💞ആയിരം കണ്ണുമായി – 6 25അടിപൊളി 

 

അഖിൽ : ടി കപ്പലണ്ടി എന്റെ സ്വഭാവം മാറ്റരുത്… നിനക്ക് കഴിക്കുകയൊന്നും വേണ്ടേ

 

ശ്രുതി : അത് തന്നെയാ എനിക്കും ചോദിക്കേണ്ടെ നിനക്ക് കഴിക്കുകയൊന്നും വേണ്ടേ ഇവിടെ ഇങ്ങണെ ഇരുന്നാൽ എങ്ങനെയാ

 

അഖിൽ : എനിക്ക് ഇഷ്ടമുള്ളപ്പോൾ ഞാൻ കഴിക്കും നിനക്ക് എന്താ

 

ശ്രുതി : അപ്പോൾ പിന്നെ എന്നോട് കഴിക്കുന്നില്ലേ എന്ന് ചോദിച്ചതോ… ഞാനും എനിക്ക് ഇഷ്ടമുള്ളപ്പോൾ കഴിക്കും ഹും…

 

അഖിൽ : ഇവള്… എന്തിനാടി ഇപ്പോൾ ഇങ്ങോട്ടേക്കു കെട്ടിയെടുത്തെ

 

ശ്രുതി : നിന്നെ കഴിക്കാൻ വിളിക്കാൻ അല്ലാതെ എന്തിനാ

 

അഖിൽ : അതാ പറഞ്ഞെ എനിക്ക് കഴിക്കണ്ട നീ പോകാൻ നോക്ക്

 

ശ്രുതി : ഉം ശെരി എന്നാൽ എന്നെ ക്യാൻറ്റീൻ വരെ കൊണ്ടുപോയി വിട്

 

അഖിൽ : എന്തോ… വേണേൽ ഒറ്റക്ക് പോകാൻ നോക്കെടി

 

ശ്രുതി : നീ പറയുന്നപോലെ ഞാൻ ഇഴഞ്ഞിഴഞ്ഞു അങ്ങോട്ടേക്ക് എത്തുബോഴേക്കും സീറ്റൊക്കെ തീർന്നിരിക്കും അതുകൊണ്ടാ കൊണ്ടാക്കുവാൻ പറഞ്ഞെ

 

അഖിൽ : നീ പോ ശ്രുതി

 

ശ്രുതി : മര്യാദക്ക്‌ ലക്ഷ്മിയുടെ കൂടെ പോയതായിരുന്നു… നീ വിഷന്ന് ഇരിക്കുവാണെന്ന് കരുതി വിളിക്കാൻ വന്നതാ ഇപ്പോൾ എനിക്ക് പണിയായി..

 

അഖിൽ : നിന്നോട് ആരെങ്കിലും വേണ്ടാത്ത പണി ചെയ്യാൻ പറഞ്ഞോ

 

ശ്രുതി : ഒരു തെറ്റ് പറ്റിപ്പോയി എന്നെ ഒന്ന് കൊണ്ട് വിട്ടുതാ മനുഷ്യന് വിശന്നിട്ട് വയ്യ…

 

അഖിൽ : വിശക്കുന്നെങ്കിൽ വിശക്കട്ടെ… നിന്നെ കൊണ്ടുവിടുന്ന പ്രശ്നം ഇല്ല

 

ശ്രുതി : എന്നാൽ പിന്നെ ഞാൻ ഇവിടെ ഇരുന്ന് കഴിക്കാം

 

ഇത്രയും പറഞ്ഞു ശ്രുതി അഖിലിന്റെ അടുത്തേക്ക് ഇരുന്ന് പാത്രം തുറക്കാനായി ഒരുങ്ങി

 

അഖിൽ : എടി ഇവിടെ ഇരുന്നാൽ ചൊറിലൊക്കെ പൊടിയും മറ്റും ആകും

 

ശ്രുതി : അതല്ലേ പറഞ്ഞെ അവിടെവരെ വിട്ടുതരാൻ പറ്റില്ല എന്നല്ലേ അപ്പോൾ പറഞ്ഞെ ഇനിയിപ്പോൾ പൊടിയൊക്കെ വീണ ചോറ് തന്നെ കഴിക്കാം അല്ലാതെ എന്ത് ചെയ്യാൻ.. എല്ലാം എന്റെ വിധി

 

ഇത്രയും പറഞ്ഞു ശ്രുതി ഒന്നുകൂടി അഖിലിനെ നോക്കിയ ശേഷം പാത്രം തുറന്നു

 

ശ്രുതി : ചോറ്.. മീൻകറി… പയർ തോരൻ, അച്ചാർ നല്ല കോമ്പിനേഷനാ അല്ലേ

 

അഖിൽ : എനിക്ക് അറിയില്ല

 

ശ്രുതി പതിയെ ചോറ് കുഴച്ച് ഒരു ഉരുളയാക്കി

 

ശ്രുതി : ഇതാ ഇത് കഴിക്ക്

 

അഖിൽ : എനിക്ക് വേണ്ടാന്ന് മലയാളത്തിൽ അല്ലേ ഞാൻ പറഞ്ഞത് അവൾ ഉരുളയും ഉരുട്ടികൊണ്ട് വന്നേക്കുന്നു

 

ശ്രുതി : അയ്യൊ തന്നോടുള്ള സ്നേഹം കൊണ്ടൊന്നുമല്ല.. താൻ കൊതിവിട്ടാൽ പ്രശ്നമാ അതാ അല്പം തരാം എന്ന് വച്ചത്

 

അഖിൽ : എടി കപ്പലണ്ടി മോളെ കൊതി നിന്റെ… 😡 വെറുതെ എന്നെ ദേഷ്യം പിടിപ്പിക്കരുത്

 

ശ്രുതി : ഞാൻ സത്യം അല്ലേ പറഞ്ഞെ വിശന്നിരിക്കുന്നവരുടെ മുന്നിൽഇരുന്ന് കഴിക്കാൻ പാടില്ലെന്നാ അല്ലെങ്കിൽ അവർക്ക് കൂടി കൊടുക്കണം

 

ഇത് കേട്ട അഖിൽ ഒരു നെട്ടലോടെ അവളെ നോക്കി

 

അഖിൽ : നീ ഇപ്പോൾ എന്താ പറഞ്ഞെ

 

 

ശ്രുതി : നിനക്ക് എന്താ ചെവി കേക്കില്ലേ… ഇത് അന്ധവിശ്വാസം ഒന്നുമല്ല വിശന്നിരിക്കുന്നവരുടെ മുന്നിൽ ഇരുന്ന് കഴിക്കാൻ പാടില്ല.. അല്ലെങ്കിൽ

 

 

അഖിൽ : അവർക്ക് കൂടി കൊടുക്കണം

 

ശ്രുതി : അപ്പോൾ അറിയാം അല്ലെ… എന്നിട്ടാണ്

 

അഖിൽ : നീ ഇത്…

 

അഖിൽ സംസാരിക്കാൻ വാ തുറന്ന ഉടനെ ശ്രുതി കയ്യിൽ ഉണ്ടായിരുന്ന ഉരുള അവന്റെ വായിൽ വച്ചു

 

ശ്രുതി : തുപ്പി ഒന്നും കളഞ്ഞെക്കരുത് ഞാൻ കഷ്ടപ്പെട്ട് ഉണ്ടാക്കിയതാ

 

ഇത് കേട്ട അഖിൽ ശ്രുതിയെ ഒന്ന് നോക്കിയ ശേഷം പതിയെ ചോറ് ചവക്കാൻ തുടങ്ങി

 

ഇത് കണ്ട ശ്രുതി പതിയെ ചിരിച്ചു

 

 

ശ്രുതി : രുചിയുണ്ടോ

 

ശ്രുതി അഖിലിന്റെ മുഖത്ത് നോക്കി ചോദിച്ചു ചോറ് ചവച്ച്കൊണ്ടിരുന്ന അഖിൽ പെട്ടെന്ന് അത് നിർത്തിയ ശേഷം ശ്രുതിയെ നോക്കി ശേഷം ആ ഉരുള കഴിച്ചിറക്കി അപ്പോഴേക്കും