കണ്ണുകൾ തുറക്കാതെ ഒരു ഞരക്കം പോലൊരു ശബ്ദത്തോടെ ചോദിച്ചു കൊണ്ട് അവരാ ചുണ്ടുകളുടെ കോണിൽ ഒരു നേരിയ ചിരിയുടെ നിഴൽ പരത്തി…..!
“നല്ല ചൂടുണ്ടല്ലോ മേമേ പ്രശ്നനായോ..?”
ഞാനൊരു വേവലാതിയോടെയാണ് ചോദിച്ചത്….!
“ഭയങ്കര ക്ഷീണം. എണിക്കാനൊന്നും തോന്നുന്നില്ലെടാ..പറ്റുന്നുമില്ല..!”!!
“നല്ല പനിയുണ്ട് മേമേ..!”!!
ഞാനാ ചങ്കിലേക്ക് വീണ്ടും കൈപ്പടം വച്ചു….!
“ഇന്നലെ ഓർക്കണായിരുന്നു. ഐസിട്ട് മൂടുമ്പോ…”!!!
കണ്ണുകൾ തുറക്കാതെ തന്നെ അവരെൻ്റെ കയ്യിൽ കയറിപ്പിടിച്ചു….!
“നീ ഇവിടെ ഇരിക്ക് കണ്ണാ… നിൻ്റെ കൈക്ക് നല്ല ചൂടുണ്ട്..”.!!!!
അവർ മെല്ലെ എനിക്ക് നേരെ തിരിഞ്ഞു കിടന്നുകൊണ്ട് കൈപ്പടം പിടിച്ചു തലയിണയിൽ വച്ചശേഷം അതിലേക്ക് കവിൾ ചേർത്തു…..!
ഞാൻ അവരുടെ അടുത്തായി കട്ടിലിൽ ഇരുന്നു….!
“സോറി മേമേ..!”!!
എന്റെ ശബ്ദം താണുപോയി. അവരുടെ ഈ അവസ്ഥയ്ക്ക് കാരണം ഞാനാണെർത്തപ്പോൾ മനസ്സിലൊരു വല്ലാത്ത വിഷമം വന്നുപോയിരുന്നു….!
“അതങ്ങ് പള്ളിപ്പോയി പറഞ്ഞാമതി..!”!!
ഒരു ഞരക്കംപോലെ പതിഞ്ഞ് ചിരിച്ചു കൊണ്ട് അവർ കണ്ണുകൾ തുറന്നു….!
“എന്നെ പറഞ്ഞു പറ്റിച്ച് ഐസ് വെള്ളത്തിൽ കുളിപ്പിച്ച വഞ്ചകാ…സോറി ഈ കടയിൽ എടുക്കൂല്ല..!”!!
തമാശ പറയുകയാണെന്ന് അറിയാമായിരുന്നിട്ടും എനിക്കതിൽ പങ്ക് ചേരാൻ കഴിയുന്നില്ല. മനസ്സിൽ വല്ലാത്ത കുറ്റബോധം….!
എന്റെ മുഖത്ത് ആ വിഷമം നിഴലിച്ചു കണ്ടപ്പോൾ മേരയുടെ ചിരി മാഞ്ഞു. ആ
കണ്ണുകൾ എൻ്റെ കണ്ണിലേക്ക് കൊരുത്തു നിന്നു….!
“ചില സമയങ്ങളിൽ പനി വരുമ്പോ അതൊരു സുഖാടാ.. കുറെ വർഷങ്ങൾ അറിയാതെ കടന്നുപോയിരുന്നെന്ന് ഞാനറിയുന്നത് നീ വന്ന ശേഷമാ.. ഇരുട്ടും വെളിച്ചവും മാത്രമറിഞ്ഞിരുന്ന കുറെ വർഷങ്ങൾ… അത് കൊണ്ടാവാം കുറച്ചു ദിവസങ്ങളായി എനിക്ക് സംഭവിക്കുന്നതെല്ലാം അത്രമേൽ ഞാൻ എൻജോയ് ചെയ്യുന്നുണ്ട്. ആ ഐസ് വെള്ളമടക്കം..അതുകൊണ്ട് ആവശ്യമില്ലാതെ ഓരോന്നോർത്ത് എന്റെ മോൻ വിഷമിക്കണ്ട കേട്ടോ.’”..!!
അവരുടെ കവിൾ എൻ്റെ കൈപ്പടത്തിലേക്ക് കൂടുതലമർന്നു…..!
ഞാൻ വെറുതെയൊന്ന് പുഞ്ചിരിച്ചു കാണിച്ചു….!
“സൊസൈറ്റിയിൽ പോവാറായില്ലേ. ചങ്കിനെ വിളിക്കുന്നില്ലേ.?’!!!.
ആ തളർന്ന കണ്ണുകളിൽ ഒരു കുസ്യതിച്ചിരി പടർന്നു….!
ആ പരാമർശം മായേച്ചിയെ ഉദ്ദേശിച്ചുള്ളതാണെന്ന് എനിക്ക് എളുപ്പം മനസ്സിലായി….!
“അതിനെന്റെ ചങ്ക് അടുത്തുതന്നെ പനി പിടിച്ചു കിടപ്പല്ലേ..!”!!
ഞാൻ ഇടം കൈ കൊണ്ട് മെല്ലെ ആ മൂക്കിൽ പിടിച്ച് കുലുക്കി….!
“അയ്യടാ…കൊഞ്ചിക്കല്ലേ..!”!!
അവരൊരു അവജ്ഞ പോലെ മുഖം കോട്ടിയ ശേഷം അറിയാതെ വിരിഞ്ഞുപോയ ഒരു പുഞ്ചിരിയോടെ എന്റെറെ കൈ കവിളിൽ നിന്നുമെടുത്തു….!
“ചെല്ല്..വൈകണ്ട ഞാൻ കൊറച്ചൂടെ കെടക്കാൻ പോവ്വാ… വരുമ്പോ മായേടെ കയ്യിൽ ‘ഡോളോ’ ഉണ്ടേൽ തരാൻ പറ…”!!!
ഞാൻ മെല്ലെ ആ കവിളിൽ ഒന്ന് തട്ടി…!
റൂമിൽ ചെന്ന് ഷഡി എഴുത്തിട്ടശേഷം മൊബൈലെടുത്തു മായേച്ചിയെ വിളിച്ച് ഇറങ്ങുകയാണെന്നു അറിയിച്ച ശേഷം താഴെയ്ക്ക് ചെന്നു.ലിസി ചേച്ചിയുടെ സഹായത്തോടെ പാത്രങ്ങൾ വണ്ടിയിൽ കയറ്റി വച്ചു…!
“മേമയ്ക്ക് നല്ല പനി…കിടക്കാ…”
വണ്ടിയെടുക്കാൻ നേരം ഞാനവരോട് പറഞ്ഞു….!
“അതെയോ. മാതാവേ..!”!!
ഒരാന്തൽ ശബ്ദത്തോടൊപ്പം അവർ പെട്ടെന്ന് ഉമ്മറത്തേക്ക് കയറി അകത്തേക്ക് നടന്നു…..!
ഞാൻ വണ്ടിയുമെടുത്ത് പുറത്തേക്കും….!
മായേച്ചിയുടെ വീട്ടിലേക്കുള്ള വഴി തിരിഞ്ഞ് അല്പം ദൂരം കഴിഞ്ഞപ്പോഴേക്കും അവർ പാൽപ്പാത്രവുമായി നടന്നു വരുന്നതു കണ്ടു…..!