💞ആയിരം കണ്ണുമായി – 6 25അടിപൊളി 

 

അഖിൽ : നിർത്തിയാൽ മതിയായിരുന്നു വന്നപ്പോൾ തന്നെ അവരുടെ വായിൽ ഇരിക്കുന്നത് കേട്ടില്ലേ

 

ശ്രുതി : അത് മിസ്സിന്റെ മൂട് ശെരിയല്ലാത്തത് കൊണ്ടാ ഇന്ന് ക്ലാസ്സ്‌ എടുത്തപ്പോൾ ശ്രദ്ധിച്ചില്ലേ ഒരു മൂഡോഫ്… അതുകൊണ്ടാ അല്ലാതെ ദേഷ്യം കൊണ്ടല്ല പിന്നെ അവര് ഇവര് എന്നൊന്നും വിളിക്കരുത് നമ്മുടെ മിസ്സല്ലേ

 

അഖിൽ : ഉപദേശം വേണ്ട… പിന്നെ നീ പറഞ്ഞത് കൊണ്ടൊന്നും അല്ല ഞാൻ വന്നത്

 

ശ്രുതി : ആണെന്ന് ഞാൻ പറഞ്ഞോ.. നിന്റെ മസ്സിൽ പഠിക്കണം എന്നുണ്ട് അതാ നീ വന്നെ അല്ലാതെ ഞാൻ പറയുന്നത് കേൾക്കാൻ ഞാൻ നിന്റെ ആരാ…

 

അഖിൽ : അതൊക്കെ വിട് ഇന്നലെ നിന്റെ കച്ചവടം എങ്ങനെ ഉണ്ടായിരുന്നു

 

 

ശ്രുതി : പത്ത് എഴുന്നൂറു രൂപ നടന്നു ഞായറാഴ്ച്ച അത് കുറവാ നീ എന്താ ഇന്നലെ വരാതിരുന്നെ നിനക്ക് നല്ല ഭാഗ്യം ഉണ്ടായിരുന്നു വന്നെങ്കിൽ കുറച്ച് കൂടി നടന്നേനെ

 

അഖിൽ : നിനക്ക് വട്ടാണ്… ഭാഗ്യം അതും എനിക്ക് ഈ ലോകത്ത് എന്തൊക്കെ ഭാഗ്യക്കേട് ഉണ്ടോ അതൊക്കെ വന്നു കേറുന്നത് എന്റെ തലയ്ക്കാ ഭാഗ്യം പോലും..

 

ശ്രുതി : അതൊക്കെ ജീവിതങ്ങൾ കാണാത്തത് കൊണ്ട് തോന്നുന്നതാ നൂറും ഇരുനൂറും ദിവസവരുമാനം കൊണ്ട് ജീവിക്കുന്നവർ ഇവിടെ ഉണ്ട്… റോഡ് സൈഡിൽ കിടന്നുറങ്ങുന്നവർ ഉണ്ട് അങ്ങനെ ഒരുപാട് അതൊക്കെ വച്ച് നോക്കുമ്പോൾ നമ്മുടെയൊക്കെ ജീവിതം സ്വർഗ്ഗമാ

 

അഖിൽ : നീ നിന്റെ കാര്യം പറഞ്ഞാൽ മതി… എന്റെ ജീവിതം എനിക്ക് നരകമാ ഒറ്റപ്പെടൽ എന്താണെന്നു നിനക്ക് അറിയാമോ.. ആരോരും ഇല്ലാതെ മണിക്കൂറുകളും ദിവസങ്ങളും തള്ളി നീക്കുന്നത് എങ്ങനെയിരിക്കും എന്ന് നിനക്ക് അറിയാമോ

 

ശ്രുതി : അറിയില്ല…

 

അഖിൽ : എന്നാൽ മിണ്ടാതെ ഇരിക്ക്

 

ശ്രുതി : ഒറ്റപ്പെടൽ എന്ന് പറയുന്നു ശേഷം ആരെങ്കിലും മിണ്ടിയാൽ മിണ്ടാതെ ഇരിക്കാനും പറയുന്നു സത്യത്തിൽ നിനക്ക് എന്തോ പ്രശ്നം ഉണ്ട്

 

അഖിൽ : അതെ ഉണ്ട് അതുകൊണ്ട് അടുത്ത് നിന്ന് എഴുനേറ്റ് പോകാൻ നോക്ക്

 

ശ്രുതി : ഞാൻ കരുതി നമ്മൾ ഫ്രണ്ട്‌സ് ആയി കാണുമെന്നു

 

അഖിൽ : ഒരു ഫ്രിണ്ട്സും ഇല്ല പോകാൻ നോക്ക്

 

ശ്രുതി : അതെന്താ ഇല്ലാത്തെ ഫ്രണ്ട്ഷിപ്പ് എന്ന് പറഞ്ഞാൽ നല്ല രസമുള്ള കാര്യമല്ലേ…

 

അഖിൽ : രസമല്ല സാമ്പാറ് നീ പോയെ

 

ശ്രുതി : അയ്യേ…എന്തൊരു ചളി 100 വർഷം മുൻപ് ഔട്ട്‌ ആയ കോമഡിയുമായി വന്നേക്കുവാ 🤣

 

ഇത് കേട്ട അഖിലും പതിയെ ചിരിച്ചു

 

ശ്രുതി : എന്താ ചിരിക്കുന്നെ

 

അഖിൽ : ഹേയ് ഒന്നുമില്ല… ആദ്യമായിട്ടാ നീ കിളവി മോഡിൽ നിന്ന് ഒന്ന് മാറി സംസാരിക്കുന്നെ

 

ശ്രുതി : ഈ പേര് ആര് പറഞ്ഞു തന്നു

 

അഖിൽ : എന്ത് പേര്

 

ശ്രുതി : അല്ല പത്തിൽ വച്ച് എന്റെ ഇരട്ട പേര് കിളവി ശ്രുതി എന്നായിരുന്നു

 

അഖിൽ : 🤣🤣 ഇവള്…

 

ശ്രുതി : അധികം ചിരി വേണ്ട 😕

 

അഖിൽ : അല്ല ഇനി എന്തെങ്കിലും പേര് ബാക്കി ഉണ്ടോ 🤣🤣

 

ശ്രുതി : ചിരി വേണ്ട എന്നല്ലേ പറഞ്ഞെ….

 

ഇത്രയും പറഞ്ഞു ശ്രുതി കൈ മുറുക്കി അഖിലിന്റെ ദേഹത്ത്‌ ഇടിച്ചു

 

അഖിൽ : ആ… എന്താടി കാണിച്ചെ 😡

 

ശ്രുതി : ചിരി വേണ്ട എന്ന് പറഞ്ഞതല്ലേ 🙄

 

അഖിൽ : നിന്നെ ഉണ്ടല്ലോ

 

ഇത്രയും പറഞ്ഞു അഖിലും ശ്രുതിക്ക് നേരെ കൈ ഉയർത്തി എന്നാൽ ശ്രുതി വേഗം തന്നെ അവന്റെ കയ്യിൽ പിടുത്തമിട്ടു

 

അഖിൽ : കയ്യിന്നു വിടെടി

 

ശ്രുതി : വിട്ടാൽ എന്നെ അടിക്കില്ലേ

 

അഖിൽ : അടിക്കും 😡

 

ശ്രുതി : എന്നാൽ വിടില്ല

 

അഖിൽ : എന്റെ ദേഹം നോവിച്ചിട്ട് നിന്ന് കളിച്ചാൽ ഉണ്ടല്ലോ 😡

 

ശ്രുതി : ഒന്ന് തൊട്ടപ്പോൾ തന്നെ അങ്ങ് നൊന്ത് പോയോ… അപ്പോൾ അന്ന് എന്നെ ചവിട്ടി ഇട്ടപ്പോൾ എനിക്ക് എത്ര നൊന്ത് കാണും അതും ഒരു കാരണവും ഇല്ലാതെ

 

ഇത്രയും പറഞ്ഞു ശ്രുതി അവന്റെ കയ്യിലെ പിടിവിട്ടു

 

ശ്രുതി : എന്താ ഒന്നും പറയാൻ ഇല്ലേ