🤾മോനൂട്ടൻ്റെ സ്വന്തം ടീച്ചർ🧕 19അടിപൊളി 

ഞാൻ വർക്കിച്ചൻ പറഞ്ഞിട്ട് വന്നതാ മദറെ.. എന്ന് പൗലോ മാപ്ല ബഹുമാനം കലർന്ന സ്വരത്തിൽ റബേക്ക സിസ്റ്ററിനോട് പറഞ്ഞതും …

ആ … വർക്കി എന്നോട് കാര്യങ്ങൾ പറഞ്ഞായിരുന്നു . എനിക്കറിയാം ഇവനെ .. ഞാൻ പണ്ട് പ്രിസിപ്പളായിരുന്ന സമയത്തേ ഇവൻ വികൃതിയായിരുന്നു . എൻ്റെ കയ്യീന്ന് തല്ലു കിട്ടിയത് ഓർമയുണ്ടോ കൊച്ചേ നിനക്ക് .
വല്യപ്പച്ചന് പിറകിൽ പതുങ്ങി നിന്ന മോനുവിനെ എത്തി നോക്കിക്കൊണ്ട് സിസ്റ്റർ റബേക്ക അവനോട് ചോദിച്ചു .
പേടിയും ചമ്മലും കാരണം അവൻ വല്യപ്പച്ചൻ്റെ പിറകിൽ തന്നെ തല താഴ്തി നിന്നു .

എന്താ കൊച്ചെ ഇങ്ങനെ ഒളിച്ച് നിൽക്കുന്നത് . മുന്നോട്ട് കയറി വന്നേ . കൊച്ചിനെ ഒന്ന് കാണട്ടെ ഞാൻ .

സിസ്റ്റർ റബേക്കയുടെ ആ ഗൗരവമുള്ള ശബ്ദം കേട്ടതും മോനു പതിയെ വല്യപ്പച്ചൻ്റെ പിറകിൽ നിന്നും തല താഴ്തിക്കൊണ്ട് റബേക്കയുടെ മേശക്കരികിൽ ചെന്ന് നിന്നു .

ഹമ്പട ” നീ എൻ്റെ പഴയ പത്താം ക്ലാസുകാരൻ ജോമോൻ തന്നെയാണല്ലോട കൊച്ചനെ ! എന്താട ഉയരവും വണ്ണവും വെക്കാത്തത് നിനക്ക് ? പൗലോ മാപ്ലേ ഇവന് ആഹാരമൊന്നും ശരിക്ക് കൊടുക്കാറില്ലെ ?

മദറിൻ്റെ ആ ചോദ്യം കേട്ടതും മേശക്ക് മുന്നിൽ മദറിൻ്റെ ഓപ്പോസിറ്റായി ഇരുന്ന വെളുത്ത ളോഹ ധരിച്ച കൗമാരക്കാരായ സിസ്റ്റർമാർ ചെറുതായി ഒന്ന് ചിരിച്ചു . മദർ അവരെ പരുക്കമായി ഒന്ന് നോക്കിയതും അവർ രണ്ട് പേരും ചിരി നിർത്തിക്കൊണ്ട് അവിടെ നിന്നും എഴുന്നേറ്റ് പോയി .

അത് പിന്നെ മദറെ … ഇവൻ്റെ ചെറുപ്പത്തിലാ എൻ്റെ മോളും മരുമോനും ഞങ്ങളെ വിട്ട് പോയത് . അതിൻ്റെ ചിന്ത കാരണം ..

ആ മതി മതി . കാര്യങ്ങൾ എനിക്കറിയാം . റീത്ത മരിച്ചപ്പോൾ ഞങ്ങൾ ഇവിടുന്ന് കുറച്ച് പേർ വീട്ടിൽ വന്നായിരുന്നു . ഇനി അത് പറഞ്ഞ് കൊച്ചനെ വിഷമിപ്പിക്കണ്ട എന്ന് പൗലോ മാപ്ല പറഞ്ഞ് തീരുന്നതിന് മുന്നെ റബേക്കാ സിസ്റ്റർ ഇടയിൽ കയറി പറഞ്ഞ് അയാളുടെ സംസാരം സ്റ്റോപ്പ് ചെയ്യിപ്പിച്ചു .

നീ ഏത് വരെ പഠിച്ചടാ ജോമോനെ ?

തല താഴ്തി പേടിച്ച് നിന്ന മോനൂട്ടൻ്റെ താടിയിൽ വാത്സല്യത്തോടെ പിടിച്ച് അവൻ്റെ മുഖമുയർത്തിക്കൊണ്ട് റബേക്കയുടെ ആ ചോദ്യം കേട്ടതും +2 എന്ന് മോനു വിക്കലോട് കൂടി മറുപടി പറഞ്ഞു .
ആ ഓഫീസ് റൂമിലെ ഒരു പ്രത്യേകമായ മണവും സിസ്റ്റർ റബേക്കയുടെ ശരീരത്തിൽ നിന്നും ഉയരുന്ന പരുക്കമായ മറ്റേതോ മണവും കാരണം മോനുവിൻ്റെ നെഞ്ച് പേടി കാരണം ഇടിക്കാൻ തുടങ്ങിയിരുന്നു .

എന്താ മോൻ പിന്നെ തുടർന്ന് പഠിക്കാഞ്ഞത് മ്?

സിസ്റ്ററിൻ്റെ ആ ചോദ്യത്തിന് അവന് മറുപടി ഉണ്ടായിരുന്നില്ല .

ഇവിടെ ഇപ്പോ ജോലിക്കാരെ ആവശ്യമില്ല പൗലോ മാപ്ലേ .. തറാവിനെ നോക്കാനും ചെടി നനക്കാനും പട്ടികളെ കുളിപ്പിക്കാനും മറ്റുമായി കുന്നേലെ വറീത് വല്യപ്പൻ വരാറുണ്ട് . അദ്ധേഹത്തിന് ചെയ്യാവുന്ന ജോലിയെ നിലവിൽ ഇവിടെയുള്ളൂ .. സിസ്റ്റർ റബേക്ക ശ്വാസം ഒന്ന് വലിച്ച് പുറത്തേക്ക് വിട്ടുകൊണ്ട് പൗലോ മാപ്ലയോട് നിസഹായ അവസ്ഥയിൽ കാര്യം അവതരിപ്പിച്ചു .

അങ്ങനെ പറയല്ലെ മദറെ .. ഒരു ഉപജീവനമാർഗം ദയവ് ചെയ്ത് ഇവന് ഉണ്ടാക്കി കൊടുക്കണം . ഞങ്ങളുടെ കാലം കഴിഞ്ഞാലും കൊച്ചന് ജീവിക്കണ്ടെ ?

പൗലോ മാപ്ലയുടെ ദയനീയമായ ആ സംസാരം കേട്ട് സിസ്റ്റർ റബേക്ക അൽപ സമയം ചിന്തയിൽ മുഴുകി . മോനു അപ്പോഴും സിസ്റ്ററിൻ്റെ മേശയിൽ വിരിച്ചിരുന്ന തുണികൊണ്ടുള്ള വിരിപ്പിൽ പിടിച്ച് തല കുമ്പിട്ട് നിൽക്കുകയായിരുന്നു .

ആഹ്” അതിരിക്കട്ടെ .. ഇവന് ഡ്രൈവിങ് വശമുള്ളതാണോ ?

ദീർഘശ്വാസത്തോടെയുള്ള സിസ്റ്ററിൻ്റെ അടുത്ത ചോദ്യം വന്നു .

ഡ്രൈവിങ്ങ് പോയിട്ട് നേരെ ചൊവ്വെ സൈക്കിൾ ചവിട്ടാൻ വരെ ഇവന് അറിയത്തില്ല മദറെ എന്ന് സിസ്റ്ററിൻ്റെ മേശ വിരിപ്പിൽ പിടിച്ച് തല കുമ്പിട്ട് നിന്ന മോനുവിൻ്റെ മുഖത്തേക്ക് നോക്കിക്കൊണ്ട് പൗലോ മാപ്ല സിസ്റ്ററിന് മറുപടി കൊടുത്തു .

അങ്ങനെയാണെങ്കിൽ ഇവൻ ഇവിടെ ഡ്രൈവിങ്ങ് പഠിക്കാൻ വരട്ടെ . ഇവിടത്തെ വാനും സുമോയും എല്ലാം ഓടിക്കുന്നത് സിസ്റ്റർ അനിതയാണ് . സിസ്റ്റർ ഇവനെ ഡ്രൈവിങ്ങ് പഠിപ്പിച്ചോളും . സിസ്റ്ററിന് എപ്പോഴും തിരക്കാണ് . സ്കൂൾ തുറന്നാൽ പിന്നെ തിരക്കിൻ്റെ കാര്യം പറയത്തും വേണ്ട . ഇവൻ ഡ്രൈവിങ് പഠിച്ചെടുത്താൽ സിസ്റ്ററിൻ്റെ ഈ ഓട്ടപാച്ചിൽ കുറയുമല്ലോ .