🤾മോനൂട്ടൻ്റെ സ്വന്തം ടീച്ചർ🧕 19അടിപൊളി 

ആ അങ്ങനെ മതി മദറെ . എന്തെങ്കിലുമൊരു കൈ തൊഴിൽ കുട്ടികൾ പഠിക്കുന്നത് നല്ലതാണ് .
എന്ന് സന്തോഷത്തോടെ പൗലോ മാപ്ല സിസ്റ്ററിനോട് മറുപടി പറഞ്ഞു .

അപ്പോ നാളെ മുതൽ ഒരു ഒമ്പത് മണിയോട് കൂടി ജോമോൻ ഇവിടെ ഡ്രൈവിങ് പഠിക്കാൻ വന്നോളൂ ! എന്ത് പറയുന്നു ജോമോനെ ?

മേശ വിരിപ്പിൽ പിടിച്ച് കൊണ്ട് തല താഴ്തി നിന്ന മോനൂട്ടൻ്റെ കൈയുടെ മുകളിൽ കൈ ചേർത്ത് പിടിച്ച് കൊണ്ട് റബേക്കാ സിസ്റ്റർ അവനോട് ചോദിച്ചതും പേടിച്ച് വിറച്ച് കൊണ്ട് ഒരു പ്രകാരം സിസ്റ്ററിൻ്റെ കണ്ണട വെച്ച വെളുത്ത മുഖത്തേക്ക് തല ഉയർത്തി നോക്കിക്കൊണ്ട് മോനു വരാം എന്ന രീതിയിൽ തലയാട്ടി .

ആ ” നാളെ പൗലോ മാപ്ല കൂടെ വരണമെന്നില്ല . ഉള്ളു വഴി കയറിയാൽ ഇങ്ങ് നടന്നെത്താവുന്ന ദൂരമല്ലെയുള്ളൂ . ജോമോൻ നടന്ന് വരത്തില്ലെ ?

വീണ്ടും സിസ്റ്ററിൻ്റെ ചോദ്യത്തിന് മറുപടി എന്നോണം അവൻ തലയാട്ടി .

അങ്ങനെ നാളെ വരാം എന്ന രീതിയിൽ മോനുവും പൗലോ മാപ്ലയും റബേക്കാ സിസ്റ്ററിനോട് യാത്ര പറഞ്ഞിറങ്ങി . ഓഫീസ് മുറിയിൽ നിന്ന് പുറത്തേക്കിറങ്ങിയപ്പോഴാണ് മോനുവിൻ്റെ ശ്വാസം നേരെ വീണത് . ആ ഓഫീസിനുള്ളിലെ റേഷനരിയുടേത് പോലെയുള്ള മണവും റബേക്ക സിസ്റ്ററിനോടുള്ള അവൻ്റെ പേടിയും കാരണം മോനു ആകെ വെപ്രാളപ്പെട്ടുപോയിരുന്നു . പുറത്തിറങ്ങിയപ്പോഴാണ് മഠത്തിനുള്ളിലെ വിശാലമായ തോട്ടങ്ങൾ അവൻ്റെ കണ്ണിൽ പെട്ടത് .

നിറയെ സപ്പോട്ട മരങ്ങളും, പനിനീർ ചാമ്പങ്ങ പൂത്ത് നിൽക്കുന്ന മരങ്ങളും, ജാതിക്കാ മരങ്ങളും എല്ലാം കൂടി അവന് ഇഷ്ടപ്പെട്ടതെല്ലാം മഠത്തിലെ പറമ്പിൽ നിറഞ്ഞ് നിന്നിരുന്നു . നാളെ തനിക്ക് ലോകത്തേക്ക് വെച്ച് ഏറ്റവും പേടിയുള്ള സിസ്റ്റർ അനിതയോടൊപ്പം ഡ്രൈവിങ് പഠിക്കണമല്ലോ എന്ന ഭയം ആ മരങ്ങൾ വിളഞ്ഞ് നിൽക്കുന്നത് കണ്ടതോടെ മോനുവിനില്ലാതായി മാറി .

ചാടിയാൽ കിട്ടുന്ന രീതിയിൽ മോനുവിന് എത്തി പറിക്കാൻ പാകത്തിനുള്ള മരങ്ങളായിരുന്നു അവിടെയുള്ളതെല്ലാം . സപ്പോട്ട മാത്രം അവൻ ചാടിയാലും എത്താത്ത കുറച്ച് പൊക്കം കൂടിയ തൈമരമായിരുന്നു .കൊതി സഹിക്ക വയ്യാതെ അവൻ വല്യപ്പച്ചൻ്റെ കയ്യിലെ പിടുത്തം വീട്ടു കൊണ്ട് നേരെ പനിനീർ ചാമ്പങ്ങ കായ്ച്ച് നിൽക്കുന്ന മരത്തിനരികിലേക്ക് ഓടി അടുത്തു .

എടാ മോനൂട്ടാ . ഇങ്ങ് വാട.. ! നീ എവിടെക്കാ ഈ പായണെ ” എന്നും ചോദിച്ചുകൊണ്ട് തലക്ക് കൈയ്യും കൊടുത്ത് പൗലോ മാപ്ല അവനെ വിളിച്ച് കൊണ്ട് തിരിഞ്ഞ് നിന്നു .

മോനു വല്യപ്പച്ചൻ്റെ വിളിക്ക് മൈൻ്റ് പോലും ചെയ്യാതെ ചാമ്പക്കാ മരത്തിൻ്റെ ചോട്ടിലെത്തിയ ശേഷം ചുറ്റിനും ആരെങ്കിലും കാണുന്നുണ്ടോ എന്ന് പരതി നോക്കി . മരത്തിന് ചുവട്ടിൽ കുറച്ച് ചാമ്പങ്ങകൾ പൊഴിഞ്ഞ് ചാടിയും കിളികൊത്തിയും താഴെ വീണ് കിടക്കുന്നുണ്ടായിരുന്നു . എന്നാൽ മോനുവിനാവശ്യം മരത്തിൽ തൂങ്ങി നിൽക്കുന്ന ഫ്രഷ് ചാമ്പങ്ങയായതിനാൽ അവൻ അത് എത്തി പറിക്കാൻ വേണ്ടി ചാട്ടം തുടങ്ങി .

രണ്ട് മൂന്ന് വട്ടം ചാടിയിട്ടാണ് അവന് ഒരെണ്ണമെങ്കിലും കിട്ടിയത് . പക്ഷേ ഒരെണ്ണമൊന്നും പല്ലിലൊട്ടാൻ തികയത്തില്ലായിരുന്നു മോനുവിന് . അവൻ വീണ്ടും ചാടിക്കൊണ്ടിരുന്നു . പൗലോ മാപ്ല തച്ചിന് നിന്ന് വിളിയാണ് അവനെ . പക്ഷേ അതൊന്നും മോനു മുഖവിലക്കെടുക്കാതെ ചാട്ടം തുടർന്നുകൊണ്ടിരുന്നതും …

എടാ ” ജോമോനെ … വാട ഇങ്ങോട്ട് . മ് ഇവിടെ വാ മര്യാദക്ക് .
എന്നുള്ള വല്യപ്പച്ചൻ്റെ ശബ്ദത്തേക്കാൾ പരുക്കമായ സ്ത്രീ ശബ്ദം കേട്ടതും മോനു ശരിക്ക് ഭയന്നു പോയി . അവൻ ശബ്ദം കേട്ട ഭാഗത്തേക്ക് തിരിഞ്ഞ് നോക്കിയതും അതാ നിൽക്കുന്ന മഠത്തിൻ്റെ വരാന്തയിൽ മുഴുത്ത ചൂരലും പിടിച്ചുകൊണ്ട് മദർ സുപ്പീരിയറായ റബേക്കാ സിസ്റ്റർ . അവരുടെ ആ നിൽപ് കണ്ടതും മോനൂട്ടന് മുട്ടുകാൽ തമ്മിൽ കൂട്ടിയിടിക്കാൻ തുടങ്ങി .

നീ ഇങ്ങ് വരുന്നോ… അതോ ഞാനങ്ങോട്ട് വരണോ ? സിസ്റ്ററിൻ്റെ കലിപ്പൻ ചോദ്യം കേട്ട് മോനു പേടിച്ച് വിറച്ച് വല്യപ്പച്ചനേയും റബേക്കാ സിസ്റ്ററിനേയും മാറി മാറി തിരിഞ്ഞ് നോക്കിക്കൊണ്ട് പേടിയോടെ അവൻ സിസ്റ്ററിൻ്റെ അടുത്തേക്ക് നടന്നു .