ബിയോണ്ട് ബൗണ്ടറി 1
Beyond Boundary Part 1 | Author : Eliyo Jordy
സുഹ്റ മൻസിലിൻ്റെ മുറ്റത്തേക്ക് കബീറിൻ്റെ ഇന്നോവ അതിവേഗത്തിൽ വരികയാണ്. എത്രയും പെട്ടെന്ന് അവളെ വീട്ടിലാക്കി ചെയ്ത് തീർക്കേണ്ട കാര്യങ്ങൽ ഓരോന്നായി അവൻ കണക്ക് കൂട്ടി. സുഹ്റയുടെ വീടിൻ്റെ ഗേറ്റ് കണ്ടതും അവൻ വണ്ടിയുടെ വേഗത കുറച്ചു. ഗേറ്റ് തുറന്ന് അകത്തേക്ക് കയറുമ്പോൾ, ഉമ്മറത്ത് സുഹ്റ മൊബൈലും നോക്കി ഇരിക്കുന്നതാണ് അവൻ കണ്ടത്.
“നീ ഇത് വരെ ഒരുങ്ങിക്കഴിഞ്ഞില്ലേ?? പെട്ടെന്ന് ഇറങ്ങിക്കേ!!! എനിക്കൊരത്യാവശ്യ കാര്യത്തിന് ഒരിടം വരെ പോകാനുണ്ട്,” കബീർ ധൃതിയോടെ പറഞ്ഞു.
“ഇങ്ങളെന്താ ഇത്ര തിരക്ക് കാണിക്കുന്നേ? ഞാൻ ഡ്രസ്സ് മാറാൻ നിക്കുവായിരുന്നു.” അവൾ പതിഞ്ഞ സ്വരത്തിൽ പറഞ്ഞു.
“അതൊന്നും ഇപ്പോ സമയമില്ല സൂറാ. പതിനഞ്ച് മിനിറ്റിൽ എനിക്ക് ടൗണിൽ എത്തണം, അതോണ്ട് പെട്ടെന്ന് ഇറങ്ങ്,” കബീർ ഉള്ളിലേക്ക് കയറി.
“ഉമ്മ എവിടെ??
“ഉമ്മ അകത്തുണ്ട് ഞാൻ വിളിക്ക…”
“നീ ഒന്ന് വേഗം ഇറങ്ങിയാൽ മതി, ഉമ്മയെ ഞാൻ കണ്ടോളാം…” കബീർ നേരെ അടുക്കള ഭാഗത്തേക്ക് നീങ്ങി
അടുക്കളയിൽ സുഹ്റയുടെ ഉമ്മ പലഹാരം ഉണ്ടാക്കുന്ന തിരക്കിലാണ്.. കബീർ നേരെ കയറിച്ചെന്ന് ചൂട് പഴം പൊരി എടുത്ത് പറഞ്ഞു
“ചായ സൽക്കാരത്തിനൊന്നും സമയമില്ല… പോയിട്ടത്യാവശ്യമുണ്ട് ഉമ്മാ…”
പെട്ടെന്ന് അവനെ കണ്ട ആശ്ചര്യം വിട്ടുമാറാതെ സുഹ്റയുടെ ഉമ്മ അവനെ നിരാകരിച്ചു
” ആഹ് …. നല്ല പോക്കാ…. ചായ കുടിക്കാതെ!!, നിന്നോടാ അവിടെ അടങ്ങി നിൽക്കാൻ പറഞ്ഞത്, ”
“അതല്ലുമ്മാ… എന്നെയും കാത്ത് ഒരു പാർട്ടി വെയ്റ്റ് ചെയ്യുന്നുണ്ട് , നമ്മുടെ കേസിൻ്റെ കാര്യമില്ലേ അതിൻ്റെയാ….” കബീർ ഉമ്മയുടെ ചുമലിൽ കൈ വെച്ച് കൊണ്ട് പറഞ്ഞു..
“ദാ ഒരു മിനുട്ട് മതി, ആയത് കഴിച്ചിട്ട് പൊയ്ക്കോ….”
” ശരി…. ” ചായ കുടിക്കാതെ ഉമ്മ വിടില്ല എന്ന് മനസിലാക്കിയ കബീർ പുഞ്ചിരിച്ചു കൊണ്ട് പറഞ്ഞു…
കബീർ ചായയും കുടിച്ചു ധൃതിയിൽ ഇറങ്ങിയപ്പോയേക്കും സുഹ്റ അവളൂടെ സാധനങ്ങൾ കാറിൽ കേറ്റി വെക്കുകയായിരുന്നു ..
“ഇത് വരെ കഴിഞ്ഞില്ലേ സൂറാ… നീ ഒരു കാര്യം ചെയ് ഒരു ഓട്ടോ പിടിച്ചങ്ങ് വന്നേക്ക്, ഞാൻ ടൗണിലേക്ക് പോന്നാ.. ” അവന് ഇത്തിരി അരിശം വന്നു..
” കഴിഞ്ഞൂൂ…. ഈ ഡ്രസ്സ് കൂടെ മാറിയാൽ മതി… ഒരേ ഒരു മിനുട്ട്….” സുഹ്റ സ്പീഡ് കൂട്ടി.
“ഈ ഡ്രസ്സിൽ തന്നെ കയറിക്കോ, നേരെ വീട്ടിലേക്കല്ലേ….” ഇനിയും അവളെ വിട്ടാൽ സമയം ലേറ്റ് ആകുമെന്നറിയുന്ന കബീർ അവളെ കാറിലേക്ക് തള്ളിക്കയറ്റി…
സുഹ്റ ഒരു നിമിഷം മടിച്ചു. അവൾ അപ്പോൾ ഇട്ടിരുന്നത് വീട്ടിൽ ഇടുന്ന ഒരു സാധാരണ മാക്സി ആയിരുന്നു. കബീറിൻ്റെ ധൃതി കണ്ടപ്പോൾ അവൾ കൂടുതലൊന്നും പറയാതെ ഉമ്മയോട് സലാം പറഞ്ഞ് വേഗം കാറിലേക്ക് കയറി.
കാറ് മെയിൻ റോഡിലേക്ക് ഇറങ്ങിയതും കബീർ പതിവില്ലാത്ത വേഗത്തിൽ ഓടിക്കാൻ തുടങ്ങി. ഇരുവശത്തും പച്ചപ്പ് നിറഞ്ഞ പാടങ്ങളും തെങ്ങുകളും മിന്നിമായ്ഞ്ഞു. സുഹ്റ പുറത്തേക്ക് നോക്കിയിരുന്നു. പെട്ടെന്നാണ് മുന്നിൽ ഒരു വലിയ ലോറി വന്നത്. അതിനെ വെട്ടിക്കാൻ ശ്രമിക്കുമ്പോൾ കബീറിൻ്റെ നിയന്ത്രണം തെറ്റി, കാറിൻ്റെ ഒരു ടയർ റോഡിൻ്റെ വശത്തുള്ള ചെറിയ ഓവുചാലിലേക്ക് ഇറങ്ങിപ്പോയി. എന്തോ ഭാഗ്യത്തിന് നിയന്ത്രണം നഷ്ടമായില്ല, കാറ് അവിടെ ഒരല്പം ചെരിഞ്ഞു നിന്നു.
“അയ്യോ!” സുഹ്റ അറിയാതെ വിളിച്ചുപോയി.
കബീർ പരിഭ്രാന്തനായി സ്റ്റിയറിംഗിൽ പിടിച്ചു. “മൈര്….!!?” അവൻ ദേഷ്യത്തോടെ പിറുപിറുത്തു. എത്ര ശ്രമിച്ചിട്ടും ടയർ ഓവുചാലിൽ നിന്ന് കരകയറാൻ കഴിയുന്നില്ല…
അപ്പോഴേക്കും അടുത്തുള്ള കടയിൽ നിന്നും ചായ കുടിച്ചിരുന്നവരും, വഴിയിലൂടെ പോയവരുമെല്ലാം ഓടിക്കൂടിയിരുന്നു.
“എന്തേലും പറ്റിയോ??” ഒരാൾ ചോദിച്ചു.
” ഇല്ല ഞങ്ങൾക്കൊന്നും പറ്റിയില്ല !!! ടയർ കുടുങ്ങിപ്പോയി …”
കബീർ നിസ്സഹായതയോടെ പറഞ്ഞു.
“അത് കാര്യമാക്കണ്ട നമ്മളെല്ലാവരും കൂടെ ഒന്ന് കൈവച്ചാൽ കേറി പോരും” കൂട്ടത്തിൽ ഒരാൾ പറഞ്ഞു