“ശരി അച്ഛാ, ഞാൻ ഇപ്പോൾ തന്നെ വിളിച്ചോളാം,” ഞാൻ തലയാട്ടി.
പുറത്ത് ബൈക്ക് സ്റ്റാർട്ട് ചെയ്യുന്ന ശബ്ദം കേട്ടു. ഏഞ്ചൽ ഫുഡ് കഴിച്ചു കായും കഴുകി അടുക്കളയിൽ നിന്നും തോൾബാഗും തൂക്കി അച്ഛന്റെ ബൈക്കിന്റെ പിന്നിൽ ഓടി വന്നു കയറി. ബൈക്ക് മുന്നോട്ട് എടുക്കുന്നതിന് തൊട്ടുമുമ്പ് അവൾ വെറുതെ തിരിഞ്ഞ് വീടിന്റെ വാതിലിലേക്ക് നോക്കി.
ഞാൻ അവിടെ നിൽക്കുന്നത് കണ്ടതും അവൾ പെട്ടെന്ന് മുഖം തിരിച്ചു. പക്ഷേ, ആ നിമിഷത്തിൽ അവളുടെ കവിളിൽ പടർന്ന ചെറിയൊരു നാണം എനിക്ക് വ്യക്തമായി കാണാമായിരുന്നു. അച്ഛൻ ബൈക്ക് മുറ്റത്തുനിന്ന് റോഡിലേക്ക് ഇറക്കി ഓടിച്ചുപോയി.
അവർ പോകുന്നതും നോക്കി ഞാൻ അവിടെത്തന്നെ നിന്നു. ആ ദിവസം വളരെ രസകരമായ ഒരു തുടക്കത്തോടെയാണ് കടന്നുവന്നിരിക്കുന്നത് എന്ന് എനിക്ക് ഉറപ്പായിരുന്നു!