💞ആയിരം കണ്ണുമായി – 6 25അടിപൊളി 

 

ഇത് കേട്ട അഖിൽ അൽപനേരം മൗനം പാലിച്ചു… ശേഷം വീണ്ടും സംസാരിച്ചു തുടങ്ങി

 

“എനിക്കൊന്ന് കാണണം… ഒരു തവണ മതി..”

 

ശ്രുതി : കുറച്ച് ദൂരമുണ്ട്…

 

അഖിൽ : എത്രയായാലും സാരമില്ല നീ പറയ്

 

ശ്രുതി : നീ പോയാലും സ്കൂളിൽ നിന്നെ കയറ്റില്ല… സ്പെഷ്യൽ സ്കൂൾ ആയത് കൊണ്ട് കുട്ടികളുടെ പാരന്റ്സിനെ മാത്രമേ ഉള്ളിൽ അലോ ചെയ്യു.. സാധരണ സ്കൂൾ പോലെയൊന്നുമല്ല..

 

അഖിൽ : ഞാൻ ഒന്ന് പോയി നോക്കട്ടെ…

 

ശ്രുതി : നീ പോയാൽ ശെരിയാകില്ല അവർ കയറ്റിയില്ലെങ്കിൽ നീ എന്തെങ്കിലും പ്രശ്നം ഉണ്ടാക്കും…

 

അഖിൽ : അങ്ങനെയൊന്നും ചെയ്യില്ല നീ ഒന്ന് പറഞ്ഞു തുലക്ക്

 

ശ്രുതി : കണ്ടോ ഇപ്പോൾ തന്നെ ദേഷ്യം വന്നില്ലേ..ശെരി ഞാനും കൂടെ വരാം എനിക്കും ടീച്ചറിനെ കാണാല്ലോ ഞാൻ പഠിച്ചിരുന്ന സ്കൂൾ അല്ലെ അതുകൊണ്ട് എന്നെ കയറ്റും

 

അഖിൽ : നീ വന്നാൽ…

 

ശ്രുതി : നിങ്ങളുടെ ഇടയിലോട്ട് ഞാൻ വരില്ല… ആദ്യം നിങ്ങൾ സംസാരിച്ചോ ഞാൻ മാറി എവിടെയെങ്കിലും നിന്നോളം

 

അഖിൽ : ശെരി നീയും വന്നോ…അപ്പോൾ നാളെ തന്നെ പോകാം

 

ശ്രുതി : നാളെയോ… നാളെ കോളേജ്…

 

അഖിൽ : ശനിയും ഞായറും പോകാൻ പറ്റില്ല സ്കൂൾ അവധിയായിരിക്കില്ലേ… ഇതാ പറഞ്ഞെ നീ വരണ്ടെന്ന്.. ഞാൻ ഒറ്റ…

 

ശ്രുതി : നാളെ പോകാം സാരമില്ല.. ഞാൻ ബസ് സ്റ്റോപ്പിൽ നിൽക്കാം അവിടെ നിന്ന് പോകാം

 

അഖിൽ : ശരി… നിന്റെ കയ്യിൽ അമ്മയുടെ നമ്പർ എന്തെങ്കിലും ഉണ്ടോ

 

ശ്രുതി : ഒരു നമ്പർ ഉണ്ടായിരുന്നു ഇപ്പോൾ അത് കിട്ടാതായി

 

അഖിൽ : എന്നാൽ ശെരി.. നാളെ കാണാം

 

ശ്രുതി : ശെരി

 

ശ്രുതി പതിയെ ഫോൺ കട്ടാക്കിയ ശേഷം തിരിഞ്ഞു അപ്പോൾ അവളുടെ അച്ഛൻ റൂമിന്റെ വാതിലിനടുത്ത് നിൽക്കുന്നതാണ് അവൾ കണ്ടത്

 

ശ്രുതി : അച്ഛൻ എപ്പോൾ വന്നു

 

അച്ഛൻ : കുറച്ചായി… ആരായിരുന്നു ഫോണിൽ

 

ശ്രുതി : ഒരു ഫ്രണ്ടാ…

 

അച്ഛൻ : എങ്ങോട്ടോ പോകുന്നതിനെ പറ്റി പറയുന്നത് കേട്ടു

 

ശ്രുതി : അത് പിന്നെ.. കോളേജിൽ പോകുന്ന കാര്യമാ

 

അച്ഛൻ : ഓഹ്… ശരി വാ കഴിക്കണ്ടേ

 

ശ്രുതി പതിയെ റൂമിന് പുറത്തേക്ക് പോയി

 

 

പിറ്റേന്ന് രാവിലെ ശ്രുതി കോളേജിനടുത്തെ ബസ്സ്റ്റോപ്പിനു മുന്നിൽ ബസ് ഇറങ്ങി… അവിടെ കുറച്ചു നേരം മുൻപ് തന്നെ അഖിൽ തന്റെ ബൈക്കുമായി കാത്ത് നിൽപ്പുണ്ടായിരുന്നു

 

അഖിൽ : എത്ര നേരമായി കാത്ത് നിൽക്കുന്നെന്നോ

 

ശ്രുതി : 9 അല്ലെ ആയുള്ളു

 

അഖിൽ : നീ വരുന്നുണ്ടോ ഉറപ്പാണോ

 

ശ്രുതി : ഉം വരുന്നുണ്ട്…

 

അഖിൽ : ശെരി വാ വന്നു കയറ്

 

ശ്രുതി : എവിടെ കയറാൻ

 

അഖിൽ : വന്നു ബൈക്കിൽ കയറെടി

 

ശ്രുതി : ബൈക്കിലോ നമ്മൾ ബസിലല്ലേ പോകുന്നെ

 

അഖിൽ : ഇവള്… എടി കളിക്കാതെ വന്നു കയറിയെ ബസിൽ പോയി എപ്പോൾ എത്തനാ അല്പം ദൂരം ഉണ്ടെന്നല്ലേ നീ പറഞ്ഞെ…

 

ശ്രുതി : ആരെങ്കിലും കണ്ടാൽ

 

 

അഖിൽ : ധാ ഈ ഹെൽമെറ്റ്‌ ഇട്ടോ…

 

ഇത് കേട്ട ശ്രുതി പതിയെ ബൈക്കിനടുത്തേക്ക് എത്തി

 

അഖിൽ : എന്താ നോക്കി നിൽക്കുന്നെ കയറ്

 

ശ്രുതി : ഈ കാല് വച്ച് ഞാൻ എങ്ങനെയാ…

 

ഇത് കേട്ട അഖിൽ പതിയെ ബൈക്ക്‌ സ്റ്റാൻഡ് ഇട്ടു നിർത്തിയ ശേഷം ബൈക്കിൽ നിന്നും ഇറങ്ങി

 

അഖിൽ : കയറിക്കൊ ഞാൻ പിടിക്കാം

 

ശ്രുതി : ബൈക്ക് ചരിയില്ലേ

 

അഖിൽ : ഇല്ല ഞാൻ നോക്കിക്കോളാം നീ സ്റ്റിക്ക് ഇങ്ങ് എടുക്ക്

ഇത്രയും പറഞ്ഞു അഖിൽ ശ്രുതിയെ പതിയെ ബൈക്കിലേക്ക് കയറ്റി ശേഷം അവനും വേഗം കയറി

 

അഖിൽ : നന്നായിട്ട് ഇരുന്നോ

 

ശ്രുതി : ഉം…

 

അഖിൽ : തോളിൽ പിടിച്ചോ…

 

ഇത് കേട്ട ശ്രുതി പതിയെ അഖിലിന്റെ തോളിൽ പിടിച്ചിരുന്നു അഖിൽ ശ്രുതിയുടെ സ്റ്റിക്ക് അവൾക്ക് നൽകി…

 

അഖിൽ പതിയെ ബൈക്ക് മുന്നോട്ട് എടുത്തു..

 

അപ്പോഴേക്കും അവർ കാണാതെ അല്പം മാറിനിന്നിരുന്ന അജ്മൽ മുന്നോട്ട് വന്നു അവർ പോകുന്നത് നോക്കി..