🐝🐝തേനമൃതം – 2🐝🐝 1അടിപൊളി  

“പോട്ടേ മിസ്സേ?”

അവൾ കണ്ണുനിറച്ചവനെ നോക്കി.

“ഹ! എന്തായിത് സമീറക്കൊച്ചേ. കരഞ്ഞോണ്ടാണോ എന്നെ യാത്രയാക്കുന്നത്? കണ്ണുതുടച്ചേ..എന്നിട്ടൊന്ന് ചിരിച്ചേ എൻ്റെ മൊഞ്ചത്തി.”

ഇതും പറഞ്ഞവൻ അവളുടെ കണ്ണുകളിലും കവിളിലും ചുംബിച്ച് അവളോട് യാത്ര ചോദിച്ചു. സമീറ ചിരിച്ചുകൊണ്ട് അവനെ യാത്രയാക്കി.

***

(ബാക്കി കഥ വിനു പറയും)

ഞാനങ്ങനെ മിസ്സിനോട് യാത്ര പറഞ്ഞ് പുറത്തിറങ്ങി. വണ്ടി കുറച്ചുദൂരം ഓടിക്കഴിഞ്ഞപ്പൊ ഫോൺ ബെല്ലടിക്കുന്നത് കേട്ട് വണ്ടി ഒതുക്കിനിർത്തി കാൾ എടുത്തു. സുധിയാണ്.

“എവിടാരുന്നു മൈരേ..നിന്നെ ഞാൻ എത്ര വട്ടം വിളിച്ചു. നിനക്കാ ഫോണൊന്നെടുത്തൂടെ?”

“എല്ലാം പറയാം അളിയാ..നിനക്കൊന്നിവിടം വരെ വരാൻ പറ്റുവോ?”

“പിന്നെന്താ..വീട്ടിലാണോ നീയിപ്പോ?”

“അല്ലെടാ. ഞാൻ കാവേരി ബാറിലുണ്ട്. ഇങ്ങോട്ട് വാ..”

“ആ ബെസ്റ്റ്!😂 ദാ വരുന്നു.”

“😬😁” ഞാൻ വേഗം കാവേരി ബാർ ലക്ഷ്യമാക്കി വിട്ടു. ഇവിടുത്തെ പ്രശസ്തമായ കാവേരി ഇന്റർനാഷണൽ എന്ന പഞ്ചനക്ഷത്ര ഹോട്ടലിലെ ബാറാണത്. ഇത് ലച്ചുവിൻ്റെ കമ്പനിയാണ് ഇപ്പൊ മാനേജ് ചെയ്യുന്നത്.

ലച്ചു ബിസിനസ്സിൽനിന്നൊക്കെ നല്ല പ്രായത്തിലേ വിരമിച്ചതാണ്. ഇപ്പൊ മകളാണിതൊക്കെ നോക്കിനടത്തുന്നത്. എന്നാലും കാവേരി എന്ന് എങ്ങനെ പെരുവന്നെന്നു ഞാൻ ആലോചിച്ചു.

ലച്ചുവിൻ്റെ കമ്പനിയുടെ പേര് RK ഗ്രൂപ്പ് ഓഫ് കമ്പനീസ് എന്നാണ്. ആ😒 എന്തേലുമാവട്ടെ, ഞാനങ്ങനെ സുധിയെ തപ്പി അകത്തുകയറി.

ചുറ്റും നോക്കിയപ്പോ അവൻ അവിടൊരു ഒഴിഞ്ഞ ടേബിളിൽ ഇരിക്കുന്നു. അതേ ടേബിളിൽ അവനെതിരായി ഞാനിരുന്നു.

“എന്താടാ പെട്ടെന്ന് കാണണമെന്ന് പറഞ്ഞത്?”

“എടാ അത്…നമ്മക്ക് രണ്ടു ബിയർ പറയാം..അത് അടിച്ചോണ്ട് സംസാരിക്കാം.”

ഞാൻ തലയാട്ടി. അവൻ അപ്പോതന്നെ നാല് ബിയർ പറഞ്ഞു. പൊന്മാൻ ആണ് ബ്രാൻഡ്. സാധനം എത്തിയപ്പോ ഞാൻ പൊട്ടിച്ച് ഗ്ലാസ്സിലേക്കൊഴിച്ചു. പകുതി ആയപ്പോ അവനെന്നെ തടഞ്ഞു.

“എന്താടാ?”

“ദേ ഇതൂടെ ഒഴിക്ക്.”

ഞാനവൻ്റെ കയ്യിലേക്ക് സൂക്ഷിച്ച് നോക്കി. ഒരു ബക്കാർഡി ലിമോൺ ഫുൾ അവൻ്റെ കയ്യിലിരുന്ന് തിളങ്ങുന്നു. ഞാനത് തട്ടിപ്പറിച്ചെടുത്തു.

“ഇങ്ങോട്ടെട് മൈരേ..ഇത് വച്ചിട്ടാണോ നീ ബിയർ ഓർഡർ ചെയ്തത്?”

ഞാനത് ഞങ്ങളുടെ രണ്ടുപേരുടെയും ഗ്ലാസ്സിലേക്ക് പകർന്ന് ഒന്നവനും കൊടുത്ത് ഞാനും അടിച്ചു.

“ഇനി വേഗം പറ.. എന്താ പ്രശ്നം?”

“പ്രശ്നമൊന്നുമില്ലെടാ..പിന്നെ ലവളില്ലേ, ആൻമേരി…അവൾ ഇന്നെന്നെ വിളിച്ചെടാ. രാവിലെ മുതൽ ഞങ്ങൾ ഒന്നിച്ചായിരുന്നു. വൈകിട്ടായപ്പോ അവൾക്കെന്നെ ഇഷ്ടമാണെന്ന് പറഞ്ഞളിയാ. എനിക്കും അവളെ ഇഷ്ടമാണ്. പിന്നെ അവൾ ബാക്കി എല്ലാ പരിപാടിയും എൻ്റെ മുന്നിൽ
വച്ചാ വിളിച്ച് അവസാനിപ്പിച്ചത്. നിൻ്റെ കൂടെ സമ്മതം ഉണ്ടെങ്കിലേ ഞാനവളോട് യെസ് പറയു.. നോ എന്ന് പറയല്ലേടാ..”

ഞാൻ കുറച്ചുനേരം അവൻ പറഞ്ഞതൊക്കെ കൂട്ടിയും കിഴിച്ചും ആലോചിച്ചു. ഒരു ലാർജ് ബക്കാർഡി നീറ്റ് അടിച്ച് ഒടുവിൽ അവനൊരു മറുപടി കൊടുക്കാൻ ഞാൻ തയാറായി.

“അളിയാ…ഇതിലിപ്പോ എൻ്റെ അഭിപ്രായത്തിന് യാതൊരു പ്രസക്തിയുമില്ല. ഇത് നിൻ്റെ ലൈഫ് ആണ്. സോ ഒരു ഇൻഡിപെൻഡന്റ് തീരുമാനം നീ തന്നെ എടുക്കണം. പിന്നെ നീ അവളെ കെട്ടുന്നതിൽ എനിക്ക് എതിർപ്പൊന്നുമില്ല. നിങ്ങൾ തമ്മിൽ ഭാവിയിൽ ഒത്തുപോവുമെങ്കിൽ ഒരു പ്രശ്നോം ഇല്ല. പിന്നെ അവളുടെ കാര്യം. ഒരു പെണ്ണിൻ്റെ മേന്മ കാലിൻ്റെ ഇടയിൽ അല്ല എന്നാണ് ഞാൻ വിശ്വസിക്കുന്നത്. അവളുടെ പാസ്റ്റ് നിനക്കൊരു പ്രശ്നം അല്ലെങ്കിൽ പിന്നൊന്നും നോക്കാനില്ല. പിന്നെ അന്ന് നമ്മൾ മൂന്നുപേരുംകൂടിയുള്ളത് ഒരു പ്രശ്നമാകുവോ. ഞാനതപ്പഴേ മറന്നുകഴിഞ്ഞു. നിനക്കവളെ ഇഷ്ടമാണെങ്കിൽ ഇനി അവൾ നിൻ്റെ പെണ്ണാ.”

“താങ്ക്സ് അളിയാ. ഞാനെടുത്ത തീരുമാനം തെറ്റല്ലന്ന് മനസ്സിലായി. എനിക്കിതിപ്പോ തന്നെ അവളെ അറിയിക്കണം…മുത്തേ ഉമ്മ…”

“ഡേയ് ഡേയ്…ഓവറാക്കി ചളമാക്കല്ലേ.”

ഞങ്ങൾ രണ്ടും ചിരിച്ചു. വിശേഷങ്ങൾ പറഞ്ഞിരുന്ന് മുഴുവനും അടിച്ചു തീർത്താണ് ഞങ്ങൾ വീട്ടിലേക്ക് പോയത്.