ആദ്യം നീരസം പ്രകടിപ്പിച്ചെങ്കിലും, അമ്മ പറഞ്ഞതിൽ കാര്യമുണ്ടെന്ന് പിന്നീട് അവനു തോന്നി.
തന്റെ ഭാവി കാര്യങ്ങളെക്കുറിച്ച് ചിന്തിച്ചുകൊണ്ട് വിധു ആനി ടീച്ചറുടെ അടുത്തേക്ക് ചെന്നു. വീട്ടുമുറ്റത്ത് അവന്റെ വരവിനായി കാത്തു നിൽക്കുകയാണ് ആനി.
” എന്താ ലേറ്റായേ ? ഇത്രയും വൈകിയപ്പോൾ ഞാൻ കരുതി നീ ഇന്ന് വരില്ലെന്ന് ” ആനി പറഞ്ഞു.
” വൈകുന്നേരം വരെ സമയം ഉണ്ടല്ലോ അതുകൊണ്ട് പതിയെ വരാം എന്ന് കരുതി. ” വിധു മറുപടി നൽകി.
ആനി അവനെയും കൊണ്ട് മുറിയിലേക്ക് ചെന്നു. കട്ടിലിൽ ചുരുണ്ട് കൂടി കിടക്കുകയാണ് പാപ്പി. വിധു സംശയത്തോടെ ആനിയെ നോക്കി. അവൾ ഉടനെ പാപ്പിയെ തട്ടി വിളിച്ചു ” ഇച്ചായാ എഴുന്നേൽക്ക് വിധു വന്നു, എനിക്ക് ട്യൂഷൻ എടുക്കാൻ സമയമായി…”
” എനിക്ക് തീരെ വയ്യ ” ക്ഷീണം നടിച്ചുകൊണ്ട് പാപ്പി പറഞ്ഞു.
പാപ്പി കള്ളം പറയുന്നതാണെന്ന് ആനിക്ക് മനസ്സിലായി.
” ഇച്ഛയാ വെറുതെ എന്നോട് കള്ളം പറയാൻ നിൽക്കേണ്ട, ഇച്ചായന് ഒരു പ്രശ്നവും ഇല്ലയെന്ന് എനിക്കറിയാം ”
ആനി തട്ടി വിളിച്ചുകൊണ്ട് പറഞ്ഞു.
ഒടുവിൽ ആനിയുടെ ശല്യം സഹിക്കാൻ വയ്യാതെ പാപ്പി കിടക്കയിൽ നിന്നും എഴുന്നേറ്റു. വിധുവിനെ രൂക്ഷമായി നോക്കി കൊണ്ട് മുറിവിട്ട് പോയി. പാപ്പിയുടെ പെരുമാറ്റം കണ്ട് വിധുവിന് വിഷമം തോന്നി.
” ഇതൊന്നും കണ്ട് നീ വിഷമിക്കണ്ട.”
ആനി അവനെ ആശ്വസിപ്പിച്ചുകൊണ്ട് കസേരയിൽ ഇരുത്തി.
ആനി അവനെ കെമിസ്ട്രി പഠിപ്പിക്കാൻ തുടങ്ങി പക്ഷേ അവൻറെ മുഖത്ത് ഒരു താല്പര്യക്കുറവ് ശ്രദ്ധയിൽപ്പെട്ടു.
” എന്താണ് നിൻറെ മുഖം വല്ലാതെ ഇരിക്കുന്നെ ? ”
ആനി ചോദിച്ചു.
” ഒന്നുമില്ല “
അവൻ മറുപടി നൽകി.
” വിധു… നീ എന്നോട് കള്ളം പറയണ്ട. എന്തോ ഒരു വിഷമം നിന്നെ അലട്ടുന്നുണ്ട്. എന്താണെന്ന് വെച്ചാൽ പറ ” ആനി നിർബന്ധിച്ചു.
” ഞാൻ പറയുന്ന കാര്യം ടീച്ചർക്ക് ചിലപ്പോൾ അത്ര പെട്ടെന്ന് ഉൾക്കൊള്ളാൻ സാധിച്ചെന്ന് വരില്ല, ഞാൻ പറയുന്നത് കേട്ട് എന്നോട് പിണങ്ങരുത് “
അവൻ മുൻകരുതലോടെ.
” നീ വളച്ചു കെട്ടാതെ കാര്യം പറ വിധു.”
ആനി ധൃതി കൂട്ടി.
” പാപ്പിച്ചായനെ ഇങ്ങനെ അവഗണിക്കുന്നത് നിർത്തണം. ഭർത്താവ് ആണെന്നുള്ള പരിഗണന എങ്കിലും കൊടുക്കണം.”
വിധു പറയുന്നത് കേട്ട് ആനി അവനെ ദേഷ്യത്തോടെ നോക്കി.
” എനിക്ക് അയാളെ ഇഷ്ടമല്ലെന്ന് നിനക്ക് അറിയാമല്ലോ പിന്നെന്തിനാ ഇപ്പോൾ ഇങ്ങനെയൊക്കെ പറയുന്നത് ? ” ആനി സംശയത്തോടെ ചോദിച്ചു.
” ഇച്ചായന്റെ ഭാഗത്തുനിന്ന് ചിന്തിച്ചു നോക്കിയാൽ ഞാൻ പറഞ്ഞതിന്റെ അർത്ഥം ടീച്ചർക്ക് മനസ്സിലാകും.”
” നീ എന്താ എന്നെ ഉപദേശിക്കുകയാണോ ? “
ആനി ദേഷ്യത്തോടെ ചോദിച്ചു.
” ഇതൊരു ഉപദേശമായി കണ്ടിട്ടെങ്കിലും ടീച്ചറുടെ പെരുമാറ്റം ഒന്നു മാറ്റണം.”
” എൻറെ വയറ്റിൽ വളരുന്ന കൊച്ചിന്റെ അച്ഛനാ നീ. ആ നിന്റെ വായിൽ നിന്നാ ഈമ്മാതിരി വർത്തമാനം പറയുന്നത്. “
ആനി കലിതുള്ളി കൊണ്ട് പറഞ്ഞു.
” ഇങ്ങനെ എന്റെ നേർക്ക് കലിതുള്ളിയിട്ട് ഒരു കാര്യവുമില്ല. ഞാൻ പറഞ്ഞതിൽ കാര്യമില്ലേയെന്ന് ടീച്ചറൊന്ന് ഇരുന്നു ചിന്തിച്ചാൽ മനസ്സിലാവും. ഞാൻ ടീച്ചറെ സ്നേഹിക്കുന്നതിന്റെ നൂറിരട്ടി ഇച്ചായൻ ടീച്ചറെ സ്നേഹിക്കുന്നുണ്ട് അതിന്റെ ഉത്തരമാണ് ഇത്രയൊക്കെ ചെയ്തിട്ടും ഞാൻ ഇന്നിവിടെ ഇരിക്കുന്നത്തിന്റെ കാരണം. ടീച്ചറുടെ അച്ഛൻ വരുത്തിവച്ച കടങ്ങളൊക്കെ വീട്ടിയത് പിപ്പിച്ചാൻ അല്ലെ. അറ്റ്ലീസ്റ്റ അതിൻറെ നന്ദി എങ്കിലും കാണിക്കണം “
അവൻ പറഞ്ഞതൊക്കെ കേട്ട് ആനിക്ക് ദേഷ്യം സഹിക്കാനായില്ല ” മതി ” അവൾ അവനോട് നിർത്താൻ പറഞ്ഞു. വിധു പിന്നെ ഒരക്ഷരം മിണ്ടിയില്ല.
കുറെ നേരം ഇരുവരും പരസ്പരം ഒന്നും മിണ്ടിയില്ല. വല്ലാത്ത മുഖഭാവത്തോടെ തലതാഴ്ത്തി ഇരിക്കുകയാണ് ആനി.
” ടീച്ചറെ ” അവൻ തൊട്ടു വിളിച്ചു. പക്ഷേ അവൾ കേൾക്കാൻ കൂട്ടാക്കിയില്ല. പിന്നെ അവനും ഒന്നും മിണ്ടാൻ പോയില്ല. കുറേ നേരം ഇരുവരും പരസ്പരം ഒന്നും മിണ്ടിയില്ല. തല താഴ്ത്തി ഇരിക്കുകയാണ് വിധു. ആനി അവനെ നോക്കി, പതിയെ ചോദിച്ചു ” ഇത്രയും കാലം ഇല്ലാത്ത ചിന്ത ഇപ്പോ നിനക്ക് എവിടെ നിന്ന് വന്നു ? ”