“”ഇല്ല പോയില്ല…. ഞാൻ കുറച്ചു നേരത്തെ എത്തീട്ടുള്ളു…. അല്ല താൻ ഭക്ഷണം കഴിച്ചോ??? വാ താഴെ പോയി കഴിച്ചിട്ട് വരാം…”””
“” വേണ്ട വിശപ്പില്ല… പോയി കഴിച്ചിട്ട് വാ…. ഞാൻ ഒന്ന് കിടക്കട്ടെ…. “”ശേഷം അവള് താഴോട്ട് പോയി… നല്ല ക്ഷീണം ണ്ട്… ഞാൻ കിടന്നു പെട്ടന്ന് തന്നെ ഒറങ്ങി…. പിന്നെ രാത്രി ആണ് എണീറ്റെ…. എണീറ്റ് ഗായത്രിടെ കൂടെ താഴെ പോയി കഴിച്ഛ് പിന്നേം വന്നു കെടന്നു…. പിറ്റേന്ന് ക്ലാസ് ഉണ്ട്…. രാവിലേ എണീറ്റു നോക്കിയെപ്പോ ബാക്കി രണ്ടുപേരും വന്നിട്ടുണ്ട്…. ഒരാളുടെ പേര് കീർത്തന പിന്നെ ശ്രീലക്ഷ്മി… അതിൽ ശ്രീലക്ഷ്മിയും ഗായത്രിയും ഒരേ നാട്ടുകാർ ആണ്…. വീട്ടിൽ എന്തോ ആവിശ്യം ഉണ്ടായിരുന്നത് കാരണം ശ്രീലക്ഷ്മി ഗായത്രിയുടെ കൂടെ ഇന്നലെ വരാഞ്ഞത്…. മെസ്സിൽ നിന്ന് കഴിച്ഛ് ഞങ്ങൾ നേരെ ക്ലാസ്സിലേക്ക് പോയി…. പുതിയ ആൾ ആയോണ്ട് തന്നെ എന്നെകൊണ്ട് സെൽഫ് ഇൻട്രോഡക്ഷൻ ഒക്കെ ചെയ്യിച്ചു…. ആദ്യത്തെ രണ്ട് പീരിയഡ് കഴിഞ്ഞപ്പോ തന്നെ ഞാനും ഗായുവും ശ്രീയും കൂടി ഇറങ്ങി നേരെ കാന്റീനിലേക്ക് പോയി മൂന്നു ചായ പറഞ്ഞു…..
“”എന്നാലും താൻ എന്താ പാർവതി ട്രാൻസ്ഫർ വാങ്ങി വരാൻ കാരണം…”” ഈ ചോദ്യം ഞാൻ പ്രേധിക്ഷിച്ചതാർന്നു…. ശ്രീ ആണ് അത് ചോദിച്ചേ ….
“”അങ്ങനെ പ്രേത്യേകിച് കാരണം ഒന്നൂല്യ…. മുത്തശ്ശൻ നിർബന്ധിച്ചിട്ട…. എന്ത എന്ന് എത്ര ചോദിച്ചിട്ടും പറയണ്ണില്ല്യ….””
ഞങ്ങൾ സംസാരിച്ചിണ്ടിരിക്കുമ്പോ പെട്ടന്ന് എലാരും മിണ്ടാതെ ആയി…. നോക്കിയെപ്പോ കൊറച്ചു ആൺപിള്ളാർ ഒരു ഗാങ് ആയി വരുന്നു…. അവർ ഒരു ആറുപ്പേരുണ്ട്… അവരുടെ മുമ്പിൽ വരുന്നവനെ ഞാൻ അറിയാതെ തന്നെ നോക്കി നിന്നു…. നല്ല വെളുത്തു മീശയും കുറ്റിതാടി ഒക്കെ ഒള്ള ഒരു പയ്യൻ… കണ്ടാൽ തന്നെ നോക്കി നിന്ന് പോവും…. പക്ഷെ അവരെ എലാരും പേടിയോടെ ആണോ അതോ ബഹുമാനം കൊണ്ടാണോ നോക്കുന്നത് എന്ന് മനസിലാവുന്നില്ല….
“”അത് ആരാ… എന്താ എല്ലാരും ഇങ്ങനെ നോക്കിനിക്കുന്നെ???”” എനിക്ക് ഒന്നും മനസിലാവുന്നുണ്ടായിരുന്നില്ല… ഇനി സീനിയർസ് വല്ലോരും ആവും… പക്ഷെ എനിക്ക് തെറ്റി….
“”അതാണ് നവീൻ… ഈ കോളേജിൽ എന്ത് പ്രശ്നം ഉണ്ടായാലും അതിൽ അവന്റെ പേര് കാണും… അത് മാത്രല്ല, അവൻ നമ്മടെ ക്ലാസ്സിലാണ്, പക്ഷെ വല്ലപ്പോഴേ കേറൂ…”” ശ്രീ അത് പറയുമ്പോ ഇടക്ക് ഞാൻ ഗായത്രിയെ ശ്രെദ്ധിക്കുന്നുണ്ടായിരുന്നു, അവള്ടെ മുഖത്തു ഒരു പുച്ഛംപോലെ…. ഇവളും നവീനും തമ്മിൽ എന്തേലും പ്രശ്നം!!??
“”അതിന് എന്തിനാ എല്ലാരും ഇങ്ങനെ മിണ്ടാതെ അവരെ നോക്കി നിക്കുന്നെ??””
“”പേടി!!! അത് തന്നെ… അവര്ക് ഇഷ്ടല്ലാത്തത് ആരേലും ചെയ്ത അപ്പൊ ഇടികിട്ടും… എന്തിനു നോക്കുന്നത് ഇഷ്ടപ്പെട്ടിലേൽ വരെ പ്രശ്നമാകും… പക്ഷെ നമ്മൾ പേടിക്കണ്ട… അവനു നമ്മളെ ഒക്കെ നല്ല കാര്യ…. അതോണ്ട് no worries….”” അത് പറഞ്ഞ് അവൾ എന്നെയും അവനെയും നോക്കി ചിരിച്ചു… മെല്ലെ ഞാനും അവനെ അടിമുടി നോക്കി…. കയ്യിൽ പച്ചകുത്തിട്ടൊക്കെയുണ്ട്… പിന്നെ ചെറിയൊരു പൂച്ചകണ്ണില്ലേ എന്നൊരു സംശയം…. പെട്ടന്നായിരുന്നു അവൻ എന്നെ നോക്ക്യേ… ആ നോട്ടത്തിൽ ആരും വീണുപോവും, എന്നാ ഞാൻ പിടിച്ചു നിന്നു…
“”നീ അവനെ അത്രക്കങ്ങു പൊക്കല്ലേ… ഇവടെ അവനെ പേടി ഇല്ലാത്തവരും ഉണ്ട്… അതിൽ ഒരുത്തനെ എനിക്കും നിനക്കും നന്നായി അറിയാം…”” ഗായത്രി ആയിരുന്നു അത്… ഇത്രേം നേരം മിണ്ടാതിരുന്ന ഗായത്രി പെട്ടന്ന് അത് പറഞ്ഞതും ശ്രീ ഒന്ന് പേടിച്ചു , ഒപ്പം ഞാനും…
വീണ്ടും എല്ലാരും നിശബ്ദരായി… ഗായത്രി ഒറക്കെ പറഞ്ഞോണ്ട് ഞങ്ങളെ ആവും എല്ലാരും ശ്രെദ്ധിക്കുന്നെ എന്ന് വിചാരിച്ചു…. പക്ഷെ അല്ല…. വേറെയും കുറച്ച് പേര് കാന്റീനിലേക്ക് വരുന്നു…. പക്ഷെ എന്നെ ഞെട്ടിച്ചുകൊണ്ട് കൊണ്ട് അവടെ ഇരുന്നവർ എലാരും എണീറ്റു നിന്നു… അവരടെയൊക്കെ മുഖത്ത് പേടി ആണോ ബഹുമാനം ആണോ എന്ന് അറിയില്ല…. നവീന്റെ കൂടെ ഉള്ളവരുടേം മുഖത്തു പേടി ഉള്ളപോലെ…. നവീൻ എന്നാൽ അവരുടെ കൂട്ടത്തിൽ ആരെയോ തിരയുന്നുണ്ട് , നവീൻ മാത്രല്ല അവിടെ ഉണ്ടായിരുന്ന ഏകദേശം എല്ലാരും… ഗായത്രിയെ നോക്കിയേപ്പോ അവളും ആരെയോ എന്നാ പോലെ നോക്കുന്നുണ്ട് ഒപ്പം ശ്രിയും…
“”നിങ്ങളൊക്കെ ആരെയാ ഈ നോക്കണേ??? കൊറേ നേരായല്ലോ… ഇനിയും ഒണ്ടോ ഇങ്ങനെ വീരശൂരപരക്രമികൾ???”” എല്ലാരും ഇങ്ങനെ നോക്കുന്നത് എന്തിനാ എന്ന് മനസിലായില്ല…
“” ഞാൻ നേരത്തെ പറഞ്ഞില്ലേ, അവനെ പേടിയില്ലാത്തവരും ഇവടെ ഉണ്ടെന്ന്… “” ഗായത്രി എന്തോ വലിയ സംഭവംപോലെ പറയുന്നുണ്ട്… എനിക്ക് ചെറുതായി ദേഷ്യം വരുന്നുണ്ട്, പിന്നെ ചെറിയൊരു ആകാംഷയും …
“”ആ പറഞ്ഞു “”
“”അതിൽ ഒരാള്ളാണ് ‘ദേവൻ’… അവന്റെ കൂടെ ഉള്ളവരാണ് അതൊക്കെ… അവൻ ഉള്ളോണ്ട് ഇവർക്കും നവീനെ പേടി ഇല്ല… അവർ തമ്മിൽ മിക്ക സമയത്തും അടി ആവും… ദേവന്റെ കയീന്ന് നവീന് നല്ലത് കിട്ടും… ഈ ഇയർ തൊടങ്ങി ആദ്യത്തെ ആഴ്ച തന്നെ അടിയുണ്ടായതാ…. ഇവര് രണ്ടുപേർക്കും സസ്പെന്ഷന് കിട്ടിയെതാ , ഇന്ന് അത് തീരേം ചെയ്തു… “”
“”എന്നിട്ട് ആ കൂട്ടത്തിൽ ആരാ ഈ ദേവൻ??””
