഫുകൾക്ക് എല്ലാം ഫാത്തിമയെ പരിചയം ഉള്ള പോലെ ആണ് പെരുമാറിയത്. പരിചയം മാത്രം അല്ല പേടിയോടെയും റെസ്‌പെക്റ്റും കൊടുത്താണ് ഓരോരുത്തരും സംസാരിച്ചത്. സ്റ്റാഫുകളുടെ പെരുമാറ്റം മഞ്ജിമക്ക് അത്ഭുതം ആയി തോന്നി. ആ അത്ഭുതം കൂട്ടി കൊണ്ട് ഉടമ തന്നെ നേരിട്ട് ഫാത്തിമയുടെ അടുത്തത്തി വിനീത കുലനായി സംസാരിച്ചു തുടങ്ങി…

എന്നാൽ ഫാത്തിമ ആകട്ടെ നല്ല പ്രൗടിയോടെ ഇംഗ്ലീഷും മലയാളവും കലർന്നു ആണ് സംസാരിച്ചത്.

കുടിക്കാൻ നിമിഷ നേരം കൊണ്ട് ജ്യൂസ്‌ എത്തി. വേണ്ട ഭക്ഷണം കഴിക്കാൻ ഉള്ളതാണ് എന്നു പറഞ്ഞു ഫാത്തിമ അവരെ പറഞ്ഞു വിട്ടു.

3 പേർ ആയിരുന്നു ഫാത്തിമക്ക് വേണ്ടി ഡ്രസ്സ്‌ എടുത്തു കൊടുക്കാൻ മുന്നിലായി അണി നിരന്നത്.

എല്ലാം കണ്ടു കണ്ണ് തുറിച്ചു നിന്നിരുന്ന മഞ്ജിമ നോക്കി നിൽക്കെ വ്യക്തമായി തനിക്കു എന്താ വേണ്ടത് എന്നും ഏതു കളർ ആണ് വേണ്ടത് എന്നുമുള്ള ഡ്രെസ്സിനെ കുറിച്ചും ലേറ്റസ്റ്റ് ട്രെൻഡിങ്ങിനെ കുറിച്ചും അറിയാവുന്ന പോലെ ഡ്രെസ്സുകൾ ആവശ്യപ്പെട്ടു.

മഞ്ജിമയെ മുന്നിലോട്ടു നിർത്തി, നോക്കു കുത്തിയെ പോലെ നിന്നിരുന്ന മഞ്ജിമയുടെ ദേഹത്തോട്ട് ഓരോ സ്റ്റാഫ്‌ എടുത്തു തരുന്ന ഓരോ ഡ്രെസ്സും വച്ചു നോക്കി, ചിലതു അടുത്ത് നിന്നിരുന്ന ലേഡി സ്റ്റാഫിന്റെ കയ്യിലും ചിലതു തിരിച്ചു ഡെസ്കിലേക്കും ഇട്ടു.

ഇത്രയും ആളുകൾക്കിടയിൽ നിന്ന് മഞ്ജിമക്ക് ഒന്നും പറയാൻ കഴിഞ്ഞില്ല, വടി പോലെ നിൽക്കുക അല്ലാതെ..15 ഓളം ഡിഫറെൻറ് സ്റ്റൈൽ ഡ്രെസ്സുകൾ ആണ് മഞ്ജിമക്കായി ഫാത്തിമ സെലക്ട്‌ ചെയ്തത്.

ഡ്രെസ് പിടിച്ചു നിന്നിരുന്ന സ്റ്റാഫ്‌ മഞ്ജിമയെ നോക്കി പറഞ്ഞു : മാഡം വരൂ, ഇട്ടു നോക്കണ്ടേ, ട്രയൽ റൂം കാണിച്ചു തരാം..

മഞ്ജിമയെ പേടിപ്പിച്ചു കൊണ്ട് ആ സ്റ്റാഫിനെ ക്രൂര ഭാവത്തിൽ ഫാത്തിമ നോക്കുന്നതാണ് കണ്ടത്.

കുറച്ച് പിന്നിലായി നിന്നിരുന്ന മാനേജർ ഓടി വന്നു ഉറക്കെ പറഞ്ഞു : മാഡം സോറി, പുതിയ സ്റ്റാഫ് ആണ്. മാടത്തിനെ അറിയില്ല…

സ്റ്റാഫിനെ നോക്കി മാനേജർ പറഞ്ഞു : മാഡം സെലക്ട്‌ ചെയ്തത് ഇട്ടു നോക്കണ്ട ആവശ്യം ഇല്ല, പെർഫെക്ട് എന്നു തോന്നുന്നതെ മാഡം എടുക്കുള്ളു.. ഫാത്തിമ സെലക്ട്‌ ചെയ്തത് ലേഡി സ്റ്റാഫിന്റെ കയ്യിൽ നിന്നും വാങ്ങി സ്വന്തം ആയി പിടിച്ചു ആ സ്റ്റാഫിനെ അവിടെ നിന്നും പറഞ്ഞു വിട്ടു…

ഫാത്തിമ നടന്നു, തല താഴ്ത്തി ഇതുവരെ കാണാത്ത ഒരു ഫാത്തിമയെ കണ്ട ഭയത്തിൽ മഞ്ജിമ പിന്നാലെയും.

മഞ്ജിമയെ നിർത്തി പിന്നെയും ഓരോന്ന് ഫാത്തിമ വാങ്ങി കൂട്ടി. ഇടയിൽ രണ്ട് കാര്യങ്ങൾ മാത്രം ചോദിച്ചു : അച്ഛൻ മുണ്ടും ഷർട്ടും മാത്രം അല്ലെ ഇടൂ എന്നും, അമ്മ സാരിയും മാക്സിയും അല്ലെ എന്നും.

മുക്കാൽ മണിക്കൂർ എടുത്ത ഷോപ്പിംഗിൽ, മാനേജരുടെ ഒപ്പം തുണി പിടിക്കാൻ സഹായിക്കാൻ വേറെ രണ്ട് പേർ കൂടെ വന്നു നിൽക്കേണ്ടി വന്നു ഇതിനിടയിൽ. എല്ലാം കഴിഞ്ഞു മാനേജരോട് ഫാത്തിമ ഓരോ സെപ്പറേറ്റ് തുണികളും ചൂണ്ടി

പറഞ്ഞു : 5 പാക്ക് ആയി ഒന്നിച്ചു പാക്ക് ചെയ്താൽ മതി.