അവളെ കുറ്റം പറഞ്ഞിട്ടും കാര്യമില്ല….
ചേച്ചി ചുറ്റും ആളുണ്ടോ എന്നൊന്നും നോക്കാറില്ല…. ചേച്ചിക്ക് ഞാൻ എപ്പോഴും കുട്ടിയാണ്… ദേവു ചേച്ചിക്ക് എന്നല്ല എന്റെ എല്ലാ ചേച്ചിമാർക്കും….
പക്ഷേ ഇപ്പോ ദേവു ചേച്ചിടെ സ്ഥാനത് പാറു വല്ലോം ആണേൽ ഒരു കുത്ത് കൊടുക്കാർന്നു…
“ഇനി… പറ കല്ലു അന്ന് എന്താ ശരിക്കും ഉണ്ടായേ… ”
ചേച്ചി കളിയും ചിരിയും മതിയാക്കി വീണ്ടും സീരിയസ് മോഡിലേക്ക് കയറി… പക്ഷേ എന്റെ തോളിൽ കിടന്നുകൊണ്ട് തന്നെയാണ് ഇതൊക്കെ ചെയ്യുന്നത്…
കല്ല്യാണി വെറുതെ എന്നേ ഒന്ന് പാളി നോക്കി… പക്ഷേ ഇപ്രാവശ്യം ഞാൻ ഒന്നിനും പോയില്ല….
കല്ല്യാണി അന്ന് നടന്ന കാര്യങ്ങൾ വള്ളി പുള്ളി തെറ്റാതെ പറയാൻ തുടങ്ങി…. ഓരോ സന്ദർഭത്തിനനുസരിച്ച് അവളുടെ ഓരോ എക്സ്പ്രഷനും മാറി മാറി വന്നു…
ചുരുക്കി പറഞ്ഞാൽ ഒരു അര മണിക്കൂർ കല്ല്യാണിയുടെ നാടക പ്രദർശനമായിരുന്നു…
എല്ലാതും പറഞ്ഞതിന് ശേഷം കല്ല്യാണി ഒരു നെടുവീർപ്പിട്ടു….
ഞാൻ ചേച്ചിയേ നോക്കിയപ്പോൾ കാണുന്ന മുഖഭാവം എനിക്ക് ഒരിക്കലും പരിചിതമല്ലായിരുന്നു….
“നീ… എന്താ സിദ്ധു ഇതൊന്നും ഞങ്ങളോട് പറയാതിരുന്നേ…. ”
ദേവു ചേച്ചി ശബ്ദം അൽപ്പം കൽപ്പിച്ചു…
“ചേച്ചി… സത്യം പറഞ്ഞാ അത് എന്തായിരുന്നു എന്ന് എനിക്ക് ഇപ്പോഴും ഉറപ്പില്ല…. ഏകദേശം ആ കല്ല്യാണി പറഞ്ഞതു പോലേ ഒരു മനുഷ്യ രൂപം പോലേ ഓക്കേ ഉണ്ടായിരുന്നു… പക്ഷേ ഉറപ്പിച്ചു പറയാൻ എനിക്ക് എന്തോ ഇപ്പോഴും പറ്റുന്നില്ല… ”
ഞാൻ ചേച്ചിയോട് ഒരു തരം നിർവികാരത്തിൽ പറഞ്ഞു…പക്ഷേ അതൊരു നുണയായിരുന്നു….
അത് ഈ പറഞ്ഞപോലെ മനുഷ്യരൂപം തന്നെയാണ് എന്ന് എനിക്ക് ഏകദേശം ധാരണയുണ്ടായിരുന്നു… പക്ഷേ പെട്ടെന്ന് ഈ പ്രേതത്തിനും മന്ത്രവാതത്തിനും പുറകെ പോവാൻ ഒരു മടി
“എന്നാലും മോനേ ഇതൊക്കെ നിനക്ക് ഞങ്ങളോടും കൂടേ ഒന്ന് പറയാമായിരുന്നില്ലേ… ഇവിടേ നിൽക്കുന്നത് തന്നെ നിനക്ക് വേണ്ടിയല്ലേ…എന്നിട്ട് നീ തന്നെ ഇങ്ങനെയൊക്കെ ചെയ്താലോ…”
“ചേച്ചി…. ഒന്നാമത് നിങ്ങളൊക്കെ നന്ദു ചേച്ചിടെ കാര്യത്തിന്റെ ടെൻഷനിൽ ആയിരുന്നില്ലേ. അതിന്റെ കൂടേ ഇതുങ്കൂടെ പറഞ്ഞു ടെൻഷൻ അടിപ്പിക്കണ്ട എന്ന് വിചാരിച്ചു…എന്തായാലും പേടിക്കാൻ മാത്രം ഒന്നും സംഭവിച്ചില്ലല്ലോ…. ”
“ദേ… ഒന്നങ്ങട്ട് കിട്ടും ചെക്കാ എന്റേന്ന്. പേടിക്കാൻ മാത്രം ഒന്നും… സംഭവിച്ചില്ല എന്നോ…? എന്നിട്ടാണോ കാർ മറിയാനും വീഴാനും ഓക്കേ പോയേ…”
ചേച്ചിയുടെ മുഖം ദേഷ്യംകൊണ്ട് ചുവന്ന് വരുന്നത് ഞാൻ കണ്ടു….
ഇനി മിണ്ടാതെ ഇരിക്കാം അതാ നല്ലത്….
പിന്നീട് അങ്ങോട്ട് ചേച്ചിയുടെ ഒരു ക്ലാസ്സ് തന്നെയായിരുന്നു…. ഞാൻ എല്ലാത്തിനും മൂളിക്കൊണ്ടിരുന്നു….കുറച്ച് കഴിഞ്ഞ് നിർത്തുമായിരിക്കും….
ഞാൻ കല്ല്യാണിയേ ഒന്ന് നോക്കി…
ഇപ്പോ നിനക്ക് സമാധാനമായോടി പുല്ലേ…
എന്നേ ഉപദേശിക്കുന്നത് കണ്ട് ആസ്വദിച്ചു ഇരിക്കുകയാണ് ചെറ്റ…
ശരിയാക്കിത്തരാം… 😏
“എന്നോട് മാത്രമല്ല അവളോടുംകൂടെ പറ..”
ഞാൻ കല്ല്യാണിയേ ചൂണ്ടി കാട്ടി ചേച്ചിയോടായി പറഞ്ഞു….
അങ്ങനെ എനിക്ക് മാത്രം കിട്ടുമ്പോ ഒരു സുഖം ഇല്ലല്ലോ…. നീ കൂടേ കേൾക്ക്..😌
“നിങ്ങൾക്ക് ഒന്ന് അവിടം വരേ വന്നാൽ എന്താ കുട്ട്യോളെ… ”
ചേച്ചി കല്ല്യാണിയുടെ നേരേ തിരിഞ്ഞ് ഉപദേശിക്കാൻ നിന്നതും…. അമ്മയുടെ ശബ്ദം ഞാൻ കേട്ടു…
കേട്ട ദിശയിലേക്ക് നോക്കുമ്പോൾ കാണുന്നത് എല്ലാവരും കൂട്ടമായി വരുന്നതാണ്….
ഓഹ് ഇത്രപെട്ടെന്ന് കഴിഞ്ഞോ…..ഞാൻ വാച്ചിലേക്ക് ഒന്ന് നോക്കി…അപ്പോഴാണ് മനസ്സിലായത് അത്ര പെട്ടെന്നൊന്നുമല്ല കഴിഞ്ഞത് എന്ന്…. കല്ല്യാണിയുടെ കഥാപ്രസംഗം കാരണമാവം… സമയം കുറച്ച് കഴിഞ്ഞിരിക്കുന്നു….
“ഇവളുടെ മുഖമെന്താ സിദ്ധു വല്ല കടുന്നൽ കുത്തിയ പോലേ ഇരിക്കുന്നേ… ”